السالب مع السالب بيروح فحتبقى اوميقا تربيع تساوي د/ل *

ومن هذا المنبر يُمكنني القول أن فصل الحركة التوافقية البسيطة تم بحمد الله 😂❤️❤️.

نعمل ريفيو للفصل..

مستوى الاتزان : هو الوضع الطبيعي للمنظومة وهي ساكنة
الازاحة : هي المسافة من مستوى الاتزان اثناء حركة الجسم
الاتساع : هو اقصى إزاحة عن مستوى الاتزان

الحركة التوافقية البسيطة : هي الحركة التي تتناسب فيها العجلة طرديًا مع سالب الإزاحة.

معادلات الحركة التوافقية البسيطة.

التردد الزواي والزمن الدوري والتردد في حركة البندول البسيط.

إنت كطالب مُمتحن الشهادة السودانية النصائح دي ليك :

- لازم تعوّد نفسك تصحى بدري " للصلاة أولاً وللمذاكرة ثانيًا" .
- ذاكر بطريقة بومودورو " حأشرح طريقتها" .
- قبل مذاكرة الدرس الجديد راجع الدرس القديم .
- أجري ورا الأستاذ .. اركض ورا الأستاذ .. خلي الأستاذ يكره عيشته .
- الفيزياء والرياضيات لازم تحل عليهم كل يوم " وخت مية خط تحت آخر كلمتين" .
- لو نعسان او تعبان" لو شو ما كان يكون" ما تنوم في الحصة .
- وأهم نصيحة : ما تذاكر على حساب القرآن والصلاة..
القرآن سبب في بركة الوقت .. أما الصلاة لو اهملتها عشان تذاكر فصدّقني : شهادتك ما حتنفعك حتى لو جيت الأول على الدفعة.

#آمنة_فيزك 💙.

المذاكرة بطريقة بومودورو :

- لما تجي تذاكر ذاكر لمدة 25 دقيقة " بتركيز! "
- بعدها تاخد بريك 5 دقائق " امشي اشرب موية - اتمشى في الحوش وغيرو .." ، يعني اتحرك عشان تتحرك الدورة الدموية بس ما تزيد عن 5 دقائق!
- تاني أرجع لكتبك وذاكر بتركيز لمدة 25 دقيقة .. وأخد بريك لمدة 5 دقائق
كرر الحركة دي اربع مرات وكدا بتكون ذاكرت لمدة ساعتين يا بطل!
بعد المذاكرة الرابعة لمدة 25 دقيقة تاخد بريك ساعة كاملة اعمل فيها العايز تعمله .. وبعدها ارجع لكتبك تاني :)❤️.

ربي يوفقكم ❤️.
#آمنة_فيزك

مُراجعة تاايم 💗!

لفصل الحركة الدائرية المُنتظمة و فصل الحركة التوافقية البسيطة.

حلوا المسألة دي..
( لما يقولوا ليك جد معادلة كذا.. ماشرط تصل لقيمة معينة وعادي جدًا يكون في المعادلة حاجة مجهولة
أما لو قالوا ليك جد الحاجة الفلانية كان سرعة ولا غيرو وقتها لازم تصل لقيمة معينة
ولو في المسألة جابوا ليك زمن، وفي الحاجة المطلوبة كان في زمن تاني .. زي "ج" وقتها تشتغل بالزمن الموجود في الحاجة المطلوبة).