AmlekoTube

#ወንጌል_የሌለው_ትንቢት_ወንጀል_ነው…………
መፅሀፍ ቅዱስ ኤርሚያስ መፅሀፍ ላይ ሲናገር ‹‹ህልም ያለው ነብይ ህልሙን ይናገር፤ ቃልም ያለው ቃሉን ይናገር ገለባ ከስንዴ ምን ህብረት አለው›› ይላል የእግዚአብሔር ቃል ህልሙንና ቃሉን ሲያነፃፅረው ገለባና ስንዴ ብሎ ነው፡፡ ህልም ከቃል ጋር ሲነፃፀር ወይም ትንቢት ከእግዚአብሔር ቃል ጋር ሲነፃፀር ገለባና ስንዴ ነው፡፡ ህይወትን የመስራት አቅም ያለው ስንዴው ነው፡፡ ገለባው አይጠቅምም አይደለም ስንዴው እስኪመጣ ጠቅሟል፡፡ ስንዴው ከመጣ በኋላ ግን ገለባውን የምትሰበስብብበት ምክንያት የለም፡፡ ይሄ ግልፅ ነገር ነው፡፡ በፍፁም የክርስትና ህይወት በትንቢት ሊመሰረት አይችልም፡፡ አንድ ቤት ቤት ሆኖ ሚቆመው በኳርትዙ አይደለም፣ በቀለሙ አይደለም፣ ቤት ሆኖ ሚቆመው በብረት፣ በሲሚንቶ፣ በኮንክሪት ነው፡፡ ግን ቤቱ
በሲሚንቶና በብረት ተሰርቶ ሲያበቃ ሲሚንቶ ከለር፣ አፈር ከለር ሲሆን ደስ አይልም፡፡ ስለዚህ ለውበቱ ቀለም ትቀባዋለህ፡፡ አንድም አማኝ አማኝ ሆኖ፣ መንፈሳዊ ቤት ሆኖ የእግዚአብሔር መቅደስ ሆኖ የሚሰራው በእግዚአብሔር ቃል ብቻ ነው፡፡ ይሄንን ተሰርቶ ሲያበቃ በህይወቱ እንዳያዝን፣ እንዲፅናና፣ እንዲበረታ፣ ሰውየው ሻይን እንዲያደርግ፣ እግዚአብሔር ያየያል፣ ይሰማኛል እንዲል የትንቢት ድምፅ ይመጣለታል እንጅ ትንቢት በአማኝ ህይወት ዋና ነገር አይደለም፡፡ በእግዚአብሔር ቃል ላይ መመስረት ግድ ነው፡፡ ብዙ ሰው በትንቢት ተጎድቷል ይህ የአደባባይ ሚስጥር ነው፡፡ ህይወቱን በእግዚአብሔር ቃል ላይ ሳይሆን በትንቢት ላይ የመሰረተ ሰው በየትኛውም አጋጣሚ ለጉዳት ተጋላጭ የመሆን እድሉ ሰፊ ነው፡፡ በአሁኑ ወቅት ብዙ ሰው ህይወቱን በትንቢት ድምፆች ላይ ነው እየመሰረተ ያለው፡፡ ነገር ግን በትንቢት ትዳር አይመሰረትም፣ በትንቢትም ትዳር አይፈታም፡፡ በእግዚአብሔር ቃል ያልተፈወሰ ትዳር በትንቢት አይፈወስም፡፡ አንድ ማወቅ ያለብን ነገር ደግሞ ትንቢት ሲያስፈልግ እንጅ ስንፈልግ አይመጣም። ብዙ ሰዎች በትንቢት በደንብ ነው የተጎዱት፣ ትዳር እየፈረሰ ያለበት፣ ሰዎች ከእግዚአብሔር ቤት እየሸሹ ያለበት፣ ቢዝነስ እየቆመ ያለበት ሁኔታ ነው ያለውና ለዚህ ደግሞ መፍትሄው የሚመስለኝና ያገሬ ልጆች እንዲያስቡት የምፈልገው ‹‹ፍሬን የበጠሰ መኪና መቆሙ እንጂ መሄዱ አይፈለግም››፡፡ በዚህ አቅጣጫ ቆም ብለን ልናስብባቸው የሚገቡ ነገሮች በየጓዳችን ፣በየቸርቻችን አሉና ቆም ብለን ማሰብ አለብን፡፡
ነብይ ዮናታን አክሊሉ
➤➤➤http://www.amlekotube.com/watch.php?vid=565330568

387 views07:35