التردد الزواي والزمن الدوري والتردد في حركة البندول البسيط.

إنت كطالب مُمتحن الشهادة السودانية النصائح دي ليك :

- لازم تعوّد نفسك تصحى بدري " للصلاة أولاً وللمذاكرة ثانيًا" .
- ذاكر بطريقة بومودورو " حأشرح طريقتها" .
- قبل مذاكرة الدرس الجديد راجع الدرس القديم .
- أجري ورا الأستاذ .. اركض ورا الأستاذ .. خلي الأستاذ يكره عيشته .
- الفيزياء والرياضيات لازم تحل عليهم كل يوم " وخت مية خط تحت آخر كلمتين" .
- لو نعسان او تعبان" لو شو ما كان يكون" ما تنوم في الحصة .
- وأهم نصيحة : ما تذاكر على حساب القرآن والصلاة..
القرآن سبب في بركة الوقت .. أما الصلاة لو اهملتها عشان تذاكر فصدّقني : شهادتك ما حتنفعك حتى لو جيت الأول على الدفعة.

#آمنة_فيزك 💙.

المذاكرة بطريقة بومودورو :

- لما تجي تذاكر ذاكر لمدة 25 دقيقة " بتركيز! "
- بعدها تاخد بريك 5 دقائق " امشي اشرب موية - اتمشى في الحوش وغيرو .." ، يعني اتحرك عشان تتحرك الدورة الدموية بس ما تزيد عن 5 دقائق!
- تاني أرجع لكتبك وذاكر بتركيز لمدة 25 دقيقة .. وأخد بريك لمدة 5 دقائق
كرر الحركة دي اربع مرات وكدا بتكون ذاكرت لمدة ساعتين يا بطل!
بعد المذاكرة الرابعة لمدة 25 دقيقة تاخد بريك ساعة كاملة اعمل فيها العايز تعمله .. وبعدها ارجع لكتبك تاني :)❤️.

ربي يوفقكم ❤️.
#آمنة_فيزك

مُراجعة تاايم 💗!

لفصل الحركة الدائرية المُنتظمة و فصل الحركة التوافقية البسيطة.

حلوا المسألة دي..
( لما يقولوا ليك جد معادلة كذا.. ماشرط تصل لقيمة معينة وعادي جدًا يكون في المعادلة حاجة مجهولة
أما لو قالوا ليك جد الحاجة الفلانية كان سرعة ولا غيرو وقتها لازم تصل لقيمة معينة
ولو في المسألة جابوا ليك زمن، وفي الحاجة المطلوبة كان في زمن تاني .. زي "ج" وقتها تشتغل بالزمن الموجود في الحاجة المطلوبة).

دا حل المسألة ( في "ب" مفروض يكتبوا معادلة السرعة وليس السرعة فقط لأن قيمة "ن" مجهولة).

دعواتكم 🥺❤️❤️.

مافي مبروكك😂❤️❤️❤️؟؟.

" مُراجعة الحركة الدائرية المنتظمة 💙".

• ما هي الحركة الدائرية المنتظمة؟
جـ/ هي حركة جسم في دائرة أو جزء من الدائرة بحيث يقطع مسافات متساوية في أزمنة متساوية.

• ما هي شروط الحركة الدائرية المنتظمة؟
جـ/ ١) أن يكون نصف قطر المسار الدائري ثابت.
٢) أن يتحرك الجسم بسرعة ثابتة.
٣) وجود قوة جذب مركزية.

• ما هي الزاوية المزاحة ؟ وبمَ تُقاس؟
جـ/ هي الزاوية التي يصنعها الجسم مع مركز الدائرة أثناء حركته على محيط الدائرة.
تُقاس: بالراديان

• ما هو الرادايان؟
جـ /هي الزاوية التي طول قوسها على محيط الدائرة يساوي نصف قطر الدائرة.

• ما هي الإزاحة القوسية؟
جـ/ هي المسافة التي يقطعها الجسم على محيط الدائرة.

• ما هي العلاقة بين طول القوس ونصف القطر والزاوية المزاحة؟
جـ / س = هـ × نق

• ما هو الزمن الدوري؟ ويُرمز له بـ ماذا؟
جـ/ هو الزمن اللازم ليكمل الجسم الذي يدور في دائرة دورة كاملة.
ويُرمز له بالرمز "ز".

• ما هو التردد؟ ويُرمز له بماذا؟
جـ/ هو عدد الدورات في الثانية.
ويُرمز له بالرمز "ذ".


• ذ × ز = ١

• التردد مقلوب الزمن الدوري.

• ما هي وحدة قياس التردد والزمن الدوري؟
جـ/ وحدة قياس التردد : هيرتز - دورة/ث - دورة ×ث ¯¹.
وحدة قياس الزمن الدوري : ث
" ث : ثانية"

• ما هي السرعة الزاوية؟ وما وحدة قياسها؟
جـ/ هي معدل تغير الزاوية المزاحة في الثانية الواحدة.
وحدة قياسها : راديان / ث

• ما هي السرعة المماسية؟ وما وحدة قياسها؟
جـ/ هي معدل تغيّر الإزاحة القوسية بالنسبة للزمن.
وحدة قياسها : م/ث
" م : متر"

• ما هي قوة الجذب المركزية؟ وما وحدة قياسها؟
جـ/ هي القوة التي تشد الجسم أو تربطه مع مركز الدائرة.
وحدة قياسها : نيوتن

• علل : تُرصف الطرق عند المنحنيات بحيث تكون مائلة نحو المركز؟
جـ/ لإمداد الجسم بقوة جذب مركزية تعادل قوة الطرد المركزية.

• ما هو جهاز النابذة؟
جـ / هو جهاز يعمل على فصل المحاليل مختلفة الكثافة.

• ما هي استخدامات جهاز النابذة؟
١) فصل السكر عن المولاص
٢)فصل البلازما عن الدم
٣) فصل الزبده عن اللبن
" التلاتة حاجات دي ركزوا عليها شديد واوعى تلخبطوا تقولوا فصل اللبن عن الزبدة مثلاً.. ركزوا :)".

• ما هي عجلة الجذب المركزية؟ وما وحدة قياسها؟
جـ/ هي معدل تغيّر متجه السرعة المماسية بالنسبة للزمن.
وحدة قياسها : م/ث².

وفقكُم الله 💙.
#آمنة_فيزك