صدك سويتها ؟
وتبطل تريد
تعوف ايامنة وتنساها كلها ؟
عوفك من تعبنا ، ومن الجروح
تعال احلامنة باچر شگلها ؟
شگلها ؟؟؟؟؟؟؟؟

خليني جگاره بچفك المتعوب
ورثني على كيفك ساعة الخنگه
واحرگني گبل لا تحترگلك روح
واشهگني لون ترتاح بالشهگة .

الصوچ بينه
مسودنين لاجل وادم رجفه
مارجفت علينه ..

مَحتاج نَگعد سَوه..
وأحچيّلَك شگَد خَفت مِن راحَت عيّونَك
و مِن گتلِّي خَل نَلتقِي
صَدگنِي مَرنّي القَلق،
أبديّلَك بيا بَچي
مِن تسأل شلونَك؟

هذا برودك شنو
عايش اللهفه جنت
ويه شخص قبلي؟
شو اني حيل اختلف
تخيل رساله تجي
تكومني عن اهلي.

چنت اخِاف من باچر
انت ما بي
وهِسه مر عليه
ألف باچر وانت ماكو

وبَعد ذيچ
المَواقِف كُلها و الوّنسة
گوة اطلّع گمِت هسَة ،
واحِب اگعُد لـ وحَدي هوّاي
و اليگعُد لـ وَحِدة هوّاي
مِا ينسَة ،
تِرا الگدامِكُم خاسِر
هوّاي اشيَاء
واخِر شي خِسر
نفسَة .

خَوفي مَنك ..
خَوف لا يشتَد حَنينيّ
ويكبَر بِصدري النَشد ، وأصغَر علامة
خَاف أصابيعَيّ البَعيدة تلِوح وجهَك
وتِرجع تضوگ المَلامة
خَوفي شوگي ،
وخَوفي گلبيّ يطيَح
مِن عيَن العَوافي
ولذَة الدنيا السَلامة .

الطاحَتلك گبل هل مَرة متطِيح
الجَرح مِن ينفتَح ماخيطة مَرتين
بعُمرها حچايتي ماصارت ثنين
بَعد يم گلبي صدِك ما اخليك
اشَلعك لُو صِرت وَي الشراين ..!

تلاگينه بس شلون ملگه
نضحك لچن بالضحكه حرگه
وصار المعاتب بس بالعيون
كلمن عيونه تريد حگه .

ناس مقهوره اجت تبجي عليه
وناس بطرانه اجت تحجي عليه
شلون غلطه اتسرعت وكصيت اديه

وأحَلفنك
بَعـد لا تنشـد شَلوني
أنـة الما ظـل حِـزن
مامَـڕ ؏ عيـوّني .