عن لسان حال السيدة زينب ع في يوم العاشر واذا هيَّ تندب اخاها الحسن المجتبى ع ،


تگله :

وينك يالحسن كوم الحگ حسين
بلا ناصر تراه بوليه البين
**

كوم الحگ يخونه وافزعلنه
اعل تربان هل طايح ذخرنه
ثيابه مسلبه وخياله اجنّه
وينادي يعالم هل من معين
**

مجفي اعله الوجه بالحومه تلگاه
افزعله يخويه وبيّد اعداه
واعله الرمل ريت تمدد وياه
بلكي يهود ويسكن هل ونين
**

وجربه ماي اخذ وياك واسگيه
لاجن لا تشبگه خاف تاذيه
انه ماظن يخي سالم ضلع بي
على ابن امي عساها تعمه هالعين
**
تگله :


ضامي حسين اخذله وياك ،، جربه
يناطر وبعدوه السيف ،، جربه
من توصله حلگك حيل ،، جربه
لذانه وسولف اعله الصار بيه .
——————————

الشاعرة : امنة العبادي

ارسل تحية
لابو الحمية
انه السبية
بت علي عقيلة هاشم

يا والدي زينب انه وجل احترامي
من طفهم وارض السبي ابعث سلامي
مولاي من بعد التحيه ابدي بكلامي
ضليت بويه بلا اخو وبلا محامي

المصيبه كلها
يصعب حملها
بس انه الها
بت علي عقيلة هاشم

—————-

بسوطه الشمر راد شكثر بويه يذلني
كل ظنه اضعف وانتحب لو يرمي متني
لاجن انه گبالي برمح راس الكفلني
يعني أَظلّن انه اميره شما اسرني

ماانذل اني
بهيبه خواني
اذكره النساني
بت علي عقيله هاشم

————————

بديوانهم لمّه وگفت ذليت اصلهم
ونار الخيم كلها درتها انه بگلبهم
والمن يرد هذا نسبهم ذكرتهم
وبچلمه مني اهدم عليهم قصرهم

سهله عليه
وحق الزجيه
ذليت اميه
بت علي عقيله هاشم
————————

ثكلات لاجن للضلم كتبن نهاية
زلزال يصدع بالقصر صوت السبايا
قُربان منّه كل نحر نال المنايا
والدين مايكمل بلا ذبح النباية

كل اليهمنه
يقبلها منّه
هذا نصرنه
بت علي عقيلة هاشم

——————————
الشاعرة آمنة العبادي
—————————-

ترا اكبر صراع تعيشه وي العين
من دمعك يهد بس جفنك تسده


آمنة العبادي

لچن ما جاستك ذيج المراسيل
حبرها دموعي جانت ويه رجفه


آمنة العبادي

مدنگ من تمر ما بيك ترفع هام
انه الكاسر عيونك حقك تدنگ


آمنة العبادي

بعد ابين عيني كحله ماخليك
تعمي العين لمن تفسد الكحلة


آمنة العبادي

مرات الفراگ يجيب راحة بال
وترد حتى الوجوه شكثر تحله !


آمنة العبادي

عن لسان حال الامام الحسن (عليه السلام ) وهو يشكو حالهُِ بفقد امهِ الزهراء (عليها السلام) فيقول:



يروحي بهل مسه ياهو اليعينج
ثگل وني وبده يشتد حنينج
عسه گصرن ولا طالن سنينج
وينج عالمصايب هسه وينج

—
اعز من روحي امي وتمشي تريد
وعلى ونّها اون وعلتي تزيد
هوَ المكسور ضلعه بيا دوه يهيد
ييمه انطيج ضلعي انچانه يفيد
——

من اشوف عيونج اعله الباب تندار
مثل دارج تشب بگلبي النار
عمت عيني اعله ضلعج صابة بسمار
نعيش شلون بعدچ والله محتار

—-
يگبل الروح انتي ويا ضوة العين
اجت زينب ييمه وهذا الحسين
حاجينه دخيلج لا تسكتين
اشو جنج بالموادع تعجلين

——
وبعيونج على زينب تصدين
واعله صدر حسين شلتي ايدج تأشرين
انه ادري شعندج وبيها توصين
صار گبالج الطف وگمتي تبجين

—————————————————————-
الشاعرة آمنة العبادي
—————————————————————