بعتبة الباب اگعدت..
شفت الزغار ومتت..
رجعن الاهلهن
وانه انظر الهن
شفت الزغار ومتت
.....................
دموعي نزلن من شفتهن*
ركضن وشبگن اهلهن*
وانه شفت ابگد عمرهن*
حرگ**
والدي ابچيت وذكرته*
رحت اشبگه وما لحگته*
صدره شابع من وصلته*
سحگ**
ما عرفته هذا صدره*
مدري يمكن هذا ظهره*
كل ضلع داسنه عشره*
يطگ**
واگعدت يم جسمه انحب*
اميه جبت وگتله اشرب*
راسك ادري بابا غرّب*
عشگ**

گلت اشربله النحر..
ضامي گلبه وانفطر..
والجروح اشدهن
وانه انظر الهن
شفت الزغار ومتت
....................
لعبن اگبالي واشوفه*
وحده ابوها يفك چفوفه*
شبگته ورفضت تعوفه*
شفت**
فرحت اشگد من شبگها*
ماكو زلمه جاها طگها*
محد ابسوطه حرگها*
وحرت**
ليش انه لوعوني*
ورّمن بالطگ متوني*
بالسياط اشگد چووني*
وشغت**
حتى لو اريد امشي يمه*
شلگه وهوه ثلمه ثلمه*
بس ولو من طوله شمّه*
ردت**

بخلو اعليه ابحضن..
ولسه گلبي منسحن..
شكبره والله حظهن
وانه انظر الهن
شفت الزغار ومتت
......................
الحافر ادري هوايه داسه*
بس ردت من الله راسه*
شمعنى رمحه بنحره باسه*
شكثر**
لسه صوت ابذاني اسمعه*
الخيل من تكسرله ضلعه*
وضحكت الگص منه صبعه*
انقهر**
وحشه يا ليل الخرابه*
شما صفنت اذكر مصابه*
وانه متعوده اعله بابا*
وصدر**
لو تحس طفله ابهضمهه*
بصدره والدهه يضمهه*
بحضنه تغفى ويمهه امهه*
عمر**

لو يرد مره بعد..
والله ما اعوفه ابد..
واحضنه مثلهن
وانه انظر الهن
شفت الزغار ومتت
........................
شفت ابوي بعيني شنسه*
التمو اواحد يرفسه*
وثاني گص صبعه ومحبسه*
گطع**
عالخيم عينه تباوع*
فرهدو واهوه ينازع*
سهمه من ادمومه شابع*
وگع**
شگد زحف حاول يجينه*
دربه ما يندله وينه*
امن الدمه مغلوگه عينه*
ورجع**
عالترب نام اعله وجهه*
الرگبه للمذبح عوجهه*
وهامته الذباح فجهه*
وشبع**

خلّصو منّ الذبح..
صرنه جرح ايكض جرح..
والجمر دستهن
وانه انظر الهن
شفت الزغار ومتت
......................
من الخرابه اطلع عصاري*
اعرج واذكرها ناري*
من ركضتي بالصحاري*
واحس**
بالوجع واخنگ عبرتي*
حتى ما تسمعني عمتي*
بالبواچي اگضي وكتي*
بشمس**
رجلي من امشي تندي*
بالدمه واگضيهه وحدي*
وروحي اگلهه بسرعه ردي*
همس**
رويحتي بالطف افلهه*
واحسد الترجع لهلهه*
وكلهه تگعد يمهه كلهه*
ونس**

هوه عمري چم سنه..
ما شفت بيه الهنه..
خلّصن احسهن
وانه انظر الهن
شفت الزغار ومتت



علاء المياحي
الفاتحه لروح والدي

https://t.me/amarr_hasnn

اداء والحان جيد جدا وارقي ✨⚡️ملا امير الفتلاوي 🌸


كلمات الشاعر ✍🌸 علاء المياحي


https://t.me/amarr_hasnnع

مشاهدة "قصيده للسيده زينب ع حزينه بقلم الشاعره ام واداع والحان الملا الموهوب أمير الفتلاوي" على YouTube
https://youtu.be/s30MLWkIZVw

#أرض الـــمديــنة
#صـــارت حــزيـــنة
#وجـــبريــــل كــــبر
#لمـــصاب الإمــــام
#جـعـــــفــر"ع"

#مــــــا أعـــظــم
#الــمأســــاة💔..

#مــــأجــوريــن يـــااا
#مــــوالــــــييين🖤

#يـــــاصــــادق آل
#مـــحـــمـــد"ص"

25 #شــــواال💔

#آجــــرك الله يـــااا
#حـبـيـبــي يـــــااا
#بـقـــــــــــية الله💔

#اللـــــــهم عـــــجــــل
#لـولــيــك الـفـــــرج

#نصيحة_اليــــوم
ما بين صخر وصخر ينبت الزهر وما بين عسر وعسر ينبت اليسر
ولو كانت الدنيا سهلة ميسرة لما كان الصبر أحد أبواب الجنة🌺

يا فداكا ..❤️
حداد على الإمام الذي اليهِ نُنسَب 🏴🖤.

═.🏴.═
✦ رحلَ الصادقُ عن دارِ الفناءْ

واكتسى بالحزن ِوجه َُالعلماءْ

✦ كيف َلايبكون مصبـــــــاحَ الهدى

وهو شمسٌ نورها طولَ المدى

✦ صادق الأقوال ِدربُ الســــــــعدا

آلُ طـــه قدوةٌ للأتقــــــــــياءْ

✦ كيف راعي الدين ِغطـَّاهُ الترابْ

كيف بدرُ العلم والإيمان ِغابْ

✦ هـُدِمُ الديــــن ُعلى هذا المصابْ

قتلَ الباغونَ اتقى الأتقـــــياءْ

أعظم •اللّـہ̣̥ اجورنا واجوركم
شهادة الامام الصادق عليه السلام


❁ ════ ❃❃ ════ ❁

ڵـڱ العزاء يا صـاحـب الٰـزمـان انت المعزا يا مولاي 💔

اشوفك منحني اهوايه .....والك ثار
بقيعك يحسب احسابك.......والك ثار
النواصب بدعه كالوها..........والك ثار

تسولف غييتك وين القضيه



اداء والحان مميز جدا وارقي 🌸🙏 الخادم ملا امير الفتلاوي
👍🌸