Առանց ձեզ արևն այնքան էլ պայծառ չէ, իսկ քաղաքն այնքան էլ գունեղ չէ ✨

Շնորհավո՜ր Մարտի 8
Գարունը դուք եք բերում 🌸

Ինչպե՞ս կազմել գրագետ էլ․ նամակ

📥 Շատ հաճախ քո ուղարկած էլ. նամակը քո առաջին տպավորությունն է գործատուի կամ որևէ այլ հաստատության մոտ: Այն, կարելի է ասել, «խոսում է» քո մասին, երբ դիմացինը որևէ այլ տեղեկություն չունի:

Այսօր պատմում ենք` ինչպես պատրաստել գրագետ էլ. նամակ և ինչ կառուցվածք պետք է ունենա այն:

1. Վերնագիր կամ Subject ✉️
Երբեք մի անտեսիր այս հատվածը. կարճ ու հստակ վերնագիրն օգնում է ստացողին պատկերացում կազմել, թե ինչի մասին է քո նամակը և հետագայում արագ գտնել այն inbox-ում։

Խորհուրդ․ խուսափիր անորոշ վերնագրերից («Հարց», «Տեղեկատվություն») և օգտագործիր հստակ և թեման պարզ ներկայացնող վերնագրեր:

2. Ողջույն 👋
Սկսիր նամակդ ողջույնով և հարգալից խոսքով՝ օգտագործելով ստացողի անունը։ Այդպիսով դու ցույց ես տալիս անհատական մոտեցում և ստեղծում դրական տպավորություն։

Օրինակ՝ «Հարգելի պարոն Սարգսյան» կամ «Ողջույն, տիկին Հովհաննիսյան»

3. Նախաբան 📝
Առաջին նախադասությամբ տեղեկացրու՝ ինչու ես գրում։ Մի գրիր շատ ընդհանրական նախաբաններ․ ստացողը նամակը բացելու առաջին 5 վայրկյանում պետք է արդեն հստակ հասկանա քո նպատակը:

Օրինակ՝ «Գրում եմ Ձեզ՝ քննարկելու համագործակցության հնարավորությունը»։

4. Հիմնական մաս 📁
Հակիրճ ներկայացրու ամենակարևոր տեղեկությունը՝ խուսափելով ավելորդ խոսքերից։
✅ Ի՞նչ ես առաջարկում կամ ցանկանում
✅ Ինչո՞ւ է դա կարևոր
✅ Ի՞նչ ես ակնկալում ստացողից

Խորհուրդ. փորձիր կենտրոնանալ մեկ հիմնական գաղափարի վրա։ Եթե թեմաները շատ են՝ ավելի լավ է ուղարկել առանձին նամակներ։ Գրիր կարճ պարբերություններ, որպեսզի նամակդ հեշտ ընթեռնելի լինի:

5. Եզրափակում (Գործողության կոչ) ✅
Վերջում ամփոփիր և նշիր հաջորդ քայլը։ Սա շատ կարևոր է, քանի որ ցույց է տալիս քո ակնկալիքները ստացողից։ Մի թող, որ մարդիկ գուշակեն, թե ինչպես պետք է անեն նամակդ կարդալուց հետո։ Հստակ նշիր դա քո նամակում։ Ցանկալի է նաև նշել գործողությունն անելու վերջնաժամկետ:

Օրինակ՝ «Խնդրում եմ հաստատել հանդիպման օրը մինչև DD.MM.YY»։

6. Շնորհակալություն և ստորագրություն ✍️
Ավարտիր նամակը հարգալից տողով և դրական տոնով։ Ցույց տուր քո պրոֆեսիոնալիզմը և ստացողի նկատմամբ հարգանքը։

Օրինակ՝ «Շնորհակալ եմ Ձեր ուշադրության համար» և հաջորդող «Հարգանքով, [Քո անունը]»
Եթե նամակը պաշտոնական է, կարող ես ավելացնել նաև քո պաշտոնը, կազմակերպությունը և կոնտակտային տվյալները։

Այսքանը 🤘 Հետևիր քայլերին, կազմիր պրոֆեսիոնալ էլ․ նամակ և շատ ավելի վստահ` սպասիր պատասխանի 💚

ameriabank.am | 010/012 561111
Բանկը վերահսկվում է ՀՀ ԿԲ կողմից

Սուրբ Զատկի տոնը մեզ հիշեցնում է կյանքի ամենամեծ արժեքների՝ ընտանիքի, սիրո և անսպառ հույսի մասին 💚

Թող այս լուսավոր օրը ձեր տունը լցվի ջերմությամբ, խաղաղությամբ ու անսահման խինդով ✨

Շնորհավո՜ր Սուրբ Զատիկ 🤗

ameriabank.am | 010/012 561111
Բանկը վերահսկվում է ՀՀ ԿԲ կողմից

📝 5 պատճառ՝ դասախոսության ընթացքում նշումներ անելու համար

✍️ Դասախոսության ընթացքում նշումներ անելն օգնում է նյութն ավելի լավ հիշել: Պատճառը գրելու ժամանակ ուղեղի մի քանի կենտրոնների միաժամանակյա աշխատանքն է, ինչն օգնում է ավելի արդյունավետ ֆիլտրել և հիշել տեղեկատվությունը:

✍️ Երբ դասախոսության ժամանակ նշումներ ես կատարում, նշանակում է՝ դու ակտիվ լսում ես😯 նյութը: Արդյունքում մեծ է հավանականությունը, որ այն ավելի արագ կսովորես:

✍️ Քննությանը պատրաստվելիս նշումները կարող են քեզ հուշել, թե որոնք են կարևոր կետերը և կենտրոնանալ դրանց վրա:

✍️ Նշումներ անելը կօգնի ստեղծել սեփական ուսուցման մեթոդը, ընդգծել քեզ համար կարևոր կետերը, ֆիքսել հարցերը և այլն:

✍️ Այս ամենի արդյունքում դու կբարելավես քո ակադեմիական առաջադիմությունը, կունենաս 🆙 բարձր գնահատականներ և հիմնավորված գիտելիքներ:📚


ameriabank.am | 010/012 561111
Բանկը վերահսկվում է ՀՀ ԿԲ կողմից