لك انت حشرة رائد حشرة
رائد: اوك انا حشرة  وحشرة سامة كمان
مشان هيك قولي لااخوكي  يدفع المصاري
حتى هالحشرة ماتقرصك وتسممك،
بزقت بوجهو وطلعت من  عندو منهارا
ركبت سيارتها
وراحت دغري لعند اخوها اياد
لما فتحلها الباب
ضمتو وصارت تبكي
سارة: سامحني اخي لاني كنت كذبك
انا ماكنت مفكرتو هيك كنت مفكرتو بيحبني ماكنت متوقعة يطلع حقير لهالدرجة
اياد: ولايهمك حبيبتي  قولي الحمدلله انك كشفتيه ع حقيقتو، خلص لاتبكي واحد متلو مابيستاهل دموعك ، مسحي دموعك وانسيه وبلشي حياة جديدة مع هشام
بعدت عنو واطلعت فيه بحرقة
سارة: هشام؟
مسكلها وجها باايدو وصار يمسح ع شعرها بحنية
اياد: اي هشام. زوجك والله هشام  كتير بيحبك
انتي بس فتحيلو قلبك وسدقيني مارح تندمي
سارة(بقهر): يالله قديش ظلمتو وقسيت عليه من تحت راس هداك الوسخ
اياد: معلش حبيبتي كل شي بيتصلح المهم انتي هلق مسحي دموعك وقومي حتى وصلك على بيتك
مابصير تتاخري هلق هشام بيقلق عليكي،
وصلها على بيتها
طلعت على غرفتها
انتبهت انو هشام مو موجود
قعدت ع تختها وطالعت من درج الكوميدينا ظرف الاوراق الي عطتها ياه ماجدة
انهارت وصارت تشقو
وتحكي بصوت مليان قهر
سارة: مارح خليه يوقع لوبتموتوني بقا،
كل شي كنت عم اعملو كرمال واحد صرماااي حقير
رمت الاوراق المشقوقة من ايدها
وصارت تدعس عليهن بحقد
-------------------------------------
باليوم التاني
فاقت هناء
ولقت ياسمين وهشام وريما جمبها
ومهند ابن ياسمين 
محضريلها الفطور وعم يستنوها تصحا
الكل: صباحو ياحلو
هناء: انتو شوعم تعملو هون
هشام: والله شفت اختي الحلوة زعلانة 
قمت انا و الصبايا وهالازعر هنودة
عملنالك فطور وجينا بعرفك بتحبينا وبتنبسطي لما تشوفينا
هناء: لي عذبتو حالكن
ياسمين: ليكو الجدبة لك ياالبي عذابك راحة انتي
هناء: بس انا مابدي اكل مالي نفس
ريما: مو على كيفك رح تاكلي بالغصب ولا بدك مهند يزعل منك
مهند: خالتو الله يخليكي كلي كرمالي
هشام: كرمال هنودة حرام
هناء: قلتلكن تركوني بحالي مابدي اكل شي
هشام(بقلق): لك هناء شوصايرلك اختي  ليش هيك عم تعملي بحالك مين مدايقك
هناء: ماحدا مدايقني بس انا تعبانة شوي راسي عم يوجعني
ياسمين: طيب كلي لقمتين بلكي بترتاحي
مهند: كرمالي خالتو
هناء: ....
مدلا هشام ايدو بلقمة اكل
هشام: يلا كلي هاللقمة من ايدي مشان ماازعل منك
استسلمت لااصرارو
واكلت من ايدو اللقمة
هشام:ايواا شطورة
ورجع مدلا باايدو ب لقمة تانية
هناء: مابدي
هشام: حاج دلال بقا بدك تاكلي
هناء(بملل): طيب خلص باكل لحالي
هشام: اي اذا هيك معلش
حطلا الصينية قداما
واطلع ب ريما
هشام: ديري بالك عليها
وخليها تاكل
هزتلو براسها ريما(باايجاب)
هشام ل ياسمين: يلا ياسمين تاخرنا عالشركة
طلعو هشام وياسمين
وبقيت ريما جمب هناء
كانت هناء صافنة
قطعت شرودها صوت ريما
ريما: يلا هنوئة كلي ليش وقفتي ،
التفتت
لعند ريما
ومسكت ايدها وصارت تبكي
هناء: ريما بدي قلك شي 
ضروري بس مابدي ياكي تجيبي سيرة لااي انسان
ريما: خير اختي شوفي
هناء: ريما انتي اكتر وحدة بثق فيها
بدي احكيلك يلي صار بلكي بتساعديني لحتى نخلص من هالمصيبة
ريما: احكي شوفي شغلتيلي بالي
بلشت هناء تحكي وهي عم ترجف
وريما عم تسمعها وماعم تعطي اي ردة فعل
وبينما هناء عم تحكي
قاطعتها ريما
ريما(ببرود): بعرف هالشي
هناء(بصدمة): شوووووو، انتي  كمان بتعرفيييي؟
ريما: اي بعرف
هناء: ورضيانة ب يلي صار ويلي عم يصير؟
ريما: ماعندي جواب
هناء(بحزن): حتى انتي ياريما وانا يلي كنت مفكرة انك رح تساعديني لك انتو ليش هيك شوعملنالكن لحتى عم تعملو فينا هيك
ريما: ......
لفت ضهرها وقامت بدها تروح
ريما: ياسمين ماالها علاقة بشي ،
وبنصحك ماتقوليلها شي ولاتقولي لااي حدا عن يلي سمعتيه
لانو عمي عماد مارح يسكتلك
وعليكي العافية
طلعت ريما من غرفة هناء
ووقفت متفاجئة بالشخص يلي كان واقف عالباب
عم يسمع الحكي،
-----------------------
اما بالنسبة لسارة
كانت عم تجهز حالها لتروح عالشغل
وكان هشام جمبها عم يظبط تيابو  وعم يطلع عليها بطرف عينو
فجاة رن تلفونو
هشام: الو  غزل؟ حبيبتي اهلين ياعمري
وانا شتقتلك ياقلبي يلا شوي وبكون بالشركة بس اوصل بشوفك
باي ياعمري
كانت سارة واقفة مكانها عم تسمع المكالمة
وحست بضيقة ماقدرت توصفها
قاطع افكارها صوت هشام
هشام: انا رايح ازا بتحبي تعي طلعي معي منروح سوا
سارة: اي جاية
طلعت معو وراحو سوا عالشركة
--------------------------------
بمكان تاني
ريما: انتي من ايمتا كنتي واقفة قدام الباب؟
ماجدة: من اول ماطلعو هشام وياسمين

اجيت لاادخل سمعتا لهالكلبة عم تحكيلك يلي سمعتو
ريما:وشو بدك تعملي؟
اطلعت ماجدة ب ريما
وعيونها عم يقدحو شر
ماجدة: اي والله لحتى قيم قيامتها لهل الحيوانة
لحقيني
وتحركت من مكانها واجت لتطلع
ريما: لوين؟
ماجدة:بدي روح خبر عمك عماد
قربت ريما لعندها
ووقفت قدامها
ريما: بلاها ماجدة خلص انا وصيتها ماتحكي لحدا
ماجدة: بالله شو؟ اي لا ماحزرتي،رح خبرو فورا وخليه يتصرف، امشي معي
ريما: يعني خلص مصرة؟
ماجدة(مستغربة): لك ريما شبك انتي؟  بدك ياني استناها لتروح تفضحنا يعني؟ اكيد مصرة امشيي خلصيني.
واخدتها وطلعو
ركبو سيارتهم وراحو عند عماد
------------------------------
بعد شوي
بمكتب عماد
عماد صافن وبعيونو نظرات شر
وريما وماجدة قاعدين قدامه
عماد: هييك لكن يا هناء، اييه شوعليه
ماجدة: هي صار لازمها فركة ادن مرتبة
عماد: ولايهمكن اتركوها عليي انا بعرف كيف سكتها
ماجدة : شوناوي تعمل
عماد: هلق بتشوفي ازا ما
رح خليها تجي وتبوس رجلي
وكز ع سنانو بحقد وضرب عالطاولة
عماد: ماشي ياهناء ماشي
------------------------------
ببيت مجدي بيك
قاعدة بغرفتها
وباايدها اوراق ماسكتهن وعم تتأملهن
رجعت فيها الذكريات
لقبل 6 سنين
لقبل وفاة امها بااسبوع
فلاش بااك
كانت ناهد متسطحة بالتخت ووضعها الصحي كتير سيئ
وجمبها فداء
بتطالع من الدرج يلي جمبها
اوراق وبتعطيهن لفداء
ناهد: خدي هدول امي
فداء(وهي عم تاخد الاوراق) : شو هدول امي؟
ناهد: امي هدول اوراق حصتي من ورتة اهلي
تنازلت عنهم الك ولااخواتك
ضبي هالاوراق معك وماتخبري حدا فيهن ليجي وقتهن
الاوراق خالصين وكل شي ومو ناقصهن غير تبصمو عليهن، ضبيهم معك وديري بالك عليهن، هدول الاوراق بيحفظو حقك وحق خواتك
بااااك
فداء:بعتقد هلق اجا وقتهم،
بس هدول الاوراق مالازم اخواتي يخبرو فيهم
ولازم اعمل شي لحتى يصير كل شي بهالعقود بااسمي،
حملت تلفونها واتصلت ب صافي
فداء: كيفك حبيبي، انت وين؟ فيني شوفك؟
طيب حبيبي لكن بشوفك، باي ياعمري
قامت من محلها وغيرت تيابها
وظبطت حالها وطلعت، ،،
-----------------------------
بالليل الساعة ٩ المسا كان هشام سهران بحديقة الفيلة
رن تلفونو وكان المتصل ريما
فتح الخط وحط التلفون ع دانو
هشام: اي رمروم  وينك انتي عم تدقيلي
ريما: اخي بتتزكر رفيقتي يلي قلتلك عليها من فترة انو محتاجة لشغل وقلتلك تدبرلها شغل عنا بالشركة
هشام: اي تزكرتا شبها
ريما: انا سهرانة معها
شو رايك تجي لعندنا مشان تتعرف عليها وتتفقو مشان الشغل
هشام: اي حبيبتي مو مشكلة  بس وين انتو
ريما: نحن بمطعم هلق بعطيك عنوانو
هشام: طيب ماشي شوي وبكون عندك
شغل سيارتو هشام وطلع لعند ريما
عالطريق كان في تلات سيارات عم يطاردوه
هشام(مستغرب): شو بدهن هدول
حاول يتجاهلهن ويمشي  بطريقو ضلو عم يطاردوه لحتى نفد صبرو
وصارو يعارضو طريقو
طفا السيارة ونزل يشوف شو بدهن
وقف بنص الشارع واشرلهن
وقفو سياراتهن ونزلو
هشام: مين انتو  وشو بدكن ليش عم تلحقوني ،
نزلو شبين ضخمين من سيارة
وقربو لعند هشام 
ومن ورا هشام اجو تلات شباب حاصروه
حس هشام بالقلق والخوف منهن
بس قرر يواجههن
هشام: سالتكن مين انتو
بلمح البصر هجمو الشباب الخمسة على هشام وبلشو يضربوه
مسكوه كلهن واخدوه عالسيارة
وغطولو عيونو بقماشة
هشام: لوين اخديني ياكلاب
مجهول: خراس احسن مافضي المسدس براسك
اخدوه لمكان مجهول
وربطوه وقفلو عليه الباب
_،،،،،
بعد ٣ ساعات
رجعت ريما عالبيت
وكانت عم تدور على هشام
دقت باب غرفتو
سارة: تفضل
فتحت الباب ودخلت
ريما: كيفك سارة
سارة: اهلا ريما
ريما: شو وينو هشام
سارة: مابعرف ليش ماكان معك موعلى اساس رايح لعندك ؟
ريما: اي انا اتصلت فيه قبل ٣ ساعات
وقلتلو يجي وصرلي من وقتها عم استناه ومااجا
سارة: وين بدو يكون راح مااتصلتي فيه؟
ريما: اتصلت فيه طلع خارج التغطية 
سارة: رح جرب اتصل فيه انا ،
اتصلت فيه سارة اكتر من مرة وكان عم يطلع خارج التغطية
سارة: خارج التغطية يالله وين بدو يكون راح
ريما: انا بلشت اقلق
سارة: رح خبر عمو ومرت عمو
ريما: لا لاتخبريهن تشغلي بالهن بلكي هلق بيرجع
وازا مارجع يبقا منخبرهن الصبح 
سارة(بااستسلام):طيب  ماشي
ريما: تصبحي على خير
سارة: وانتي من اهلو ،
طلعت ريما من عند سارة وسكرت الباب

وراحت عند اخواتها
دخلت لعندهن وسكرت الباب وقعدت
ريما: شو كانو مشي الحال ؟
فداء(بنصر): مشي الحال وهشام صار عندهن
ريما(بقلق): بدكن تقتلوه؟
ماجدة: لا
عماد قال انو هي بس رصة لهناء مشان ماترجع تحكي لحدا شي
ريما: يعني ايمتا رح تطالعوه؟
فداء: كم يوم بس لحتى تتربا هالكلبة هناء

ماجدة: شو رمروم خايفة عليه؟
ريما: انا خايفة على بابا شوبدو يصير فيه بهالكم يوم
فداء: مابصرلو شي نشالله
ريما: ان شالله
صفنت ريما بينها وبين حالها
وحست حالها متضايقة من يلي صار
ريما(بقلبها): ياربي شوعم نعمل نحن، لوين بدنا نوصل
____
اما سارة كانت قاعدة بغرفتها
عم تستنا زوجها
طلع الصبح وهي فايقة وناطرتو
سارة: يالله وينو هاد مالو بالعادة يتاخر هالقد
بس مايكون صاير معو شي ، لا الله لايقدر ان شالله مافي شي
_
صارت الساعة ٩ الصبح والكل فاق
راحت سارة لتخبر عمها بغياب هشام
كان قاعد بالصالون هو وهناء والست مريم
سارة: صباح الخير عمو
مجدي: صباح الورد يابنتي شو وينو جوزك ؟
سارة: عمو هشام طلع من المسا ومارجع
مجدي: شو هالحكي كيف يعني مارجع وين راح يعني ؟
نزل الحكي ع هناء متل الصاعقة
وحست انو في سبب ورا غياب هشام
قامت الست مريم من مكانها واطلعت ب سارة
وهي خايفة وقلقانة
مريم: لك انتي شو عم تحكي
سارة: عمو مرت عمو القصة ومافيها انو ريما كانت المسا سهرانة مع رفيقتها واتصلت بهشام قالتلو  يروح يسهر معهن مشان يتعرف عرفيقتا لانو بدها تشتغل عنا بالشركة وراح على اساس لعندهن عالمطعم ومن وقتها مارجع
مريم(شهقت): ولي على قلبي وين بدو يكون راح الولد
مجدي: طولي بالك ام هشام
مريم: لك كيف بدي طول بالي وابني مو مبين
وبوقتها فهمت هناء انو غياب هشام سببه هو عماد
وانو ريما وصلت الحكي لعماد
هناء( بقلبها): الله لايوفقك ياعماد ماصار الا عملتها
وانتي ياريمااا رحتي وحكيتي لهداك الحقير
ياربي دخيلك تحميلي ياه انا لازم اعمل شي لحتى انقذ اخي ، انا مالازم ضل ساكتة !
مجدي لسارة: مااتصلتي فيه؟
سارة: اتصلت فيه انا وريما وكل مانتصل يطلع خارج التغطية
مريم: يارب مايكون صاير معو شي يارب
هناء: طولي بالك ماما ان شالله مافي شي ،
اجو فداء وريما
وقعدو معهن
ريما: شو سارة مابين هشام؟
سارة: لا مو مبين 
فداء صارت تمثل وعملت حالها عم تبكي ومشغول بالها على هشام
فداء: ياقلبي يااخي ياترا شو صاير معك الله يحميك
هناء(بقلبها): مابتعرفي شو صاير فيه ياحقيرة لك الله لايسامحك لاانتي ولا اخواتك وعمك
حملت حالها هناء وراحت
على غرفتها بدلت تيابها
وطلعت من البيت
وراحت ع بيت عماد
وصلت لعندو  عبيتو وصارت تدق الباب بقوة
هناء:  فتاح ياعماد فتاح
كانو عماد وبتول قاعدين عم يفطرو
استغربت بتول من جية هناء بهالوقت
اطلع عماد ب بتول بقلق
وحمل حالو وراح فتح الباب
واول ماشاف هناء
مسكها من رقبتها وحط ايدو ع تمها
عماد(بهمس): بتمشي معي لجوا طبيعي، وبتقولي انو عاوزتيني بشغلة خاصة ومابتفتحي تمك ب ولا حرف عم تفهمي؟
هزتلو براسها(باايجاب)
بعد عنها وخلاها تدخل
وحاول يمثلو انو مافي شي
دخلت بتول لعند هناء
وسلمت عليها
هناء: كيفك بتولتي
مدتلا ايدها وقربت بوستها
بتول(مستغربة): اهلين حبيبتي شبك ليش كنتي عم تصرخي؟
هناء(متلبكة): الصراحة صاير معي مشكلة خاصة شوي  ومالي غير عمو عماد يحللي ياها، ف لهيك
عماد: طيب هنوئة خلينا ندخل نحكي جوا
واطلع ببتول
عماد: كملي اكلك وخلي الخدامة تعمل قهوة
بتول: اوك ماشي
عماد ل،هناء: خلينا نقعد جوا لنشوف شوقصتك
اخدها ودخلو لجوا
وكانت بتول مستغربة ومو مقتنعة ب التمثيلية
يلي عملوها هناء وعماد
راحت عالمطبخ وطلبت من الخدامة تعمل قهوة
بينما هي رجعت قعدت  لحتى تطعمي الولاد
-------------------------
بالغرفة عند عماد وهناء
عماد: اي ست هناء شبك؟
هناء( تبكي): مابتعرف شبني ما بتعرف   موهيك ؟؟
وييين  اخييي شوعملت فيه قلي وينو اخي عماد،
عماد: شايفك رفعتي الكلفة عماد حاف ؟
هناء: لانو مابتستاهل الاحترام انت واحد واطي
قرب منها 
ومسكها من شعرها وصار يشد بقوة
عماد: لسانك طولان وليه وصاير بدو قص
هناء: وين اخي شوعملت فيه
عماد: اخوكي بح خلص انسي انو عندك اخ اسمو هشام
وحتى ادهم قلتلك رح تجيكي جثتو مقطعة ازا بتحكي شي
وانتي ماسمعتي الكلمة ورحتي قلتي لريما
هناء(بتوسل(: مشان الله لاتأذي اخواتي
قتلني حرقني شومابدك اعمل فيني بس لاتأذيهن
عماد(بسخرية): هلق جاية تترجيني  وانا حزرتك من الاول وقلتلك تمك هاد ماتفتحيه
هناء: الله يخليك لاتأذي اخواتي ببوس ايدك
عماد:هههه  والله زعلتيني خلص اهدي لاتبكي
مارح ائئذي اخواتك والك عليي من بكرا رجعلك هشام ياسيدي ومو بكرا اليوم
بسس على شرط
هناء: شو مابدك بعملك بس رجعلي اخي
عماد: طيب بماانك انتي مدللة ابوكي والي بيثق فيها وبيأمنها على كل شي بدي منك طلب صغير هالقد قدو 👌
هناء: وشو هو الطلب
عماد: انتي الوحيدة يلي معها باسورد الخزنة يلي بيحط فيها ابوكي الاوراق المهمة

هناء: اي؟؟
عماد: بدي منك تفتحي الخزنة وتجيبيلي كل الاوراق المهمة  يلي بقلب الخزنة
هناء(بصدمة): شووو؟ بدك ياني اسرق ابي لك انت شوعم تحكي مستحيل اعمل هالشي
عماد: طيب وهشام وادهم؟؟ شو مشانهن يموتو؟
هناء: لك بس انت عم تطلب مني طلب مستحيل انا مستحيل خون ثقة بابا فيني مستحيل عم تفهم
عماد: طيب معناها جهزي حالك ولبسي الاسود من هلق لانو عن قريب رح يوصلك خبر اخواتك
هناء: لا بترجاك لا تأذيهن
عماد: عملي الي عم قلك عليه وبوعدك ما أذيهن
وايمتا ماجبتي الاوراق رح رجع هشام
هناء: وادهم؟
عماد: هلق انا مارح ائذيه بس مابقدر رجعو لانو هو مارح يقبل ، ليكي انا ماعم اطلب منك هلق تجيبلي الاوراق بعرف انو صعبة كتير هيك خطوة بس رح اعطيكي مهلة تفكري
معك اسبوع ويوم زيادة اكتر مافي
فكري منيح ورديلي خبر
وانا بهالفترة بوعدك انو ماأئذي هشام
اما ازا خلصت المهلة والاوراق ماكانو معي
فاانا اسف رح اضطر اقتلو لهشام وادهم كمان😉
هناء: .......
عماد: وهلق تفضلي من غير مطرود بدي روح عالشركة تاخرت
ورفع ايدو بوجها  تحذير
عماد: واوعك، اوعك ياهناء تحسسي بتول انو في شي
والله بدبحك وبشرب من دمك
ماشي؟
هناء(صافنة بعماد بحقد): ماعم اقدر اتخيل انو انت يطلع منك كل هالوساخة
عماد(بصوت شرير): ماااشي؟!"!
هزت براسها (باايجاب): والدمعة بعيونها
هناء: ماشيي
وحملت حالها وطلعت من الغرفة وهي عم تمسح دموعها
لحتى ماتحس بتول على شي
شافتها بتول طالعة
ووقفتها
بتول: شوهناء رايحة؟
هناء (عم تحاول تبين طبيعي): اي بدي روح مستعجلة
بتول: طيب خليكي شوي ماشفتك انا
هناء: بجي بغير وقت حبيبتي والله مستعجلة
بتول: طيب نحلت مشكلتك؟
هناء(متلبكة): اه مشكلتي؟ اي عمو عماد وعدني يحللي ياها
بتول: ان شالله
هناء: يلا بتولة باي بشوفك
بتول: الله معك حبيبتي
وبرمت ضهرها ومشت ناح الباب فتحت الباب وطلعت
من بيت عماد
وهي يادوب ماسكة حالها
بقلبها الف شعور
محتارة وضايعة ومقهورة
وماعم تعرف شو تعمل
تخون ثقة ابوها مشان تنقذ اخوها
ولا تتجاهل طلب عماد وتخسرو
فتحت باب سيارتها وقعدت
وسندت راسها عالكرسي
وتنهدت بقهر
هناء: ساعدني يارب انا محتارة ومابعرف شواعمل،،
وانتو شو بتتوقعو تعمل؟
__
نهاية البارت 7
يتبع .......

#ابناء_البيك_
بقلم:Amina Thhan (شرقية الهوى)
البارت 8
بالشركة
كانت سارة بمكتب هشام
عم تحط شوية اوراق
انتبهت ع صورتو يلي كانت محطوطة ع المكتب
حملتها وصارت تتأملها
حست بضيقة فظيعة
سارة: اااه ياترا وينك ياهشام،معقول تكون تركت البيت لاانك زعلان مني،ولاصاير معك شي تاني،
ياحرام قديش وجعتك وقسيت عليك، الله يلعن الشيطان بس
حطت الصورة مكانها وحملت حالها وطلعت
-----------------------
ببيت مجدي،بيك 
فكان مجدي بيك عم يأمر رجالو انو يطلعو يدورو على هشام ،
بينما الست مريم كانت قاعدة عم تبكي على ابنها وكانت ياسمين جمبها عم تهديها
وهناء كانت قاعدة بيناتهن وصافنة بكلام عماد
الست مريم؛ دخيلك ياربي مابكفيني ادهم  يلي الي سنة مابعرف عنو شي
كمان هشام
دخيلك ياربي لاتلوع قلبي مرة تانية
هناء(بقلبها): ياريتنب متت ولاشفتك بهالحالة ياامي
دخيلك ياربي ساعدني الهمني شو اعمل

مريم: رح جن بدي ابني والله ازا صرلو شي انا بموت حالي
ياسمين: بعيد الشر عن قلبك خالتي مشان الله لاتحكي هيك طولي بالك
قامت هناء من مكانها وقعدت جمب امها وحطت راسها ع كتفها
هناء: امي مشان الله لاتعملي بحالك هيك والله عم تدبحيني لما عم شوفك هيك
مريم: اخ ياامي اخ قلبي متل النار
هناء: الله يخليكي لاتبكي هلق ان شالله مابتشوفيه الا رجع بس اهدي انتي وادعيلو
مريم(بحرقة):ياااارب دخيلك يارب __
بالشركة
اياد وماجدة عم يتطلعو ع بعض ملفات الشغل
وقاعدين جمب،بعض
بتترك ماجدة الملف من ايدا وبتقرب من ايد
ماجدة: شتقتلك وانت ماشتقتلي ؟!
اطلع فيها اياد مستغرب وحكا بنبرة عصبية شوي
اياد: هلق وقت هالحكي؟  شبك ماجدة اخوكي ماحدا بيعرف  عنو شي !
ماجدة(ببرود): اي بس هشام مانو صغير ان شالله هلق بيرجع
اياد: صرلو من مبارح مو مبين وماحدا بيعرف شي مانك خايفة يكون مخطوف !!؟
ماجدة: الله لايقدر اكيد خايفة عليه بس شواعمل مابقدر خبي شوقي الك
وقربت منه اكتر لدرجة اخطلت نفسها بنفسو
ماجدة:عم اشتقلك كتيرر كتيرر ، وخصوصي بعد الليلة يلي قضيناها سوا ، اناكتيرر تعلقت فيك اياد
اياد(متلبك): انا رح روح دور على هشام
قام من محلو  وترك ماجدة قاعدة لحالها
الشي يلي خلاها تموت من القهر والحقد
ماجدة: لك الله يعدمني هشام لاارتاح منو
انا بفرجيكن ياولاد ابي ازا مابدوقكن العلقم مابكون اسميي ماجدة
حملت حالها هي التانية وراحت على مكتبها وهي معصبة وكل،شياطين الدنيا عم تنط بوجها .
-------------------------
بمكان مجهول
مربط. ومغطين عيونو بقماشة،
وعم يصرخ
هشام: لك مين انتووو طالعوني من هون ياكلاب لك ياعالم ياناس
بيدخل حدا من الشباب
مجهول: حاج تصرخ ماحدا  رح يسمعك  انت بقبو تحت الارض يعني ازا بتموت حالك مارح حدا يسمعك
هشام: لك مين انتو شوبدكن مني
مجهول: ولاشي بدنا نستضيفك عنا كم يوم بس
وبعدين يااما منقتلك يااما منرجعك لااهلك
هشام: لك انتو مين باعتكن  مييين ؟
مجهول: مادخلك نضب وخراس
هشاام: لك فكوووني فكوني ياكلاب
قرب الشب  من هشام وسكرلو تمو
وهشام كان عم يحاول يقاوم ويخبط رجليه عالارض
_
بمكان تاني
قاعدين صافي وعماد
مقابيل بعض بالكافيه
عماد: هات لشوف حكيلي شو الموضوع يلي كنت عاوزني فيه
بيكون صافي متصدر وساند حالو عالكرسي بيجلس قعدتو وبيحكي
ونظراته فيها خبث
صافي: اهااا تعال لقلك شو الموضوع
عماد: احكي لنشوف اتحفنا
صافي: الاملاك يلي حكيتلي عنها تبع فداء واخواتها، يلي اتفقنا مشانهن
عماد(بحماس):شبهن؟
صافي:هه لك مو مبارح اجت فداء لعندي. و طلبت مني اني ساعدها لحتى تسجلهن كلهن بااسمها
اطلع عماد بصافي بدهشة وصفر صفرة طويلة
عماد:هيييك لكن!!!
صافي: اي والله ياابو الطيف
عماد: يخرب بيتها هالفداء لك طلعت احقر مني لعما لعما ماعم صدق
صافي: اي والله ياابو الطيف هاد الي صار
عماد(بغمزة); وانت شو ناوي تعمل
صافي(بيعض ع شفتو وبيغمزو بخبث): ولو ابو الطيف فرصة واجت لعندي بضيعها؟
عماد: اااوعك
صافي: رح ساعدها وخليها تسجلهن بااسمها كلن
وبعدين بخليها تتنازلي عنهن
عماد: بري عليك، ومابدي ارجع ذكرك كل شي بالنص
صافي: اي مو تكرم عينك شريك
عماد:ولك دخيل الي خلقك شو بحبك ياصف
فلاش باك
قبل سنة:
عماد وصافي قاعدين مع بعض
عماد: ابو الصف بدي منك خدمة
صافي: لعيونك ابو شريك،شو بدك
عماد: انت بتعرفها لبنت اخي فداء ما
صافي: هه شلون مابعرفها طبعا بعرفها شبك
بيتطلع عماد فيه بخباثة وبيحكي بهمس
عماد:بدي منك تتقرب منها
صافي(مستغرب): اتقرب منها؟ ليش
عماد: لك هي البنت في وراها لحسة اصبع مرتبة
صافي: مافهمت كيف يعني؟
عماد: ولك ياطبل، بنت اخي طلعتلا ورتة من امها مرتبة الها ولااخواتها والحصة الاكبر هي حصتها

وترا حصتها شي محرز ها
صافي: اي وانا شو دخلني بالموضوع
عماد(بملل):هوهو علينا شبنا لك صف، قديش صاير مخك سميك
صفن صافي بعماد وبعدين فهم عليه
صافي: اهااااا بدك ياني اتقرب منها مشان انصب عليها؟
عماد: ههه الي الحمدلله عالسلامة منيح يلي فهمت بقا
صافي(مستغرب): يخرب بيتك شو قليل شرف، بدك ياني اضحك ع بنت اخوك؟
عماد(ببرود): عادي حبيبي فدا الفلوس المهم قلي موافق؟
صافي: موافق بس ع شرط
عماد:  وشو هو الشرط
صافي: كل شي مناخدو بالنص
عماد(بصدمة):  يخرب بيتك شو طماع
صافي:حقي حبيبي حقي، انا يلي رح نفذ
عماد: طيب ماشي تكرم صف صف ،بس ليك دير بالك تجيب سيرة لحدا
لانو ماحدا بيعرف بقصة الورتة
صافي:لكن انت كيف عرفت؟
عماد: لك فداء حكتلي، بس وصتني مااحكي لحدا،وانا ماحكيت لحدا
واطلع فيه ب شر وقلو
عماد: بس الك شرووك
صافي: لعما بعيونك انت اذا بتلاقي احقر منك بتنجلط
باااااك
عماد: بس بتعرف رغم انها غلبتني،بالحقارة هالفداء
بس قديش طلعت غبية
صافي:هه ليش بقا
عماد: كيف امنت تحكيلك وليش ماحكتلي الي
صافي(بمسخرة); هههههه قال خافت لاتطمع فيها انت، وحكتلي الي لانها بتأمنلي اكتر منك
عماد: هههههههاي اي وصلت لكن عرفت لمين تأمن
صافي:ههههه شايف بالله
---------------------
المسا
ببيت مجدي بيك
قاعدين عيلة مجدي ومجتمعين وعم يتناقشو بموضوع هشام
ياسمين: طيب بابا خبرت الامن؟
مجدي: لك بابا خبرناهن وعم يدورو عليه
مريم(قاعدة وعم تبكي وتدعي):يااربي دخيل اسمك لاتضرني بهشام يارب
مجدي: وكلي الله ياام هشام ان شالله رح يرجعلنا هشام بخير وسلامة
بينما هنن عم يحكو كانت هناء قاعدة بيناتهن وكلام عماد عم يتردد براسها :
معك اسبوع ويوم زيادة اكتر مافي
فكري منيح ورديلي خبر
وانا بهالفترة بوعدك انو ماأئذي هشام
اما ازا خلصت المهلة والاوراق ماكانو معي
فاانا اسف رح اضطر اقتلو لهشام وادهم كمان😉
هناء(بقلبها):شو بدي ساوي ياربي شو بدي ساوي
ساعدني يارب والله ماني عرفانة شو اعمل
وسارة كمان ماكان وضعها احسن من هناء
كانت صافنة وعم تفكر
سارة(بقلبها):ياربي وين اختفى الزلمة،معقول يكون رائد خطفو؟ لا لا رائد،شو بدو فيه
يالله لكن لوين راح،
يارب ترجعو لااهلو بخير وسلامة،
والي كمان مابعرف ليش حاسة حالي ضايعة بدونو
دخيلك يارب ترجعو، والله ماعاد اقسى عليه ولازعلو بس تردو بخير وسلامة
تنهدت وقامت من محلها
وحكت بصوت مليان تعب
سارة: عن اذنكن رح روح ارتاح بغرفتي
مجدي ومريم: اذنك معك بنتي
برمت ضهرها ومشيت خطوتين وفجأة حست بدوخة
ولعية نفس حاولت تكمل طريقها طبيعي
بس جمسها خانها ووقعت بالارض مغما عليها
الكل ركضو لعندها قلقانين
مريم: بسم الله شو صرلها البنت
اتجمعو حواليها
كلهن وصارو يصحوها
مريم: سارة بنتي اصحي شو صرلك،
يابنات هاتو مي
مجدي: اتصلو بالدكتور خليه يجي يشوفا
مريم(عم تصحي سارة); سارة حبيبتي شوصرلك اصحي يابنتي
اجت الخدامة ومعها كاسة مي
ناولتها للست مريم
رشت منها ع وجه سارة
بينما كانت ياسمين عم تتصل بالدكتور
------------------------
بعد شوي
بغرفة سارة
مريم:شو دكتور شو طلع معك
شال السماعات من ع دانو
واطلع بالست مريم
الدكتور: المدام حامل مبروك
ارتسمت ع وجه الست مريم علامات الفرح
بينما سارة كانت لسا مصدومة
مريم: شو عم تقول دكتور؟
الدكتور: متل ماسمعتي ياخانم
مريم:ييي الف حمد وشكر الك يارب
بتقرب الست مريم لعند سارة
وبتقعد جمب راسها وبتحضنها وبعيونها دموع فرح وغصة بنفس الوقت
مريم:مبروك يابنتي الله يقومك بالسلامة
سارة: االله يبارك فيكي مرت عمو
مريم(بغصة):اااه بس وينك ياهشام ياحبيبي تسمع هالخبرية
سارة(بحزن):طولي بالك مرت عمو ان شالله بيرجعلنا عن قريب
مريم:ان شالله ياعمري نشالله.
قام الدكتور من محلو وضب شنطايتو بدو يطلع
الدكتور:عليها العافية والله يقوما بالسلامة
مريم: الله يسلمك يادكتور شكرا الك
طلع الدكتور من عند سارة
وطلعت الخادمة مع الدكتور لتوصلو لبرا الفيلة
بينما بمكان تاني كانو عيلة مجدي عم يستنو الست مريم تجي تطمنهن
اجت الست مريم عالصالون وهي عم تبكي
الشي يلي خلا الكل يستغرب
قربت هناء من امها والقلق ظاهر ع وجها
ليلحقا مجدي بيك وياسمين
بينما البنات التلااتة قاعدين جمب بعض
هناء:ماما شبك مرت اخي فيها شي؟
مجدي:شبك ام هشام شو قال الدكتور؟
مريم(عم تمسح دموعها): سارة حامل
ارتمست ع وجوه ياسمين ومجدي،بيك وهناء،ابتسامة فرح
بينما الصبايا التلاتة كانو مصدومين
والخبر كتير زاعجهن
مجدي(بعدم تصديق):عنجد عم تحكي كنتنا حامل؟
هزت براسها (باايجاب)
ياسمين(بفرح): ياالله مااحلا هالخبرية
هناء(بغصة): اي والله احلا خبر بسمعو 🥹

مجدي(بعتب): طيب ليش عم تبكي ياام هشام وقفتي قلبنا
مريم: انا عم ابكي على ابني
عم ابكي لاني كان بدي يكون بيناتنا لما نسمع الخبر
قربت منها هناء وضمتها وهي عم تبكي
هناء: ياعمري انتي كرمال الله خلص، هشام رح يرجع بااذن الله بس انتي دعيلو
مريم(بحرقة قلب); يااارب دخيلك يارب
مجدي: صلي عالنبي ياام هشام ان شالله هلق مابتلاقيه الا رجع
مريم: اااخ الله يسمع منك
----------------------------
بغرفة سارة
كانت لسا متسطحة بتختها وحاطة ايدها ع بطنها
والسعادة والفرح غامرينها
سارة; ماعم صدق،معقول رح صير ام، يااالله، حرام لو كان هشام هون، اكيد كان رح يطير عقلو من الفرح، اخ ياهشام وين رحت وتركتنا، ياريتني مازعلتك، ياريت
-----------------------------
بغرفة فداء
دخلو البنات وهنن متدايقين ووجوهن مابتتفسر
فداء: شو هالمصيبة هي؟ الخانم طلعت حامل؟ 
ماجدة: يبليها بقتلها هالحيوانة، ان شالله بتسقط
فداء(بحقد): اااامين يارب
بتطلع فيهم ريما بدهشة
ريما:لك شبكن انتي وياها؟ عم تدعو ع طفل لساتو جنين؟ شو صايرلكن؟
فداء(بمسخرة):شوووو ست ريما تدايقتي عالخانم وابنها؟
ريما: هاد مو ابن الخانم بس هاد ابن اخي،
فداء: بالله شو؟ حبيبتي هشام مانو اخونا هشام عدونا
ريما: عدوك الك، اما انا ماعندي عداوة مع حدا
فداء(بصدمة): لا انتي فعلا صاير لعقلك شي انتي عم تحكي عن جد؟
ريما: اي عنجد ليش مستغربة،انا ماعندي عداوة مع حدا لا هناء ولاسارة ولاهشام،اما ازا انتو حاقدين عليهن كرمال شوية مصاري، ف انتو حرين
بتقرب منها ماجدة وبتطلع فيها. ب نظرات شر
ماجدة: شو معنى هالحكي ريما؟
ريما:.......
ماجدة: جاااوبيني شو معناه ،لتكوني بدك تتعاوني مع هناء وتخبري بابا؟!
ريما حطت راسها بالارض وماجاوبت
ماجدة(بصدمة): ريما ردي!!! بدك تخبري بابا؟ 
بتقرب فداء من ماجدة
وبتحط ايدها ع كتفها وبتطلع ب ريما
فداء: خليهااا تسترجي
بترفع ريما راسها وبتضم ايدها ببعض
ريما(ببرود):شو رح تعملو فيني يعني؟
بتقرب منها فداء والشر عم يطلع من عيونا
فداء: اقلل شي اقلل شي منقتلك ومنزت جثتك للكلاب
ريما:امم قولي انتي بالذات مابتستغرب منك شي
بتقرب فداء اكترمن ريما
وبهدوء بتحط ايديها ع رقبتها وبتبلش تضغط بقوة
فداء: لككك ايي اي لاتستغربي ولك انا باكلك بسناني عم تفهمي وليه.
ريما(وهي عم تقاوم ايدين فداء): تركيييني
فداء: اترككك ؟
وبتضحك ضحكة شريرة: ههههههه وجعتك ياقلبي،،لك لسا بدي خلص عليكي،ياحقيرة، عم تصفي مع هشام ضدنا وبدك تخبري ابوكي
ريما(عم تختنق ): تركيني مشان الله
فداء: بدك تخبري ابوكي؟
هزتلها براسها(لا)
فداء: اكييييد؟
ريما:ببوس ايدك والله مارح خبر حدا ورحمة امي
شالت ايديها عنها واطلعت فيها بنصر
فداء: ايوا هيك بدي ياكي،اصحك ياريماا اصحك ترجعي تفكري تفكير انك تخبري حدا
ساعتها قسما بالله لحتى خليكي تشتهي الموت وماتلاقيه ياحقيرة
ريما(تبكي): مااشي، ماشي يافداء
وتركتهن وطلعت من الغرفة بسرعة
ماجدة: لعما شو صايرلا هي ؟
فداء: حيوانة مابتفهم
ماجدة(بقلق): انا خايفة  ماتروح عنجد تحكي
فداء: اطمني حبيبتي مارح تحكي شي،مارح تسترجي،اختك جبانة كتير اكتر مابتتصوري،مستحيل تتجرأ تحكي
ماجدة: ان شالله يارب
-------------------------------
بمكان تاني
اياد وهناء قاعدين بالسيارة
وهناء ساندة راسها. ع كتف اياد
وعم تبكي
اياد:حبيبتي خلص بقا بكفي تبكي
هناء: مو باايدي رح موت من القهر ع اخي، بتعرفني قديش بحبو وبخاف عليه
ايا(وهو عم يمسح ع راسها بحنية): ياعمري ياروحي انتي ،هدي اعصابك ودعيلو، وان شالله رح يرجع بخير وسلامة
هناء: الله يسمع منك،اخ يااياد رح يطق قلبي، مابكفيني اخي ادهم نحرمت منو،كمان هشام، والله ضربتين عالراس بيقتلو
اياد: بعرف انها صعبة ياعيوني،بس كرمالي خلص حاج تبكي، مابتحمل شوف دموعك
رفعت راسها واطلعت فيه بعيون مليانين دموع
هناء: حبيبي اياد
اياد(بحب): ياعيون اياد
هناء: الله يوفقك ماتتركني حبيبي،والله بموت ازا بعدت عني بترجاك ماتكسرني انا بعشقك بموت فيك
صفن اياد بعد كلمة هناء وتزكر الليلة يلي قضاها مع ماجدة
وحس بعذاب الضمير
اياد(بقلبه): ياريت كنت بستاهل هالحب الي بتحبيني ياه ياهناء، ياريت طلعت قدو
فاق من صفنتو ع صوتها
هناء: حبيبي رد عليي
اطلع فيها واخدها لصدرو وضمها بين ضلوعو
اياد: وانا بحبك ياضو عيوني مستحيل اتركك اصلا انا مافيني عيش بدونك
هناء(وهي عم تبكي): وعدني
سكت شوي وتردد انو ينطق،كان خايف انو مايكون قد الوعد
هناء: الله يوفقك اياد وعدني
اياد(بعد تردد): بوعدك يامدللة قلبي،بوعدك مااتركك
هناء: بحبك اياد
اياد: وانا بموت فيكي، بتنفسك
وضلو ع حالهن لفترة طويلة

هو ضاممها وهي عم تبكي ع كتفو
وعم تحاول تفرغ كل القهر والحزن الي،شايلتو جواتها، بحضن اكتر حدا بتحبو
-------------------------------
مرق 6 ايام على غياب هشام
قاعدة بغرفتها ومحتارة باامرها ودموعها ماعم يفارقوها
فكرة عم تجيبها فكرة عم تاخدها
واخيرا قررت تحسم قرارها
هناء: ضل يوم واحد ازا مابجيب الاوراق هشام رح يموت
وقفت ع حيلها وصارت تروح وتجي بالغرفة
وهي عم تفكر شو تعمل
وبالاخررر حسمت قرارها
هناء: خلص انا بدي اخد الاوراق
المهم اخي يرجع
اصلا لو كان بابا مكاني اكيد رح يضحي بكلشي كرمال يرجع هشام ،
ياربي بس والله هدول الاوراق ازا راحو لاايد عماد رح تخرب الدنيا ،
وتخرب المهم اخي هشام يرجع
بالمال ولا بالعيال 
خلص هناء قوي قلبك وروحي جيبي الاوراق
كل شي الا اخي يصرلو شي
الاملاك بتروح وبتجي بس اخي ازا راح
والله بجن ، وامي بتموت حالها ازا صرلو شي
قوت قلبها وراحت عالشركة
كان ابوها مو بالمكتب فتحت الخزنة وكانو ايديها عم يرجفو
هناء: سامحني بابا بس انا كل شي عم اعملو كرمال هشام ابنك يلي بتحبو وعندك ياه بالدنيا ،
نبشت بين الاوراق وطالعت اوراق الملكية
بتردد كانت عم تشيلهن وترد ترجعهن بس بااخر لحظة شالتهن وسكرت الخزنة
وراحت لعند عماد
__
بمكتب عماد
هناء: جبتلك الي بدك ياه
عماد: شطورة هاد عشمي فيكي
هناء: بس مابعطيك ولا ورقة لحتى يرجع هشام عالبيت
عماد: موافق تكرم عينك نص ساعة وبيكون هشام بالفيلة
وحي يرزق وازا  بدك استني هون ، لحتى تعرفي اني صادق معك
هناء: رح استنا 
وياويلك ياعماد ازا بيكون صايبو شي لااخي
__
بعد،ساعة
كانت سارة قاعدة بحديقة الفيلا
شافت هشام جاية من بعيد
ارتسمت ع وجها علامات الفرح
ركضت لعندو بسرعة
وعانقتو
وهو استغرب من تصرفها وتفاجئ فيها
كان بدو ينطق ويقلها انو اشتقلها
بس تزكر كلامها القاسي
وتراجع
سارة: الحمدلله على سلامتك
وين كنت كل هالمدة شويلي صار فيك
انت منيح
هشام(ببرود): اي منيح لاتشغلي بالك
بعدت عنو وحطت ايديها ع وجهو
سارة: شغلتلنا بالنا عليك قلي وين كنت
تجاهل سؤالها وتركها ودخل. لجوا
كانت الست مريم قاعدة بالصالون
وصافنة
قطع صفنتها لما حكا
هشام: ماشتقتيلي امي؟،
رفعت راسها وهي عم تحاول تستوعب الصوت يلي،سمعتوو واول مااجت عيونها بعيونو
غمرتها الفرحة واجت لتركض لعندو
سبقها هو وركض لعندها وضمها
مريم(تبكي): ياروح امك ماني مسدقة انك رجعت فكرت مارح ترجع فكرت رح تعمل متل ادهم
وين كنت ياامي شوعملو فيك
هشام: اشتقتلك امي
مريم: ياقلبي وانا شتقتلك
دعيت لربي كتير انك ترجع بكفيني اللوعة يلي تلوعتها على اخوك
ياحبيبي دخيل هالعيون
قلي وين كنت
هشام: كنت مخطوف
مريم(بصدمة):  شووو ؟ولي على قلبي مين هاد يلي الو قلب يخطفك
هشام: مابعرف ماما ولاد حرام
مريم: الله لايوفقهن ، المهم انك رجعتلي ياحبيب قلبي
اجت ياسمين راكضة
وقربت لعند هشام يلي كان مرمي بحضن امو
حطت راسها ع كتفو بحنية
ياسمين: الحمدلله عسلامتك اخي مابتسدق قديش نشغل بالنا عليك
هشام: الله يسلمك ياسو. الله لايشغلك بال ياروحي
ياسمين(تبكي); ياعمري انت والله هالبيت بدونك مالو طعمة
بعد عن امو واطلع بياسمين ورجع نقل نظرو لاامو
هشام: لك شبكن عم تبكو،ليكني انا رجعت خلص،
مريم: ياضو عيوني والله ع قد ماخفنا عليك
هشام: الله يخليلي ياكن، ولايحرمني منكم
وحط راسو ع حضن امو
قامت ياسمين من مكانها بحماس
ياسمين: رح اتصل بهنوئة، والله رح يطير عقلها بس تعرف انك رجعت
_
عند عماد وهناء
هناء اجاها اتصال من ياسمين
فتحت الخط وردت
هناء: اي ياسمين
ياسمين(بصوت مليان فرح): هنو حبيبتي وينك انتي
تعالي بسرعة هشام رجع
هناء(بلهفة): عنجد عم تحكي رجع ؟ ايمتا رجع ؟وهو منيح؟
ياسمين: هلق رجع الحمدلله وهو بخير
هناء(بفرح): يلا جاية فورا ،
سكرت الخط
وقامت لتمشي
عماد: تفضلي وهي وفيت بوعدي سلميني الامانة
هناء(بحزن): ليش هيك عم تعمل نحن شوعملنالك !!؟؟
عماد(بسخرية): ولاشي بس انا هيك حابب عذبكن
هناء: نحن ولاد اخوك كيف عم يجي من قلبك تعمل فينا هيك
عماد: ههههه لك ازا اخواتك ولاد ابوكي عم يعملو فيكن العمايل بقا بدك انا اشفق عليكن؟ هاتي الاوراق خلصيني وقومي روحي شوفي اخوكي
عطتو الاوراق  وكان قلبها عم يتقطع  من القهر
هناء : بدي قلك شي قبل ماروح
روح الله لايسامحك وبشكيك لاالله ياعماد يااعمي 😔😔
عماد(بمسخرة(: هههههه اي روحي روحي حاج دراما ،قال عمي قال
مشيت هناء بقلب مكسور وشعور بالذنب
عم يحز بقلبها
انقذت اخوها من جهة بس من جهة تانية خانت ثقة ابوها وعطت عماد اوراق يمكن تخرب بيتهن

وصلت عالفيلا وطلعت
لعند هشام كان قاعد بالصالون
قربت لعندو وعيونا مليانين دموع وحضنتو.
هناء: ياعيون اختك الحمدلله عسلامتك
هشام: الله يسلمك ياقلبي كرمال الله لا تبكي مابحب شوفك زعلانة
هناء: مو باايدي يااخي خفت عليك كتير خفت ماارجع شوفك
مسكلها وجها باايدو وصار يمسح دموعها
هشام(بضحك): ماتخافي انا بسبع رواح مو هيك انتي كنتي تقوليلي ؟
ضحكها بعز وجعها ،
هشام: دخيل هالضحكة لك شتقت لنقارك وليه
هناء(بحزن): وانا شتقتلك كتير ياتقبرني
هشام: بعيد الشر عن قلبك سرنوتي الحلوة
تركتو وراحت على غرفتها سكرت الباب وقعدت بالارض وصارت تبكي بشكل هستيري
هناء: ياربي شوهاد يلي عملتو انا
ياربي دخيلك ساعدني. والله غصب عني عملت هيك والله .

____
نهاية البارت 8
التشويق لسا ماخلص
يتبع بالبارت 9......

#ابناء_البيك_
بقلم:Amina Thhan (شرقية الهوى)
البارت 9
بالليل كانو الكل مجتمعين بالفيلة
وفرحانين برجعة هشام
مجدي: طيب ابني ماعرفت مين هدول الناس يلي خطفوك
هشام: ازا شفتهن يمكن اعرفهن مع انو كان الدنيا ليل والمكان يلي خطفوني فيه كان مظلم نوعا ما ماقدرت اتعرف عوجوهن منيح
واول ماطلعنا بالسيارة غمضولي عيوني
مجدي: طيب لما طالعوك ماقدرت تعرف وين كانو حاطينك
هشام: للاسف لا
لانو كانو مغمضين عيوني بقماش اسود
ولما فكولي القماش كنت قريب من الفيلة
وراحو بسرعة البرق مالحقت شوفهن او حتى احفظ نمرة سيارتهم
مريم: معلش ماما المهم رجعتلي بخير وسلامة
هشام: الحمدلله ياامي
اطلع مجدي بيك ب سارة
مجدي: يلا بنتي سارة الله يرضا عليكي خدي زوجك خلي يرتاح بيكون تعبان كتير
سارة: حاضر عمو
قامت من محلها  ومشيت ناح  هشام وقفت قدامو  ومدتلو ايدها
مشان تسندو
حط ايدو باايدها  بدون اي ردة فعل وراحو عالغرفة
راح هشام لينام عالكنباي مسكتو سارة من ايدو
سارة: مابيساولك تنام عالكنباي
تعال نام عالتخت
هشام: لا معلش برتاح عالكنباي اكتر
مابدي دايقك
ودار ضهرو بدو يروح
سارة: مارح تدايقني تعال نام هون
التفت لعندها وحكا بصرامة
هشام: قلت برتاح اكتر عالكنباي
سارة(بااستسلام(:طيب  متل مابدك
راح نام عالكنباي وهي قعدت بتختها وكانت عم تراقبو
لحتى نام
وراحت غطتو وصارت تتأملو وتمسح ع راسه بحنية
سارة: معك حق تعاملني هيك لانو انا قسيت عليك كتير
بس انا رح صلح كل شي صدقني
ظبطتلو غطاه وقامت من مكانها طفت الضو وتسطحت ونامت..
__
بحديقة الفيلة
قاعدة هناء وعم تتصل بااياد
اتصلت اكتر من مرة وكان عم يطلع الرقم مشغول
سكرت التلفون وحطتو جمبها
هناء:هففف مع مين عم يحكي هاد
مرقت نص ساعة
رجعت حملت التلفون واتصلت فيه كمان كان مشغول
اتدايقت وقامت من مكانها وهي عم تحكي مع حالها
هناء: الو اكتر من ساعة مشغول الخط،مع مين عم يحكي بهالوقت انا بفرجيك يااياد،
----------------------------
بغرفة ماجدة
قاعدة على تختهت
ماسكة موبايلها ولافة رجل ع رجل وعم تلعب بشعرهاو تحكي
ماجدة: بكرا بدي،شوفك يعني بدي،شوفك عم تفهم اياد؟! ،مشتاقتلك موت،،طيب اتفقنا، تصبح على خير ياقلبي
سكرت الموبايل وحطتو عالكوميدينا
قامت تسطحت بختها ونامت
---------------------------
مرق كم يوم
واياد كان عم تتغير معاملتو مع هناء بينما ماجدة كانت كل الوقت عم تستغل الفرصة لحتى تبعدو عنها اكتر واكتر
كانت هناء بغرفتها
قاعدة قدام الشباك وصافنة باااياد،والمعاملة الناشفة يلي عم يعاملها فيها
حملت موبايلو واتصلت فيه
وبعد كم رنة
اياد: الو
هناء: حبيبي ليش هيك عم تعمل معي
انا شو عملتلك
اياد(ببرود): ليش انا شوعم اعمل؟
هناء(بقهر): شوعم تعمل مابتعرف؟ اياد قلي انا دايقتك بشي لحتى عم تقسا عليي ليش تغيرت معي لك كنت تتعب لمجرد انو يمر يوم ماتسمعي فيه صوتي
هلق بدقلك بدقلك مابترد
شوصايرلك ماعاد بدك ياني قلي والله بطلع من حياتك
اياد: موهيك هناء
هناء(بحزن): لكن شو اياد انا تعبانة ومحتاجة تكون جمبي ، بس انت مانك سائل شو صاير
ليكون في حدا بحياتك
اياد(متلبك): شوهالحكي هناء انا بدي حب حدا عليكي؟
هناء(بغصة) : لانو الي عم تعملو مابصير الا لما يدخل طرف تالت بالعلاقة
اياد: سدقيني هناء مافي شي من هالشي بس انا مشغول شوي
هناء(باانفعال)،: طيب اوك خليك مشغول
باي اياد
سكرت بوجهو الخط
وصارت تبكي
هناء: ياربي انا من وين بدي لاقيها
كل الدنيا عم تقسا عليي،ليش هيك عم يصير معي ليش
اما اياد فبعد ماسكر الخط انقهر كتير
قعد وحط ايديه على راسو
اياد(بقلبو):اول مرة بكذب على هناء ليش هيك عم اعمل والله هناء مابتستاهل يالله
لوين بدي اوصل انا ياربي ،
بس لا انا لازم انهي هالمهزلة
انا بحب هناء ومابدي اخسرها بمعاملتي الباردة معها..
انا لازم انهي كل شي مع ماجدة ايي
انا مابحبها، والشي يلي صار بهديك الليلة ماكان بقصدي ابدا ..
ولازم فهمها هالشي 
--------------------------
بينما. عند ماجدة
فاقت  ولبست تيابها بدها تطلع عالشركة
قبل ماتطلع حملت جوالها واتصلت بااياد
ماجدة: كيفك حبيبي
اياد: تمام انتي كيفك
ماجدة: مو منيحة اياد في مصيبة صايرة
اياد(بقلق): خير شوفي
ماجدة: مابقدر احكي هون
ولا بالشركة فيني شوفك برا
اياد؛ طيب لاقيني محل ماقعدنا المرا الماضية
سكرت تلفونها وراحت تقابلو
وصلت ع مكان مااتفقو واجت قعدت جمبو
  وكانت عم تمثل انها عم تبكي
اياد(بنظرات استغراب): خير ماجدة شوفي شبك
ماجدة: اياد في مصيبة انا مابعرف كيف بدي اتخلص منها
اياد: لك احكي شوفي

ماجدة: اياد انا حامل منك والي شهر  ونص
اتمنى الارض تنشق وتبلعو قبل مايسمع هالخبر
اطلع فيها وهو مصدوم
اياد: شووو لك شو عم تحكي انتي ؟!!!
ماجدة: متل ماسمعت شو بدي اعمل ؟
اياد: نزلي الولد
ماجدة: مابينفع قالتلي الدكتورة انو جسمي ضعيف ويمكن مااتحمل العملية وموت بعدين قلتلك انو صرلي شهر ونص يعني مابينفع ومافي اي دكتورة بتقبل تنزل الولد ، لانو حرام ،
اياد: لك شلون يعني مابينفع لكن كيف بدنا نحل القصة
اطلعت فيه بنظرة شر
ماجدة: مافي غير حل واحد
اياد: وشو هو ؟
ماجدة: انك تتزوجني وبااسرع وقت
اياد(بصدمة): اتزوجك انا؟
ماجدة: اي انت ولا بس شاطر تخبص
اياد: اي بس هديك الليلة مو انا يلي قلتلك تعي انتي يلي جيتي ، وبعدين انا ماكنت بوعيي
ماجدة: اي بس انا جيت لنسهر سوا  بس انت تجاوزت حدودك
اياد: مابعرف ماجدة انا مستحيل اتزوجك ، يابتنزلي الولد يااما مابعرف شوبدك عملي المهم انا مستحيل اتزوجك
ماجدة(بحقد): وليش مستحيل خايف على مشاعر الخانم هناء ؟
اياد(بعصبية): ماتجيبي سيرة هناء على لسانك
ماجدة: طيب بس يكون بعلمك بكرا بدك تجي تخطبني من اهلي
وازا مااجيت انا رح افضحك ورح قول انك اغتصبتني  ، ومو بس هيك رح خبر الشرطة وخليك تتخ بالحبوس
اياد(بعصبية): لك انتي عم تهدديني وليك
ماجدة: حسبها متل مابدك بس الولد انا مارح نزلو وبدك تتزوجني ،
وصدقنيي يااياد ازا مابتعمل الي بدي ياه رح تتبهدل اخر بهدلة ، انا حزرتك وانت عمول الي بريحك،
اطلعت فيه بحقد
وبرمت ضهرها وقالتلو: سلام بيبي ، فكر بالموضوع يلي قلتلك ياه ،،
بتروح ماجدة لتخلي اياد
متبسمر بمكانو وعم يحاول،يستوعب حجم المصيبة الي هو فيها
_
اما بالشركة
كانت سارة عند هشام عم يشتغلو بالمكتب
كانت سارةعم تحاول تتحركش هشام بس هشام كان عم يتجاهلها
كان قاعد على مكتبو وعم يوقع ملفات
بيحرك رقبتو يمين شمال بتعب
سارة: ازا تعبان ومافيك تشتغل كنت خليك بالبيت رتاح
هشام(ببرود): انا منيح وبشتغل قد عشر موظفين
قربت لعندو ووقفت جمبو وسندت ايديها عالمكتب
سارة: طالع حلو اليوم
هشام(ابتسامة متصنعة): والله؟ شكرا هاد من زوقك
سارة(بعصبية): هشام ليش عم تحاكيني برسمية
ترك القلم من ايدو واطلع عليها
هشام: وكيف بتحبيني حاكيكي
موانتي يلي بدك نضل عالرسمي
ليكني عم اعمل متل مابدك
بعدين نحن عن قريب رح نتطلق  شو نسيانة؟
سارة(بحزن): لا ماني نسيانة
هشام: خلص معناها انتي بحالك وانا بحالي لبين مانتطلق
سارة (بقلبها): شبو هاد من اول ماقلتلو طلقني خلص صار بدو يتخلا عني ، بس معو حق انا زودتها معو كمان ،،
بس لا مارح خليه يطلقني ، انا لازم اعمل شي وبسرعة
بتدق الباب السكرتيرة
هشام: تفضلي
السكرتيرة: هشام بيك الانسة غزل عالباب
هشام: خليها تدخل بسرعة
السكرتيرة: حاضر ،
دخلت غزل
وهي عم تمشي وتدلع
اما هو صار يمثل انو بيحبها ومبسوط بشوفتها 
غزل : مرحبا حبيبي
هشام: اهلين ياعمري تعي تعي قعدي هون قدامي مشان ضل اطلع بعيونك
غزل: شتقتلك كتير وينك مانك مبين
هشام: ظروف حبيبتي تؤبري البي ،
كانت سارة عم تراقبهن  وحست بنار الغيرة شعلت بقلبها لدرجة توترت وصارت تطق اصابعها ،
هشام مسك ايد غزل وباسها
الشي يلي خلا سارة تنقهر  وتقوم لتروح
سارة: انا رايحة على مكتبي
هشام انتبه انها نزعجت وبلش يستفزها
هشام: خلصتي شغلك؟
سارة: لا بخلصو بعدين
هشام: بس مابيصير  خلصي وبعدين روحي ،
عصبت سارة وصرخت بهشام صوت
سارة: قلتلكك بكمل بعدييين
و انا رايحة عالبيت مو على مكتبي
هشام: طيب لاتعصبي مابيسوا مشان صحتك ،
طلعت سارة وخبطت الباب خبطة قوية ،،
هشام: هههههه شكلها بلشت تستوي
غزل: يعني هشام بس تصلحت علاقتك بمرتك رح تتركني؟
هشام: طبعا رح اتركك مانحن هيك متفقين
غزل(بزعل): بس هشام انا حبيتك
هشام: ههه شو هي حبيتك انا بحب مرتي والي كان عم يصير بيناتنا هاد كلو لعبة مشان سارة تغار عليي
غزل: بس انا مابدي اتركك حبيتك من كل قلبي هشام
هشام: ههههه اكيد انتي عم تمزحي ،  يلا قومي روحي على مكتبك هلق بتتاخري على شغلك
غزل: اخر همي الشغل انا جيت كرمال شوفك
هشام: لك غزل بلا جنان ، خلصت التمثيلية يلا قومي على شغلك
انزعجت وقامت لتروح
وقفت قدامو واطلعت فيه بحب
غزل: ماشي رح روح
زتتلو بوسة وطلعت من عندو
هشام: يقطع عمرك شو مجنونة قال بتحبني قال
ناقصني مجانين ،ااخ ولك انا بس بدي ام السوس تحبني،ويلعن ابو النسوان كلهن من بعدها
وتنهد بحب وهو صافن بصورتها يلي مابتفارق بالو
هشام: ااااخ اخ ايمتا بدك تحني عليي لك سارة
فاق من صفنتو ورجع
مسك القلم وبلش شغل
هشام: خلينا نخلص هالملفات، احسن ما نسمعلنا شي كلمة من مجودة بيك.

___
اما بمكان تاني
كان اياد صافن ومحتار شوبدو يعمل مع ماجدة
اياد: شواعمل ياربي
انا مابقدر اتزوجها انا بحب هناء
بس ازا ماتزوجتها رح يصير مصيبة
وازا خبرت الشرطة رح قضي عمري بالحبوس 
وازا قلتلهن انو انا مااغتصبتها  ياترا رح يصدقوني؟ اكيد لا لانو هي بنت مجدي العباس وانا مين؟
هدول ناس ايدهن واصلة وازا مجدي بيك حطني براسو رح يدمرني
صح هو بحبني بس مارح يكذب بنتو ويصدقني
وهاد غير هشام يلي رح يصير يكرهني ويحقد عليي
وسارة يمكن تنخرب حياتها بسببي
لا انا مالازم اسمح لهالشي يصير
انا لازم اتجوز ماجدة واتحمل نتيجة غلطي
والي بدو يصير يصير
هناء بعدها صغيرة وبكرا بتنساني
وبتحب حدا تاني
ياربي بس انا بحبها وهي بتحبني،
واخيرا بيحسم قرارو
خلص اياااد خلص ، انت لازم تتحمل نتيجة غلطك  ____
مرمية على تختها وصافنة بالسقف
وعم تفكر بكتيرر شغلات
كانت الايام الماضية صعبة عليها
نفسيتها تحت الصفر
وحالتها يرثى لها
فتحت تلفونها وصارت تشوف صورها هي  واياد
وكل ماتقلب صورة تبكي
هناء: ليش هيك عم تعاملني يااياد انا شو عملتلك، لك مابكفي الي عم يصير معي ، جيت انت تكمل عليي ،، الله يسامحك بس ،، الله يسامحك
اندق الباب
دخلت لعندها ياسمين وشافتها عم تبكي
ياسمين(بقلق): هناء حبيبتي شبك انتي ليش طول الوقت قاعدة لحالك وعم تبكي
هناء: تعبانة ياسمين رح جن رح موت
قربت لعندها بلهفة وقعدت قدامها
ياسمين: سلامة قلبك ياروحي حكيلي شو صاير معك
هناء(عم تبكي وتشهق): اياد اياد ماعاد يحبني  متغير عليي كتير
ياسمين: ليش صاير شي انتي دايقتيه ؟
هناء: بعمري مازعلتو او حكيتو كلمة تزعجو بس هو  مابعرف شو صايرلو
عم يحاكيني بالسنة مرة ولما بقلو بدي شوفك بيتهرب دائما مشغول 
ولما بيحكي معي بيكون مستعجل وبيحاكيني  بكتير رسمية
قعدت جمبها  ياسمين وصارت تهديها 
ياسمين: خلص ياقلبي لاتبكي  بيكون صاير معو شي
هناء: ازا صاير معو شي بيحكيلي ماكان يخبي عني شي
ياسمين: طيب روقي روقي ياعمري حاج تبكي رح ينعمو عيونك من البكي
هناء: يالله والله ماعاد اتحمل اكتر من هيك
ياسمين: خلص حبيبتي مشان الله خلص والله مابتحمل شوفك بهالحالة
ضمتها وصارت تمسح ع شعرها بحنية لحد ماهديت شوي
--------------------------------
بالشركة
سارة قاعدة بمكتبها ومعصبة وعم تشتغل وتحكي مع حالها وعم تقلد غزل بااستهزاء
سارة: شتقتلك كتير وينك مو مبين،ولك يقطع عمرك شو غليظة ،الله ياخدها الهي،
تركت،الشغل من ايدها وحطت ايدها ع خدها وارتسمت ع رجها علامات الزعل،
سارة: انا بفرجيك ياهشام،مابكون سارة ازا بخليك،انت وهالشرشوحة تضلو مع بعض
بيقطع حديثها مع حالها 😅
صوت دقة الباب
سارة(بعصبية): تفضل،
بيدخل احد الموظفين
---:مدام سارة الانسة،ماجدة بدها ياكي بمكتبها
ارتسمت ع وجها علامات القلق
والخوف وتزكرت اتفاقهم يلي مانفذتو
بيقطع افكارها صوت الموظف
----:شو مدام شو قلا؟
سارة: جاية
--:طيب حاضر مدام
وبيطلع وبتضل هي قاعدة مكانها قلقانة
سارة: شو بدها مني هي. بس ماتكون بدها تفتح موضوع الاوراق،
وبتقوم من مكانها وبتروح لعند ماجدة عالمكتب
بتدق الباب
ماجدة(من جوا):دخلي
بتدخل وهي ملخبطة وفايتة ببعضها
وبتنتبه انو فداء كمان موجودة
سارة: شو بدكن
بتقوم فداء من مكانها بخطوات بطيئة ونظرات شريرة
فداء: سلامتك مرت اخي، بدنا سلامتك،
سارة:....
بتقوم ماجدة من مكانها هي،التانية وبتقرب لعند سارة وبتحط ايدها ع كتفها وبتطلع فيها بنظرات مستفزة
ماجدة:شو ياست الحسن والجمال، بلاقيكي نسيتي اتفاقنا
سارة(متلبكة): انو اتفاق؟
فداء: له له يامرتو لااخي نسيتي؟
ماجدة(بمسخرة): هههه اي معها حق تنسا،خبر حملها طير عقلها ونساها كل شي
فداء(بمسخرة):ههه شو بدك بالحكي،خبر بيطير العقل
بتقطع حديثهن سارة وبتخلي نظرات فداء وماجدة عليها
سارة: انا مارح نفذ الي اتفقنا عليه
فداء(بصدمة):شوقلتييي وليه ماسمعت عيدي؟
قربت لعند دانها وحكت بكل قوة
سارة:قلت انا مارح نفذ الاتفاق
وبتطلع فيها بنظرات تحدي
فداء: انتي قد هالحكي وليه؟
سارة: قدو وقدود وحياتك،
ماجدة(بدهشة): للااااا انتي فعلا جانة يابنت
سارة: ابدا ماني جانة، انا بس مارح نفذ الاتفاق
فداء: بس رح تدفعي التمن غالي كتير اذا مانفذتي،
سارة(ببرود):شو رح تعملو يعني؟ رح تفضحو علاقتي برائد؟ ،اوك وساعتها انا هداك الوقت بفضحكن وبقول للكل ليش خليتوني اتزوج هشام
رفعت ايدها بوجهن (تهديد)
سارة:ليكي وليه منك الها ازا لسا بتفتحو معي سيرة الاتفاق،واللهي وبكسر الهاء لحتى روح وخبر عمي،بكل شيييي وخليه يقلعكن ويزتكن برا بيتو متل،الكلااااب ،وبرجع بقلكن اول ماتنفضح قصتي مع رائد،انا كمان رح افضح كل شي بقا انتبهي ع حالك انتي وياها وقعدو عاقلين

وبتقرب منهم وبتطلع فيهن بااستفزاز بينما هنن مستغربين من جرأتها
سارة:فهمتو يابنات حماي؟ ولا فهمكم؟ 
بيضلو ساكتين وعم يتطلعو فيها
بينما هي بتضحك بوجهن بااستهزاء وبتلوح باايدها وبتغمزهم
سارة: سلام ياقمرات
وبتلف ضهرها وبتطلع
تاركة فداء وماجدة عم يتطلعو ببعض
ماجدة:شوبدنا نعمل معها هي؟
فداء(بخبث): تركيييها تركيها اختي،كل شي بوقتو حلو
ماجدة:يعني،بدك تسكتيلا؟
فداء: مو خسا!!! انا اسكتلا؟،بس عم قلك كل،شيي بوقتو حلو ،خليها هلق تنبسط شوي معنا وقت كتييير، والايام جاية بتشوفي شو رح اعمل فيا
ماجدة(ب شر): اي،شو عليه، قولتك خليها تنبسط وتحب وتتمعشق هي،والسيد هشام،ساعتها وقت بدنا ننتقم، رح يكون الانتقام ادسم
فداء(بضحكة شريرة):هههههه وحياتك كامل الدسم كمان
ماجدة: هههه حبيتا هي
------------------------------
المسا ع سفرة العشا
مجدي: شو ابني كيف الشغل
هشام: تمام التمام مجودة بيك
مجدي(بضحك):شايفك رفعت الكلفة ياولد
هشام: ههههه مشيلنا ياها هلق
مجدي:مشيناها
ونقل نظرو لسارة وحكاها
مجدي: عمي بدي اطلب منك طلب
بتكون عم تاكل بتترك الاكل وبتطلع فيه
سارة: نعم عمو امرني؟
مجدي: مايؤمر عليكي،ظالم يابنتي،بس بدي ياكي هالفترة ماتطلعي عالشركة
سارة: اف ليش؟
مجدي: مابدي ياكي تتعبي حالك
هشام(متدخل):وليش يعني؟  شو رح يصرلا ازا شتغلت
وبيطلع بسارة بجكر وبيحكي،
هشام: متلها متلنا
مريم(متدخلة): اي لامو متلها متلكن،شو نسيت انو مرتك حامل،ولازمها راحة،ولابدك ياها تسقط لاسمح الله
بيطلع هشام باامو بصدمة وهو عم يحاول يستوعب يلي سمعو
هشام:شوقلتي امي؟؟
وبتنكشه سارة بااحراج وبتحكي
سارة:تقلان سمعك حبيبي،عم تقلك انو لازم ارتاح ،مشان البيبي،
بيفهم هشام عليها و بيحكي وهو عم يبين انو هو بيعرف بحمل سارة
هشام: لك اي اي صح
وبيتطلع بسارة
بينما الكل عم يتطلع فيهن مستغرب
هشام: اي حبيبتي معهن حق بابا وماما، لاعاد تشتغلي ريحيلي حالك
سارة: اي انا باامركن متل مابدكن
مريم: اي حبيبتي دخيل عينك
خلصو عشا والكل راح على غرفتو
بيدخل هشام على غرفتو وهو معصب
وبيسكر الباب بقوة
بيقرب من سارة يلي كانت مستحية منو
هشام: ليش ماخبرتيني انك حامل؟ حلوة هيك هالموقف الي كنت رح انحط فيه ؟
سارة(متلبكة): ماصحلي فرصة
هشام(بعصبية): مااااصحلك فرصة،،مزبوط معك حق،اصلا انا شو دخلني،رجل كرسي انا، مالي وجود
سارة(مقاطعة):مو هيك القصة هشام بس
هشام(بصراخ): بسسس شو؟ قوليلي،بس شو، لك انتي ليش هيك عم تعملي معي؟ ليش،شوعملتلك لحتى بتكرهيني هالقد،
سارة:هشام اسمعني،القصة مابدها كل هالتعصيب هدي
هشام: اي لامابدي هدي،مابدي هدي سارة ، مابتحبيني انتي حرة،بس توصل معك انو تطلعي حامل،والكل،بيعرف الا انا،ليش؟ ليش ماخبرتيني؟ لتكوني بدك تنزلي،الولد كمان، هالقد وصل معك الكره؟
سارة(بصراخ):هشام خلص خليني احكي
هشام: مابدي،اسمع منك شي،خلص مابدي،اسمع صوتك
حلي عني
قربت منو ومسكت ايدو ونظراتها حزينة
سارة: هشام خلص بقا،والله كنت بدي خبرك بس ماصحلي وقت
بينفض ايدها من ايدو بعصبية وبيطلع لبرا وبيخبط الباب
وبيقعد بحديقة الفيلة قدام المسبح
هشام(بقهر):هه مابدها تخبرني انها حامل،طبعا بتكون زعلانة وماعرفانة كيف رح تخلص من الجنين،لانو هالولد رح يجبرها تضل معي
بيطالع علبة،السجاير وبيشغل،وحدة وبيصير يشربها وهو معصب وعم يحكي مع حالو
هشام: مابتطيقني،بتكرهني،وكأني قاتلها ابوها،،لك اخ بس اخ ليش هيك حظي،انا ليش
--------------------------------------
باليوم التاني،
قاعدين هو وياها قدام بعض بالكافيتيريا وتنيناتن ساكتين
وكل واحد منهن عم يستنا التاني يحكي
اياد: شبك ليش ساكتة مابدك تحكي شي
هناء(ببرود): شو بدك ياني احكي
اياد: احكي اي شي انا ماجبتك لتضلي ساكتة
هناء: ماعندي شي احكيه
اياد: هناء شوصايرلك لي هيك عم تعامليني
هناء(مستغربة): انا ؟ انا يلي عم اتعامل معك بطريقة مو منيحة ولاانت
انت الي بدك تقلي شبك شو صايرلك ليش هيك مجافيني
اياد(بقلبه): قلا الحقيقة ولا لا ازا قلتلها رح يجن جنونها ويمكن تعمل بحالها شي
لا لا خلص بعدين بتعرف لحالها
هناء: شو ليش صافن
اياد: هناء انا تعبان شوي مو اكتر
هناء: تعبان؟ طيب ليش ماعم تحكيلي شو يلي متعبك زمان كنت تحكيلي كل شي
وكل ماتكون مدايق تفشلي خلقك هلق شو تغير ليش ماعم تحكيلي
اياد،: .....
هناء(بقهر): اكيد مارح ترد لانو ماعندك شي تقولو
لانو قصتك موقصة تعب نفسي
قصتك انو انت في حدا تاني بحياتك
وماعدت تحبني
اياد: لا هناء موهيك القصة ابدا
هناء: لاهيك احساسي عم يقلي انو هيك القصة
اياد: كرمال الله هناء شيلي هالوسواس من راسك

هناء: .....
وبعد صمت طويل
هناء: انا بدي سافر كم يوم على طرطوس
اياد: شوبدك تعملي هنيك؟
هناء: تعبانة وحابة بعد عن الناس شوي وعنك
بلكي ازا غبت بترجع اياد القديم
وبتغص وبيتجمعو الدموع بعيونها
هناء:اياد يلي كان يحبني ومايتحمل يمرق عليه نهار ومايشوفني ،،
اياد(بحزن): طيب ازا هالشي بريحك روحي
هناء: طيب هلق عن ازنك لازم امشي
اياد: بوصلك؟
هناء: مافي داعي بروح لحالي 
مشيت وتركتو قاعد لحالو
محتار ومكسور من جوا
اياد: سامحيني ياهناء والله غصب عني كل شي رح اعملو فيكي
اخخ بس الله لايوفقك ياماجدة، لك انا شو الي عملتو هديك الليلة شو، لك الله لايوفقني ان شالله، دمرت حياتي باايدي
بيقوم من محلو وبيترك الحساب عالطاولة وبيمشي
-------------------------------
ببيت مجدي بيك
كان هشام قاعد بغرفتو
وباايدو الموبايل
بتدخل سارة ع الغرفة
واول مابيشوفها بيفتح تسجيل الصوت وبيعمل حالو عم يحكي مع غزل
هشام: اي غزولة حبيبتي تمام اتفقنا بشوفك المسا لكن تقبري قلبي شو مشتقلك
شعلت نار الغيرة بقلب سارة قربت منو ووقفت قدامو ضامة ايديها ببعض
سارة: انا بدي روح زور اهلي،مابدك تجي تسهر المسا؟
هشام: ماني فاضي
سارة:بالله شو؟  وفاضي للست غزل ما
اطلع فيها بنظرات جكر وتصدر لورا
هشام(وهو عم يقوم من محلو): اي طبعا، انا بفضا ليلي بيحبني بس
مسكتو من ايدو وحكتو بعصبية
سارة:لك انت شو صايرلك اه ليش هيك عم تتبارد معي
بيشيل ايدو من ايدها بهدوء
وبيحكيا بلهجة باردة اكتر
هشام: كيف بدك ياني احكي معك مدام سارة؟  موانتي يلي هيك بدك،بعدين انتي من ايمتا بهمك كيف بحكي معك،موعااساس بتكرهيني ومابتطيقيني شو تغير هلق
نزلت راسها بالارض وحكت
سارة: انا بو قتها كنت معصبة وحكيت هيك
هشام: هاا بالله؟  ومن شو كنتي معصبة بالله
سارة: خلص هشام اهدا وخلينا نقعد نتفاهم
هشام:،لامابدي،اهدا ومابدي نتفاهم،تركيني بحالي
اصلا انا ماعاد بدي،ياكي كمان، وبس عم استناكي لتولدي لحتى نتطلق
سارة(بصدمة):  هشام انت من كل عقلك عم تحكيي؟
هشام: اي من كل عقلي،واحسنلك يامدام تضلي بحالك وتتركيني بحالي من هوون لحتى تقومي بالسلامة ،
ولف ضهرو ليطلع من الغرفة وهو عم يمسك ضحكتو
وقف لما صرخت فيه
سارة: مع اساس بتحبني ،شو هالحب هاد،بهالسهولة تخليت عني
بيلف ضهرو وبيحكي معها بجدية
هشام: وليش لااتمسك فيكي وانتي مابدك ياني؟
سارة: مين قلك مابدي ياك
هشام: انتي قلتي
سارة: هاد الحكي قديم ،خلينا نفتح صفحة جديدة
هشام: صعب
سارة:لك ليش صعب ليش،ماتجنني هشام
هشام: خلصيني بقا سارة ماني فاضيلك، حلي عني
وبيلف ضهرو وبيطلع من الغرفة ليتركها عم تاكل حالها من القهر
بينما هو كان مبسوط
اول مابيسكر الباب بينفجر من الضحك
هشام: 🤣🤣 الله حيوووو استوت عالاخر والله
انا اسف حبيبتي، بس مضطر اقسا عليكي شوي 😈😈
---------------------
بمكان تاني
هناء: بابا من بعد اذنك انا بدي اطلع كم يوم على طرطوس
مجدي: خير بابا شوفي هنيك؟
هناء: تعبانة وحابة غير جو
مجدي: وبدك تروحي لحالك؟
هناء: لا رح اخد ياسمين ومهند معي
مجدي: طيب بابا على راحتك
المهم ترتاحي وترجعي متل ماكنتي
لانو وضعك هالفترة مو عاجبني
هناء: يخليلي ياك يابابا ماتشغل بالك انا بخير بس تعبانة نفسيتي مو اكتر
مجدي: الله يريح بالك ياحبيبة قلبي
____
بعد مرور تلات اسابيع
هناء كانت كل هالمدة بطرطوس
مع ياسمين وابنها
واياد خطب ماجدة رسمي
وقررو يستعجلو بالعرس قبل ماتكبر بطن ماجدة ويبان عليها
هناء ماكان عند خبر بشي
مع انو ياسمين كان عندها علم بخطبتهن بس ماقالت لهناء
مشان ماتدايق وتتعب
هشام لسا عم يمثل على سارة انو هو بيحب غزل
وسارة كانت عم تموت من القهر
كانت كل يوم  عم تحبو اكتر واكتر من قبل
---------------------------------
بالليل
كان هشام راجع من برا متأخر
دخل ع غرفتو وتفاجئ لما شاف الغرفة مزينة بورد احمر وشموع وشغالة موسيقى رومانسية
وسارة قاعدة وعم تستناه
هشام(بدهشة): اوووه كاني انا مخربط ماني داخل ع غرفتي
بتقرب لعندو وبتحط ايدها ع كتفو وبتطلع بحب
سارة: تأخرت حبيبي
وهو لسا عم يتطلع فيها بعدم استيعاب
سارة:شبك؟
هشام: ولاشي بس شكلي مخربط رح روح دور ع غرفتي
بيجي ليطلع من باب الغرفة بتمسكو من ايدو وبتدخلو
سارة: تعا لهون بلا غلاظة
هشام(بزعل):شو بدك مني
بتحط راسها ع صدرو
سارة:بدك ياك كلك ع بعضك
هشام(بزعل): موعااساس مابدك ياني
سارة: كنت حمارة كنت غبية ومابفهم وهلق صحيت
هشام(بعتب):بس انتي جرحتيني كتير
سارة: بعرف اني جرحتك بس خلص بقا بدك تضل زعلان مني؟ انا بحبك هشام بحبك وبموت فيك، ومارح اسمح لهديك الحرباية تاخدك مني، انت الي انا

بيشل راسها عن صدرو وبيطلع بعيونها وعيونو مدمعين
هشام: شو قلتي رجعي عيدي ماسمعت
سارة: بحبك هشام، بترجاك ماتتركني، انا بعرف اني قسيت عليك كتير،بس ماكنت بوعيي
بياخدها لصدرو وبيضمها بقوة
وبيحكيها بصوت مليان حب
هشام: ياعمري انتي وانا بحبك وبعشقك، يالله شو ستنيت اسمع منك هالكلمة،هي احلا لحظة بحياتي،حاسس اني نولدت من جديد،
بتطلع فيه بنظرة عتب وعيون مليانين دموع
سارة: يعني مارح تتركني وتتزوج غزل؟
هشام: لككك غزل مين والناس نايمين، لك يلعن غزل وسيرة غزل وكل عيلتها،ولك مجنونة انا بحبك ،وكنت عم مثل عليكي،لحتى جاكرك واقهرك
سارة(بزعل):يالطيف مأقواك نشفتلي قلبي  🥹
هشام: ولك سلامتو لقلبك يادقة قلبي انتي
ضمها لصدرو من جديد وباسها بلهفة
قضو ليلة من احلا ليالي عمرهم سوا
ليلة كلها فرح وحب وعشق
بعيدة عن كل الحساسيات يلي كانت بيناتهن والمشاكل...
___
باليوم التاني
كانو اياد وامو ببيت مجدي بيك
قاعدين عم يتفقو عتحضيرات العرس
عرس ماجدة واياد
بينما الكل سهرانين وعم يحكو ويتفقو
قاطعو حديثهن وصلة هنا وياسمين من السفر
هناء: مسالخير ياجماعة شوهاللمة الحلوة
هشام(بفرح): لك اهلين بالصبايا الحمدلله عسلامتكن
وبيقوم بيسلم عليهن
ياسمين: الله يسلمك تؤبرني
مريم: الحمدلله عسلامة شتقنالكن
هناء: ماقلتولي شو سر هالجمعة الحلوة
اياد كان عم يتطلع بهناء نزل راسو بالارض وتلبك
هشام: مافي شي نحن مجتمعين مشان نتفق على تحضيرات العرس
هناء(متفاجئة): 🤔🤔؟؟انو عرس؟
ماجدة(باابتسامة صفرة): شبك هناء عرسي انا واياد شوماخبرتك ياسمين😈
نزل الحكي عليها متل الصاعقة
كانت ماعم تصدق يلي عم تسمعو كان بدها ترجع تسألها مرة تانية ازا الحكي يلي سمعتو صح
او هي سمعت غلط
بس من كتر الصدمة غابت عن الوعي ووقعت باارضها ،
الكل ركد عليها مفزوع
وحاولو يصحوها
بس اياد كان واقف بعيد وقلبو عم يتقطع من جوا وموقدران يعمل شي
موقدران ينقذ البنت يلي بتعشقو بجنون
كان عم يحس بالذنب بكل لحظة ،،
هشام: هناء ردي عليي عم تسمعيني
مريم: شبك ياامي شوصرلك
هشام: حدا يجيب مي 
مجدي: ابني  احملها خلينا ناخدها على غرفتها  ،
اخدوها على غرفتها وحاولو يصحوها
بعد ربع ساعة فاقت وشافت الكل متجمع جمبها
مريم: هناء حبيبتي شوصرلك ياروح امك
حاولت تحكي بصعوبة: انا منيحة امي
هشام: خوفتينا عليكي
مجدي: ماحدا اتصل بالدكتور لهلق؟
هناء: مافي داعي للدكتور بابا انا صرت منيحة بس مجرد دوخة 
مجدي: سلامتك بابا يلا ياجماعة خلونا نتركها ترتاح ،
طلعو الكل وضلت ياسمين جمب هناء
كانت هناء كتير منهارا وتعبانة
غصت بالبكا وصارت تعاتب ياسمين
هناء: ليش ماقلتيلي  ليش ماقلتيلي انو اياد خطب ماجدة
ياسمين: ياعمري والله مااجا من قلبي خبرك اناكان عندي علم من زمان بس ماقدرت خبرك لانو بعرف شو بدو يصير فيكي
هناء: ليش هيك عمل فيني والله والله كنت حاسة انو في حدا تاني بحياتو بس ماتوقعت ماجدة ماتوقعت
ياسمين: لاتبكي حبيبتي مشان الله عم تبكي عليه؟ مابيستاهل ولادمعة من عيونك
هناء: لك كيف ماابكي كيف والله انا حبيتو ليش هيك عمل فيني
ياسمين: لانو ندل مشان الله لاتبكي اختي
حضنتها بحنية و
وضلت جمبها طول الوقت  وماتركتا ولالحظة
كانت عم تشوفها كيف عم تحترق وتدوب من جوا وقلبها عم يوجعها عليها
طلع الصبح  عليهن
وهناء مانامت بليلتها
ولاداقت طعم النوم كل الوقت عم تبكي
وتلوم حالها وتلوم اياد
الشب يلي حبتو بكل صدق وطعنها بضهرها
وخذلها
كانت متوقعة الاذا من كل الناس الا منو
بس للاسف الاذية الكبيرة اجتها من الشخص يلي امنتو على روحها وقلبها ومشاعرها ....
ياسمين: شوحبيبتي مانمتي؟
هناء: ومن وين بدو يجي النوم
ياسمين: حبيبتي طولي بالك شيليه من راسك لاتفكري فيه وبكرا الله بيعوضك بحدا احسن منو
هناء: حدا احسن منو؟ ياسمين مشان الله خلص تركيني بحالي
ياسمين: طيب بس ماعاد تبكي الله يخليكي
خلص مسحي دموعك
انا رايحة شوف مهند وقول لاام علاء تحضر الفطور وانتي غسلي وجهك ومسحي دموعك مابدي حدا يشوفك عم تبكي ماشي؟؟
هزت راسها علامة رضا
وبس طلعت ياسمين
صارت تبكي اكتر
سحبت حالها بصعوبة و دخلت عالحمام
وقفت قدام المراية وكانت عم تبكي كتير
هناء: انا مستحيل اتحمل شوفك مع غيري اياد  مابقدر شوفك مع وحدة تانية
والله بجن بجن
يالله ليش هيك عملت فيني والله انا حبيتك ليش خنتني ليش
القهر كان عامي عيونها وخلاها تفقد صوابها
نبشت بين الاغراض الموجودة بالحمام
و جابت شفرة
وحطتها على ايدها وقطعت شريانها 
بلش الدم يسيل من ايدها
وهي ماقدرت تتوازن  داخت ووقعت بالارض

___،
بالصالون الكل كان مجتمع عالفطور
هشام: وينا هناء ياسمين
ياسمين : بغرفتها عااساس تلحقني
هشام: انا رايح شوفها
قام من مكانو و دخل ع غرفتها وصار يناديلا
هشام: هنوئة وينك هناء
دور بكل الغرفة مالقاها 
شاف باب الحمام مفتوح قرب لعند الباب وشافها بالارض ودمها مغرقها
انفزع وفنجر عيونو
و صررخ بصوت عالي
هشام: هناااء  يالله شو صرلا هي شو عملت بحالها
ياناس لحقونا حدا يتصل بالاسعاف
____
بعد ساعة
كان الكل مجتمع بالمشفى وكانت هناء بالعناية المشددة
مريم: ياربي دخيلك تحميلي بنتي
هشام: بس بدي اعرف شويلي خلاها تعمل بحالها هيك
فداء: الله اعلم شوعاملة مصيبة لحتى حاولت تنتحر
مجدي(بلهجة عصبية): شوهالحكي فداء لي هيك عم تحكي على اختك ؟
هشام: فداء ازا عندك كلمة منيحة احكيها ماعندك انضبي
فداء: ...😒
!اياد كان واقف لبعيد وحاطت راسو بالارض والدمعة بعيونو
اياد(بقلبه): انا السبب انا ازا صرلها شي هناء انا مارح سامح حالي ورح اقتل حالي واقتل ماجدة واخلص منها
ياسمين كانت واقفة قبالو وعم تزاورو
راحت لعند هشام واخدتو عجنب
ياسمين: هشام تعا معي بدي قلك شي
هشام: خير شوفي
ياسمين: تعا معي لااحكيلك ،

راح معها لبرا المشفى

هشام: شبك ليش جبتيني لهون
ياسمين: اخي انا ماكان بدي احكيلك بس الي صار مع هناء مابينسكت عنو
هشام: خير ياسمين؟
ياسمين: انا بعرف ليش هناء حاولت تنتحر
هشام: ليش؟
ياسمين: هناء بتحب اياد واياد كان مفهمها انو هو بيحبها ولما سمعت انو هو بدو يتزوج ماجدة  جنت
مبارح طول الليل ضلت عم تبكي
وماكنت متوقعة تعمل بحالها هيك ،
هشام(بصدمة): انتي شو عم تقولي اياد ؟ وهناء؟ من ايمتا ؟؟؟
ياسمين: اي من زمان كانو يحبو بعض بس بالفترة الماضية اياد تغير كتير مع هناء وهناء كانت كتير مقهورة من تغيرو لهيك اخدتني وسافرنا عطرطوس
  بس  هاد اياد واحد  ندل لك كيف اجا من قلبو يعمل فيها هيك مابعرف
هشام(بعصبية): كان عم يضحك عليها كل هالايام؟؟؟ لك انا ماعم صدق اياد رفيقي  يطلع منو هيك ؟؟؟
طيب هناء ليش ماقالتلي من قبل ؟ انا مرة شكيت انو بتحبو
لانو كانو يطلعو كتير مع بعض لما سالتا ازا في شي بينها وبينو قالتلي لا مجرد صداقة
لك ليش خبت عني ليييش؟
ياسمين: هاد يلي صار
هشام: بدي اطلع بروحو لهالحقير
ترك ياسمين وراح وكان معصب كتير
وجانن جنونو
لحقتو ياسمين لتحاول تهديه
ياسمين: لوين اخي
هشام: طالع دعوسو لهالكلب لكن انا اختي يصير فيها هيك من تحت راسوووو
ياسمين: طول بالك بالهدواة كل شي بصير
هشام: لك انو هداوة وهي البنت يلي بالعناية
هي مو اختي؟ والله لاامسح فيه الارض
ياسمين: اخي الله يخليك ازا بدك تخانقو
لاتخانقو قدام اهلك
مو كرمالو كرمال ماجدة شونسيان انو رح يصير زوجها
هشام: مارح يحلم بضفرها هي التانية
ياسمين: طول بالك اخي حرام  مشان ماجدة لاتخربلها فرحتها
هشام: لك شووو لااخربلها فرحتها لك هاد واحد حيوان !! ناقصنا يعمل فيها متل ماعمل بهناء!
ياسمين: اخييي بوس ايدك اهدا مارح يعمل فيها متل هناء بس انت هدي
هشام: ماشي
طلع هشام وكان عم يتطلع بااياد نظرات كلها غضب
ندهلو وحاول يخفي عصبيتو
هشام: اياد معلش تجي معي شوي
حست سارة انو في شي مو طبيعي  وضلت عم تراقبهن
اياد: خير في شي؟؟؟
هشام: لامافي شي بدي ياك بشغلة ،،،
راح اياد مع هشام لبرا المشفى
ولحقتهن سارة وكانت عم تراقبهن من بعيد  ،
اياد: شبك ليش جبتني لهون
هشام: ....

اياد: هشام شبك؟؟؟
احمرو عيونو وازدادت عصبيتو ورفع ايدو وضرب اياد كف ،
اياد انصدم واستغرب من تصرف هشام معو
اياد: شبك؟ هشام ليش ضربتني؟؟ 
هجم عليه هشام وصار يضربو اكتر 
مسكو من رقبتو وصار يصرخ عليه
هشام(بصراخ): مابتعرف ليش ياكلب مابتعرف
كنت عم تضحك على اختي كل هالايام لك ليش هيك عملت فيها شوعملتلك لحتى تكسرلا قلبا
اياد: طول بالك هشام اهدا خليني فهمك
هشام: لك شو بدك تفهمني بدك تفهمني انو كنت عم تكذب على هناء ؟
سارة ماتحملت تشوف اخوها عم ينضرب ركدت لعندهن وحاولت تخلص اياد من ايدين هشام
سارة؛ هشام بعد عنو  كرمالي تركو
هشام: انتي لاتدخلي بيني وبينو
سارة: لك كيف مااتدخل هاد اخي
هشام: وهي يلي بالعناية المشددة اختيييي  ياسارة
اختييي يلي دعس على قلبها اخوكي ،
وجه نظراتو لااياد : احكي ولاه ليش هيك عملت مع هناء ؟؟
اياد: تركني لااحكي،،
بعد ايديه عن رقبتو وخلاه يحكي
  هشام : احكي عم اسمعك
اياد: انا صح كنت حب هناء بس بعدين كتشفت انو انا وهي مالنا مناسبين لبعض هناء اصغر مني بكتير وعقلها ماكان طابق على عقلي
ولاحتى افكارنا

هشام(بحقد): وهلق اكتشفت انو مالكن مناسبين لبعض
لك مافكرت شو بدو يصير فيها لك انت شو انت حجر
اياد: هشام اختك هي يلي كانت راكضة ورايي
وبيهجم عليه هشام وبيمسكه من تيابه
هشام: خراس ولاه اختي مابتركض ورا حدا
بقص لسانك ازا بتحكي هيك على هناء
اياد: طيب حقك على راسي
هشام: وهي وين بتنصرف، سماع ولاه ازا اختي بصرلا شي بدي موتك عم تفهم
لاانت ولاعشرة متلك بيعوضوني عن اختي
قال شو ومفكرك رفيقي نزلت من عيني كتير يااياد ،
شوف ولاه ازا بتفكر تعمل بماجدة متل ماعملت بهناء رح دمرك عم تفهم ،.
اياد: لا لا انا بحبها لماجدة ومارح اتركها ابدا اوثق فيني
هشام: كيف بدي ارجع اوثق فيك كيف ، لك انت مو بس كسرت قلب هناء انت كمان رح تعمل حساسية بينها وبين ماجدة رح تخليهن يكرهو بعض
اياد: فترة وبتمر بكرا هناء بتنساني وبتعيش حياتها
هشام: الله لايوفقك مااحقرك عم تحكي بكل برودة اعصاب ، دمرت مشاعرها للبنت وعم تقول بكرا بتنسا لك شوبدها تنسا ياكلب؟؟
شوف ولاه انا طالع لفوق ياويلك ازا بتحسسهن بشي
مو كرمالك كرمال ماجدة اختي بس
وازا بتروح ومابتفرجيني وجهك احسن
سارة(وهي حاطة ايدها ع كتف هشام): هشام روق الله يخليك
هشام: تركيني مابدي روق ،
تركهن  وطلع لفوق
وحاول يبين انو طبيعي
وسارة  اخدت اخوها
مسحتلو الدم  وبعدها طلعو لفوق 
شافهن هشام وصار يتطلع بااياد بعصبية
مجدي  بيك حس انو في شي موطبيعي
وصار عندو فضول
مجدي: خير شوفي؟
هشام: مافي شي بابا شغلة بيني وبين اياد ،
وفجأة طلع الدكتور مشان يطمنهن على هناء
وعيون الكل صارت عليه ب لهفة
مجدي: طمنا دكتور كيف وضعها البنت
الدكتور: اطمنو وضعها مستقر قدرنا نوصلها الشريان
بس نزفت دم كتير
مريم(بلهفة): فينا نشوفها ؟
الدكتور: صعب هلق لانو لسا ماصحت من البنج ولازمها راحة

-----------------------
باليوم التاني
باليوم التاني
هناء صحت بس كان وضعها النفسي كتير متأزم
كان هشام قاعد جمبها وعم يعاتبها وبعيونو نظرات حزن وخوف
هشام: هيك بتعملي فيني وبتخوفيني عليكي
هناء: .....
بيمسحلا دموعو باايدو وبيحضنها
هشام: لاتبكي حبيبتي هاد الحقير مابيستاهل ولا دمعة من عيونك
هناء(متفاجئة): ليش انت عرفت؟
هشام: اي عرفت ، هيك بتخبي عليي ليش ماقلتيلي ؟
هناء تبكي : بعمري ماتخيلت انو اياد يكون عم يكذب عليي كنت مفكرتو بيحبني
لحد هلق ماعم صدق انو اياد طلع خاين
هشام: حاج تبكي مابيستاهل تعملي بحالك كل هالشي
هناء: بس انا بحبو
هشام: مابيستاهل تحبيه ، انا مارح اسكتلو ورح خلي ماجدة تزتلو المحبس بوجهو
هناء (بقلبها): ماجدة؟ مسكين يااخي مفكر انو ماجدة مالها دخل بيلي صار اكيد هي الها دخل
لهون وصلت معك ياماجدة تسرقي حبيبي مني ،
قاطع افكار ها صوت هشام: الله يوفقك حبيبتي انسيه ولاعاد تفكري فيه ، وديري بالك على حالك
هناء: ان شالله اخي
هشام: الله يخليلي ياكي، انا طالع شوي وبرجع ماشي؟؟
هناء: ماشي حبيبي
طلع هشام من عند هناء
وكان اياد برا عم يراقب من بعيد
وعم يستنا فرصة ليشوف هناء
دخل لعندها وهو موطي راسو
بس هي لما شافتو جن جنونها عليه
نفعلت وصارت تصرخ عليه
هناء: انت شوجابك لهون شوجابك جاية تكذب عليي ؟ قلي شوجيت تعمل
قرب لعندها بلهفة ومسك ايدها
اياد: هناء ليش هيك عملتي بحالك خفت عليكي كتير
بتنفض ايدها من ايدو وبتحاكيه بصوت مليات غصة
هناء: لا؟ والله؟  يكتر خيرك مافي داعي تخاف  عليي انا بخير
وماني بحاجتك عم تفهم اياد
اياد(بحزن): ليش هيك عم تحاكيني
هناء: كيف بدك ياني حاكيك؟
اياد روح من وجهي مابدي شوفك ولابدي اسمع صوتك روح عند حبيبتك ،
انا قلبي كان حاسسني انو في حدا غيري ولما سالتك كذبت عليي لك بس ماتوقعت  انو تكون ماجدة،
ليش ماقلتلي انو بتحبها من الاول ليش خدعتني ليش ،
اياد: انا وانتي مالنا مناسبين لبعض هناء
ماعندي غير هالجواب
هناء: والله؟ هلق عرفت انو مالنا مناسبين لبعض
ليش كنت كل هالايام عم تمثل انك بتحبني كنت عم تتسلا وتمضي وقت؟
وهلق تسليت؟ خلصت؟
اياد: ......
هناء: طلاع لبرا اياد طلاع مابدي شوفك
اياد: مارح اطلع لحتى تسامحيني
هناء(بلهجة تهديد): ايااد طلاع لبرا احسن مالم المشفى عليك ،
اياد: واناا عم قلك مارح اطلع 
وفجأة اجت ياسمين على صوت هناء
ياسمين: انت شوعم تعمل هون ماكفاك يلي عملتو
اياد: ياسمين ماتشعلي النار اكتر
ياسمين: بالله شو ؟ طلاع لبرا اياد احسن ماخبر هشام لك ماكفاك الي عملتو فيها لسا جاية وبكل عين وقحة
اياد بعصبية : ماني طااالع لحتى تسااامحني هناء
هناء: وانا مارح سامحك عم تفهم ماارح سامحك
ياسمين: طلااع لبرا ايااد يلاا ،

غص بدموعو وحس باليأس وقرر ينسحب ويطلع فورا 
اياد: طيب طالع،
ياسمين: لك  الله لايردك ،
دار ضهرو وطلع بهدوء 
وهناء كانت عم تراقبو بحسرة
هناء:  الله لايسامحك واحد حقييير ندل
ياسمين بتحط ايدها عاايد هناء وبتطلع فيها بحنية
ياسمين:طولي بالك حبيبتي اهدي
----------------------
نهاية البارت 9
يتبع.....

#ابناء_البيك_
بقلم:Amina Thhan (شرقية الهوى)
البارت 10
بعد كم يوم
ببيت صافي
كانت فداء عند صافي بالبيت
فداء: حبيبي بدي قلك شي
صافي:قولي يعيوني
فداء: شو صار معك مشان الاوراق؟ 
صافي: حبيبتي ماتاكلي هم عم ظبطلك الوضع
فداء(بفرح):يعني الاملاك رح يصيرو بااسمي
صافي(بضحة خبيثة): اكيد حبيبتي كلهن رح يصيرو بااسمك
فداء:حلو كتيرر شكرا حبيبي
وبتقرب منو وبتبوسو
صافي(عم يعمل حالو بيحبها): دخيل قلبك انا 
بيضمها لصدرو وبيصفن ونظراتو كلها خبث وشر
صافي(بقلبه):اييييه قربت، كلها فترة وبتصيري مرتي،وساعتها رح اعمل كل جهدي ليصيرو كل املاكك الي ،هه لعما ضربك شو غبية،مفكرتني بحبا الجحشة
-------------------------
طالعة من شركة ابوها  وماشية بااتجاه سيارتها
شافت اياد واقف بعيد وعم يستناها
صرفت نظرها عنو وتجاهلتو
بس هو لما شافها ركض لعندها
ووقف بطريقها: هناء سمعيني
هناء(باانزعاج):شوبدك سيد اياد
اياد: فينا نحكي شوي
هناء(بعصبية): بشوو بدنا نحكي بشووو؟؟؟
اياد: بااي شي بس خليني اطمن عنك 
هناء: تطمن عليي؟ ليش كتير بهمك
اياد: اكيد بيهمني
هناء: بعد من طريقي اياد
اياد: مارح بعد ،،
تجمعت العبرات بعيونها وانفجرت عليه بالصراخ
هناء: لك انت شووو بدك لسا شووو بدك
عطيتك قلبي وكسرتو
لك امنتك على حالي بس طلعت مو قد الامانة
قتلتني دمرتلي حياتي  ،، لسااا شوبدك مني
شوبدك منييي
بدك تخلص عليي ؟؟ ليكني قدامك
خنقني وريحني من هالحياة
اياد( بحزن): انا اسف هناء ،اسف على كل شييي ،
ضحكت بوجهو ضحكة وجع
وقالتلو: اسف؟؟؟ اسف على شووو بالظبط ؟؟
انت كنت عم تضحك عليي اياد
كنت عم تضحك على قلبي يلي حبك
كنت عم تخدعني
كنت عم تتسلا فينيي
ولما مليت ، صار بدك تقتلني
وفعلا صرت تقتلني شوي شوي
وبالاخير عطيتني الضربة القاضية ،
بتعرف شووو ؟؟
انت واحد اناني كتير
ضليت عم تعلقني فيك وتعطيني وعود
لحد ماخليتني اعشقك بجنون
واخر شي كسرت قلبي  ،
هه ليش؟ مشان ماحب غيرك بالايام ،
مشان مايجي حدا غيرك وياخد مكانك ،
مفكرني على اساس اني رح ارجع اوثق بحدا؟؟
اطمن انا نكسرت ثقتي بكل شييي
حتى بحالي ،ايي انت كسرت ثقتي بحالي حتى ،،،
كان اياد عم يتأملها بحزن وحسرة
وشعور الحرقة عم ياكلو من جوا ،
هناء: روح من هون اياد روح ،
واطمن ، انا رح كون قوية فيك وبلاك،  بعمري ماكنت و لا رح كون ضعيفة ، 
اياد(بصوت فيه غصة): سامحيني
ضحكت بوجهو والدمعا بعيونها 
ودارت ضهرها وطلعت بسيارتها
من دون ماتحكي ولاكلمة شغلت سيارتها وراحت بطريقها
اما ايااد فماقدر يمسك دموعو
حس بالضعف. ورجليه ماعاد حملوه قعد عالرصيف
وصفن بالعدم،وعيونو عم يدمعو
وقلبو عم يحترق،،
رفع راسو للسما وحط ايدو ع صدرو
اياد: لييييش ياربي ليش،ليش انحرم منها،وحق اسمك يارب اني بحبها بحبها من كل قلبي.
-------------------------------
بعد شوي  من الوقت
ببيت مجدي بيك
كانت ماجدة بغرفتها  عم تقيس فستان العرس
وفداء عم تساعدها
بتسكرلا السحاب وبتفتلها لعندها
فداء: ولك يقبرني جمالك مجودتي
ماجدة; طالعة حلوة؟
فداء: بتجنني،ياقلبي الله يتمملك ع خير
ماجدة: ياقلبي انتي
فداء;يلا خلينا ننزل نفرجيهن للبنات
وبتغمزها بخبث وبتكمل
فداء: بلكي بتكون هناء موجودة،وبتحرقيلا قلبها شوي
ماجدة( ب شر(: اووووه اصلا انا هاد الي بدي ياه
فداء: خلينا ننزل لكن
نزلو لتحت محل ماكانو قاعدين ريما وياسمين والست مريم
وقفت ماجدة قدامهم. بغروروصارت تتفتل قدامهم
ماجدة: عطوني رأيكن
ياسمين: بتجنني حبيبتي
مريم: ماشالله عليكي الله يتمملك ع خير يابنتي ويسعدك
اما ريما ف كانت من جواتها متعاطفة مع هناء واكتفت بالصمت
وبهاللحظة بتدخل هناء
واول مابتشوفها ماجدة بتبتسم ابتسامة صفرة وبتروح لعندها
ماجدة(بنظرات جكر(:شو رايك هنو، طالعة حلوة؟
بتتجاهلها هناء وبتضل ماشية بااتجاه غرفتها
وهي يادوب ماسكة حالها
بتدخل ع غرفتها وبتسكر الباب ع حالها وبترمي حالها عالتخت وبتبكي بكل  بحرقة قلب
بينما ماجدة فرحانة وحاسة بالنصر،باانو واخيرا اخدت اياد من هناء، وشمتانة بهناء
الي بعمرها مااذتها ولاعملت معها شي سيئ،
لتعمل هي فيها كل العمايل
بينما انت تأن من الالم
احدهم يرقص على اصوات انينك .....
------------------------
عند هشام وسارة
كان هشام قاعد قدام الابتوب ومشغول
بتجي سارة وبتقعد جمبو وبتصير تدلع عليه
سارة: شوعم يعمل حبيبي
هشام(وهو عم يشتغل):ثواني بس
سارة(بزعل):شبك هشام ماعاد تخلص شغل؟  ولاشغلك اهم مني
بيترك كل شي من ايدو وبيطلع فيها
هشام: لك لاياعمري شواهم منك؟ انا ماعندي،شي اهم منك ياتقبريني
بتقعد بحضنو وبتطلع فيه بدلع

سارة: لكن حاجتك شغل
هشام: امرك ياعمري امرك
وبيسكر الابتوب وبيطلع فيها بحب
هشام: وهي سكرناه وغيرو؟
سارة:ولاشي بس خليك معي، لاتنشغل عني مابكفي طول نهار ماعم شوفك
هشام: ياروحي انتي عم تشتاقيلي؟
سارة: كتيررر
هشام: والله مو اكتر مني ياضو عيوني
سارة: بحبك
هشام: بعشقك
بيتطلع ع بطنها وبيلاحظ انها بلشت تكبر و بيضحك
هشام:شوو شكلو ولي العهد بلش يكبر
سارة: ههه اي طبعا،بدو يضل صغير يعني
هشام: قولتك بيطلع صبي!!
سارة: انت شو بدك. صبي ولابنوتة؟
هشام:  كل شي بيجيني منك حلو، ان كان صبي ولابنوتة، المهم يكونو بيشبهوكي
سارة: لا بس ازا كان صبي، بدي ياه يكون متلك انت بجمالك وبكل شي فيك
بدي يكون نسخة عنك،لحتى كل مااطلع فيه اتزكرك
بيغمرها بين ضلوعو وبيحاكيها بصوت كلو حب
هشام: ياقلبي انتي، شو بحبك،ولك انا قديشني محظوظ لحتى الله بعتلي ياكي،
سارة(بغرور):بتكون مرت عمو داعيتلك كتير
هشام: ولك ماهو لاانها رضيانة عليي، الله حطك بطريقي،ولك انا بس بدي افهم شغلة،انو اخوكي هالمغضوب وين كان مخبيكي،عني؟  ليش ماعرفني عليكي من زمان
سارة: هههه انا شوبعرفني سألو
هشام: ولك بس شوفو بدي قوصو، عندو اخت متل القمر،وكل هالسنين حارمني منها يخرب بيتو شو بخيل وكحنة
بتضحك وبتطلع فيه
سارة: بتتذكر اول مرة التقينا؟
هشام: لك انا الي بتزكر هاد احلا يوم بحياتي بيوميتا سحرتيني بجمالك يابنت
سارة: يالطيف بيوميتا قديش تنكرزت منك،وانت ماعدت ستحيت وشلت عينك عني
هشام: لك بربك بربك يلي بشوف هالجمال كلو،كيف بدو يجي من قلبو يشيل عينو عنك، لك تقبري قلبي ان شالله
سارة: بعيد الشر عن قلبك ياعيوني انت
بيتطلع فيها وبيغمزها
هشام: مابدك تنامي؟
بتهزلو براسها (باايجاب)
هشام: تعي معي لكن تعي
----------------------------
مرق كم يوم تانيين
واجا يوم عرس ماجدة واياد

كانت هناء،قاعدة مع حالها و عم تسترجع زكرياتها مع اياد
نزلت دمعة من عيونها
وتنهدت تنهيدة طويلة ،
رجعت فيها الذكرياات لوقت ماكانو سوا:
اياد: بتعرفي شو اكتر شي بحبو فيكي
هناء(بحب): شووو
اياد: قوتك وجرأتك بالكلام مابتسكتي ع الغلط
ومابترضي بالظلم ،
بحب شقاوتك وانانيتك بالناس يلي بتحبيهن
واكترر شي بحبوو فيكيي
انو رغم كيدك  قلبك مافي اطيب منو ومابتئزي نملة
هناء(بدلع): اممم بس هيك ؟؟
اياد: لاموبس هيك وبحب  عيونك
يلي كل مابطلع فيهن بيقولولي قديش هنن بيحبوني
بتعرفي هناء ، انو انتي بتخليني حب حالي
هناء: يعني ازا لاسمح الله شي نهار تركنا رح تبطل تحب حالك؟؟
اياد: بدون شك
هناء: وانا بحبك بحبك وبحب حالي لانك بتحبني ،ومن دونك بكره حالي
انا اصلا باخد كل قوتي منك ،
فاقت من زكرياتها
على صوت هشام  عم يدق الباب عليها ويندهلا
دخل لعندها هشام
وشافها بحالتها السيئة 
مسحت دموعها وحاولت ماتظهرلو شيي
هشام: شو ياحلو بشو عم تفكر
هناء: ولاشي
هشام: ليش لهلق مالبستي بعد شوي رح يبلش العرس
هناء: مابدي احضر
هشام: وليش بقا
هناء: كيف بدك ياني شوفو مع وحدة غيري كيف هشام
هشام: بالعكس لازم تفرجيه انك قوية ومو هامك شي
لاتفرجيه انك ضعيفة ومكسورة
صفنت شوي وفكرت انو هشام معو حق
هناء: بتعرف معك حق مارح ارميها واطية ..،،
هشام: اي ها هي هنوئة الي بعرفها
لك نحن ولاد مجدي بيك ماحدا بيكسرنا
هناء: رح قوم البس
هشام: يلا وانا رايح لعند مرتي
هناء: ههه اي تتهنا
هشام(بضحك): اي الله يهنيكي، مكيودة
تركها وطلع لعند سارة
وكانت لابسة ومتأنقة وعلى اخر طرز
اول ماشافها جن بجمالها
وبلش يتغزل فيها
هشام: شوهاد شوهالحلا كلو ياارض احفظي ماعليكي الله يحرسك من عيني
سارة: هههه خلص حبيبي خجلتني
هشام: يئبشني الخجول
سارة: بعيد الشر عن قلبك ياعمري
بيقرب منها وبيحاوطها باايديه وبيحط راسو ع راسها
هشام: انتي ناوية تسحريني بجمالك ،ولك انتي سحرتيني ومشي الحال
سارة(بثقة): شواعمل ازا الله خالقني حلوة
هشام: اي دخيل جمالك انا
سارة: يخليلي ياك ومايحرمني منك
هشام تعي معي يلا هلق منتاخر عالناس
بعد عنها ومسكلها ايدها وطلعو ،
اما هناء كانت عم تجهز حالها
وقفت قدام المراية واتطلعت بحالها
كان واضح على وجها علامات التعب والارهاق
والسواد مبين تحت عيونها
صفنت شوي بحالها
وراحت
لبست فستان ابيض ميدي  وفردت شعرها وحطت مكياج خفيف
هناء: انا مالازم ورجيك ضعفي اياد  انا اقوا من انك تكسرني
خبت وجعها بقلبها وجهزت وراحت لمكان العرس
وكان ضحكتها شبر 
كانت مقررة انو ماتبين حزنها قدام الناس وقدام اياد
كانو ماجدة واياد عم يرقصو
كانت ماجدة فرحانة باانو نفذت مخطتها وسرقت   حبيب اختها 
اما اياد فكان عقلو وتفكيروو