فزاعيه حول استشهاد الامام الرضا



*انون الخال ابنهه اتريد معصومه*

*هاي الشال اخوهه وحيل مهظومه*


اتريد الخال ابنهه نجذب الونه
مسموم الرضا يا من تذكرنه
ضيعت الولي واليوم اريدنه
*خال ابني وعليه يا صعب يومه*



هاي الشال اخوهه وحيل مابيهه
يايوم ابو محمد يصعب اعليهه
ميت بل غرب ماتدري واليهه
*متعنيه لاخوهه وجايه ابهومه*



ماحضرت دفن لا شافت الوالي
وتكول المناحه اعليه تحلالي
حسبالي اشوفه هذه الابالي
*مسموم الولي والروح مالومه*



مالومه عله اخوهه وبالكلب حسره
ابساعات الموادع رادت اتحضره
ويه البيه محنه خلصت العشره
*مالحكت عليه وحيل مندومه*



انون عله الرضا والروح حزنانه
عدلي لطمته وسعيله ميدانه
هوه البل كرم معروف عنوانه
*كضاي الكلافه الشاعت اعلومه*



*عمل مشترك لشاعرات اهل البيت ام زينب كربلاء والعلويه ام جعفر*

غيرمبري الذمه من يحذف الاسماء

*(هديه الى مولاتنا وشفيعتنا السيده معصومه)*




https://telegram.me/am_jafar

قصيده حول خدمة الحسين



*الخدمه ابدفترج مولاتي سجليهه*

*وادموع الجرت لحسين اقبليهه*



تسجلين الخدم والينعه مولاتي
ابدفتر سجلي يا يمه دمعاتي
اخاف امقصره انه اوياج عبراتي
*انتي ام المكرم وانتي التكتبيهه*



اخاف امقصره يا زهراء اعذريني
واحسن بل خجل وياج صدكيني
اريد اتقبلي الخدمه بعد عيني
*احلفج بالحسين ومني اقبليهه*



خلصت خدمت ابنج ما نسيناهه
اتضل بكلوبنه ونعيش وياهه
وانعه ام الخدر ما انسه ولياهه
*اشلون انسه العقيله والجره بيهه*




يضل زينب ذكرهه دومن ابالي
حزنهه بالكلب من شافت الغالي
صاحت يا حسين انهدت احوالي
*اه يا يوم عاشر والجره بيهه*



ما انساهه والله ولا اعوفنهه
وخدمتهه كرامه ابراسي اشيلنهه
انه ابلايه زينب روحي اهجرنهه
*والاخر نفس مولاتي انعيهه*


انعاهه واريد امهه تجازيني
عندي من الحوائج كثره تدريني
انتي العالمه ابحالي تعرفيني
*الغيرج ما رحت بس يمج احجيهه*



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://telegram.me/am_jafar

نعي زينب عند ما رجعت الى المدينه قالت لا اريد زيارت احد.من الناس واذا بل طارق قد طرقت الباب فقالت لها الجاريه ما الطارق عله الباب ان سيدتي زينب لاتريد احد يدخل عليهه قالت لها قولي لزينب ان ام البنين ع الباب ذهبت الجاريه فقالت يا سيدتي ان ام البنين ع الباب قالت زينب دعيهه تدخل ف انها شريجتنه في المصاب
دخلت ام البنين صاحت واحسيناه زينب صاحت وعباساه


كالت

انشدج عله راعي الحميه
حسين الولد ذاك الشفيه
ما عاد واخته شو سبيه

جواب زينب

شسولف ييمه وتجري العين
راحو سوه عباس وحسين
وراحو هلي كلهم السبعين



فكديت اخبرج كل الاخوان
ورديت شوفي ابلايه وليان
مسبيه اجيت ابكلب حيران



الوليان ليكم ما جبتهم
ونومه اخبرنج عفتهم
راحو سويه فاركتهم


جواب ام البنين

عفتيهم وجيتي يزينب
وكلبج عله الوعه تعذب
فكدتي الاهل وافراك يصعب


كالتلهه اخاف اولادي مقصرين وياج سولفي يازينب


انشدج عله اولادي شتكولين
واريدج ييمه اوياي تحجين
وياج خافنهم امقصرين


كولي عله ذيج النشامه
بس لا يخلوني ابندامه
ربيتلج يمه شهامه


جواب زينب

كعدينه يمه ارد اكلج
كلهم شهامه وزود ولدج
انتي الوفيه ونعم منج


راحو اولادج كلهم احيود
وكلهم اسباع وبيهم الزود
وعباس يمه ضحه الازنود


جواب ام البنين


فرحان كلبي من حجيتي
وبيهم عله يا يمه صيتي
الكم فده هاذي امنيتي


فدوه يروحون وردتهم
يضحون لحسين ابعمرهم
وياكم ردت وانه شفتهم
من فزعو وضحو لاختهم



جواب زينب

احنان وعليهم حيل ونيت
ولبيوتهم بليوم رديت
ميته وعله الديران لا اجيت


صديت ديران المحنه
شوخاليه ومابيهه اهلنه
تره والله منازلهم عمنه

ابدار الولي يا يمه اجينه
يا ام البنين وناشدينه
غياب كلهم يا حزينه
وللنوح بيهه اتحزمينه


نكعد ونبجي الهم سويه
ونوبه عليج ونوبه اليه
وبجي الكفلني انه عليه
وحسين الج يمه الوفيه




ابجي عليهم وابجي حسرات
ونكعد ابدار اهل المروات
وكلحنه يا يمه امضيعات


*لخادمة الزهراء العلويه ام جعفر*

غير مبري الذمه من يحذف الاسم وياخذ الكلام وينسبه له



https://telegram.me/am_jafar

قصيده حول استشهاد الزهراء من ديوان طف الزهراء الجزء ٣ خاص لام البنين والزهراء س




*ونه ونه/ بالكلب لامي الزجيه*

*ونه ونه /كل صباح وكل مسيه*

*ماخذتني من مشت امي ليش وسافرت*


*ونه ونه ونه ونه*



يمه اريد اوياج اريدن ما اظلن
يمه وناتي بعد عمرج يثكلن
يمه دمعاتي اذا رحتي يخلصن
يمه وين احجي السوالف يمه عدمن

*ونه ونه/روحي يا يمه اباذيه*
*ونه ونه/بالكلب لامي الزجيه*



يا حنينه وبل محنه ماكوبل دنيه مثلهه
يا حنينه اشكد احبهه ولو كعدنه ما املهه
يا حنينه اهموم كلبي يمهه بس انه احلهه
يا حنينه راح مني وشال يا وسفه حملهه

*ونه ونه/ سافرت صوب المنيه*
*ونه ونه/بالكلب لامي الزجيه*



ودعتني وراحت وماظن تجيني
ودعتني وصحت يمه ارجوج اريدن تاخذيني
ودعتني اشلون كلبج يرضه يمه اتفاركيني
ودعتني ابساع يحنينه رضيتي اتودعيني

*ونه ونه /دمعه بعيوني جريه*
*ونه ونه/ بالكلب لامي الزجيه*



ماخذتني وعاتبت موت الخذاهه
ماخذتني ويازماني الضيعاهه
ماخذتني ومن مشت اركض وراهه
ماخذتني ارجوج ارجعي ابليل ابوي الحملاهه

*ونه ونه/يا هظم حامي الحميه*
ونه ونه/بالكلب لامي الزجيه*



ارجعي خل اتوادع وتخلص حياتي
ارجعي كلهه وياج راحت امنياتي
ارجعي يمه وخل اغطيج ابعباتي
ارجعي كولي اشيوجعج روحي وغلاتي

*ونه ونه/ونتج يمه عليه*
*ونه ونه/بالكلب لامي الزجيه*


*لخادمة الزهراء العلويه ام جعفر*

غير مبري الذمه من يحذف الاسم وياخذ الكلام وينسبه له


https://telegram.me/am_jafar

زينب والزمان نعي كرناوي

الدنيه ليش مني تاخذ الزين
تاخذ وين ابو روح الحنينه
خذيتي امي يدنيه كافي وياي
وابوي الراح هم مارد علينه
بسج عاد يا دنيه ويه الاحباب
اشو وياج اي والله ابتلينه
ماشفنه الفرح لا ساعه لا يوم
با حزانج يدنيه اتمرمرينه
اجيتي انوب درتي صوب الاخوان
وكليوم بعزيز اتفاركينيه
مانكسر الخاطر ليش دنياي
شويه انريد منج ترحمينه
مكسور الكلب ماطاب فد يوم
ولا دمعي نشف ماتشوفينه
ارحمي الحال بسج ليش باحزان
ومن همج يدنيه اشكد خذينه
شفنه اشكال لوعه وبيهه المصاب
ولا نرتاح يوم وما بجينه
جبت الحزن انه ونوحي وياي
ولا مره ويه وني اتفرقينه
اشوف احباب كلبي مني يمشون
انروح ويه المشو لو صح بدينه
شلنه بل عمر من بعد الاحباب
اشلون اعزاز منه اتبعدينه
خذيتي حسين مني والحسن راح
واخوي الكافل الغمضت عينه
ماريد العمر وبلايه خوان
اضل ابلا اخو اشكد حزينه
زينب والوكت مارحم بل حال
ولا دنيه ارحمت يا ناس بينه
خذت وين الشجاع وطفت العين
يدنيه الشوف مني اتودرينه
عميه وما اشوفن عكب الاحنان
ظلمه الدنيه واشكد ماهي زينه



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://telegram.me/am_jafar

مسلم المطيري

الدنيه ليش مني تاخذ الزين
تاخذ وين ابو روح الحنينه

كلمات الشاعرة/ العلويه ام جعفر

فزاعيه حول وفات السيده سكينه


اريدن هلي ابساعت مماتي
زينب تجي ويه اخواتي
وسجاد يحضرهه وفاتي



*تعال ابساع شيل اختك ياسجاد*

*وشيل الهه الجنازه ابوسع الفاد*



تعال ابساع شيل اختك يا جيدوم
جنهه اتوكلت من حسرت الكوم
تحضرهه العزيزه واجب اليوم
*ونت عن اهلهه وكلهم ابعاد*


ونت بل غرب واتريد خوان
هاي امعنونه من غير عنوان
شيل الراس بيهه وصير دفان
*هاي الطاهره ويابت الامجاد*




تشيل اجنازت اختك وارفع الراس
هاي الواعداهه ابماي عباس
وضل خجلان منهه اباخر انفاس
*طاح عله الشريعه وعمهه ماعاد*



تعال ابساع كون ويه اليدفنون
اختك سلمت من ضرب المتون
الحد الموت تذكر من يضربون
*ابصوط وبالكلب للموت ماهاد*



جيب وياك رايه وكون تابوت
سكنه غربت وابجيلهه ابصوت
تحضر وين اهلهه ابساعت الموت
*حسين اتريده بته يجيب الولاد*



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له
اهدي ثواب القصيده الى روح العلويه ام اسراء بمناسبة دوران السنه ٣تغمده الله بواسع رحمته واسكنه فسيح جناته مع الزهراء

https://telegram.me/am_jafar

فزاعيه نخوه السيده شريفه



تعبانه واريد اليوم فزعتهه
وادري ماتقصر حلوه سيرتهه
ماردت ابد والحاجه حلتهه



*اريد انخه شريفه واعتني ليهه*

*يمج حاجتي مولاتي تكضيهه*



اريد انخه شريفه واعكد الرايه
عدي اهموم اجيت اليوم عنايه
انتي ام الكرم وادريج وفايه
*مارد الكصدهه ورايح اعليهه*



مهظومه واجيت اليوم تدريني
خادمتج ابد لا ما ترديني
خطارج شريفه يا بعد عيني
*اذاني الوكت والحاله تدريهه*


يمج حاجتي والعين مجريه
وكالولي اعتني بل حله علويه
يمهه لو مشيت الحاجه مكضيه
*شريفه هاي اسمهه ونعم بيهه*



اجيت البابهه وحشمت مولاتي
محزونت كلب بالعين دمعاتي
وينج يا شريفه ابصدري عبراتي
*مخنوكه وعليهه احسين امشيهه*



مخنوكه تراني واجذب الحسره
عليج ابداعت المظلوم والزهرا
شافيني اريد ابساع يا حره
*وحاجاتي بعد بس يمج احجيهه*



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://telegram.me/am_jafar