بروفايلك حاطُه بيضحك ليه لما انت بقالك فترة حزين !
انت بتكدب كده على نفسك قبل ماتكدب ع البني ادمين .

برغم البعد
مشتاقلك
برغم الوقت والمسافات ..
كتبت جواب
يروح عندك لحد الباب .
برغم إنك بتستني ،
وحشاني من هناك إنتي
برغم ان إنتي وحشاني
يعدي العمر من غيرك
وبرغم إنك بعيد عني .
ضروري اقول من عندي
برغم اليل علينا يطول ..
وحشاني الف باب مقفول ،
يطول الوقت علينا بعااد
بحبك
من بلااد لبلاد
ومن ابعاد كتير تانية !
بحبك
كل كام ثانية ،
هقولك اني وحداني ،
وبرغم ان انتي وحشاني ..
بحبك
مرة من تاني ..

عايش كأني تكملة لشريط قديم ..

خلينا صحاب
شايفاك انسان طيب حسّاس
راجل ورقيق
تنفع كصديق ، لكن كحبيب ؟ عمري مافكرت
تستاهل أحسن مني كتير
والله ياواد لاهجيبهالك
عاوزين بقا نفرح بعيالك
وبحبك جداً صدقني وجوايا حاجات
بس احنا اخوات
سِكتِتْ وسكِتت
مشيّت ووقِفتْ
وكإن الدنيا بتتحول اسود بهتان
لون أنا مش عارفه لحد الآن
وكإن فيه خيط مزيكا حزين
طالع من مطرح وقفِتْها
هل حبيتها ؟ أم ان الأمر بحاله سراب
قولتلها : انا رافض نبقى صحاب
ياتكوني معايا يامتكونيليش
سِكتِتْ لحظة .. علشان كانت هي ملاحظة
ان انا مكسور وبهددها
مدت إيدها مسكت ايدي
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب
والصعب حبيبتك تتعاطف علشان تواسيك
فأخدت قرار اني انساها
من يومها وانا بدونها معاها
براقبها بعين عيّل محروم
وباقول ما اطلبش باكلمها
وبفكّر هي بتعرف مين
ضحكتها لمين
وباموت لو كانت بصاله
أصبحنا لاننفع متصاحبين ولا عُدنا صحاب
وبقينا برغم اللي مابيننا
شخصين أغراب

تسعين في المية من الأشخاص المكتئبين
بيحسّوا حنين لقلوب بتحِّن لناس غيرهم
الواحد ضيّع وقت كبير مع ناس مش شاغل تفكيرهم
هذا التفكير الغير صحيّ
هو المتسبب في القهوة
ف

من غير ماتسأل فين وامتى .. أو تقول ازاي وليه
" اللي سابك وقت حزنك ، اوعى تحزن يوم عليه "

لكن مهما هشوف وهطوف .. ومهما قابلت ناس وظروف
هتبقي لوحدك القشة اللي جات علشان تنجيني ...
وحشتيني 💔

المرة دي بالذات
حاسس كإني بتولد تاني
بلمس بإيدي أول الآشياء
باتعلم الأسماء
بانسى اللي شوفته ف الزمان الصعب
ضيعت عمري قبل ما اقابلك
بصي ف عنيا وانتي هتحسي أنا شفت ايه ف الدنيا دي قبلك
أنا كنت مش بلاقيكي
أنا كنت بهربلك
تلاتين سنة عطشان وماليش سبيل للميّ
شباك قديم مقفول ماصاحبش خيط الضيّ
أنا كنت رايح فين بدون كفك
وكنت من غيرك مستني إيه م الجيّ
عجزت بدري يا حلوة وقابلتك
لو ليكي رغبة تحبي شاب عجوز
محجوز ف عمره اللي انسرق منه
مخنوق بحبل العالم السُري
ومخبي وحده العالم السري
ومسمّي قلقه المنطقة الدافية
كان ماشي يضحك بس بالعافيه
أول ما بنتي يابنتي فتشتيه
خرجتى منه ضحكته الصافيه
وكإنه نايم زي مصري قديم ف مقابلة السياح
طائر بقاله كام سنة ع الأرض وعنيه بتدمع عند كل جناح
قوليلي انك جاية مش ماشيه
أو ماشية جنبي عشان اكون مرتاح
أنا كل أملي ف الحياة انتي
اتنين ف واحد يعملوا المشهد
أشهد بإني كنت من غيرك
مفتاح يتيم الباب
بيتمسك ساعة دخول الوقت وبعدها يتساب
واحد حضوره غياب
ودنيته تكرار
عابر مابين الماء وبين النار
طيب كإنه أول الأسرار
وحزين كإنه آله بلا نوتة
أمله يشوفك بس مبسوطة
وعنيكي ضحكة شباكين للنور
أمله ف كمان يعرف يقول جملة لناي مكسور
أنا بين هروبي وبين علّو السور
أملى ف انك تبقي علشاني
الله
حاسس كإني
باتولد تاني
كل الل جالك من كلام الناس
اني بلا احساس
واني جناين من بنات سابقه
واني سرقت الأمنيات سرقه
أو اني مجرم حرب أو هارب
ضميري منزوع الظهور ووقتي محفوف بالتجارب
كانت حقيقة وصدقي قولهم
والتمسي عذر لطفل بيحارب
واحد نزف جرحه وماحدش حس بيه
من غير ما حد يحط نفسه مكاني ويجرّب
وانا كلي متباع ايه اللي ممكن اشتريه
لا هسوق مبرر عن جرايم حزن
ولا اقول ملخص ع اللي عايش فيه
نفسه اللي شافك وابتسم عيل
كان شخص تاني قبل ماتقابليه
سامحيني حتى ع اللي كان قبلك
اسف لإني مشيت مادورتش
اخترت وجعي لما ما اختارتش
واديني جيتلك ايدي ممدوده
وحياة مشيئة ربنا فيكي
ماترجعيش الايد دي مردوده
ده انا كل صبري ف الحياة دلوقت
ان انتي موجودة
وكل طلبي ف الحياه تراضيني ع الدنيا
أنا الصايع عديم الاهتمام بالحب
خرجتي مني حد ماعرفهوش
وصحابي مش فاهمين ايه اللي غيرني
انا كنت عادي لا شاري ولا بايع
واهو يعني لا اكسر حد ولا حد يكسرني
لولا شعاع الأم ف عيونك
هو اللي فكرني
بصيت بعيني بصه على قدام
شفتك ف بيتي بتفرشي الأحلام وترتبي التفاصيل
بتسندي لو اميل وبتحضني لو امِّل
عواجيز معاً بيمروا تحت الشمس
وبيمشوا ضله وضل
بيشاركوا بعض السينما والشارع
والأكل والحواديت
طلعت عيونك توأمين عفاريت
خلوا المحارب يتقلب عصفور
طلع الكلام ع الحب مش كدبة
وطلعت ضلمة بتحتمي بالنور
أنا اهو باحبك باعترف وباقول
وانا اهو باريدك واجي ف بريدك
ادفع حياتي مهر وانا مبسوط
يكفيني نظرة ولمسه من ايدك
والشعر كله لا يكفي ولا يوصف
وغنايا كله لا يوفي ولا ينصف
من حب يعمل فعل مش يحلف
وانا أصلي راجل وانتي عارفاني
أنا مُت قبل ألف مرة بجد
واديني جايلك اتولد تاني
#نون

تقابليني ....
كإنك فيلم خمسيني
كإنك وردة في البدلة بيرويها مطر عيني
كإنك أرض
كإني ف حضرتك بابقى ( روائي لا يمَل السرد )
أميل لك بس مابملِّك
اشيلِكْ عمري ما أشيل لِك
واغازلك شعر واغزِل لك
ضفاير شكّي ويقيني
تقابليني

_

وجعك سِلِّم اخره تعافي
بالصدفه لقيت سِمِّك شافي
الصبح قلعت همومي يقين
ملقتش صوابعك ف كتافي 💙🍂

الكادر الأول في الأوضه
والحزن بيتسرسب من فوق
إنسان عريان
قافل على روحه وع الدخان
وعنيه مقفولة ومفتوحة بفعل التفكير
ف ضلوعه فراشه مايعرفهاش
من بنت حَضَنها وماحضنهاش
بينما في الأوضه في ناس أموات
وبفعل الوقت اتقلبوا حاجات
فيه ناس ماتوا اتقلبوا لمرايات
وفيه ناس كرانيش
وحزام ومخده وضلفة شيش
وسجاير وأزايز ميّه
الزووم قرّب منه شوية
طفّى سيجارته ف أقرب ذكرى
ثم اتنهد
وبدوره استسلم للفكره
فاتغطّى ونام

كان ليل خارجي
والمخرج واخد كادر جديد
شارع زحمة
والضوء خافت وكإنه شفايف خانها الروج
كان هو لوحده بيتمشّى مغرّب وحزين
ومعاه أصحابه اللي تمللي بيكملوا عشرين
أصحابه سجايره اللي مابينهم حزن ونيكوتين
يسأل نفسه ف مشهد صامت :
هو أساساً كان مين ساب مين ؟
تطلعله كمنجة بدون أسباب
مزيكا بتشبه للأحداث
كان ماشي ومش حاسس بالناس
بيفكّر ف المشهد كله
هي وهو
أول مرة بيحضنها بجد
ادته بوسة
ماتقولش لحد
أصحابها أزايز بفيونكات
وعنيها بنات
بتحب تبرّق ف المانيكان
و ف ده بالذات
ازاي بتقولي ان انا كداب
انا مش عاوزة نكمل وخلاص
البرد بدونها كإنه رصاص
والليل وياها خيال ومكان
الحزن الساكن فيه كان بان
بينما قطع المخرج بهدوء
على آخر ضوء متسرسب من نور العواميد
ثم اتحوّل
إلي كادر بعيد

داخل كازينو
جرسون ساند علي حيطة رخام
بيتابع واحد قاعد وحدُه ف ترابيزة
بيفكّر ف صحابه الدخان
وبيخلق بنت من الأحزان
ويجيبها عشان تقعد ويّاه
_ أنا لسه بحبك والله يا اللي انتي حياة
تضحكله وهي ف عينها دموع
كان نفسه تقول : خلص الموضوع
وتعود ويّاه كما كانوا زمان
المخرج كان ثبِّت مشهد
لصاحبنا لوحده مع المانيكان
بيفكّر وف إيده سيجارة
وحبيبته
بتخلص ف الدخان.

العشق بعض الحُب ً 💛

الدنيا من غيرگگ ولا شئ يشئ فياا 💛

هتروح لطبيب هيبص عليك و هيكتب لك ادويه للنوم و اسيبك تمشي و هتفضل برده ما بتنامش وهيفضل جسمك بيعاندك كل الموضوع انك عندك متلازمه حب اللي محبكش انت معندكش سبب عضوي يمنع عينك تقفل لساعات ً

انا لسه بحالتي وكلي ايمان ان انا استاهل بنت حلال
الفرق اللي ما بينا لا يمكن يتصلح ولا يمكن يتقال
روحتي علي عيال تعملي صاحبه
وانا املي فـ صاحبه وام عيال 🖤

ونقطة ضعفي هي انتي. ❤️

اللي بيحبك مرايتك
انت غايته وهو غايتك
يبقي حتة من حكايتك

انا نسخة طبق الأصل
من طفل شبهي كتير
قاعد ف اخر الفصل
بيرازي ف المسامير
وبيعشق التغذية
وبيكره الطوابير
ومكدّر المدرسة
بشقاوته طول اليوم
شايفه هناك لسه
بيجيب معاه الدوم
ويجيب خلول مالح
وبيرتبك م العوم
عيل مايشبهنيش
الا ف بعض حاجات
ف الاسم والنشأة
والسيرة والحكايات
لكن براءته خلاص
مابقتش زي زمان
بقى شخص متدرّب
على عالم الانسان
بيبص اخر اليوم
على صورته ف الالبوم
فيقفله ويقوم
وكإنه صحي م النوم وجه معاد الشيفت
يا أبلة الهندسة
عندي سؤال واتنسى
"فيه معطيات طيبة بتجيب نتايج زفت ؟ "

لما كان البحر أزرق
والنجوم لسه ف مكانها
وطيور بتحلم فوق الشجر كل يوم
لما كان ممكن أصدق
إن السعادة كلمة واحدة
ما كنتش أقدر أقرا ما بين السطور
الحنين
كان ليا جارة في بيت قديم
معرفش حتى اسمها ولا سنها
ولا اهل ييجوا يسالوني عنها
كانت صباحاً كل يوم
تبني بيوت تشبهلها في زمان مضي💙.

‏لو كانو بيحبوك بجد كان هيوحشهم كلامك .. صوتك .. ضحكتك .. لو بيحبوك كانوا خالفو كبريائهم لو بيحبوك كانو هيحنوا ويرجعوا بس هما والله ماحبوناش 💔✋🏻