በሀዋሳ ከተማ ወጣቶች ማህበር አዘጋጅነት በሀዋሳ ሞዴል ወጣቶች ስብዕና ልማት ማዕከል የችግኝ ተከላ እና የመፅሀፍ ልገሳ ተደረገ።

በሀዋሳ ከተማ ወጣቶች ማህበር ባዘጋጀው መርሀግብር ላይ የሲዳማ ክልል ብልፅግና ፓርቲ ወጣቶች ሊግ ኃላፊ አቶ አክሊሉ አለሙ፣ የሀዋሳ ከተማ ሴ/ህ/ወ/ ጉዳይ መምሪያ ሀላፊ ወ/ሮ ፍሬህወት ወ/ፃዲቅ እና ሌሎች አመራሮች የተገኙ ሲሆን የእለቱ የክብር እንግዳ የሲዳማ ክልል ሴቶች ወጣቶች እና ማህበራዊ ጉዳይ ቢሮ ም/ኃላፊ እና የወጣቶች ዘርፍ ኃላፊ አቶ ደስታ ለገሰ በመክፈቻ ንግግራቸው ወጣት ማህበር ተጠናክሮ መቆሙ እና እንዲህ ያለ ወጣቱን አሳታፊ ያደረገ የክረምት በጎ ስራዎችን መስራቱ የሚበረታታ መሆኑን በማንሳት ወጣቶች የወጣት ስብዕና ልማት ማእከልን ለማልማት እየተሰሩ ያሉ ስራዎችን ወጣቶች ከመንግሥት ጎን በመሆን ማገዝ እንደሚገባ አሳስበዋል።

የሀዋሳ ከተማ ሴ/ህ/ወጣቶች ጉዳይ መምሪያ ም/ኃላፊ እና የወጣቶች ጉዳይ ዘርፍ ሀላፊ አቶ ሀደራ አርቃ በበኩላቸው የወጣት ማህበር እንደአዲስ ከተዳራጀ ወዲህ እቅዶችን በመንደፍ ወደተግባር ገብቶ ይህን መርሀግብሩን ማሰናዳቱ በማበረታታት መምሪያው ለማህበሩ እያደረገ ያለውን ድጋፍ አጠናክሮ እንደሚቀጥል ገልፀዋል።

የወጣቶች ማህበር ም/ፕሬዚዳንት ወጣት በቃሉ መሠረት በበኩላቸው የክረምት በጎ ፈቃድ ስራ ላይ ወጣቶች እያሳዩ ያሉ ተነሳሽነት በማበረታታት፤ ለዝግጅቱ መሣካት በኪነጥበብ ስራዎች ድምቀት በመሆን አስተዋፆ ያደረጉት በምስራቅ ክ/ከተማ ላይ በኪነጥበብ እና በጎ ስራዎች ግንባር ቀደም የሆኑትን ፕላስ የኪነጥበብ እና በጎ አድራጎት ማህበርና የሀ-ግዕዝ ሀበሻ ኪነጥበብ ቡድንን አመስግነዋል።

ነሀሴ 22/ 2014
ፕላስ የኪነ-ጥበብ እና የበጎ-አድራጎት ማህበር
ሀዋሳ