الى جميع الأخوة والأخوات الذين يحبون التدبر في آيات الله انشئت قناة خاصة فقط للتدبر فأذا حبيتوا تنضمون فاشرف بيكم  وهذا هو الرابط👇👇

@Tdper @Tdper  @Tdper

وجزاكم الف خير اذا تنشروه بين اقاربكم ومعارفكم حتى الكل يستفيد ولكم الاجر والثواب

ام جعفر:
ام جعفر:
فزاعيه او مربوعه حول الزهراء



كون اطب لدار.  وامي الگاها

واگعد شويه    اريد وياها


كون اطب لدار والكاها ام هله
شكد حنينه الوالده ومعدله
الماتت امه يظل بالدنيه شله
يعيش محزون وفلا ينساها


اشلون ينساها العزيزه الربته
وتعبت اسنين وشهور وشالته
اشكد حنينه وليلهه ما نامته
تسهر وما غمضت عيناها


عينهه ما غمضت سهرانه
امي بربانه شكثر تعبانه
يا حسافه الدنيه شو خوانه
خذت من عدنه الكعدنه احذاها


خذت من عدنه الهوه وشيعوده
وظلت الدنيه صدك مخنوكه
ظلمه يمه ابعينه وبس سوده
وبالله شيحمله المشت فركاها


من اطب لدار كون الگيهه
واكعد شويه واشمن بيهه
والله لو تنسام وامي اشريهه
جا ابروحي ساومت طرواها


لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له م



https://telegram.me/am_jafar

قصيده حول الزهراء



سلام الله عله امي بكل مسيه

سلام الله عله الزهره الزجيه

انه المشتاكتلهه واحن لامي وحظنهه

سلام الله عله الزهره الزجيه


يريت الموت ويه امي خذاني
ولاظل بالحزن وألهم لفاني
انه الاشتاك لامي بكل ثواني
وحسافه عله الوكت من فاركاني

بعد ما ودعتهه واحن لامي وحظنهه

سلام الله عله الزهره الزجيه


مشت وعيوني مانامت عليهه
واحن واشتاك انامن بين اديهه
حنينه امي عليه وادري بيهه
كلبهه وياي ظل ويا بجيهه

حنينه وفاركتهه واحن لامي وحظنهه



يكون الموت اليه يصير درته
وشخص ذيج الحنينه عليه جبته
يروحي الظاله وكل ظيم ضكته
وعمري من مشت بس ون حسبته

وليالي امي الخذنهه واحن لامي وحظنهه


عزيزه والعزيزه الما اجتني
تظل عيني عليهه وفاركتني
انام اليل وامي بعيد عني
واكولن بل حلم بلكت تمرني

وانوح واشكي عدهه واحن لامي وحظنهه



واكلهه مر غيابج شوفي حالي
ولانامن عليج امي اليالي
مشيتي ودعت روحي ودلالي
واموت بكل مسه واعتب تعالي

الصور عيني عمنهه واحن لامي وحظنهه


*لخادمة الزهراء العلويه ام جعفر*
غير مبري الذمه من يحذف الاسم ويأخذ الكلام وينسبه له ج



https://telegram.me/am_jafar

نعي حول دفن الزهراء


شال النعش باليل عني
وظلوعي عله امي يوجعني
غربت جن بعيد مني

عزيزه عليه وضيعتهه


غرب نعشهه وحيل ونيت
وعله باب دار امي انتجيت
الذيج اليالي اشكثر حنيت

حنيت والفركه ثجيله
واليل اجه وشثكل ليله
الفاكد شخصهه يروح حيله

بعيد النعش صار عله عيني
واليل اجه وزود ونيني
ويبجون اخوتي مجابليني


اعاين عليهم حيل يبجون
واليل كله ما ينامون
ازغار وبعد ليهه يحنون

ظلمه صفه يالبيت منهه
وشتاكينه عله امنه وحظنهه
ما ترجع علينه بعد جنهه


مكسور يالفاكد حنانج
وفارغ يصد صعبه المجانج
بعدنه تره ابعازت احضانج

انحن بعد وريد ملكه
وتريد حيل الهه الفركه
بدارج بعد كولي شنلكه


عتبنه عليج اشلون تمشين
ويحبيبه من عدنه تبعدين
يبجي الحسن يا يمه وحسين

يبجون عدج ظلو ازغار
وتوحش عليهم ظلت الدار
وليدج ييمه حيل محتار

محتار ظل والعين تجري
والنار وصط الكلب تسري
اخلافج بعد شلي بعمري


*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام وينسبه له ج



https://telegram.me/am_jafar

قصيده حول الزهراء


*اشكد مشيت ودوريت   غير حظنج مالكيت*

*يمه بس انتي الحنينه   مثل شخصج مالكينه*

يمه يمه يمه يمه



دوريت الناس كلهه مثل امي ما شفت
لا مثل لذت حظنهه اشكثر عنهه دورت
امي عكس الناس هيه  اطيح مثلي لو طاحت
من زغر وياي امي  احزام  اليه اتحزمت

تبجي گبلي لو بجيت   غير حظنج مالكيت

يمه يمه يمه يمه



الله خالق بس حنانج  يمه لولادج دوه
العايز المهوم يشفه  المختنك انتي الهوه
اشكد تعبتي اشكد حملتي  وظلعج علينه التوه
اشلون ارد الهه تعبهه  وراسهه ابسهري خوه

امقصر انه  شما حجيت   غير حظنج مالكيت



مقصرين وياج يمه  وما نرد ساعه التعب
اشلون كولي نوفي دينج  يمه يا ام كلب العذب
سامحينه انريد منج  خاف ردينه طلب.
اشكثر دورنه شبيهج   بس ولا شفنه جذب

وداعتج ما حصليت  غير حظنج مالكيت



وين احصل مثل شخصج  وانتي متروسه حنان
لو نجي يمج يخيمه  وداعت اعيونج  امان
ليش من عدنه مشيتي   وين وداج الزمان
يمه يا شمعت نزلنه  الضاويه بكل البجان

جني من عدهه ايسيت  غير حظنج مالكيت



انتي غير الناس يمه  كليبج يحن وسمح
الله راضي عليج احسه  والرضيتي عليه ربح
يمه انتي اشكد عزيزه  ولو تصبحين الصبح
حلوه يا جلمت صباحج   وابد منه ما يصح

كون اسمعه  اتصنتيت  غير حظنج مالكيت

يمه يمه يمه يمه

لخادمة الزهراء. العلويه ام جعفر
غير مبري الذمه من ياخذ الكلام وينسبه له من ديوان طف الحوراء الجزء. السابع




https://telegram.me/am_jafar

نسأل الله التوفيق لكل شاعر وشاعره يكتب من تلقاء ذاته ويكون كلامه نابع من صميم حبه لاهل البيت بدون اقتباس من فكر الشعراء الاخرين
وفقك الله الشاعرة العلويه ام جعفر ع هذه القصائد المؤثره ☝️☝️ وجعلها ضخرا لك في سجل الزهراء يوم لاينفع مال ولابنون

الليله جــمــعـه ومــانســينا احـبابنه 💔
كلماتي الشاعره :- ام هجران العمارچيه

- اللهُــــم
أرحم من لا شمــــس تُشــــرق عليهم ولا قمر يُــضيء عتــــمتهم
اللهُــــم أنر قبور موتانا واســــقهم بفيضٍ من رحمــــتك🤲

نزلت اول درس من شرح منهاج الصالحين وبديت من الوضوء... اليحب يستفاد من الدروس فقط يضغط على هذا 👇الرابط ومن ثم يضغط انضمام

https://t.me/seesstany

فزاعية للزهراء [ عليها السلام ]

تــونـيـن شبديه اعليج
يــم ضـلع المــصوبينه
ـــــــــــــــــــــــــــ❀•▣
شـبيـدي اعليج يايمه
الـدنيه بونـــتج ظلمه
لو ســمعاج ابو اليمه
دلالـــــه تلــجـــــمينه
ـــــــــــــــــــــــــــ❀•▣
اشبيدي اعليج يلزهره
كــــسر الضلع شيجبره
اويــــاج ملازمه العبره
ريـــــت بعيني السطره
عسن متني المورمينه
ـــــــــــــــــــــــــــ❀•▣
عساها الورمت امتوني
والصــــــابوچ صابوني
شفــــت لونچ بعد لوني
ذابل صــــــوب اعيوني
اصــيح اهنا يهاديــــنه
ـــــــــــــــــــــــــــ❀•▣
اصيحن للنبي جـــدي
يهل دمعي على خدي
امي صوبت جبـــــدي
تريد اتروح من عندي
شيردهه بعد ليــــــنه
ـــــــــــــــــــــــــــ❀•▣
لو حملت شيـــــردهه
ياهي النلتم بســـدهه
ماتـــــدري يـــوالدهه
كسر الضلع ضاهدهه
ولو ونــــــت تــأذينه
ـــــــــــــــــــــــــــ❀•▣
لو ونت تــــهد حيلي
اگلهه شبيـــج گليلي
ماتحـــچي تــؤميلي
يازيــنـب مـــداليلي
نشفي الي تهل عينه
ـــــــــــــــــــــــــــ❀•▣
نشفي ادموعهم عـگبي
يازينـــــــب كلف دربي
صحت يمه انمرد گلبي
يروحي امن الهضم شربي
نـــوحچ لاتــگطعــــــــينه
ـــــــــــــــــــــــــــ❀•▣
مابــــــــــطل وأمل النوح
گلبي امــــحير ومجروح
باجـــــــر يوكع المذبوح
ويضل عالرمل مــطروح
يذلوني وگلـــــــت وينه
ـــــــــــــــــــــــــــ❀•▣
ديوان أحزان وانين / ج 1
كلمات الشاعره ام ريـام الركـابي
غير مبري الذمه من يمحو الاسم او يغيره

https://t.me/amhejran12345

ارجو الانتباه ☝️☝️

ارجو الانتباه☝️☝️

خلو عدكم حياء وخجل وذمه وضمير واستحو من الله ورسوله واهل البيت يامن تاخذون تعب غيركم وتنسبونه الكم كافي مهزله
حسبي الله ونعم الوكيل
حسبي الله ونعم الوكيل
وراح تشوفون شنو عاقبتكم حالكم حال السرق وتكبر وتفاخر قبلكم تالي حتى ذكر ماضل اله مااراح اذكر اسماء واخلي اخلاقي افضل واعلى مستوى من اخلاقكم لاكن اسمائكم انتم كتبتوها بديكم ع مستهلات تسرقونها من كتبنا وياريت تخلون كلام مرتب كله تصفيط بتصفيط مشكولات الذمه الى يوم القيامه والنه وگفه بين يدين حاكم لاينسى كبيره ولاصغيره

اللهم صل على محمد وال محمد

سيصدر قريبا ان شاء الله ديوان مسلوب العمامه الجزء التاسع يختص بالزهراء عليها السلام وام البنين عليها السلام والسيدة زينب عليها السلام ..
يتضمن قصائد متنوعة الاطوار من الثقيل والفزاعي والنعي والابوذيات والهوسات والاحاديث ونسأل الله حسن العاقبه والاجر والثواب والتوفيق لجميع خدام الحسين عليه السلام

نعتذر عن تنزيل اصدارات دواوين جديده في الفتره السابقه بسبب ضروف صحيه

وسوف يصدر ماهو جديد حسب الوفيات والمناسبات وكذلك العزوات والفواتح وسنخبركم بما هو جديد ونسألكم الدعاء

تجدون التكمله في ديوان مسلوب العمامه الجزء التاسع

صدر حديثاً 💥💥

ديوان

مسلوب العمامه ج ٩

خاص بالزهراء وأم البنين والسيده زينب عليهما السلام

لشاعره اهل البيت ام هجران العمارجيه

مكتبة دار الأمير النجف الاشرف سوق الحويش 🌹🌹