🔐 Ինչպե՞ս պաշտպանել անձնական տվյալները

Մերօրյա թվային աշխարհում անձնական տվյալների պաշտպանությունը չափազանց կարևոր նշանակություն ունի: Նման խնդրի կարող է բախվել յուրաքանչյուրը, սակայն որոշակի քայլեր կիրառելով` ռիսկը կարելի է հասցնել նվազագույնի: 👌

Ահա դրանցից մի քանիսը.
📌 Օգտագործի՛ր ուժեղ գաղտնաբառ. այն պետք է պարունակի տառեր, թվեր, նշաններ: Խուսափի՛ր նույն գաղտնաբառը տարբեր հարթակներում կիրառելուց:
📌 Պաշտպանի՛ր տեխնիկական սարքերը. հեռախոսների, համակարգիչների ապաբլոկավորման համար օգտագործի՛ր կամ գաղտնաբառ, կամ բիոմետրիկական նույնականացում: Զգուշացի՛ր հասարակական 🌐 WiFi-ներից: Դրանցից օգտվելիս վստահ եղիˊր, որ չես աշխատում խիստ կարևոր և գաղտնի նյութերի հետ:
📌 Զգուշացի՛ր զեղծարարներից: 🌐 Մի՛ անցիր կասկածելի՛ հղումներով և մի՛ ներբեռնիր նյութեր կասկածելի աղբյուրներից: Զգուշացի՛ր այն նամակներից, որոնք պահանջում են անձնական տվյալներ և դրդում շտապ գործողություններ կատարել:
📌 Պարբերաբար ստուգի՛ր հաշիվներդ. տես` արդյոք քաղվածքներում չկան գանձումներ կասկածելի կայքերից:
📌 Քիչ հանրայնացրոˊւ անձնական տեղեկատվությունը: 🤫Քո մասին տեղեկություն տոˊւր միայն վստահելի աղբյուրներին, խուսափի՛ր հեռախոսով, նամակով որևէ տվյալ փոխանցելուց:
📌 Օգտագործի՛ր երկակի նույնականացման համակարգ. սա օգտագործի՛ր այն հարթակներում, որտեղ հնարավոր է:
📌 Կարևոր տվյալներ պարունակող նյութերը դեն նետելուց առաջ շրեդ արաˊ, մանրացրոˊւ: Խոսքը բանկային քաղվածքների, առողջական որևէ խնդրի վերաբերող կամ նմանատիպ այլ կարևոր փաստաթղթերի մասին է:

Հետևելով այս քայլերին` դու կարող ես պաշտպանել քո անձնական տվյալները: 👌💪

Բացահայտում ենք թվային բանկինգի ապագան. 6 թրենդ

Վերջին տարիներին բանկերը շարունակաբար բարելավում են իրենց թվային ծառայությունները` հաճախորդներին առաջարկելով ֆինանսական ավելի համարավետ ու անհատականացված ծառայություններ: 😎

Մենք ուսումնասիրել ու մի հոդվածում ենք հավաքել համաշխարհային թվային բանկինգի ներկայիս թրենդերը. 🤟

🤖 Օնլայն/Մոբայլ բանկինգ. օրինակ` 2021-2022թթ. Ամերիաբանկի օնլայն բանկինգով գործարք կատարող օգտատերերի թիվն աճել է 94%-ով: 🔥

🤖 Արհեստական բանականություն (AI). AI-ը հետզհետե մասսայական տարածում է ստանում նաև ֆինանսաբանկային ոլորտում, ինչի շնորհիվ հնարավոր է հաճախորդներին տրամադրել անհատականացված առաջարկներ, ավտոմատացնել հաճախորդների սպասարկումը, կանխել զեղծարարների մի շարք գործողություններ և այլն:

🤖 Բաց բանկինգ. այն հաճախորդներին հնարավորություն է տալիս անվտանգ համակարգերի` API-ների միջոցով կիսվելու իրենց ֆինանսական միջոցների տվյալներով երրորդ կողմի հետ: Սա ենթադրում է ուժեղ 🏃 մրցակցություն, քանի որ երրորդ կողմը կարող է օգտագործել այդ տվյալները և անհատականացված ֆինանսական ծառայություններ առաջարկել:

🤖 Բիոմետրիկա. կենսաչափական տվյալների կիրառումը, ինչպիսիք են` 👩 դեմքի նույնականացումը, մատնահետքի սքանավորումը, ամենատարածվածներից են: Այս համակարգի շնորհիվ թվային բանկինգից օգտվելը դառնում է առավել հուսալի և ապահով:

🤖 Չատբոտ. նման տեխնոլոգիաների շնորհիվ հնարավոր է բարելավել հաճախորդների սպասարկման որակը: Ձայնային օգնականի և AI-ի համակցման շնորհիվ հնարավոր է սպասարկել հաճախորդներին` անպատասխան չթողնելով նրանց և ոչ մի հարց:

🤖 Ձայնային բանկինգ. 🗣️ այս ծառայության շնորհիվ հաճախորդները կարողանում են ձայնային հատուկ հրահանգների միջոցով հասանելիություն ստանալ իրենց բանկային հաշիվներին և կատարել գործարքներ: Այս ծառայության տարածումը կապված է Amazon-ի Alexa-ի և Google Home-ի թրենդային դառնալու հետ:

Այնպես որ, թվային բանկինգը զարգանում է ամեն օր: Ի դեպ, ապրիլի 5-ին այս ամենի մասին մենք խոսելու ենք Doing Digital ֆորումի ընթացքում, որի գլխավոր խոսնակը աշխարհում թվային փոխակերպման գծով առաջատար մասնագետներից մեկն է` Քրիս Սքիները: 😎

🔗Մանրամասներին կարող ես ծանոթանալ այստեղ :

❓Ինչպե՞ս կառավարել ֆինանսական միջոցները

«Ես չեմ կարողանում խնայողություններ անել», «Էսօր աշխատավա՞րձ ենք ստանալու». ծանոթ իրավիճա՞կ է: 🥲Մենք գիտենք, թե ինչից պետք է սկսես ֆինանսական միջոցների կառավարումը:👌

👉 Կազմիˊր բյուջե
Թվում է, թե սա շատ ակնհայտ խորհուրդ է: Բայց արի ու տես, որ մարդկանց 49%-ն ընդհանրապես դա չի անում, իսկ 32%-ը բյուջեն կազմում է «մտքում»: 🙄Իմացիˊր, որ եկամուտների և ծախսերի հաշվառումը և դրանց վերլուծությունը ֆինանսական գրագիտության հիմքն են:
Գրանցիˊր վերջին ամսվա քո եկամուտներն ու ծախսերը: Ի դեպ, իդեալական կլինի, եթե ավելի երկար ժամանակահատվածի վերլուծություն անես, որպեսզի պատկերն ավելի ամբողջական կլինի:
Ծախսերիդ ցանկը պետք է գրես հնարավորինս մանրամասն: 📝Այսպես դու կհասկանաս, թե որտեղ և որքան ես ծախսում: Ցանկը կազմել ասելով նկատի ունենք, որ ոչ թե ուղղակի գրես ծախսերդ, այլ վերլուծություն ու հետևություններ անես, ինչպես նաև վերահսկողություն սահմանես:
Եթե դու չգիտես, թե ամսական որքան գումար ես ծախսում սնունդի, տրանսպորտի, հագուստի կամ ժամանցի վրա, ուրեմն բյուջե կազմելու ժամանակն է:

👉 Միˊ արա իմպուլսիվ գնումներ
Այսպես, երբ արդեն կազմել ես ընթացիկ բյուջեդ, ժամանակն է անցնելու պլանավորմանը: 👌
Ծանոթ իրավիճա՞կ է, չէ՞, երբ աշխատավարձդ դեռ չես ստացել, բայց արդեն հասցրել ես պլանավորել, թե ինչ ես գնելու: Սա իմպուլսիվ գնումների վառ օրինակ է: 🤫
Բացիˊր մոբայլ բանկինգի հավելվածդ ու տեˊս, թե վերջին շրջանում որքան գնումներ ես կատարել:
Ինչպե՞ս կառավարել անտեղի գնումներ կատարելու մոլուցքը:
▪️ Միˊ գնա գնումների աշխատավարձ ստանալու օրը:
▪️ Օնլայն գնում կատարելուց առաջ դադաˊր վերցրու: Գցիˊր հավանածդ զամբյուղի մեջ, բայց միˊ գնիր: Եթե երկու օր հետո համոզվես, որ այդ իրը քեզ իսկապես պետք է, այդ ժամանակ նոր կատարիˊր գնումը:

👉Օպտիմալացրոˊւ ծախսերդ
Խնայողությունը քո կարիքների սահմանափակումն է: Ուստի զարմանալի չէ, որ «ծախսերի սահմանափակում» արտահայտությունը ճնշող ազդեցություն է թողնում քեզ վրա: Օպտիմալացում նշանակում է գումարի ողջամիտ վերաբաշխում: Փորձագետներն ասում են, որ անհրաժեշտ է ուշադրություն դարձնել այն ծախսերին, որոնք կազմում են ընդհանուր բյուջեի 5%-ից ավելին։ Ընտրիˊր երեք այսպիսի ծախս ու վերանայիˊր դրանք:

👉Սովորիˊր խնայողություններ անել
Եթե հենց հիմա զրկվես քո հիմնական եկամուտից, որքա՞ն ժամանակ կբավականացնեն քո խնայողությունները: Եթե խոսքն ընդամենը մեկ ամսվա մասին է, ուրեմն սկսիˊր մեծացնել քո ֆինանսական «բարձիկը» ու սկսիˊր խնայել այնքան, որ «բարձիկը» բավարարի քո կարիքները 3-6 ամիս:

✅ Բոլորս ունենք շատ նպատակներ: Օրինակ` ուրախացնել մտերիմ ու սիրելի մարդկանց, նոր բան ստեղծել կամ մասնագիտական աճ ունենալ: Այս ճանապարհին ֆինանսական անկայությունը կարող է դառնալ քո նպատակներին հասնելու ամենամեծ խոչընդոտը:
✅ Ֆինանսական գրագիտությունը այդ դժվարություններից խուսափելու ու քո նպատակներին ավելի կարճ ժամանակում հասնելու լավագույն օգնականն է:

Միլանի ակադեմիայի մանկապատանեկան ճամբարը գալիս է Հայաստան ու բացում իր դռները Հայաստանի մարզերի պատանիների առջև:😍

160 պատանի հնարավորություն կունենա մարզվելու աշխարհի լավագույն ֆուտբոլային ակումբի ճամբարում: ⚽
Միլանի մարզիչներին Հայաստան բերելու Ամերիաբանկի այս նախաձեռնության շուրջ համախմբվել են Տաշիր գրուպը,
Զանգեզուրի պղնձամոլիբդենային կոմբինատը և Team Telecom Armenia-ն:
Կազմակերպչական հարցերի համակարգողներն են Koghb Foundation-ը և AL2 Sport-ը:

Մենք համախմբվել ենք, որ միասին օգնենք Հայաստանի տարբեր մարզերում ապրող 160 պատանիներին այսօր խփել վաղվա գոլը: 👊⚽

https://ameria.me/3AzkeIx

💰 Եկամուտի 4 աղբյուր

Upwork հարթակին շատերդ եք ծանոթ: Եկեք պատմենք, թե ինչպես կարող է Upwork-ն օգնել եկամուտի նոր աղբյուրներ գտնելու հարցում: 🤩

💸 Վիրտուալ օգնական
Upwork-ում շատ գործատուներ փնտրում են մեկին, ով կօգնի կատարել ադմինիստրատիվ հանձնարարությունները, ինչպիսիք են` էլ. նամակ ուղարկելը, հանդիպումների պլանավորումը, տվյալների մուտքագրումը և այլն: 💻 Այսպիսի աշխատանքները հատուկ մասնագիտություն չեն պահանջում, փոխարենը պետք է լինել կազմակերպված և ունենալ հաղորդակցման հմտություններ:

💸 Հաճախորդների սպասարկում
Այսպիսի աշխատանքները ևս շատ են: Գործատուները փնտրում են մեկին, ով կօգնի սպասարկել հաճախորդներին, պատասխանել նրանց նամակներին: 📬

💸 Տվյալների մուտքագրում
Շատ են նաև այնպիսի աշխատանքները, որոնք պահանջում են տվյալների մուտքագրում ֆայլերում: Այսպիսի աշխատանքը կատարելու համար պետք է լինել ուշադիր մանրուքների նկատմամբ: 🔍

💸 Օնլայն հետազոտություն
Upwork-ում կգտնեք նաև այնպիսի աշխատանքներ, որոնց շրջանակում պետք է կատարել օնլայն հետազոտություններ տարբեր նախագծերի համար: Դա կարող է լինել մրցակիցների, ընդհանուր շուկայի ուսումնասիրություն և այլն:

💸 Պրեզենտացիաների պատրաստում👨‍🏫
Գործատուները քեզ տալիս են համապատասխան տեղեկատվությունը: Դու պարզապես պետք է գտնես պրեզետացիայի գրավիչ կաղապար և նյութը տեղափոխես այնտեղ:

Սրանք ընդամենը մի քանի օրինակներ են: Եթե փնտրես, գուցե այլ տարբերակներ էլ գտնես:😊
Այս բոլոր աշխատանքները կատարելու համար պետք է պարզապես ցանկություն, ժամանակ և, ինչպես հայերս ենք սիրում ասել, քթածակ: 🤗

Ինչպե՞ս կազմել ճամփորդական բյուջե ✈️

Մի հուշանվեր մամային, մի զգեստ` քեզ, շոկոլադ` գործընկերներին, հյուրանոցի ամրագրում, ինքնաթիռի տոմս, վիզայի գումար... 🫣Շարքը չի վերջանում, բայց հուսահատվել պետք չէ:🤩

Մեկնե՞լ, թե՞ չմեկնել կամ ինչպե՞ս կազմել ճամփորդության բյուջեն: 🤔
Ճամփորդության բյուջեի պլանավորում անելու համար առաջին հերթին անհրաժեշտ է ուսումնասիրել ու համեմատել, գտնել արդեն բացահայտված ճանապարհները ու լսել ընկերներին, բարեկամներին կամ բլոգերներին, որոնք արդեն անցել են այդ երթուղիով: 👌🏻

Յուրաքանչյուր 🛤️ ճամփորդության բյուջեի 90%-ը ծախսվում է վիզայի, տրոնսպորտի, հյուրանոցի և ուտելիքի վրա, 10%-ը կազմում են այլ ծախսերը:

1. Առաջին հերթին արիˊ պարզենք, թե որքան գումար ես պատրաստ տրամադրել առաջիկա ✈️ճամփորդության համար։
Օրական միջինում քեզ որքա՞ն գումար պետք կգա։ 🤔Այս հարցում քեզ կօգնի https://www.numbeo.com/-ը։ Կայքի միջոցով կարող ես տեսնել տարբեր երկրների ապրանքների, ռեստորանների, տաքսիների միջին գները։

2. Օգտվի՛ր ճամփորդական հավելվածներից, որ հեշտ ու արագ գտնես բյուջետային ռեստորաններ, ժամանցի վայրեր և այլն։ Այս հարցում քեզ կօգնեն TripIt, TripAdvisor, Yelp հավելվածները։📲

3. Տարադրամի փոխանակումը կատարիˊր MyAmeria հավելվածով: 💚Փոխանցիˊր գումարը նախընտրելի արժույթով բացված քո թվային քարտին և վճարումները կատարիր օնլայն դրամապանակներով:
Ավելին իմանալու համար անցիր հղումով:

4. Օգտվի՛ր հասարակական 🚌🚊տրանսպորտից` ավտոբուսներից, մետրոյից, գնացքներից: Եվրոպական շատ քաղաքներում կան տրանսպորտային մեկօրյա քարտեր, որոնցով կարող ես անսահմանափակ օգտվել բոլոր միջոցներից: Քարտերը վաճառվում են ինչպես օնլայն, այնպես էլ քաղաքների տարբեր կրպակներում:

5. Հասանելի և օնլայն լինելու համար AirAlo հավելվածով պատվիրի՛ր eSIM։😉

6. Իմացիˊր, թե հյուրանոցը, որը դու ամրագրել ես, ունի արդյոք քաղաքային հարկ: 💸Այդ հարկատեսակը դու վճարելու ես հյուրանոց մուտք գործելիս: Քաղաքային իշխանությունները հավաքագրված հարկը ծախսում են քաղաքում տուրիստական ենթակառուցվածքները պահպանելու և զարգացնելու համար:

7. Հուշանվերներ միˊ գնիր տուրիստական կենտրոններից: Այդտեղ գներն անհամեմատ բարձր են:😣

8. Միշտ մի քիչ գումար պահիˊր քեզ մոտ անկանխատեսելի դեպքերի համար: Հմուտ զբոսաշրջիկներն ասում են, որ իրենց դրամապանակի ծածուկ գրպանում միշտ ունեն 4 ընթրիքի համար նախատեսված գումար:🤭

9. Ի դեպ, դու կարող ես մասնակցել Ամերիաբանկի ✈️ «Դարձիˊր հաճախորդ օնլայն» գովազդային վիճակախաղին և հաղթել 1,500,000 դրամ արժողությամբ տուրիստական փաթեթ: Մենք կկազմակերպենք քո ճամփորդությունը, իսկ դու կմտածես մտերիմներիդ հուշանվերներ բերելու մասին:😍
Արշավին կարող են մասնակցել ոչ հաշվետեր բոլոր հաճախորդները։ Մանրամասներին կարող ես ծանոթանալ այստեղ:

🛍️ 5 օնլայն խանութ մատչելի գնումների համար

Դու կարող ես ունենալ ոճային և գրավիչ տեսք` առանց մեծ գումար ծախսելու։ 🤩
Արիˊ տեսնենք, թե որ օնլայն խանութներից է հնարավոր է գտնել նախընտրածդ ոճի հագուստն ու աքսեսուարները` համեմատաբար մատչելի գներով:

🔗Shein: Այս օնլայն խանութն առաջարկում է ինչպես հագուստի, այնպես էլ աքսեսուրաների ու տան պարագաների թրենդային տեսականի։👗🧢 Բացի այդ, հարթակը պարբերաբար ներկայանում է զեղչերով ու նվիրում է հաճախորդներին պրոմո կոդեր: Shein-ում գործում է նաև պարգևատրման համակարգ: ⭐ Դու պարգևատրվում ես միավորներով և դրանք օգտագործում հավելյալ զեղչ ստանալու համար։

🔗ASOS: Այստեղ միշտ կգտնես թրենդային տեսականի։ 💗 Այս հարթակը ևս իր հաճախորդներին առաջարկում է զեղչեր, հատուկ առաջարկներ` այդպիսով հնարավորություն տալով վայելել օնլայն շոփինգը։

🔗6PM: Եթե ցանկանում ես մատչելի օնլայն գնումներ կատարել, միևնույն ժամանակ ձեռք բերել ոճային և որակյալ հագուստ, աքսեսուարներ և այլ պարագաներ, ապա այցելի՛ր այս հարթակ։ Այստեղ կգտնես մի շարք հայտնի բրենդներ` հատուկ զեղչված արժեքներով։⚡

🔗Taobao: 🇨🇳 Չինական այս հարթակում ներկայացված է ավելի քան 800 մլն ապրանք։ Այստեղից կարող ես ձեռք բերել հագուստ, աքսեսուրաներ, տեխնիկա, սպորտային պարագաներ, խաղալիքներ և այն ամենը, ինչ անհրաժեշտ է շա՜տ մատչելի տարբերակով։ Երբ մուտք գործես կայք և տեսնես չինարեն տառերը, չփակես էջն ու դուրս գաս։) Այս նյութը կօգնի քեզ կողմնորոշվել հարթակում և գնումներդ դարձնել ավելի մատչելի։

🔗Romwe: Այն առաջարկում է մատչելի հագուստ, աքսեսուարներ և կոշիկներ կանանց համար: Կայքը հաճախ է թարմացնում իր տեսականին, իսկ հաճախորդներին պարբերաբար զեղչեր և կուպոններ է առաջարկում։
Եթե հավանեցի՛ր նյութը, ապա սրտիկիˊր ու սպասի՛ր մեր մյուս նյութերին։

Ուոլ Սթրիթի Գայլը, կամ ի՞նչ է բաժնետոմսը 📄

Երբևէ մտածե՞լ ես, որ կարող ես դառնալ Apple, Google, Meta, Amazօn, Tesla, Team Telecom Armenia կամ այլ ընկերության բաժնետեր: 🤩
Ինչպե՞ս: Արիˊ հասկանանք։
😉

❗️Նախ պարզենք, թե ինչ է բաժնետոմսը։ Պատկերացնենք՝ դու ցանկանում ես բացել ռեստորան, որի համար քեզ անհրաժեշտ է 100,000 ԱՄՆ դոլար, սակայն դու չունես այդ գումարը և որոշում ես ընկերներիդ առաջարկել միասին հիմնել ռեստորանը՝ ներդնելով 10,000-ական ԱՄՆ դոլար։ 💵Այսպիսով` դուք հավաքում ենք անհրաժեշտ գումարը և հիմնում բաժնետիրական ընկերություն՝ ռեստորան, և դառնում այդ ընկերության բաժնետերեր: 🤝
Որոշ ժամանակ անց, երբ Ձեր ռեստորանը հաջող գործունեություն ծավալի, և դուք ունենաք եկամուտ, կարող եք համամասնորեն բաժանել եկամուտը ձեր միջև։ Այս երևույթը կոչվում է շահաբաժինների (դիվիդենտների) ստացում։ ✅
Իսկ եթե ցանկանաք «դուրս գալ բիզնեսից», կարող եք Ձեր բաժնեմասը վաճառել մեկ այլ ներդրողի։↩️
Միջազգային գրեթե բոլոր հանրահայտ ընկերությունների բաժնետոմսերի մի մասը ազատ շրջանառվում է շուկայում, և բոլորը, այդ թվում դու, կարող են գնել այդ բաժնետոմսերը` այդպիսով դառնալով բիզնեսի սեփականատերերից մեկը, ստանալով ընկերության բաժնետերերի ժողովներին մասնակցելու իրավունք, իսկ երբ ընկերությունը զարգանա, և բաժնետոմսի գինն աճի, նաև եկամուտ։

‼️Բայց հիշիր, ներդրումը ռիսկեր է պարունակում, և այս կամ այն ընկերության բաժնետոմսը գնելիս պետք է լավ ծանոթանալ այդ ընկերության գործունեությանը, ֆինանսական ցուցանիշներին, մրցակիցներին, արտադրանքի նկատմամբ պահանջարկին, քանի որ հենց այս գործոններն են, որոնք որոշում են՝ կաճի արդյոք բաժնետոմսերի գինը, թե հակառակը։

Բաժնետոմսերի գնի վրա մեծ ազդեցություն է ունենում նաև ընդհանուր տնտեսական դրությունը։ 📊Այսպես, Covid-19 համավարակի ընթացքում կտրուկ աճեցին պատվաստանյութի պատրաստմամբ զբաղվող ընկերությունների բաժնետոմսերի գները։

Օրինակ` Moderna ընկերության բաժնետոմսի գինը կարճ ժամանակում 19 դոլարից դարձավ 104 դոլար։ Անմասն չմնացին նաև օնլայն հաղորդակցության հարթակները: Բոլորիս քաջ հայտնի Zoom Video Communications ընկերությունը գրանցեց բաժնետոմսերի գնի մոտ 6 անգամ աճ։ 😲

Ինչի՞ց կարող ես սկսել դու👊

Կարող ես սկսել Team Telecom Armenia-ի բաժնետոմսերից։ Հունիսի 7-ից կարող ես դառնալ «Տելեկոմ Արմենիա» ԲԲԸ-ի բաժնետեր մեկ հպումով՝ պարզապես մուտք գործելով MyAmeria հավելվածի MyInvest բաժին։ Մանրամասները: 😎
Իսկ մինչ այդ առաջարկենք մի քանի ֆիլմեր, որոնք թույլ կտան զգալ բաժնետոմսերով գործարքների տարերքն իր ողջ հմայքով՝

🎬The Wolf of Wall Street (2013)
🎬The Big Short (2015)
🎬Too Big to Fail (2011)
🎬Margin call (2011)

🛫 7 հավելված քո առաջիկա ճամփորդության համար

Ահա մի քանի հավելված, որոնք կօգնեն քեզ հաջորդ ճամփորդության ժամանակ։

✈️TripIt: Այս հավելվածը կօգնի կազմակերպել և պլանավորել ամբողջ ճամփորդությունդ՝ թռիչքներից և հյուրանոցների ամրագրումներից մինչև մեքենաների վարձույթ, ռեստորաններում սեղանների ամրագրում: 🥰 Հավելվածը կկազմի նաև քո ճամփորդական օրվա երթուղին։ Այն սինխրոնանում է հեռախոսիդ օրացույցի հետ և համաժամանակյա թարմացնում տվյալները։

✈️Duolingo: Հավելվածն ունի 40 լեզու սովորելու հնարավորություն: Ընտրիˊր լեզուն, ապա «Travel» կատեգորիան և սերտիˊր այն բառերը, որոնք քեզ պետք ճամփորդության ժամանակ։

✈️AirAlo: Այս հավելվածի միջոցով դու միշտ կլինես հասանելի։ 🤳 Ծրագիրը թույլ է տալիս գնել eSIM քարտեր, միանալ տեղական օպերատորներին և ունենալ որակյալ կապ ամբողջ ճամփորդության ընթացքում: Ի դեպ, ստուգիˊր, թե արդյոք քո սմարթֆոնն ունի eSIM տեխնոլոգիան:

✈️Trail Wallet: Այս հավելվածը նախատեսված է հատուկ ճամփորդական ծախսերը վերահսկելու համար 💸։

✈️Airbnb Experiences: Այս ծրագրի միջոցով կգտնես ժամանցի մի շարք հետաքրքիր վայրեր, տուրեր, տեղացիների կողմից կազմակերպվող այլ հետաքրքիր միջոցառումներ։

✈️MyAmeria: Ճամփորդությունների ժամանակ քո բանկը միշտ քեզ հետ կլինի։ Հավելվածի միջոցով պատվիրիˊր թվային քարտ` քո նախընտրելի արժույթով, և կատարիˊր քո բանկային գործարքներն օնլայն, աշխարհի որ անկյունում էլ լինես:

✈️Google Maps: Հավելվածի միջոցով դու կարող ես տեսնել տվյալ բնակավայրի թարմացված քարտեզը, իրական ժամանակում իմանալ խցանումների մասին, գտնել նպատակակետին հասնելու ամենակարճ ճանապահը։

Իսկ եթե ճամփորդությունդ դեռ չես պլանավորել, ապա լավ նորություն ունենք քեզ համար։ 🤩 Դու կարող ես շահել 1 500 000 դրամ արժողությամբ տուրիստական փաթեթ, եթե Ամերիաբանկի հաճախորդ չես։ 🫢 Պարզապես բացի՛ր օնլայն հաշիվ, ակտիվացրո՛ւ քարտդ և մոˊւտք գործիր MyAmeria հավելված։ Մանրամասներն այստեղ են: https://ameria.me/3osIDgK

🧐 Ինչպե՞ս փոխել մասնագիտությունը 30, 40 կամ 50 տարեկանում

Երբ Իվան Վասիլևիչը փոխում էր մասնագիտությունը, դա իրավիճակով թելադրված որոշում էր։ Դա ֆիլմում, բայց կյանքում էլ է այդպես: 🤭

Պատճառները բազմաթիվ են՝ սկսած սխալ մասնագիտություն ընտրելուց մինչև իրավիճակի այնպիսի փոփոխություն, որ մասնագիտություն փոխելն այլընտրանք չի ունենում։ 🫥

Արժե՞ փոխել մասնագիտությունը, թե՞ ոչ։ Դա շատ անհատական է, ու այդ հարցին միանշանակ պատասխան լինել չի կարող։ Յուրաքանչյուրն ինքն իր համար պետք է տա այդ հարցի պատասխանը։

Նախ, արի ֆիքսենք մեկ պարզ փաստ: Մասնագիտություն փոխել հնարավոր է ցանկացած տարիքում։ 😉 Սովորելու ունակությունը տարիքի հետ կապ չունի, և դա շատ անհատական է։ Տարբերությունը միայն այն է, որ ավելի մեծ տարիքում մարդիկ ավելի շատ պարտականություններ ունեն ու ավելի մեծ ռիսկեր պետք է հաշվի անեն։

Ի՞նչ անել, եթե ուզում ես փոխել մասնագիտությունդ։

🗝️ Համոզվիր, որ դա իրոք սխալ է
Երբեմն անհաջողության դեպքում մարդիկ մտածում են, որ սխալ մասնագիտություն են ընտրել։ Սակայն խնդիրները կարող են լուծվել պարզապես աշխատավայրը փոխելով։ 🤷‍♂️
Մասնագիտություն փոխելու համար այլ հիմքեր են պետք։ Եթե այն քեզ հետաքրքիր չէ, չկա կարիերայի աճ, որևէ նոր բան սովորելու կամ բացահայտելու հնարավորություն:

🗝️ Ընտրիր ոլորտը, որը հետաքրքրում է քեզ
Հաճախ նոր մասնագիտություն ընտրելիս կարիք չկա զրոյից այն սովորելու։ Այդ պատճառով սովորիր հստակ հմտություններ, ոչ թե կոնկրետ ու մասնագիտություն։ Այդ դեպքում նոր մասնագիտություն յուրացնելը դառնում է տեխնիկական գործ։ Օրինակ, եթե դու լեզվաբան ես, շատ հանգիստ կարող ես աշխատել որպես խմբագիր կամ քոփիրայթեր, ✍️ եթե նկարիչ ես, շատ հեշտ ձեռք կբերես գրաֆիկ դիզայների մասնագիտություն։

🗝️ Շրջապատի կարծիքը
Հատկապես այս հարցում չարժե որևէ մեկի խորհուրդը լսել: Քեզնից լավ որևէ մեկը չգիտի քո ունակությունների մասին։

🗝️ Ժամանակ մի կորցրու
Պարզապես սկսիր ուսումնասիրել նոր մասնագիտությունը, մասնակցիր վերապատրաստումների ու կարճ ժամանակ անց կկարողանաս լիարժեք աշխատել նոր մասնագիտությամբ: