مدنگ من تمر ما بيك ترفع هام
انه الكاسر عيونك حقك تدنگ


آمنة العبادي

بعد ابين عيني كحله ماخليك
تعمي العين لمن تفسد الكحلة


آمنة العبادي

مرات الفراگ يجيب راحة بال
وترد حتى الوجوه شكثر تحله !


آمنة العبادي

عن لسان حال الامام الحسن (عليه السلام ) وهو يشكو حالهُِ بفقد امهِ الزهراء (عليها السلام) فيقول:



يروحي بهل مسه ياهو اليعينج
ثگل وني وبده يشتد حنينج
عسه گصرن ولا طالن سنينج
وينج عالمصايب هسه وينج

—
اعز من روحي امي وتمشي تريد
وعلى ونّها اون وعلتي تزيد
هوَ المكسور ضلعه بيا دوه يهيد
ييمه انطيج ضلعي انچانه يفيد
——

من اشوف عيونج اعله الباب تندار
مثل دارج تشب بگلبي النار
عمت عيني اعله ضلعج صابة بسمار
نعيش شلون بعدچ والله محتار

—-
يگبل الروح انتي ويا ضوة العين
اجت زينب ييمه وهذا الحسين
حاجينه دخيلج لا تسكتين
اشو جنج بالموادع تعجلين

——
وبعيونج على زينب تصدين
واعله صدر حسين شلتي ايدج تأشرين
انه ادري شعندج وبيها توصين
صار گبالج الطف وگمتي تبجين

—————————————————————-
الشاعرة آمنة العبادي
—————————————————————

ثمَّ لا شيئ … !

ليتَ شِعري..
هل للضجيجِ غيرَ قلبي مَسكنٌ، وتأمنُ الأضلاعُ ممّا تحمي؟

تعبني السهر من حيلي ماخذ حيل
واعاند عيني ما اغمضها وتنام
اخافن لو نمت يجرحني طيفك سيف
ويا ابرة التخيط جرح الاحلام

!!

مدري وين تريد بية
روحي ما تقنع خطية
ما تصدگ من اگولن هايه نار
ألا امدن بيها ادية !