السلام عليكم ورحمة الله وبركاته يا أبطال🩵!

ساعات قليلة تفصلكم عن أول جلسة في امتحانات الشهادة السودانية، حابة أقول ليكم إنه ربنا ما حيضيع تعبكم .. توكلوا على الله ومن يتوكل على فهو حسبه ..

ربنا يوفقكم ويسدد خطاكم وييسر أمركم وينور بصيرتكم ويديكم الفي مرادكم ويبعد عنكم الهم والقلق ..
بالتوووفيق دعواتنا معاكم🩵🩵🩵

السلام عليكم ورحمة الله وبركاته يا أبطال، كيف أحوالكم ..
ها طمنونا كيف جاتكم الفيزياء اليوم؟ ان شاء الله واضحة🩵

السلام عليكم ورحمة الله وبركاته يا أعزائي،
ألف حمد وشكر لله على السلامة، فرحنا ليكم شديد بالجد كنتوا دفعة التحدي والحمدلله كان هم على أعتاقكم وإنزاح🥹🩵🩵
ربنا يفرحكم ويسعد قلبكم بالنتيجة بعدين إن شاء الله 🩵🩵.

السلام عليكم ورحمة الله وبركاته يا اعزائي كيف أحوالكم، بتمنى تكونوا بخير وصحة وسعادة🩵

زميلكم عمر من الدفعة 023 جزاه الله خير الجزاء عمل قناة يشرح فيها الرياضيات للطلبة الممتحنين، ممكن تدخلوا وتشوفوها وحتفيدكم بإذن الله🩵🩵.
اضغطوا على جملة "الخبير في الرياضيات" وحتجيكم🩵.

قناة الخبير في الرياضيات.

شباب سلام عليكم ورحمة الله
القناة دي عملتها لكل طالب و طالبة ممتحنين الشهادة السودانية دفعة 24 و 25 و الدفعات الجاية وان شاء الله ربنا يوفقكم ان شاء الله بأعلى النسب و الدرجات فكرة المجموعة دي ان شاء الله انا ح احاول اساعدكم في أفكار الرياضيات المتخصصة و الأساسية لكل الطلاب الممتحنين ان شاء الله حيكون في تكثيف كبير للحصص وح احاول اضغط معاكم عشان تحلصو بدري ان شاء الله بس ساعدونا بالشير واعملوا إضافة لكل زول ممتحن شيرك بنفع غيرك ساعد في الخير لطلاب الشهادة السودانية يلا عايزين حماس شديد عشان نبدأ ليكم بالتسهيلات و التبسيط مادة الرياضيات دي ختو ليها ان شاء الله ال100 في الشهادة وم بعيدة من ربنا واسهل مادة وان شاء الله تحبوها ❤️.
أ. عمر حافـظ

كل عام وأنتم بخير يا أعزائي، مبارك عليكم الشهر الفضيل لا تنسونا من دعواتكم وتصوموا وتفطروا على خير🩵🩵.

https://youtu.be/My7YAo1dGsU?si=zcBvxhlbq_2-3_qa
فيديو قصير لكن مفيد شوفوه🩵

وممكن تسمعوا المقاطع الصوتية دي بالنسبة لنصائح في المذاكرة👇🏻:
الأول
الثاني
الثالث
بالتوفيق ليكم🩵

ومن باب التذكير دخلنا العشر الأواخر من رمضان استغلوها في الدعاء وربنا يوفقكم ويديكم الفي مرادكم ويجبر خاطر ال امتحنوا بنتائج تسرهم وترضيهم🩵🩵

السلام عليكم اعزائي،
عارفة إنه الساعات الجاية دي مليانة قلق، خوف وتوتر .. لكن عاوزة اذكركم انكم مريتوا بأصعب تحديات ممكن تكون مرت على أي دفعة قبلكم، ومع ذلك صبرتوا وثبتوا وواجهتوا كل دا بشجاعة وعزيمة ..
بكرة "بإذن الله" ما حتشوفوا نتيجة الشهادة السودانية بس، كمان حتشوفوا ثمرة صبركم وقوتكم .. ما تنسوا انه كل لحظة تعب كانت خطوة نحو نجاحكم، كل درس حفظتوه كان طوبة تبنوا بيها مستقبلكم.
بكرة "بإذن الله" مهما كانت النتيجة، اتذكروا انه النجاح ما بس بالنسبة والدرجات، والأيام الجاية حتأكد ليكم الحاجة دي؛ الأيام الجاية المنتظراكم، الأبواب الـ حتتفتح ليكم، الفرص والتحديات الجديدة الـ حتمر عليكم ،إن شاء الله.
عاوزة أقول ليكم بس: أني فخووورة بيكم جدًا، فخورة بيكم فردًا فردًا .. إنتوا أبطال رحلتكم، ومهما كانت النتيجة .. فـ دي ما النهاية.🩵🩵🩵🩵.
ربنا يجبر بخاطركم جميعًا ويفرحكم ويحقق ليكم مبتغاكم.

ها حبايبي بشِّروا 🩵🩵!!

"اللهمّ آتِني من الدّرجات أكملها وأفضلها، اللهمّ ارزقني نجاحاً باهراً يُدخل في قلوبنا الفرح والسرور."

أبطال 024 المناضلين، الحمدلله على سلامتكم من أول جلسة في امتحانات الشهادة السودانية، ها طمنونا كيف كان الامتحان؟ إن شاء الله لطيف وحلو🩵🩵.
يلا رفعت الأقلام وجفت الصحف نشوف الـ بعده، بالتوفيق ليكم يا رب🩵.

تجدون كل محتويات القناة في هذه الرسالة، بالتوفيق🩵

كيف كانت الفيزياء اليوم ان شاء الله جاتكم خفيفة وواضحة؟🩵

السلام عليكم ورحمة الله وبركاته يا أبطال🩵!

ساعات قليلة تفصلكم عن أول جلسة في امتحانات الشهادة السودانية، حابة أقول ليكم إنه ربنا ما حيضيع تعبكم .. توكلوا على الله ومن يتوكل على فهو حسبه ..

ربنا يوفقكم ويسدد خطاكم وييسر أمركم وينور بصيرتكم ويديكم الفي مرادكم ويبعد عنكم الهم والقلق ..
بالتوووفيق دعواتنا معاكم🩵🩵🩵

الحمدلله على السلامة اعزائي وحبايبي دفعة 025، ربنا يسعدكم ويجبر خاطركم في النتيجة ويديكم كل الفي مرادكم🩵🩵.