😍 Վաղը բան ու գործդ թող, արի՛ ԵՊՀ բակ՝ «ԲանՈՒԳործ» էքսպոյին:

🤝 Մերոնք էնտեղ քեզ են սպասելու, որ ներկայացնեն առկա թափուր հաստիքներն ու օգնեն անվճար Visa Student քարտ բացել:

✅ Դե, սպասում ենք քեզ վաղը՝ մայիսի 16-ին, ժամը՝ 13:00-17:00:

🤔 Քննությա՞ն ես պատրաստվում, թե՞ ընկերներիդ հետ հաճելի ժամանակ ես անցկացնում, ե՞րգ ես լսում, թե՞ արձակուրդներին ես սպասում:

Պատմի՛ր, թե ինչ ես անում հենց հիմա, ու մասնակցի՛ր 3 #AirPods3 ականջակալների խաղարկությանը 😍

📱 Մինչև մայիսի 31-ը ներառյալ քո ինտագրամյան կամ ֆեյսբուքյան էջում կատարիˊր բաց (public) հրապարակում՝ պատասխանելով «Ի՞նչ ես անում» հարցին, և մասնակցիˊր գովազդային վիճակախաղին։

✅ Չմոռանաս հրապարակման մեջ նշել մեր պաշտոնական էջն ու #inchesanum հեշթեգը

🔗 Մանրամասները՝ https://ameria.me/inchesanum

Անվճար օնլայն ծրագրեր և հավելվածներ՝ նոր լեզուներ սովորելու համար 🌎
Օտար լեզու սովորելու համար այլևս պարտադիր չէ կրկնուսույցների ծառայությանը դիմելն ու ամենօրյա գրաֆիկը դասերի հետ հարմարեցնելը։🤩 Իհարկե, եթե չես ցանկանում լեզվին տիրապետել պրոֆեսիոնալ մակարդակով։ Այժմ կան բազմաթիվ անվճար հավելվածներ, որոնց օգնությամբ բավական արագ կսովորես ցանկացած օտար լեզու։ 🇧🇪🇯🇵🇺🇸 Ներկայացնում ենք դրանցից 6-ը։

🗯️Duolingo
Duolingo-ն ուսուցումն իրականացնում է հետաքրքիր խաղերի և վարժությունների միջոցով: 🤗 Հավելվածը հասանելի է IOS, Windows Phone, Android օպերացիոն համակարգով աշխատող սարքերի համար: Անհրաժեշտ է գրանցվել և ընտրել քեզ հետաքրքրող լեզուն: Հավելվածը կստուգի լեզվի իմացության մակարդակը և կմշակի ուսուցման՝ քեզ առավել համապատասխան և արդյունավետ ծրագիր:✌️ Գրանցվելու համար անցիˊր հղումով` https://www.duolingo.com/

🗯️Open Culture
Open Culture-ի օգնությամբ հնարավորություն ունես սովորելու 48 լեզու: 😍 Հավելվածը ներառում է 1700 անվճար օնլայն դասընթաց, 1000 անվճար ձայնային գիրք, 4000-ից ավելի անվճար օնլայն ֆիլմ: Դասընթացներին ծանոթանալու համար կարող ես անցնել հղումով` https://www.openculture.com/

🗯️LiveMocha
LiveMocha-ն քեզ կտա 35 լեզու անվճար սովորելու հնարավորություն: Շուրջ 190 երկրի ներկայացուցիչների հետ շփումն էլ կնպաստի խոսակցական հմտությունների զարգացմանը: 🗣️ Հավելվածի հղումը՝ https://www.livemochas.com/

🗯️Babbel
Babbel-ով կարող ես սովորել 14 լեզու: Այս հավելվածն ունի անվճար և վճարովի տարբերակներ։ Սկսնակների համար նախատեսված դասերը հասանելի են անվճար տարբերակով` https://www.babbel.com/

🗯️Busuu
Ամենահայտնի հարթակներից է, որի շուրջ համախմբվել է 50 միլիոն լեզվակիր: 😳 Լեզու դասավանդելու հարցում Busuu-ի մոտեցումը յուրահատուկ է։ Այն քեզ հնարավորություն կտա շփվելու լեզվակրի հետ, ինչն էլ լեզուն սովորելու լավագույն միջոցներից է: Անգլերեն ուսումնասիրելիս Busuu-ն քեզ կտրամադրի GSET (Global Scale of English Tests) վկայական` https://www.busuu.com/

🗯️Surface Languages
Surface language-ը լավագույն ընտրությունն է ճանապարհորդների համար։🧳 Այն հնարավորություն կտա ձեռք բերել խոսակցական անհրաժեշտ բառապաշար օտար երկրներում հաղորդակցվելու համար։ Ուսուցումն իրականացվելու է լսողական վարժությունների և խաղերի միջոցով, որոնք կօգնեն սովորել առօրյայում օգտագործվող բառեր` https://www.surfacelanguages.com/

❓Ինչպե՞ս ճիշտ «գուգլել»

Հաճախ գուգլում ինչ-որ բան փնտրելը 🔎 վերածվում է դժոխքի 9 շրջաններով ճամփորդության։ Բայց եթե գիտես՝ ինչպես փնտրել, Google-ի ՕԳԳ-ն կարող ես բարձրացնել մի քանի անգամ։
Բանն այն է, որ պարզապես մի քանի բանալի բառեր գրելը բավական չէ։ Ահա մի քանի պարզ լայֆհաք, որոնք կհեշտացնեն ու ավելի արդյունավետ կդարձնեն քո որոնումները Google -ում։

✅Միˊ մոռացիր հոմանիշների մասին
Հաճախ պատահում է այնպես, որ քո փնտրած տեղեկատվությունը կամ հղումը ոչ թե քո նշած բանալի բառով է, այլ դրա հոմանիշով։ Իսկ Google-ին պետք է հուշել դա։ Դրա համար պետք է որոնվող բառի դիմաց դնել հետևյալ 👉 նշանը՝ «~»։ Օրինակ՝ «~յուրօրինակ տներ» կոմբինացիան փնտրելու դեպքում Google-ը քեզ կտա հղումներ, որոնցում բացի «յուրօրինակ» բառից, կլինեն նաև «տարօրինակ, անսովոր, հետաքրքիր» բառերը։ Այսինքն՝ քո որոնման դիապազոնն անհամեմատ կմեծանա, ու ավելի հեշտ կլինի գտնել այն, ինչ անհրաժեշտ է։

✅ Իրականացրոˊւ միանգամից մի քանի որոնում
Քո որոնումներում օգտագործիˊր «|» նշանը և կկարողանաս միանգամից մի քանի բանալի բառերով որոնումներ կատարել։ Օրինակ՝ «Գնել նոթբուք | պլանշետ» կոմբինացիայի դեպքում Google-ը քեզ կտա «Գնել նոթբուք» կամ «Գնել պլանշետ» թեգերով էջեր։

✅Բացառիˊր անպետք բառերը
Հաճախ լինում է այնպես, որ չես կարողանում գտնել այն, ինչ փնտրում ես, մեկ պարզ պատճառով: Google-ը պարզապես չի հասկանում՝ ինչ ես իրենից ուզում, և անում է «խելքին» փչածը։ 🫣 Շատ պարզ օրինակ։ Google-ում փնտրում ես «Նապոլեոն»։ Քանի որ Google-ը չգիտի, կոնկրետ ինչ նկատի ունես, քեզ առաջարկում է թխվածքի բաղադրատոմս կամ նկարներ, այնինչ դու Նապոլեոն Բոնապարտին էիր փնտրում։ Այս դեպքում անհրաժեշտ է պարզապես մինուս նշանը դնել «թխվածք» կամ «տորթ» բառի դիմաց։ Օրինակ՝ «Նապոլեոն -տորթ»։ Կարևոր է հիշել, որ մինուս նշանից հետո չպետք է լինի բացատ, այն պետք է կպած լինի բառին։ ❗ Իհարկե, սա շատ պարզ օրինակ է, այստեղ պարզապես կարելի է ավելացնել Բոնապարտ բառը, ու խնդիրը կլուծվի: Սակայն մի փոքր ավելի բարդ ու մասշտաբային որոնումների դեպքում այս հնարքը պարզապես փրկօղակի դեր կարող է կատարել։

✅Պարզում ենք բառերի նշանակությունը
Եթե ցանկանում ես պարզել որևէ բառի նշանակությունը, անհրաժեշտ է օգտվել հատուկ օպերատորից՝ «define:»: Օրինակ՝ «define:ՀՊՄՀ», և գուգլը քեզ կտա տվյալ հապավման բացատրությունը։ 😍

✅Փնտրում ենք` առանց բառերի ընտրության մեջ կողմնորոշվելու
Երբ չես կարողանում կողմնորոշվել, թե որ բանալի բառերով պետք է փնտրես այն, ինչ անհրաժեշտ է, պարզապես ավելացրոˊւ աստղանիշ՝ «*»։ Օրինակ՝ «Լավագույնը * մաթեմատիկայի վերաբերյալ»։ Ու Google-ը քեզ կառաջարկի համապատասխան գրքեր, հոդվածներ, խնդիրներ, լայֆհաքեր։

✅ Փնտրում ենք կոնկրետ բառով կամ արտահայտությամբ
Երբ անհրաժեշտ է գտնել որևէ բառ կամ տեքստի կոնկրետ հատված, պարզապես այն դիˊր չակերտների մեջ(“”), ու Google-ը քեզ կտա միայն այն հղումները, որտեղ գտնվել են այդ տեքստերը։

✅Փնտրել տեղեկատվություն կոնկրետ կայքում
Իհարկե, միշտ էլ կարելի է հենց կայքում փնտրել այն, ինչ անհրաժեշտ է, սակայն կա մի մեծ խնդիր։ Ոչ բոլոր կայքերն ունեն նորմալ աշխատող որոնման համակարգ, ավելին, բոլոր կայքերի որոնման համակարգերն էլ թերի են։ Ու ցանկալի է դա անել Google-ով։ Ընդամենն անհրաժեշտ է ավելացնել «site:» օպերատորն ու քո հրամանը։ Օրինակ՝ «site:ameriabank.am անշարժ գույք»։

✅Փնտրում ենք տեղեկատվություն կոնկրետ ֆայլերով
Google-ում կարող եք գտնել տեղեկատվություն հենց կոնկրետ ֆայլով։ Այսինքն` եթե քեզ անհրաժեշտ է տեղեկատվությունը pdf ֆայլով կամ ասենք՝ txt, fb2, psd, eps և այլն, անհրաժեշտ է ավելացնել «filetype:» օպերատորը։ Օրինակ՝ «filetype: psd gradient background»:

Հուսանք այս լայֆհաքերը ավելի կհեշտացնեն քո կյանքը, ու տեղեկատվություն փնտրելն ավելի արդյունավետ կդառնա։

📱 7 անվճար հավելված Reel պատրաստելու համար

TikTok-ի ֆենոմենից հետո մուլտիմեդիա կոնտենտն ամբողջովին փոխեց իր տեսքն ու բովանդակությունը՝ երկար ու աշխատատար հոլովակները փոխարինելով կարճ ու պարզ, հաճախ` պարզունակ վիդեոկոնտենտով։ 🤭

TikTok-ից հետ չմնաց Instagram-ը և կարճ ժամանակ անց թողարկեց Reels 📽️ հնարավորությունը։ Այժմ առանց դրանց Instagram-ի էջն առաջխաղացնելը գործնականում անհնար է։ Սակայն որակյալ Reels ստանալու համար անհրաժեշտ է հետևել թրենդերին, ջանք գործադրել այն մոնտաժելու, համապատասխան էֆֆեկտներ ավելացնելու համար։ 😊Այստեղ էլ օգնության են հասնում անվճար հավելվածները, որոնք օգնում են արագ մոնտաժել այդ հոլովակները` առանց առանձնահատուկ մոնտաժային հմտությունների։

Եվ այսպես՝ 7 անվճար հավելված կարճ հոլովակներ պատրաստելու համար։

🔸 Instagram
Այո, Instagram-ի միջոցով նույնպես հնարավոր է հեշտ և արագ ստանալ ցանկալի արդյունքը: Պարզապես պետք է նշել տեսանյութերի կամ նկարների քանակը, որոնք կցանկանաս միացնել իրար և ընտրել երգը: Ի դեպ, 🎶 երգն ընտրելիս նույնպես պետք է ուշադիր լինել։ Լավ արդյունք ու բարձր դիտելիություն ստանալու համար ահնրաժեշտ է ընտրել այն երգերը, որոնց դիտելիությունը բարձր է: Instagram-ի գործիքներից ամենաշատն օգտագործվողը երգն և տեսանյութերը սինխրոնացնելու գործիքն է, որը քո աշխատանքը մի քանի անգամ կպարզեցնի:

🔸Inshot
Inshot-ն անվճար հավելված է, որը հայտնի է իր գործիքների բազմազանությամբ: Այն քեզ կառաջարկի ֆիլտրերի բազմազանություն, սթիքերներ, տեքստերի դիզայն և աուդիոֆայլերի ցանկ: Inshot-ը թույլ է տալիս նաև տեսանյութերը կտրել, միացնել իրար, անիմացնել, փոփոխել տեսանյութի արագությունը և այլն:

🔸FilmoraGo կամ Filmora
FilmoraGo-ն կարող է քո ստեղծած կոնտենտն ավելի գրավիչ դարձնել: Այն ունի կանաչ էկրան, սինխրոնացման, ձայնային էֆֆեկտների ավելացման հնարավորություններ: 🤩 Ծրագրում ներդրված AI-ի շնորհիվ տեսանյութից կարող ես հեռացնել այն, ինչ ցանկանաս: FilmoraGo-ն քո reels-երին կհաղորդի յուրահատկություն, ձեռագիր, որով կտարբերվես յուրաքանչյուր հարթակում:

🔸Splice
Հեշտ օգտագործվող ծրագերից է նաև Splice-ը: Splice-ով կկարողանաս հեռացնել տեսանյութի ֆոնը, կառավարել արագությունը, ավելացնել տեքստ և նկարներից ստանալ սլայդ շոու:

🔸 Canva's Video Editor
Այո, այս ծրագիրն ունի նաև տեսանյութերի մոնտաժի հնարավորություն և տարբերվում է որակով ու գործիքների բազմազանությամբ: Canva-ով կկարողանաս պատրաստել տեսանյութեր Youtube, TikTok, Instagram, Facebook հարթակների համար, նաև ստանալ գովազդային հոլովակներ և GIF-եր ինքնուրույն կամ պատրաստի շաբլոնների միջոցով:

🔸 LumaFusion
LumaFusion-ը տեսանյութերի մոնտաժման տարածված ծրագիր է, որն իր գործիքների և հնարավորությունների քանակով գերազանցում է վերոնշյալ ծրագրերը: ✌️ LumaFusion-ից օգտվելիս պետք է պատրաստ լինես կիրառել բազմաֆունկցիոնալ գործիքներ, որոնք կարող են առաջին հայացքից փոքր-ինչ բարդ թվալ:

🔸 CapCut
Երգերի, սթիքերների, էֆֆեկտների, տառատեսակների, անիմացիաների տարատեսակներով Capcut-ը շահեկանորեն տարբերվում է: CapCut-ում ամեն ինչ ներկայացված է պարզ և հասարակ: Ծրագիրը ներբեռնելով` կարող ես մտքերիդ ազատություն տալ և ստեղծագործել:

Ծրագրեր, որոնք կօգնեն դիպլոմային աշխատանք գրելիս

Դիպլոմային աշխատանք կամ մագիստրոսական թեզ գրելիս երևի մտածել ես այնպիսի գործիքների մասին, որոնք կավտոմատացնեն որոշ գործընթացներ։ 🤔 Իհարկե, ուսանողի համար իդեալական տարբերակն այն է, որ աշխատանքը գրվի ինքնիրեն, մեկ գիշերվա մեջ, ու դրա համար չգործադրվի որևէ ջանք։ 😅 Ասենք, որ մենք չենք խրախուսում նման գործելաոճը։ Բայց քեզ համար գտել ենք գործիքներ, որոնք կավտոմատացնեն այն գործընթացները, որոնք այնքան էլ կապ չունեն բովանդակության հետ, սակայն ժամանակատար են։

👉Zotero
Սա անվճար հավելված է, որը կօգնի շատ արագ գտնել քեզ անհրաժեշտ հոդվածներն ու գրքերը։ Բացի դա, այն կօգնի արագ դասակարգել դրանք ու ավտոմատ կերպով կստեղծի հղումներ, որոնք անհրաժեշտ են գրականության ցանկի համար։ 📚Այս հավելվածը հսկայական ժամանակ կխնայի, որը կարող ես օգտագործել բուն բովանդակությունն ավելի կատարելագործելու համար։

👉Evernote
Այս հավելվածը բավականին հայտնի է ու նախատեսված է նշումների ու տեղեկատվության խմբավորման համար։ Այն թույլ է տալիս կարգավորել, խմբավորել ու հստակ հիերարխիա կազմել ինֆորմացիոն կծիկի մեջ: 📚Այստեղ կարող ես նաև նշել ու պահպանել տարատեսակ գրքերի ու հոդվածների` քեզ անհրաժեշտ հատվածները։

👉Mendeley
Այս հավելվածի օգնությամբ դու կարող ես ստեղծել քո սեփական օնլայն գրադարանը, դասակարգել ու խմբավորել գրքերը, կատարել նշումներ։ ✍️Այն կարող է ավտոմատ կերպով դուրս բերել անհրաժեշտ արտահայտությունները, մեջբերումները, նաև գրականության ցանկի հղումներ պատրաստել։ Այսպես կարիք չի լինի հաստափոր գրքերում ժամերով փնտրելու անհրաժեշտ մեջբերումը։ Հավելվածն ունի նաև գրադարանով ու նշումներով այլ մարդկանց հետ կիսվելու հնարավորություն:

👉Lucidchart
Եթե քեզ անհրաժեշտ են գրաֆիկներ, դիագրամներ ու ինֆոգրաֆիկաներ, ապա այս օնլայն հավելվածը հենց քեզ համար է։💚 Այս ծրագիրը կօգնի ստեղծել պրոֆեսիոնալ դիագրամներ, սխեմաներ ու ինֆոգրաֆիկաներ, որոնք կարող ես օգտագործել դիպլոմային աշխատանքում կամ պրեզենտացիաներում։ Կարող ես օգտվել ինչպես ավտոմատացված պատրաստի շաբլոններից, այնպես էլ ստեղծել սեփական դիզայնը:

👉Trello
Եվ իհարկե, չենք մոռանում Trello-ի մասին։ Այստեղ դու կարող ես հստակ ժամանակացույցով կարգավորել քո աշխատանքը, հանձնարարություններ ու վերջնաժամկետներ սահմանել, նաև ռեալ ժամանակում աշխատել այլ օգտատերերի հետ։🤩

Հիշո՞ւմ ես, չէ՞. մենք չենք խրախուսում պատրաստի դիպլոմային աշխատանքների ձեռքբերումը կամ նեյրոցանցերի օգնությամբ դրանց գեներացումը։ ✋🏻Այս ծրագրերը պարզապես կօգնեն ավտոմատացնել որոշ մեխանիկական գործընթացներ ու բովանդակային աշխատանքը կդարձնեն ավելի արդյունավետ։ 🫶

2023 թվականին պարզապես հնարավոր չէ կրթությունից բացառել այնպիսի արժեքավոր ռեսուրսը, ինչպիսին 🎦 🫢YouTube-ն է։ 🤌 Ընդ որում, այստեղ կարող ես գտնել այն տեղեկատվությունը, որը ո՛չ դասագրքերում, ո՛չ ուսումնական պլանում ներառված չէ, սակայն կարող է շատ արժեքավոր լինել մասնագիտական ու անձնային աճի համար։ 🥳 Ի վերջո, հավելյալ գիտելիքը դեռ ոչ ոքի չի վնասել։ Այս հոդվածում կներկայացնենք մի քանի YouTube ալիքներ, որոնք կփոխեն քո աշխարհայացքը, անգամ ճաշակը։ 🤩

PunkMonk
Այս ալիքը նախատեսված է գրականության սիրահարների համար։ 📚Պրոֆեսիոնալ գրականագետը շատ արտիստիկ կերպով, որակյալ նկարահանումներով ու գրաֆիկայով ներկայացնում է համաշխարհային գլուխգործոցները։ Նա վերլուծում է դրանք բոլորովին այլ, հաճախ ոչ հանրահայտ տեսանկյունից։ Եթե ցանկանում ես նորովի ընկալել քո սիրելի ստեղծագործությունները կամ իմանալ նոր գլուխգործոցների մասին, այս ալիքը հիանալի լուծում է։🫶

Redroom
Պատմության սիրահարների համար այս ալիքն իսկական գտածո է։ Այստեղ հեղինակը խոսում է, ինչպես ինքն է ասում՝ О мертвом и мертвых, об истории. պատմական դեպքեր, դեմքեր, իրադարձություններ։ Ընդ որում, ներկայացվում են անհայտ փաստեր, իսկ հայտնի դեմքերը ներկայացվում են այլ տեսանկյունից։ Ալիքը կարող է օգտակար լինել հատկապես քննություններին պատրաստվող ուսանողների ու ավագ դպրոցի աշակերտների համար։ Հեղինակը հաղորդումները վարում է շատ թեթև, հաճախ արտիստիկ մատուցմամբ, հետաքրքիր մոնտաժով ու անիմացիոն լուծումներով։ Ընդ որում, նկարագրության մեջ կարող ես գտնել այն բոլոր հղումներն ու աղբյուրները, որոնցից օգտվել է հեղինակը թողարկումը պատրաստելիս։

Физика от Побединского
Ցանկանում ես սովորել ֆիզիկա, բայց չգիտես՝ որտեղից սկսել։ Արիˊ այս ալիք։ 💈 Երիտասարդ ֆիզիկոսը ներկայացնում է ֆիզիկական երևույթները պարզ, հասկանալի, հաճախ հումորային բառապաշարով: Ի դեպ, որոշ թողարկումներում հեղինակը կոտրում է բազում տարածված միֆեր ու դավադրությունների տեսություններ։ Եթե ցանկանում ես սեր ու հետաքրքրություն արթնացնել ֆիզիկայի նկատմամբ, Պոբեդինսկին կօգնի քեզ։

SciOne
Գիտահանրամատչելի թողարկումների ընտրանի, որտեղ դու կգտնես հետաքրքրաշարժ տեղեկատվություն գրեթե ամեն ինչի մասին։ Հավերժական շարժիչներ, նեյրոցանցեր, գաղտնի կղզիներ, միֆեր, լեգենդներ ու դրանց առաջացման պատճառները։😍 Մի խոսքով, հաճելի ու օգտակար ժամանցն ապահովված է։ Ի դեպ, հոլովակների հյուրերը համաշխարհային մեծության գիտնականներն ու Նոբելյան մրցանակակիրներն են։

Artur Sharifov
Ուկրաինացի բլոգեր, մաթեմատիկայի ֆակուլտետի նախկին ուսանողը վարում է գիտահանրամատչելի բլոգ, որտեղ կգտնես բազմաթիվ հարցերի պատասխաններ։ Բարդ բաների մասին այստեղ խոսում են պարզ ու հասկանալի լեզվով։ Այստեղ կգտնես նաև հետաքրքրաշարժ պատմություններ մեծ գիտնականների ու նրանց ոչ այնքան մեծ արարքների մասին։ 😊Օրինակ՝ առաջին հաքերային հարձակումը, պատմության ամենամեծ թրոլը և այլն։ Մի խոսքով, այստեղ հետաքրքիր շատ բան կա։

Vert Dider
Անվանումից երևում է, որ հեղինակը թրոլինգի ու «Աստղային պատերազմների» սիրահար է, սակայն կոնտենտը մի փոքր այլ բանի մասին է։ Այստեղ դու կգտնես ամենաանհավանական ինչուների պատասխանները, անգամ այն ինչուների, որոնք քո մտքով երբևէ չեն անցել։ 🤭 Այստեղ նույնիսկ կգտնես դասախոսություններ քվանտային ֆիզիկայի, Հիգսի բոզոնի մասին ու էլի շատ հետաքրքիր ու օգտակար տեղեկատվություն։ Նկարահանումները կատարվում են ռեալիթի շոուի ոճով։

Եթե հետաքրքրեց, ցուցակը կարող ենք շարունակել։ Գրիˊր, թե ինչ թեմաներով յութուբյան ալիքներ կցանկանայիր տեսնել մեր ցանկում։ Հաճելի ժամանց։🤩

Աստալավիստա, ֆոտոշոփ

Ամեն օր լսում ենք նոր 🕸️ նեյրոցանցերի մասին։ Դրանք արդեն այնքան շատ են ու այնքան արագ են փոփոխվում, որ անհնար է հիշել կամ կողմնորոշվել։ Ինչպես հայտնի հումորային հաղորդման մեջ է ասվում ՝ они так быстро меняются, я не успеваю запоминать: 🤭

Հատուկ քեզ համար, մենք սկսում ենք յուրատեսակ շարք, որտեղ պարբերաբար կպատմենք այս կամ այն խնդիրը լուծող նեյրոցանցերի մասին։ Առաջինը կանդրադառնանք նկարների մշակմանը։ Դա ավելի քան ակտուալ է` հաշվի առնելով աղջիկների սերը ինստագրամի տարատեսակ ֆիլտրերի նկատմամբ։ 📷 Այն կարող է օգտակար լինել նաև շտապող լուսանկարիչների ու դիզայներների համար։

🪄https://palette.fm/
Այս նեյրոցանցը քեզ կօգնի ոչ միայն լուսանկարների մշակման, այլև անցյալի վերաբերյալ ավելի գունավոր պատկերացումներ ունենալու հարցում։ Այն գունավորում է մոնոխրոմ (սև ու սպիտակ) լուսանկարները։ 😍 Պարզապես ներբեռնիր լուսանկարը, ու մի քանի վայրկյան անց այն քեզ կտրամադրի արդեն գունավոր լուսանկարը։ Ընդ որում, ոչ թե պարզապես գույներ է նկարում, այլ վերականգնում է իրական գույնը։

🪄 https://letsenhance.io/
Այս նեյրոցանցը քո լուսանկարների որակը կբարձրացնի մինչև 16 անգամ։ 😳 Սիրողական լուսանկարները կարող է վերածել պրոֆեսիոնալ աշխատանքների ընդամենը մի քանի քլիքով։ Ավելին, այն քո լուսանկարը կպատրաստի հատուկ տպագրման համար ու տպագրական ֆորմատով։

🪄 https://bigjpg.com/
Սա նույնպես նախատեսված է նկարների որակն ու թողունակությունը բարձրացնելու համար, պարզապես ավելի պրոֆեսիոնալ մակարդակի։ Այն կարող է նաև մաքրել գունային աղմուկը (noise):

Այս ծրագրերը նախատեսված են սիրողական օգտագործման համար ու պրոֆեսիոնալ աշխատանքի համար դրանց կիրառումը չի խրախուսվում։

Նեյրոցանցեր` լուսանկարներ ու գրաֆիկական պատկերներ ստեղծելու համար
 
Նեյրոցանցերը թեև նոր երևույթ չեն, սակայն լայն հանրության ուշադրության կենտրոնում հայտնվեցին միայն 2021 թվականից սկսած։ 😍 Ընդ որում, դրանցով սկսեցին հետաքրքրվել նաև ներդրողները։ 🤔Միայն 2021 թվականին նեյրոցանցերի մշակման ու զարգացման համար կատարվել է 1,3 մլրդ դոլարի ներդրում։ 💲 Դա ավելին է, քան նախորդ հինգ տարիների ընթացքում կատարված ներդրումները միասին վերցրած։
Արդեն իրականություն է դարձել բոլոր ալարկոտների վաղեմի երազանքը, երբ պարզապես անհրաժեշտ է բացատրել մեքենային կամ ծրագրին՝ ինչ ես ուզում, ու նա քո փոխարեն կգեներացնի պատկերը։ 🤭 Այդպիսի նեյրոցանցերը բազմաթիվ են՝ ամենապարզունակից մինչև ամենաբարդ խնդիրներ կատարելու համար։

🔗 Stable Diffusion - Սա նեյրոցանց է, որը կարող է տեքստային հրամանով գեներացնել պատկերներ, լուսանկարներ, իլյուստրացիաներ և այլն։ Նրա գլխավոր առանձնահատկությունը, որով տարբերվում է իր մրցակիցներից, բաց հասանելիությամբ կոդն է։ Այն կարող ես տեղադրել քո համակարգչում ու օգտվել անգամ օֆլայն ռեժիմում:

🔗Midjourney - Սա ամենամեծ տարածում ունեցող նեյրոցանցն է։ Եթե նախորդը նախատեսված է ավելի պրոֆեսիոնալ կիրառման համար ու մի փոքր ավելի բարդ է ու շատ նրբություններ կան, ապա այս նեյրոցանցը ավելի պարզ է, թեև գեներացրած կոնտենտն էլ համեմատել չի կարելի նախորդի հետ։ Սակայն մասսայական կիրառման ու առօրյա սոցցանցային խնդիրների համար անփոխարինելի գործիք է։

🔗DALLE.2 Էլ ո՞ւր` առանց նրա։ Տեքստային հրամաններով աշխատող նեյրոցանց, որը ոչ միայն նկարներ կգեներացնի, այլև լուսանկարները կներկայացնի տարբեր միջավայրերում, տարբեր սուպերհերոսների կերպարներով։
🔗Dream by WOMBO Տալիս ես հրամանն ու ընտրում, թե ինչ ոճի ու ուղղության շրջանակում ես ցանկանում ստանալ պատկերը։

🔗Starryai Բացի տեքստային հրամանից, կարող ես նրան ցույց տալ որևէ օրինակ, ու այն քո տված օրինակը հետագա պատկերներում կօգտագործի որպես ուղեցույց։

🔗Sketch Metademolab նեյրոցանցը դուր կգա հատկապես երեխաներին։ Meta-ի կողմից առաջարկվող այս նեյրոցանցը մանկական նկարները կարող է դարձնել շարժապատկերներ։ Անհրաժեշտ է, որ նկարը լինի սպիտակ թղթի վրա ու լավ լուսավորված։ Լուսանկարը ներբեռնում ես ծրագրի մեջ ու վերջ, նեյրոցանցը կենդանացնում է այն։

🔗Astria —Կարող ես նրան տալ օրինակներ, ցանկացած քանակության, հետո գրել այն, ինչ ցանկանում ես ստանալ։ Նեյրոցանցը, օրինակներն ընդունելով որպես հիմք, կգեներացնի քո ցանկացած լուսանկարը կամ իլյուստրացիան։

🔗Neural.love նեյրոցանցը կբարձրացնի լուսանկարների, տեսանյութերի ու աուդիոֆայլերի որակը ու կգեներացնի այն, ինչ ցանկանում ես։
Առաջիկայում կպատմենք այն նեյրոցանցերի մասին, որոնք կօգնեն քեզ տեքստային հրամանով տեսանյութեր ու անիմացիոն հոլովակներ գեներացնել։

Նեյրոցանցեր` աուդիո, վիդեո և անիմացիա ստեղծելու համար

Նախորդ հոդվածում խոսեցինք տեքստային հրամաններից լուսանկար ու գրաֆիկական պատկերներ գեներացնող նեյրոցանցերից։ 😍 Այս հոդվածում կխոսենք աուդիո և վիդեո ֆայլերի հետ աշխատանքի համար նախատեսված նեյրոցանցերից։

🔗Pictory նեյրոցանցի միջոցով հնարավոր է տեքստային հրամաններով ուզածդ հոլովակը ստանալ։ Բայց սա այս գործիքի միակ առավելությունը չէ։ Այն բազում այլ հնարավորություններ ունի.
▪️Շատ արագ կֆիլտրի քո հոլովակները ու կստեղծի նոր հոլովակ
▪️կգտնի հոլովակի թիրախային կետերն ու կկրճատի այն
▪️կգրի սցենար ու այն կտրոհի ըստ տեսարանների

 
🔗Studio.d-Id- ը տեքստային հրամանով կստեղծի ավատար, կանիմացնի, անգամ վիդեոյի վրա ձայն կտեղադրի

🔗synthesia -ն փաստացի օնլայն ստուդիա է` համալրված արհեստական բանականությամբ։ Սա հսկայական գումար կխնայի բոլոր նրանց համար, ովքեր տեսանյութերի պատրաստմամբ են զբաղվում։ Միակ թերությունն այն է, որ ամբողջ ֆունկցիոնալից հնարավոր է օգտվել միայն վճարելուց հետո:
 
🔗 Colorlab.ai -ն կատարում է վիդեոյի գունային մշակում գույների ավտոմատ ընտրության ու բալանսավորման հաշվին։

🔗Video Enganse AI գործիքը կբարձրացնի վիդեոյի որակն ու թողունակությունը կամ էլ կփոքրացնի` կախված ցանկությունից։
🔗 Colorize-ը գունավորում է սև ու սպիտակ վիդեոներն ու ֆոտոները:

🔗 neural.love-ը կօգնի մեծացնել վիդեոյի, ֆոտոյի և աուդիոֆայլերի որակը:

🔗 Runway-ով հնարավորություն ունեք մաքրելու ֆոնն ու ավելորդ դետալները, նաև ավելացնելու ինչ-որ դետալներ կամ օբյեկտներ։t

3D օբյեկտների ու լուսանկարների հետ աշխատելու AI գործիքներ

☑️ GigapixelAI-ը կփոփոխի նկարի թողունակությունը` ըստ քո նախընտրությունների (upscale):
☑️MyHeritage-ը գունային մշակման համար նախատեսված նեյրոցանց է։
☑️Removebg-ը մեկ վայրկյանում մաքրում է լուսանկարի ֆոնը։ Առաջին լուսանկարը տալիս է բարձր թողունակությամբ ու որակով, հաջորդների համար պետք է բաժանորդագրվել կամ էլ ստիպված ես բավարարվել փրեվյու տարբերակով։
☑️Clipdrop.co -այս ծառայությունը հնարավորություն ունի․
·        մաքրելու ֆոնը
·        հեռացնելու անցանկալի օբյեկտները
·        բարելավելու որակը
·        լույսի աղբյուր ավելացնելու
☑️ Colorize - Սա տելեգրամյան բոտ է, որը կբարձրացնի լուսանկարի որակը, կհեռացնի գունային աղմուկը
☑️ Convert.leiapix - Այս ծառայության շնորհիվ կարող եք իլյուստրացիաները կամ լուսանկարները վերածել անիմացիների։

Պատմենք, թե որ նեյրոցանցերը կարող են օգնել ձայնային ֆայլերը մշակելու, դրանց հետ աշխատելու գործում։😊