تجدون القصيده في ديوان مسلوب العمامه الجزء السادس عشر خاص للزهراء ع وام البنين ع

تجدون القصيده في ديوان مسلوب العمامه الجزء السادس عشر خاص للزهراء ع وام البنين ع

تجدون القصيده في ديوان مسلوب العمامه الجزء السادس عشر خاص للزهراء ع وام البنين ع

تجدون القصيده في ديوان مسلوب العمامه الجزء السادس عشر خاص للزهراء ع وام البنين ع

لطمية نخوه لأم البنين عليها السلام ((يالعندك كلافه))


يالعندك كلافه ... اتحيرت بيهه
انصحك روح لم عباس تگضيهه


يالعندك كلافه وحاير بحلهه
غير ام البنين ولايسهلهه
عليچ بداعت العطشان بس گلهه
(( وحسين شگد غالي اعليهه ))


غالي حسين لو سمعت بطاريه
احسب حاجتك خلصت ومگضيه
هاي البالشدايد دوم منخيه
(( توگف بالشده امجربيهه ))


بالشدات تحضر جربيناها
يرد فرحان گلبه الراح ينخاها
هاي ام البنين اموصف ادواها
(( وابساع العله تشافيهه ))


بس عدهه الدوه ام عباس دكتوره
الهه شگد سفر ونذور منذور
حگهه من تون وتنوح معذوره
(( وافراگ الشالو گاضيهه ))


افراگ الحملو چتال مامثله
صوب عينهه وبفادهه شخله
تشوف البيت ظلمه اتصيح وين اهله
(( ماواحد ضل يحاچيهه ))


ماضل لاسبع لاحيد لانشمي
كلمن عالتراب اموذر ومرمي
يالمهموم ناديهه كثر همي
(( واهموم الثگلت شيليهه ))


ياشيالت الهم صيح ياحره
اليوم اليوم من عندچ ردت نضره
وكل مكسور خاطر فاطمه اتجبره
(( والميله بچفهه تساويهه ))



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


https://t.me/amhejran12345

هوسات لوفاة ام البنين عليها السلام


ياهو الشال تابوتچ عله امتونه
واهل الزود كلمن نايم بكونه
چا شحچي شگول اعليچ ممنونه
(( وامضيعه حسين وتردينه ))


حسين اليوم يم عباس رايدته
يغطي اجنازتچ ويروح بالزته
والله لو عدل چا ماسكت سكته
(( وحسين يشيلچ بعيونه ))


والله لو عدل چا شالچ بعينه
حنين وماكو احن من گلب ابو سكينه
لاچن سحكته اهل الخيل تدرينه
(( مكسور الحافر بضلوعه ))


چم حافر بحافر طاحن بصدره
ابو السجاد راسه انعزل عن نحره
منچ يعتذر يالطاهره الحره
(( واليوم يريد تعذرينه ))


منچ يالحنينه اليوم يتعذر
مايگدر يشيل النعش مايگدر
ضلوعه امطشرات حسين وموذر
(( سهمين بگلبه امصوبينه ))


توذر بالسهم وانمرد دلاله
هاذه حسين وضعه ومو سهل حاله
عين اتصد عليچ وعين العياله
(( ويفكر بيچ تعرفينه ))



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


https://t.me/amhejran12345

سيصدر قريبا ان شاء الله ديوان غريبون الديار الجزء الاول خاص للفواتح لشاعرة اهل البيت ام غصون العمارچيه

سيصدر قريبا ان شاء الله ديوان معاني الحزن الجزء الثامن خاص للفواتح لشاعرة اهل البيت ام هجران العمارچية

*قصيدة ثكيلة لام البنين (ما اجوني)*من ديوان دموع وعبرة في رثاء العترة ج٣
*(لحن قصيدة والله حيره للرادود محمد الدفاعي كلماتي ايضًا)*
❥━──➸➽❥❂❥━──➸➽❥❂
ما اجوني ... أولادي ساعات المنيه
ما اجوني ... وحدي ما عندي بنيه
بگيت اون ونايحه / ياهو ينصب فاتحه
           ما اجوني     ما اجوني
❥━──➸➽❥❂❥━──➸➽❥❂
وحدي ضليت ما عندي حبايب
گلبي يا هالناس من الهضم شايب
والمغسلات اليغسلني غرايب
يا هضم گلبي وعذابه من المصايب
عندي اولاد أربعه /وهاي أكبر فاجعه
             ما اجوني     ما اجوني
❥━──➸➽❥❂❥━──➸➽❥❂
اولاد عندي بس وسف محد حضرني
على فراش الموت اون وزاد حزني
لون عباس الگمر يسمع لوني
ارد اگللة المصايب مرمرني
فراگكم هد الگلب / الهجر ما احملة صعب
           ما اجوني     ما اجوني
❥━──➸➽❥❂❥━──➸➽❥❂
صعب فرگاكم ييمة هدم حيلي
بس افكر وانتحب ما نمت ليلي
فگد ويلادي سهم صوب دليلي
بأخر أنفاسي ردت زينب تجيلي
تغمض عيوني وتون / وتنحب اعليه بحزن
       ما اجوني        ما اجوني
❥━──➸➽❥❂❥━──➸➽❥❂
ضيعت كل الأودهم يا زماني
وحدي ضليت أناطرهم وأعاني
بصوت اصيحن لو يردولي ثواني
والله من بعدو عليه الهم گضاني
گضت روحي من القهر / بيه حسرة جن الجمر
       ما أجوني     ما اجوني
❥━──➸➽❥❂❥━──➸➽❥❂
من يموت انسان تحضر يمه الاحباب
يغمضولة عيونة ويهيلون التراب
وانة ذيچ الوالده العدهه اربع اشباب
بس حسافة الدهر ما خلالي الاطياب
مني راحو من وكت / وانه دمعاتي تكت
             ما اجوني         ما اجوني
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
https://t.me/mariamalnoor1988

لطمية لأم البنين عليها السلام ((اخذنه الموت))


اخذنه الموت ... منچ ماتبرينه
بطلي اعتاب يايمه واعذرينه


بطل اعتاب تدرين العتب بلوه
ماعفناچ اخذنه الموت بالگوه
تحنين الهذيچ ايامنه الحلوه
حته المن صخر گلبه تبچينه
اخذنه الموت ... منچ ماتبرينه


تبچين الصخر والحجر من تنعين
وين الاربعه تصيحين وين حسين
واحنه بكربله منچ خذانه البين
ضحايه امگطعين الروس ضلينه
اخذنه الموت ... منچ ماتبرينه


ضلينه جنايز روس ماعدنه
من ايدچ ييمه الموت فرهدنه
واعتابچ الم واجروح زودنه
لو عدلين نتعناچ تدرينه
اخذنه الموت ... منچ ماتبرينه


لو عدلين چا شلناچ فوگ الروس
نسويلچ عراضه وچادر وناموس
بس شبيدنه العسكر علينه ايدوس
عشر اخيول تركض داست اعلينه
اخذنه الموت ... منچ ماتبرينه


عشر اخيول اجتنه وتركض العشره
ذاك حسين چم حافر بنص صدره
مو بس هاي شالو عالرمح نحره
راس حسين يتباوع عله سكينه
اخذنه الموت ... منچ ماتبرينه


دم اتسيل عينه من يشتموها
يتيمه الگوم چا بيمن يطلبوها
انشدينه اعله زينب وين ودوها
مشت للشام وايزيد ودواوينه
اخذنه الموت ... منچ ماتبرينه


راحت عالهزل للشام مچتوفه
الچان اخيالهه ماواحد يشوفه
وسفه اتگول اخوي انگطعت اچفوفه
وسفه اتگول صوبهه السهم عينه
اخذنه الموت ... منچ ماتبرينه



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


https://t.me/amhejran12345

لطمية للأمام زين العابدين عليه السلام ( ودي اطروش)


ودي اطروش ... للنايم يندهونه
اجو خطار بالمجلس يريدونه


اجو خطار بالمجلس متانينه
ودي اطروش للوجعان يسكينه
اشلون يعوف محرابه وقرائينه
(( البيت اظلم صار بدونه ))


صار اظلم حزين وموحش امچانه
اشلون البيه حميه ايعوف ديوانه
عنه ابعاد ماشالوه خوانه
(( ويريد اخوانه ايشيلونه ))


راد اهل المحنه برهدنه ايشيلوه
مايدرون عدوانه بحقد سموه
ينازع للصبح من الالم خلوه
(( چا بيمن گولي ايطلبونه ))


سموه العده وزادو مواجيعه
للسجاد الطمو حيل ياشيعه
تهد الحيل ياساعات توديعه
(( بالگوه احبابه ايودعونه ))


گوه ابن الذبيح اتوادعه احبابه
يسعر بالدليل ويفجع امصابه
لحد اخر نفس ويصيح يايابه
(( ماينسه حسين تعرفونه ))


ماناسي الغريب وذبحته ويومه
هاذه العاف خوش ازلام بالحومه
من دمعه اليهل امبلله اهدومه
(( للموت ايهل دمع عيونه ))


للموت العليل وتهمل ادموعه
يذكر والده من داسو اضلوعه
چم شوغه الحملهه بضيم چم لوعه
(( من شاف العباس بكونه ))


شاف الروس شاف امتون مطروحه
كل يوم الزمان يچمل اجروحه
تالي السم گضاه وخلصت روحه
(( مات البالشده ايفزعونه ))



لشاعرة اهل البيت
ام ريام دخيل الركابي


غير مبري الذمه من يمحي اسم الشاعره او يغيره


https://t.me/amhejran12345

لطمية لخادمة الحسين العلوية ام حسام رحمها الله وتغمدها فسيح جناته


كتبچ والقصايد ... وين اوديهه
حزنانه وتون اعليچ عفتيهه
( من گالوا ماتت فجعوني )


حيرانه وشگول اعليچ علويه
الچ ونه بدليلي ونار جمريه
شلچ بالرمل من ضاع طاريه
هيمه المگبره ومالچ عرف بيهه
( اسم الله اعليچ امن الهيمه )


اسم الله اعليچ من نوم الرمل موزين
عمت عين المرض خلاچ ماتقرين
الليله اوياچ حيدر والحسن وحسين
وماتنساچ زينب لو ندبتيهه
( والخادم ذوله يحضرونه )


يحضرون الخدمهم مايتيهونه
للفردوس والكوثر يصعدونه
واسمچ عدهم امسجل يشوفونه
ماينسون كل لطمه اللطمتيهه
( والهوسه بصوتچ محلاها )


حلوه لو وگفتي بمجلس الزهره
تهوسين اعله ابنهه الهشموا صدره
ياشفجه وحنينه امعدله اوقره
محمله وشايله وروحي مردتيهه
( عن دارچ ضليتي ابعيده )


شعندچ شايله وعن دارچ امحمله
چا شوگ الگلب ويامن انفله
اشماله البين ماينطي البشر مهله
ولك يالبين شو ريض وخليهه
( والبين اغبر مايتحاچه )


شماله البين كل يوم ويصوبنه
ابساع ابساع اخذچن ياحبايبنه
گبلچ شالت ام حارث وعافتنه
وفرگاچن سهم والعين يعميهه
( نتعازه اعليچن ضلينه )




لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


https://t.me/amhejran12345

فزاعية لام البنين عليها السلام (( ودعتي ومشه ))


ودعني ومشه المظلوم
وانه جويعده ابابه


اوداع الموت ودعني
وضل الگلب يوجعني
اضن ناوي يضيعني
واشبع ضيم بغيابه


اشبع ضيم من بعده
وحسين النزل سده
گلبي يفور شيبرده
بگلبي النار لهابه


نار البين والفرگه
تچوي الگلب وتحرگه
حزنان النزل حگه
وعيني اتسيل سچابه


عيني اتسيل هماله
عله حسين وعله اعياله
بالطف گعد چتاله
ايريد ايسلب اثيابه


ايريد ايفيض ادمومه
ايريد ايسلب اهدومه
گعدله الشمر بالحومه
اشلون اتحمل امصابه


امصابه اشلون احملنه
كون بروحي ابدلنه
يرد سالم واشوفنه
خذاه البين ماجابه


لشاعرة اهل البيت
ام هجران العمارچيه

ديوان جبل الصبر جزء الثامن

غير مبري الذمه من يمحي الاسم اويغيره اويتلاعب بالقصيده وينسبها لشخص اخر



https://t.me/amhejran12345

لطمية لأم البنين عليها السلام (( مايضل عندك گلب ))


مايضل عندك گلب
من تشوف ام البنين
گاعده بدارك تنادي
ياحبيبي ياحسين


امگابله امچانك الخالي
وحالهه اخلافك صعب
لو شفتهه اشلون تنعه
مايضل عنك گلب
عبره مخنوگه بصدرها
والدمع عالخد يصب
اتگول وديتك بديه
للمنايه وللحرب
وللسيوف والرماح
وللظلم والظالمين


اشلون وديتك بديه
للسيوف وللرماح
لاتضن گلبي بغيابك
يستقر لو يستراح
من شفت ضعنك جزاني
حيلي وي الضعن راح
عيني مشبوحه اعله دربك
كل مسيه وكل صباح
بلكت يردك زماني
وجرحي يضمد يالحنين


بلكت يردك زماني
من ترد جرحي يطيب
ودعتني ومن وداعك
يبني صار بگلبي شيب
انته بس انته حبيبي
ولابعد غيرك حبيب
بيك افكر خاف بالطف
باچر اتصبح غريب
من عگب ذيچ النشامه
لانصير ولامعين


اشلون لو ضليت وحدك
لامعين ولانصير
چني يامظلوم اشوفك
عينك الزينب تدير
ايعينهه الله من تگلهه
گومي لوداعي الاخير
الدهر لارحمه عنده
ولامروه ولاضمير
للهضم خلاني بعدك
والمناحه والونين


للمناحه والونين
والمصايب والقهر
ماانام الليل كله
هيچ خلاني الدهر
من سمعت الناعي ينعه
هيست ضهري انكسر
صحت وين حسين گلي
وگال ماعنده نحر
وهاي زينب وابن اخوها
امس سووله اربعين


هاي زينب وابن اخوها
چانوا ابين اللحود
من السلاسل والسياط
امتونهه وامتونه سود
حسين بالحومه توذر
لاتنطرينه يعود
والبطل عباس عالشط
راسه مطبور بعمود
لاعلم لاعين عنده
لايسار ولايمين


لشاعرة اهل البيت
ام هجران العمارچيه

غير مبري الذمه من يمحي الاسم اويغيره ويتلاعب بالقصيده وينسبها لشخص اخر


https://t.me/amhejran12345

ندبة لأم البنين عليها السلام (( ناخيه ام عباس ))


ناخيه ام عباس واترجاها
تشفي كل وجعان من ادواها


ناخيه ام عباس تنطينه الدوه
عدنه مرضه وضايگ اعليهه الهوه
واگفين ابابهه انحشم سوه
وبالغريب حسين حلفناها


نقسم اعليهه بمصابه وغربته
هاذه ابو السجاد هيه الربته
انريد كل وجعان يشفي وجعته
والعليل اتعالجه بيمناها


انريدهه بچفهه اليمين اتعالجه
ابابهه اموگفين نترجه رجه
دارن اعلينه النوايب والشجه
والهضايم حيل مليناها


والله ملينه النوايب والهضم
بالگلب باتن اوصلن للعظم
خلصينه اعمارنه نوح ولطم
ماتت الفرحه ولاشفناها


بس حزن بعمارنه ومات الفرح
وكل گلب مجروح بالمية جرح
والزمان امسلح اعلينه سلح
مارحم برواحنه وبچاها


مارحم برواحنه وقاسي الزمان
لامحنه اليوم ضلت لاامان
انصيح يم عباس من هاذه المچان
واحنه للشدات ضميناها


للشدايد ضامين ام الوفه
لكل مريض انريد من عدهه شفه
غير واحد مانروح نكلفه
الربت الشجعان كلفناها


شاعرة اهل البيت
ام غصون العمارچيه

ديوان ايات الشهاده جزء ١٨

غير مبري الذمه من يمحي اسم الشاعره او يغيره او يتلاعب بالقصيده وينسبها لشخص اخر

ندبه بحق ام البنين [ع]

امشنه انروح للتگضي الكلافات
يــالعدچن حوائج يـالمريضات
ــــــــــــــــــــــــــــــــــــــــــــــــ
يالعدچن حوائج گومن امشنه
انريد اليوم لم عباس نتعنه
ثلث تنعام منهـا مـاتفشلنه
هاي امجربه وتحضر الشدات
ـــــــــــــــــــــــــــــــــــــــــــــــ
هاي امجربه وبالضيج ننخاهه
دوم ابمجلس العطشان نلگاهه
ندگ اعله الصدرور ونلطم اوياهه
ويامحله اللطم ويه الزچيات
ــــــــــــــــــــــــــــــــــــــــــــــ
دوه وتشفي المرض ياناس لطمتهه
هاي أم البنين الحلوه وگفتهه
خل انعينهه ونذكر مصيبتهه
شخله بحالهه افراگ الحيادات
ـــــــــــــــــــــــــــــــــــــــــــــــــ
افراگ أهل المحنه ابحالهه اشسوه
هاي أم البنين ام وگفت الحلوه
غير النوح لا ترغب ولا تهوه
تگعد للصبح تجهر الونات
ــــــــــــــــــــــــــــــــــــــــــــ
تگعد للصبح ماغمضت ساعه
هاي الطاهره البلضيج فزاعه
تون اعله الحنين الفگدت اطباعه
وتنطر جيته وتحسب اللحضات
ــــــــــــــــــــــــــــــــــــــــــــــــــــ
تحسب بالليالي وتنطر الراحو
ماتدري النشامه عله الرمل طاحو
فرهود العده بنص الخيم صاحو
فدوه اتگول كون حسين مامات
ــــــــــــــــــــــــــــــــــــــــــــــــــــ
فدوه اتگول كلهم بس يضل حسين
ماتدري العده دارو عليه صوبين
اطلبي أم البنين اشرايده اطلبين
واخذي امراد وادعي للشبابات
ــــــــــــــــــــــــــــــــــــــ

ديوان لبيك ياحسين /ج ١٢


لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


https://t.me/amhejran12345

#من_ديوان_مأتم_فاطمه_والمصائب_المؤلمه_الجزء_الثالث_

هوسات لأم البنين عليها السلام

عباس أمك ماننساها

●●●●●🧿●●●●●
انه أم البنين شلون تنسوني
أم الأربعه البدار خلوني
اجاني الموت محد غمض اعيوني
( شلون امهم ما شالوها )
●●●●●🧿●●●●●
ليش اتموت وحدهه بنزل خالي
طرحت راسهه وصار النفس عالي
كتلهه افراكهم والشوك يلوالي
( شبيه كلبج شو ونيني )
●●●●●🧿●●●●●
ونيتي اضن ونت افراكيه
لا يمج ولد لا يمج ابنيه
بس زينب عليج اتنوح محنيه
( بدموعج زينب غسليهه )
●●●●●🧿●●●●●
غسليهه الحنينه الغاليه اعله امج
غسلي أم البنين التشرك بهمج
شلونج من تلوج وشمرت يمج
( احاه يمي وماي اعيوني )
●●●●●🧿●●●●●
تمنيت العمر وياج اخلصنه
واحسانج عليه ابطيب اردنه
ييمه ايروح كلبي امن اسمع الونه
( بونينج كلبي تكطعينه )
●●●●●🧿●●●●●
ونيتي يروحي اشبيج ونيتي
كولي شرايده وكولي شتمنيتي
بلكي لبن ابوج اطروش وديتي
( ايزت امه ويمشي وياها )
●●●●●🧿●●●●●
لا زتهه ولا مر ينشد اعليهه
يزينب ركبت أم عباس اعدليهه
كون التندفن بحضور واليهه
( حنظل يومج مانهواها )
●●●●●🧿●●●●●

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام


https://t.me/amhejran12345