ام جعفر:
قصيده حول الامام الحسين


*مروني عله ابو السجاد من تغمض عيوني*

*واريد اجنازتي ابابه تمروهه وتدفنوني*



مروني عله ابو السجاد وخلو اجنازتي ابابه
تزوروني اريد اهناك يم حسين وأصحابه
اريد اشتم عطر منه واريد بدمعه سجابه
*اكله دخيلك احضرني بكبري انتم تحضروني*



لابو سكينه الجنازه اتروح خلوهه وتشم عطره
ويم عباس اريد اشواي انعه بصوتي وبعبره
ماكفاني كل ابجاي لا وافيت لزهره
*واريد اسمع بجي الزينب ونه عليهه سمعوني



سمعوني عله زينب هيج ونه وحيل ونوها
تابوتي بدمع رشو وتوصل يمي خلوها
ونتكم عله المظلوم يحبابي تعلوها
*ودكو صدوركم يمي واسمعكم تخلوني*



اوصل وبضريح حسين انصبو بمرقده قرايه
خلوني بضريحه اشواي ويمي تكول ملايه
خلي اجيبلي ابيات الزينب تبدي الحجايه
*من صاحت يبو اليمه يخويه لا تعوفوني*



احب اشكد بعد ابيات يمي بصوت تقراها
الزينب عل شريعه تروح لاخوهه اتريده وياها
تكله اكعد يبعد االروح اختك خاف تنساها
*مو انته اكفلت بيه وبعدك تدري يولوني*



وتابوتي اريد انوب لتل هم تودونه
صوب ام الخدر زينب اي والله وتزورونه
اكلهه دخيلج اخت حسين خادمكم تحضرونه
*بكبري وحشتي دخيلج واهلي من يتركوني*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له



https://telegram.me/am_jafar

ام جعفر:
موشح حول محرم الحرام



*يالله يالمهدي تعال ويانه*

*هل سنه نبجي سوه المولانه*


بالعجل يالمهدي حضر دمعتك
شيل رايه وخن نلاكي عمتك
تنصب عالحسين مأتم رادتك
*حيل مابيهه تره وخلصانه*



يالله تنهض يبن امير المؤمنين
ونصب المأتم يبو كلب الحنين
تدري مذبوح القفا تدري الحسين
*وزينب اتعنت اله و حزنانه*



نبجي لاجل حسين يبن الطاهره
ظل ثلث تيام مرمي عله الثره
ليش غايب والشمر حز منحره
*وين صولاتك تجي العدوانه*



ماتشوف الي جره وشنهي السده
وزينب اتعنت لخوها اتوسده
شافته بيا حال ما بين العده
*صاحت بصوت واجت لهفانه*



هاي عمتك والحزن وياها
راحت وذاك الكمر ما جاها
اتريد زينب ناعيه الولياها
*وانته تحضر بل بواجي احذانه*



هل سنه تحضر وتنصب فاتحه
بكل سلف مولاي نسمع نايحه
تدري جدك والشمر من ذابحه
*هتزت عروش السمه واركانه*



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له




https://telegram.me/am_jafar

ام جعفر:
قصيدة حول محرم



*يا ابو صالح شيل رايه وخن نروح الكربله*


*نشوف زينب بيهه تبجي عمتك والعايله*



هل محرم يا ابو صالح والدمع بعيونه
جنهه زينب هاي هيه وعل ولي محزونه
تصيح وين الي يحبنه وشيعتي يعازونه
*واليجي ويبجي عله اخي انه اكله يا هله*



يا هله اتكله العقيله لو تشوفه عليهه
يبجي ويهلن ادموعه ويلطم الواليهه
شيل رايه ونمشي يمهه وانته شوف شبيهه
*ليش ما يمهه اخوهه وغربه تحدي القافله*



كلهه زينب يالعزيزه اليوم اجيت المحملج
وين ذيج اخوانج انتي وها يعمه شمطلبج
ونمشي صوب النهر نمشي بلكي يكعد كافلج
*هاي زينب يا ابو فاضل والحملهه كافله*



ظلت ابلايه الكفلهه وراحت اتروح بسبي
والخيم محتركه ظلت تسعر بنار العبي
اشلون ترضه الكافل انته اتروح ويه الاجنبي
*وبيدك اظعون الجبتهه وغربه هسه اتحمله*



يا ابوصالح هاي صعبه وزينب اتروح بيسر
والعدو مابيه محنه ويفتر عليهه الشمر
كلهن يلوذن بزينب بالمتن ظل الاثر
*كلفه هاي وتدري عمتك عد اهلهه مدلله*


*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له




https://telegram.me/am_jafar

عروض خاصه ومميزه


رشق انستا كل 3k بكارت اسيا ابو 5$
رشق قنوات تلجرام بأعضاء
قنوات /ادبيه. دينيه. علميه. ثقافيه. تسويقيه. اخباريه. رياضيه
كل 3000عضو بكارت ابو ال5 اسيا

كل الف 6500 عضو بكارت اسيا ابو 10 $
المراسله على المعرف @Fahjff
#الثقه والامان عنواننا

محرم على الابواب


https://t.me/kasaedalatharDaygham

ام جعفر:
ام جعفر:
قصيده حول هلال محرم



*لا تقصرون بخدمتي لا تقصرون*

*وابجو العيون يشيعه وابجو العيون*

*انه انه المنذبح وراسي مرفوع ابرمح*


*وابجو العيون يشيعه وابجو العيون*



صوت من حسين اجانه لازم انهل الدمع
وما يهمنه المرض هذه ولا يهمنه كل وضع
لازم نقيم المجالس نذكر بعبره الظلع
لاجل ابو السجاد نبجي و كون حزنه ينسمع

*لا تكطعون المجالس لا تكطعون*

وابجو العيون يشيعه وابجو العيون*



لا تكطعون المجالس ذكرو مذبوح النحر
وذكرو عباس الشفيه بيوم طاح عله النهر
وزينب ادور وليهه وشافته يذبحه الشمر
تكله خويه حسين وينك يا بعد كل العمر

*مغيره الون يخويه مغيره الون*

*وابجو العيون يشيعه وابجو العيون*




حسين انه وبمحرم دمعتي هلوها
وقصتي وذيج الرزايه شيعتي سمعوها
لا يهمكم كل وباء وأختي لا تنسوها
وزينب الحره السبيه عل اهل واسوها

*دكو المتون عله اهلها دكو المتون*

*وابجو العيون يشيعه وابجو العيون*



اشلون ما نبجي المصابك واحنه ما ناسينه
بذكره كل صبح ومسيه وبالحزن ونينه
كل سنه وكل عام حزنك بالكلب نصبينه
من يجي عاشورك النه سيدي ياذينه

*بيه يونون عله يومك بيه يونون*

*وابجو العيون يشيعه وابجو العيون*



لا تقصرون بدمعتي وانه ما انساكم
بل كبر والحشر احضر شيعتي وياكم
وليلة الوحشه اجيكم يالبجت عيناكم
كون اوافي الدين ذاكه وهل اجيت احذاكم

*لا تخافون اكلكم لا تخافون*

*وابجو العيون يشيعه وابجو العيون*



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له





https://telegram.me/am_jafar

ام جعفر:
قصيده حول هلال محرم



*ها يا دمع/ ماا حضرت روحك زين*

*ها يا دمع/ باجر يهل شهر حسين*


*خافن تقصر وياه ماتبجي لو مر طرواه*


*ها يا دمع ها يا دمع*



ويه الدمع انه حجيت بعالي
بس لا تقصر هل سنه ويه الغالي
لحسين اريدك بل مجالس هالي
ومن امشي كونك يا دمع تبرالي

*ها يا دمع/لا تجفي اريدك بالعين*

*ها يا دمع/باجر يهل شهر حسين*



بصوت الحزن حاجيته وجاوبني
كلي عله المذبوح واجب مني
دم ابجي اني والقضيه تهمني
مذبوح نحره اتصوريته بذهني

*ها يا دمع/ والكوم تركض صوبين*

*ها يا دمع/ باجر يهل شهر حسين*




من تدخل المجلس وناعي الينعه
لحسين اسمعه وجاب سيرت ظلعه
الزينب يكول تروح صوته اتسمعه
وتلكاه نايم والزلم مجتمعه

*ها يا دمع/وتصيح اروحن جاوين*

*ها يا دمع/باجر يهل شهر حسين*




لحسين راحت والحزن وياها
مابيهه تمشي تعاتب الجاباها
للحومه طرت زينب ابمبجاها
وتكله خويه حسين يا ملفاها

*ها يا دمع/وختك تظل عكبك وين*

*ها يا دمع/باجر يهل شهر حسين*



كبلك اطيحن لا تكلي بهايه
من اسمع الناعي يجيب طروه الرايه
وانزل اذا صوت الحزن وقرايه
يقره الشباب وعل طفل نعايه

*ها يا دمع/بالج بهاي اتبجين*

*ها يا دمع/باجر يهل شهر حسين*



*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له



https://telegram.me/am_jafar

عيد الغدير
في رحاب اهل البيت عليهم السلام
طور
نادي عليا مظهر العجائب
.......

غمك اوهمك لو ردت ينجلي
اندب امامك ابو الحمله علي
علي علي علي علي ياعلي
.......
حبك يحيدر عسل وسط الكلب
ياعلي
اسمك شهد بلسان كلمن محب
يا علي
انته الاهل انته الوطن والنسب
ياعلي
عندي يبو الحمله حجي بيه عتب
ياعلي
ياعلي عاين وانظر الحالتي
واعطف علي واقضيها الحاجتي
علي علي علي علي يا علي
........
امن الله اجه للنبي هذا النداء
ياعلي
بلغ يبو الزهراء امر السماء
ياعلي
كفك اوكف حيدر سوه بالقضاء
ياعلي
والي يخالف علي امن اهل الشقاء
ياعلي
حيدر علي بعدك يطاهه الوصي
هلامر واضح نزل بيه الوحي
علي علي علي علي ياعلي
........
شخصك يحيدر منو اللي يعرفه
ياعلي
حارت ابكنهك ياعلي المعرفه
ياعلي
الله اورسوله شخصك ايوصفه
ياعلي
انته سفينة نوح حبك شفه
ياعلي
خيرة الباري انته اوعيبته
وانته وريث المصطفه ابأمته
علي علي علي علي ياعلي
........
ياعلي حيدر ربك امشرفك
ياعلي
ثوب الامامه الباري فصل الك
ياعلي
الوالاك فايز والمعادي هلك
ياعلي
واعله الولايه دار قطب الفلك
ياعلي
يا سر وجود الكون يا علته
ياحكمة المعبود يا رحمته
علي علي علي علي ياعلي
..........
سر الخليقه بيك بان اوظهر
ياعلي
واعله معرفتك اصل كلشي طهر
ياعلي
انته الامام اوللامامه بحر
ياعلي
هامت ابشخصك ياعلي هلبشر
ياعلي
الكل ينادي ايكول منه علي
احنه اتباعه اوهوه النه الولي
علي علي علي علي ياعلي
......
يا قائد الغر يابحور العلم
ياعلي
ياحامل الرايه ابحرب وبسلم
ياعلي
يا سيد الامه ومعدل الثلم
ياعلي
منهو الشمل هلدين غيرك يلم
ياعلي
انته خليفة طاها في العالمين
انته امام الناس دنيا ودين
علي علي علي علي ياعلي
.......
انته الصراط الواجب اتباعه
ياعلي
توفيق اللهي حيدر احنه اتباعه
يا علي
الاهل الولايه امقرره الشفاعه
ياعلي
فاز التمسك ابمحبته اوطاعه
يا علي
واحنه اقتدينه بيك يا مرتضه
فاز الموالي الذي ابحبك حضه
علي علي علي علي ياعلي
.....
حيدر يحيدر يا علي ياعلي
ياعلي
مولاي اريدن نظره منك الي
ياعلي
المن يبوح ابسره المبتلي
ياعلي
تدري انته ابحاجاتي يا كل هلي
ياعلي
حاجاتي ارفعها الك وانتظر
منك اومن المولى المنتظر
علي علي علي علي ياعلي
.....
انه واخواني اوشيعتك هلمسه
ياعلي
انريد تكضي الحاجة ريت اوعسه
ياعلي
امشيه عليك الزهره خير النسه
ياعلي
فضلك عميم اوابد ما ينسه
ياعلي
ياباب الله الابد ما ينغلك
گلبي من ألامه يئن محترك
علي علي علي علي ياعلي
........
همك اوغمك لو ردت ينجلي
ياعلي
اندب امامامك ابو الحمله علي
ياعلي
اوناديه اوكله منو غيرك الي
ياعلي
ينظر الحالي يا علي ياعلي
ياعلي
يا حاضر الشدات فك شدتي
وانته امامي اوتدري ابحاجتي
علي علي علي علي ياعلي
.......
الحاجة ام احسان الخاقاني
15ذي الحجة 1440هـ

https://t.me/sarkhat_alahzan

حط ايده بيده وشالهه
وهل جلمه للحكَ كَالهه
من كنتُ مولاه ...عليُ مولاه
ــــــــــــــ
ب 18 ذي الحجه من بعد الفرض
رجعوا حجيج الله وملوا هاي الارض
صاح النبي صوت الّي رايد يتعض
دين الله بس الوالي حيدر ينتهض
وبخم نطق هادينه
ونصّب علي والينه
من كنتُ مولاه ...عليُ مولاه
ــــــــــــــ
يوم الغدير الباري وصّى الهادي
وحي الله كَلّه بهل بيان تنادي
عاداني كلمن لبوا لحمله ايعادي
بلّغ يطه وانت بين الوادي
لو ما تبلّغ امره
ماطعت رب القدره
من كنتُ مولاه ...عليُ مولاه
ــــــــــــــ
حط ايده بيده وشالهه ايناديهم
وبان البياض ابطينه شاهد ليهم
بحيدر علي والي ووصي ايوصيهم
بدرب الله هاي الوادم ايدليهم
بس حيدره والينه
والعافه خاسر دينه
من كنتُ مولاه ...عليُ مولاه
ــــــــــــــ
بخٍ بخٍ كَالوله يا كرارهه
ثلاثه الحقد ضل يجدح امن انظارهه
من هل امر ماطفت تسعر نارهه
بيوم السقيفه بيّنت آثارهه
يهل الكساء ويّاكم
ملعون من عاداكم
من كنتُ مولاه ...عليُ مولاه
ــــــــــــــ
عيد الله هذا اليوم عيده الاكبر
بيك كل موالي واجب اعليه يفخر
هاليوم بي تنصيب قائد حيدر
بيوم الغدير بعرشه ربّك كبّر
اليوم اكمل دينه
والي علي بتعيينه
من كنتُ مولاه ...عليُ مولاه
ــــــــــــــ


الشاعر محمد حسن ضيغم
https://t.me/kasaedalatharDaygham

انظر ماذا شاركت: https://m.youtube.com/watch?v=KdGX3K1JA04

بسم الله الرحمن الرحيم السلام بعد التوفيق من الله تعالى والتوفيق من مولاتنا الزهراء تم اصدار طف الحوراء الجزء العاشر خاص لابا الفضل العباس وعبدالله الرضيع والامام الحسين في جميع مكاتب العراق


ولا تنسونه اني وعائلتي مصابين من بركة دعائكم اختكم العلويه ام جعفر

عناوين مقتصره من طف الحوراء الجزء العاشر اتمنى ان تنال اعجابكم خدام الحسين رغم قلة الاصدارت هذه السنه اكتفي بثلاث اجزاء فقط وسوف يكون نشري من على القناة حتى توصل الكل خدام الحسين بل داخل وبل خارج ونكون في خدمة مولاتنا الزهراء