በትግራይ ክልል የ8ኛ ክፍል ብሔራዊ ፈተና ውጤት ይፋ ሆነ

የትግራይ ክልል የት/ት ጥራት ኤጀንሲ እንዳስታወቀው ትግራይ ውስጥ ካሉ 80 ወረዳዎች ወስጥ 79 ወረዳዎች በ1165 መፈተኛ ጣቢያዎች 65041 (33215 ሴት) ተማሪዎች ተፈትነው ከሰው ንክኪ በፀዳ ቴክኖሎጂ ፈተናው መታረሙንና በዚሁ መሰረትም 61140 (94.06%) ተማሪዎች ወደቀጣዩ ክፍል ማለፋቸውን አሳውቋል። ከነዚህ ውስጥ 31246 ሴቶች መሆናቸው ታውቋል

3901 (5.94%) የደገሙ ሲሆን 2026(3.02%) በተለያየ ምክንያት ያልተፈተኑ መሆናቸው ታውቋል።

ማለፍያ ነጥቡም
1. ለትግርኛ ተናጋሪዎች ፦ ለሴቶች 39% እናበላይ አማካይ ውጤት፣ ለወንዶች ደግሞ 40% በላይ፣
2. ለሳሆን ኩናማን ቋንቋ ተናጋሪዎች፦ ለሴቶች 38%ና በላይ አማካይ ውጤት፣ ለወንዶች ደግሞ 39% በላይ፣
3. ለዓይነ-ስውራን፦ ለሴቶች 37%ና በላይ፣ ለወንዶች 38%ና በላይ፣
ውጤት ያመጡ ተማሪዎች ወደ ቀጣዩ ክፍል እንዲዘዋወሩ ተወስኗል። ይላል ከክልሉ ት/ቢሮ ያገኘነው መረጃ።

ሀምሌ 25/2017 ዓ.ም. (አዲስ አበባ)

የኦሮሚያ ክልል ትምህርት ቢሮ የ2017 ዓ/ም የ6ኛ ክፍል ክልል አቀፍ ፈተና ውጤት ይፋ ሆነ!
(Oromia region's #grade_6th_Result_released)

ሀምሌ  27/2017 ዓ.ም. (አዲስ አበባ) 

የአማራ ክልል  ትምህርት ቢሮ የ2017 ዓ/ም የ6ኛ ክፍል ክልል አቀፍ ፈተና ውጤት ይፋ ሆነ!
(Amhara region's #grade_6th_Result_released)

ተለቀቀ !

ነሐሴ 01/2017 ዓ.ም. (አዲስ አበባ)

የደቡብ ኢትዮጵያ ክልል ትምህርት ቢሮ የ2017 ዓ/ም የ6ኛ እና 8ኛ ክፍል ክልል አቀፍ ፈተና ውጤት ይፋ ሆነ!
(South Ethiopia region's #grade_6th_Result_released)

ነሐሴ 1/2017 ዓ/ም

የደቡብ ኢትዮጵያ ክልል የ6ኛ እና 8ኛ ክፍል ተማሪዎች ክልል አቀፍ ፈተና መቁረጫ ውጤት ይፋ ሆነ ።

የደቡብ ኢትዮጵያ ክልል ትምህርት ቢሮ የ6ኛ እና የ8ኛ ክፍል ክልላዊ ፈተና መቁረጫ ውጤትን አሰመልክቶ መግለጫ ሰጥቷል

የቢሮው ኃላፊ ወ/ሮ ፀሀይ ወራሳ መግለጫውን በሰጡበት ወቅት እንደገለጹት የ6ኛም ሆነ የ8ኛ ክፍል መደበኛ ተማሪዎች 50 እና ከዛ በላይ፣ አርብቶ አደር አካባቢ ተማሪዎች 48 እና ከዚያ በላይ እንዲሁም የልዩ ፍላጎት ተማሪዎች 45 እና ከዛ በላይ ማምጣት እንደሚጠበቅባቸው ገልፀዋል።

በ2017 የትምህርት ዘመን 114 ሺህ 275 ተማሪዎች የ8ኛ ክፍል መደበኛ ትምህርት ሲከታተሉ የቆዩ ሲሆን 103 ሺህ 598 ለፈተና ቀርበው 65 ሺህ 394 ተማሪዎች ወደ ቀጣይ ክፍል ማለፋቸውን ተናግረዋል።

32 ሺህ 730 ወንድና 32 ሺህ 664 ሴት በአጠቃላይ 65 ሺህ 394 የ8ኛ ክፍል ተማሪዎች ያለፉ ሲሆን ይህም ለፈተና ከተቀመጡት አንፃር 63 ነጥብ 12 በመቶ መሆኑን ገልፀዋል ።

በ2017 ትምህርት ዘመን 120 ሺህ 883 ተማሪዎች የ6ኛ ክፍል ትምህርታቸውን ሲከታተሉ የቆዩ መሆኑን ኃላፊዋ ገልጸው 109 ሺህ 179 ተማሪዎች ተፈትነው 61 ሺህ 930 ተማሪዎች ወደ ቀጣይ ክፍል ማለፋቸውን ተናግረዋል።

31 ሺህ 199 ወንድና 30 ሺህ 731 ሴት ተማሪዎች ባጠቃላይ 61 ሺህ 930 የ6ኛ ክፍል ተማሪዎች ወደ ቀጣይ ክፍል ማለፋቸውን ተናግረዋል።

የ6ኛ ክፍል ክልላዊ ፈተና በክልሉ ለመጀመሪያ ጊዜ የተከናወነ ሲሆን ፈተናውን ከተፈተኑ ተማሪዎች 56 ነጥብ 7 በመቶ የሚሆኑት ወደ ቀጣይ ክፍል እንዳለፉ ገልፀዋል።

በክልላዊ ፈተናው ወቅት ተማሪዎች በራሳቸው ዝግጅት ብቻ ከኩረጃ በፀዳ መልኩ መፈተናቸውንም ኃላፊዋ ተናግረዋል።

ውጤቱ አበረታች መሆኑን ጠቁመው ለዚህም የክልሉ ትምህርት ቢሮ፣ ባለድርሻ አካላት፣ ትምህርት ቤቶችና መምህራን ላደረጉት አስተዋጽኦ ምስጋና አቅርበዋል።

ተማሪዎች ውጤታቸውን ከታች ባለው ሊንክ ገብተው ማየት እንደሚችሉ ተገልጿል።