فزاعيه حول رجوع زينب لدار الحسين



*اجينه الدار اهلنه اليوم حزنانه*

*يدار اهل المحنه ماهم اويانه*



اجينه الداراهلنه اتراب غاطيهه
محزنه امكدره واتريد راعيهه
شالت يا حسافه ذيج اهاليهه
*وين اهلج مشو جاليش خلوانه*



يم باب النزل جينه وكصدناهه
مفكود الولي والدار عافاهه
بعد المن اجي ولا اريد طرواهه
*مابيهه الحنين وراح عافانه*



مابيهه الاريده وشالت الخوه
خال ابني الحنين اليوم ماهوه
يا محله عشرته وفلت العشره
*هسه شو عجيبه اشلون ينسانه*



يا دار الحنين اليوم حاجيني
من صديت بابج بيه تذكريني
الطم عل ولي وبالنوح عينيني
*اني من اليسر تدرين تعبانه*



تعبانه عليهم وانكل اجدامي
البابج من اجيت وعرضت ايامي
بعدني ابظيم اهلنه وشاده احزامي
*اريد الطم عليهم جايه انه*



متحزمه واجيت اليوم مهظومه
لحسين وعله العباس مالومه
شكولن ولولي ماينحمل يومه
*واخته مابطل نوحج يحزنانه*




*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://telegram.me/am_jafar

قصيده ثكيله رجوع زينب لام البنين



*يمه زينب / انه انه ام البنين*

*يمه زينب /وينه يا ابنيتي الحسين*

*ما اشوفه وياج بنتي ليش وحدج شو رجعتي*

*يمه زينب يمه زينب*


يمه زينب وين اخوتج يا الحنينه
بالله كليلي واريد اتخبرينه
ما اشوف حسين يمج ياالحزينه
حيل متغيره اجيتي عله المدينه

*يمه زينب/وينه يا يمه الحنين*
*يمه زينب / انه انه ام البنين*



كولي شنهي الصار يا يمه وجره
انتي من رحتي عزيزه امخدره
ليش هسه ابلايه والي امحيره
وين اخيج ذاك سبع الكنطره

*يمه زينب /وينه عباس المعين*
*يمه زينب/انه انه ام البنين*



يمه معقوله يزينب انتي هاي
ابلا محامي ولا كفيل ابلايه راي
انتي زينب ذيج يا يمه وغلاي
وينه عباس الولي ماشوفه جاي

*يمه زينب/خاف ولدي امقصرين*

*يمه زينب /انه انه ام البنين*



كالت الحره ابد لا مستحيل
يمه ولدج حارسيني والدليل
ما ينام وعينه عباس الكفيل
صوب خيماتي ولا خله اليعيل

*يمه زينب /والله اخوتي امعدلين*

*يمه زينب / انه انه ام البنين*



يمه اخوتج مني الج هاي الهديه
حته اواسي وترضه اريدنهه الزجيه
فدوه كلهه الاربعه لابني الشفيه
حسين يا وسفه انذبح بل غاضريه

*يمه زينب/ حسين مذبوح وعرين*

*يمه زينب / انه انه ام البنين*



يا حسافه حسين مذبوح وسمعته
من النحر من كالت وخبرتني اخته
والله دلالي يزينب يا حسرته
ماطفت لاجل الذبيح وبيه جمرته

*يمه زينب /مابطل لاجله الونين*

*يمه زينب /انه انه ام البنين*



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له

https://telegram.me/am_jafar

يمه زينب

قصيده ثكيله حول رجوع زينب لدار الحسين



*اجينه الدار اهلنه هذيج اهل المحنه*

*وكفنه ابعتبت الباب صحنه وين الاحباب*

*ثاري من الاهل خالي نزلنه*



اجينه الدار اهلنه اليوم اجينه
وصلنه من السبي ابذيج الظعينه
عله احباب الكلب من سيرينه
اشو محد طلع ينشد علينه

*خلينه حملنه اجينه الدار اهلنه*

*اثاري الاهل غياب وكفنه ابعتبت الباب*

*ثاري من الاهل خالي نزلنه*



اجينه وبل حمل شو ما اجونه
لا نشدو ولا من سايلونه
يا وسفه النودهم فاركونه
وياهم نريد وما خذونه

*ريت الموت اخذنه اجينه الدار اهلنه*

*نموت وصرنه بتراب وكفنه بعتبت الباب*

*اثاري من الاهل خالي نزلنه*



وين اهل المحنه وذيج الوجوه
كومو وللحمل من عدنه نزلوه
يم الدار اجاكم يل نسيتوه
ليش ابهل عجل شو فاركتوه

*مابطل دمعنه اجينه الدار اهلنه*

*وياهم عدنه العتاب وكفنه ابعتبت الباب*

*أثاري من الاهل خالي نزلنه*



يا دار الاهل وسفه خليه
واهلج غربت صوب المنيه
جنتي اشلون حلوه اشكد زهيه
وهسه بل حزن صبح ومسيه

*عشنه كل عمرنه اجينه الدار اهلنه*

*وهسه ابدمعه سجاب وكفنه ابعتبت الباب*

*أثاري من الاهل خالي نزلنه*



عشنه ايام حلوه وذيج الايام
بين اهل المحنه وعيني اتنام
يا حيف الوكت ويانه مادام
خذاهه احباب كلبي الموت جدام

*خذاهه وراح منه اجينه الدار اهلنه*

*وكلبي بحزنه ماطاب وكفنه ابعتبت الباب*

*أثاري من الاهل خالي نزلنه*



*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له



https://telegram.me/am_jafar

قصيده حول وفات الرسول ص



*انه الزهراء المظلومه ومن الوالد محرومه*

*ابيت احزاني من عافاني*

*انه الزهراء المظلومه*



انه الزهراء ومن الوالد محرومه وعشت الالام
مفكود الغالي الودعته وجارت وياي الايام
مهظومه وعكبه ابيا حاله مارحمت بيه الظلام
حته من ابجي عله منعوني ماجنهم ملة اسلام

*اه يا كلبي واه يالومه انه الزهراء المظلومه*



من زغري اتحملت الوعه راحت من عندي الاحباب
شالت امي وانه زغيره أثر بيه اشلون امصاب
ماهادت يا ذيج الونه ودمع اعيوني ضل سجاب
فاركت احبابي وخلوني انطر جيتهم عل باب

*انطر وانه المهظومه انه الزهراء المظلومه*



شالو نعشه وابعد عني وانه ابحسرات اليل
عافاني الجان امربيني وخلافه انهد مني الحيل
وين اتريد وارجع ليه بويه اخلافك دمعي ايسيل
ظلت حسراتي ومانامن وافراكك يجرح يا ويل

*ظلت بتك يا جيدومه انه الزهراء المظلومه*





خلاني ابحسراته ورايح ماظن بويه انوب اتعود
محزونه ودمعاتي ابعيني اعليك اكليبي ضل ممرود
الفاكد مثلك شتظن بويه يبطل ونه اشلون يهود
افراك الموت المابيه رجعه ولابيه مده ولا محدود

*بويه الموت يطول يومه انه الزهراء المظلومه*



ماريد الروح وبل دنيه شفت ابدنياي الوعات
شخصك غاب وماشوفنه وضلت وياي الحسرات
هم ترجع ونشوفك بويه لو صارت جيتك هيهات
ترجع وتنشف دمعاتي ما تبطل ساعه الدمعات

*شخصك يل غايب ورسومه انه الزهراء المظلومه*


*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له


https://telegram.me/am_jafar

مربعه او فزاعيه حول الرسول ص




*شايل وين ابوي اليوم اريدنه*

*غرب بل نعش وانه ايست منه*



شايل ياحسافه الزهراء واليهه
مكسورت كلب رايح امخليهه
تبجي ام الحسن والظيم غاطيهه
*تضل بكلوبه يا بويه الك ونه*



صاحت بل نعش يالي تشيلونه
خلونه انتوداع بالله خلونه
وصامن علي من غمض اعيونه
*ارجع يالرحت والغربت عنه*


يشيال النعش وابنيته تانوهه
تتوادع اتريد اليوم خلوهه
ليش اهل المحنه ابساع عافوهه
*وخلوني ابوي اليوم اودعنه*



يا وسفه عليه الموت وازاني
مكسورت كلب بل حال خلاني
الشايل للكبر مو خاف ينساني
*بعد لو راح ابوي اشلون اشوفنه*



اجيت ومالكيته وحيل مهظومه
ثجيل افراكه ابد ماينحمل يومه
شلك بل كبر يا بوي وبيومه
*عليك احسين يبجي اشلون اسكتنه*



*لخادمة الزهراء العلويه ام جعفر*

غيرمبري الذمه من يحذف الاسم وياخذ الكلام وينسبه له


https://telegram.me/am_jafar

نعي حول وفات الرسول




عيوني عله الابو ياريت /يرحن
يريع انته البدلالي يريحان يرحن
دموعي اعليك لو نزلن يريحن
*ويهودن كل الم يا بويه بيه*



الموت وياك يا وسفه /بعدنه
ونريد ايامنه الراحت /بعدنه
يبويه مشبعت منك /بعدني
واشوفك ودعت صوب المنيه



ودعتني صعبه يبويه ودعتني
وياك اريدن ما خذتني
ليش اكطعت بيه واببني



تدري احسين امعلم اعليك
ريض يبويه وخل احاجيك
يجد الولد مشتاكه اجي ليك



حكي عليك اعاتبنك
ومكدر يبويه افاركنك
وتنشد عليه اريد منك


يبويه الخاطري بس رد عليه
انسه الحزن من تمر بيه
وترجع بعد وتعود اليه


يا بويه نشفلي دمعتي
وللموت ما تبطل حسرتي
بالكلب عل والد جمرتي


فكدت الابو والابو غالي
وعليه لفن سود اليالي
وعكب اعيونكم ذلت احوالي



راحن عله الشالو اعيوني
ومن البجي اعليك امنعوني
وبره المدينه طلعوني
بويه حركو الدار وروعوني
وليه بعد عينك ولوني
وره الباب يا بويه اعصروني



بويه ماشفت ضربت المسمار
ولاشفت بويه حركت الدار
امجتف خذو حيدر الكرار



ماجني الزجيه ولاني بتك
ونكرو يبويه كل وصيتك
وصار الظلم ويه اهل بيتك



كسرو اظلوعي وظلع الحسين
وسلبو خواته والنساوين
وضلو عل ثره الواحد وسبعين



*عمل مشترك لشاعرات اهل البيت ام زينب كربلاء والعلويه ام جعفر*

غير مبري الذمه من يمسح الاسماء وياخذ الكلام وينسبه له


https://telegram.me/am_jafar