📢❗️დონალდ ტრამპმა აშშ-ის არმიის შტაბების მეთაურთა გაერთიანებული კომიტეტის ხელმძღვანელი, გენერალი ჩარლზ ბრაუნი თანამდებობიდან გაათავისუფლა. „მე მინდა მადლობა გადავუხადო გენერალ ჩარლზ ბრაუნს მისი სამსახურისთვის, რომელიც 40 წელზე მეტ ხანს გრძელდებოდა. ის შესანიშნავი ჯენტლმენი და არაჩვეულებრივი ლიდერია, მე ვუსურვებ მას და მის ოჯახს ბრწყინვალე მომავალს“, - წერს ტრამპი Truthsocial-ში. ბრაუნი პოსტს 2023 წლიდან იკავებდა. სამხედრო საჰაერო ძალების ყოფილ მფრინავს ღიად აკრიტიკებდა ამერიკის ამჟამინდელი თავდაცვის მინისტრი.

გასულ წელს მან ერთ-ერთ ინტერვიუში აღნიშნა, რომ თანამდებობის დაკავების შემთხვევაში დაუყოვნებლივ გაათავისუფლებდა ჩარლზ ბრაუნს, რადგან, ამერიკელი სამხედრო მაღალჩინოსანი ეგრეთ წოდებული „ვოუქიზმის“ დღის წესრიგს უჭერდა მხარს.

პრეზიდენტ ტრამპის განკარგულებით, ბრაუნს გენერალი დენ ქეინი ჩაანაცვლებს.

📢❗️რუსეთის პრეზიდენტმა, ვლადიმერ პუტინმა მინისტრთა კაბინეტს განკარგულება მისცა, ქვეყანაში დასავლური კომპანიების დაბრუნებისთვის მოემზადონ, - წერს Financial Times.

გამოცემის ცნობით, 21 თებერვალს პუტინმა თქვა, რომ სურს, რუსულ კომპანიებს გარკვეული უპირატესობები ჰქონდეთ იმ უცხოურ კომპანიებზე, რომლებიც რუსეთის ბაზარზე დაბრუნებას გადაწყვეტენ.

პუტინის ნათქვამი პირველი მიმანიშნებელია იმის, რომ რუსეთი სერიოზულად განიხილავს დასავლური კომპანიების უკან მიღებას მას შემდეგ, რაც უკრაინაში სრულმასშტაბიან შეჭრას კომპანიების მხრიდან ბაზრის მასობრივი დატოვება მოჰყვა.

გავრცელებული ინფორმაციით, რუსეთ-უკრაინის ომის დაწყების შემდეგ ბაზარი 472 კომპანიამ დატოვა, 1360-მა კი თავისი საქმიანობა შეამცირა.

📢❗️გერმანიაში ვადამდელი საპარლამენტო არჩევნები მიმდინარეობს. საარჩევნო უბნები ადგილობრივი დროით 08:00 საათზე გაიხსნა.

გერმანიაში ვადამდელი არჩევნები კანცლერ ოლაფ შოლცის სამპარტიანი მმართველი კოალიციის დაშლის შემდეგ დაინიშნა. ამომრჩევლებისთვის მთავარი საკითხებია: იმიგრაცია, გერმანიის ეკონომიკა, საგარეო პოლიტიკა და კლიმატური ცვლილებები.

სოციოლოგიური გამოკითხვები აჩვენებს, რომ „ქრისტიან-დემოკრატიული კავშირის“ და „ქრისტიან-სოციალური კავშირის“ ალიანსი, ფრიდრიხ მერცის ლიდერობით, პირველ ადგილზეა 30 პროცენტით. გამოკითხვებით მეორე ადგილზეა პარტია „ალტერნატივა გერმანიისთვის“ 21 პროცენტით. მმართველი „სოციალ-დემოკრატები“, კანცლერ ოლაფ შოლცის ხელმძღვანელობით, მესამე ადილზე არიან 16 პროცენტით. 13 პროცენტით მეოთხე ადგილს იკავებენ „მწვანეები“ ამჟამინდელი ვიცე-კანცლერის, რობერტ ჰაბეკის ლიდერობით.

გერმანიაში საარჩევნო უბნები ადგილობრივი დროით 18:00 საათზე დაიხურება.

📢❗️დონალდ ტრამპსა და ჯასტინ ტრუდოს შორის სატელეფონო საუბარი გაიმართა.

„პრემიერ-მინისტრმა და შეერთებული შტატების პრეზიდენტმა „დიდი შვიდეულის“ ვირტუალური შეხვედრის წინ უკრაინის ომზე ისაუბრეს. პრემიერ-მინისტრმა ასევე მიაწოდა ინფორმაცია პრეზიდენტს კანადისა და აშშ-ის საზღვარზე ფენტანილის წინააღმდეგ ბრძოლის საერთო პროგრესის შესახებ და აღნიშნა, რომ საზღვარზე ფენტანილის ამოღება შემცირდა“, – აღნიშნულია კანადის პრემიერ-მინისტრის ოფისის განცხადებაში.

📢❗️თეთრი სახლის ცნობით, დონალდ ტრამპმა და პოლონეთის პრეზიდენტმა, ანჯეი დუდამ კონსერვატიული პოლიტიკური მოქმედების კონფერენციის დაწყების წინ შეხვედრა გამართეს.

თეთრმა სახლმა გამოაქვეყნა შეხვედრის ფოტოები, რომელიც მედიისთვის დახურული იყო.
„პრეზიდენტი დონალდ ტრამპი შეხვდა პოლონეთის პრეზიდენტს, ანჯეი დუდას და კიდევ ერთხელ დაადასტურა ჩვენი მჭიდრო თანამშრომლობა“, – ნათქვამია განცხადებაში.

ამასთან, ტრამპმა დუდა ახსენა კონფერენციაზე სიტყვით გამოსვლის დროს, საუბრის დასაწყისში. ტრამპის თქმით, აფასებს, რომ პოლონეთის პრეზიდენტი ესწრება კონფერენციას და აღნიშნა, რომ პოლონეთის ლიდერი არის „ფანტასტიკური ადამიანი“ და მისი „დიდი მეგობარი“.

📢❗️ეს ომი როგორღაც უნდა დასრულდეს, – ამის შესახებ პოლონეთის პრეზიდენტმა, ანჯეი დუდამ დონალდ ტრამპთან შეხვედრის შემდეგ განაცხადა.

ინტერვიუში, რომელიც დუდამ ტრამპთან შეხვედრის შემდეგ ტელეკომპანია „რესპუბლიკას“ მისცა, აღნიშნა, რომ აშშ-ის პრეზიდენტს სურს, დაასრულოს უკრაინაში სისხლისღვრა.
„რუსეთს უკრაინის დამარცხების უფლება არ უნდა მივცეთ“, – აღნიშნა დუდამ.

პოლონეთის პრეზიდენტის თქმით, „ამერიკის მხარდაჭერის გარეშე უკრაინა ვერ გადაიტანს ამ ომს“.

დუდამ აღნიშნა, რომ მისთვის ყველაზე მნიშვნელოვანი ის არის, რომ „ომი დამთავრდეს სამართლიანი მშვიდობით, რომელიც გაგრძელდება“.

📢❗️„ჰამასმა“ დაუყოვნებლივ უნდა გაათავისუფლოს ყველა მძევალი, წინააღმდეგ შემთხვევაში განადგურდება, – ამის შესახებ აშშ-ის სახელმწიფო მდივანი, მარკო რუბიო აცხადებს.

„ჰამასის“ მოპყრობა მძევლების მიმართ, ბიბასების ოჯახის სასტიკი მკვლელობის ჩათვლით, კიდევ უფრო მეტად ასახავს მათ სისასტიკეს და არის კიდევ ერთი მიზეზი იმისა, რის გამოც ჩვენ ვამბობთ, რომ ამ ტერორისტებმა დაუყოვნებლივ უნდა გაათავისუფლონ ყველა მძევალი ან განადგურდნენ“, – წერს რუბიო სოციალურ ქსელში.

📢❗️23 თებერვალი, ქართველ იუნკერთა ხსოვნის დღეა.

პარლამენტის სასახლის ეზოში, 1921 წელს, დაღუპულ მებრძოლთა ხსოვნის პატივსაცემად, პარლამენტის თავმჯდომარე და მოწვეული სტუმრები, იუნკერთა მემორიალს გვირგვინით შეამკობენ.

📢❗️ქუთაისის აეროპორტი დღეს

📢❗️საქართველოს რკინიგზა გურიაში უამინდობის გამო, 23, 25 და 26 თებერვალს დაგეგმილ რეისებსაც აუქმებს. მანამდე გაუქმდა 24 თებერვალს დაგეგმილი რეისები.

კერძოდ უქმდება:

23 თებერვალი - ქუთაისი-ბათუმი-ქუთაისის საღამოს რეისი;
25 თებერვალი - თბილისი-ოზურგეთი;
25 თებერვალი - რიონი-ქუთაისი-რიონი;
25 თებერვალი -ქუთაისი-ბათუმი-ქუთაისი;
25 თებერვალი -ბათუმი -ოზურგეთი-ბათუმი;
26 თებერვალი - ოზურგეთი-თბილისი;
26 თებერვალი - რიონი- ქუთაისი-რიონი;

მათივე განცხადებით, მგზავრებს ბილეთის საფასური სრულად აუნაზღაურდებათ.

📢❗️”ჩვენ გვაქვს აშშ-სთან ურთიერთობებისგადატვირთვის სურვილი და ამის შესახებარაერთი განცხადება გავაკეთეთ…

გვესმის, რომ დღეს ძალიან ბევრი საქმე აქვსტრამპის ადმინისტრაციას, არის შიდასაქმეები მოსაგვარებელი, არის ომისდამთავრების საკითხი, რითაც არისდაკავებული ტრამპის ადმინისტრაცია.

აქედან გამომდინარე, შეიძლება საკმარისიდრო ვერ გამოინახოს ამ ეტაპზესაქართველოსთვის, თუმცა ვფიქრობ, გარკვეულ ეტაპზე დადგება აუცილებლადის დრო, როცა ტრამპის ადმინისტრაციასერიოზულად დაინტერესდებაქართულ-ამერიკული ურთიერთობებით დაეს უნდა გახდეს საწინდარი იმისა, რომგადაიტვირთოს ურთიერთობებისაქართველოსა და აშშ-ს შორის.” - განაცხადა პრემიერმა კობახიძემ

📢❗️დიდი ბრიტანეთი ხვალ, 24 თებერვალს, უკრაინაში ომის დაწყებიდან მესამე წლისთავზე რუსეთის წინააღმდეგ სანქციების "ყველაზე დიდ პაკეტს" გამოაცხადებს.

ბრიტანეთის საგარეო საქმეთა მინისტრის, დევიდ ლემის თქმით, ეს პაკეტი უმსხვილესი იქნება, მიზანი კი მოსკოვის შემოსავლების შემცირებაა.

მისი განცხადებით, ახლა პუტინის რუსეთზე ზეწოლის დროა.
გარდა ამისა, ხვალ ევროკავშირი რუსეთის წინააღმდეგ ახალ სანქციებს ოფიციალურად მიიღებს.

📢❗️ეგზიტპოლების თანახმად, ბუნდესტაგის ვადამდელ არჩევნებში ფრიდრიხ მერცის კონსერვატიული ბლოკი 29 პროცენტით ლიდერობს, ოლაფ შოლცის პარტია 16 პროცენტით მესამე ადგილზეა.

ეგზიტპოლების თანახმად, ბუნდესტაგის ვადამდელ არჩევნებში ფრიდრიხ მერცის კონსერვატიული ბლოკი „ქრისტიან-დემოკრატიული/ქრისტიან სოციალური კავშირი“ (CDU/CSU) ლიდერობს.

საარჩევნო უბნებიდან გამოსული ამომრჩევლების გამოკითხვის საფუძველზე, ფრიდრიხ მერცის ბლოკს ამომრჩეველთა ხმების 29 პროცენტი აქვს. ალის ვაიდელის ულტრამემარჯვენე „ალტერნატივა გერმანიისთვის“ (AfD) მეორე ადგილზეა 19.5 პროცენტით, ოლაფ შოლცის მემარცხენე-ცენტრისტულ გერმანიის „სოციალ-დემოკრატიულ პარტიას“ (SPD) კი 16 პროცენტი.

გერმანიის ვიცე-კანცლერის, რობერტ ჰაბეკის მემარცხენე-ლიბერალური „კავშირი-90“/„მწვანეები“ 13.5 პროცენტს აგროვებენ.
მემარცხენე პარტია 8.9 პროცენტს აგროვებს, მემარცხენე-პოპულისტური სარა ვაგენკნეხტის კავშირი (BSW) – 4.7 პროცენტს, ხოლო ლიბერალური თავისუფალი დემოკრატიული პარტია (FDP) 4.9 პროცენტს.

დღეს ჩავატარეთ ახალი პარტიის სადამფუძნებლო ყრილობა - პარტიას დავარქვით "კონსერვატორები საქართველოსთვის".

შეგნებულად ჩავატარეთ ყოველგვარი ხმაურის, წინასწარი საჯარო ანონსის, საზეიმო ფორმის და თანამოაზრების საზეიმო ვითარებაში დაპატიჟების გარეშე, როგორიც წესით უნდა იყოს პარტიის ყრილობა, არამედ როგორც აუცილებელი იურიდიული ნაბიჯი პარტიის რეგისტრაციის გზაზე, რადგან ჩვენ, კონსერვატორები, ვიმყოფებით ჩვენი ქვეყნისთვის სრულიად უპრეცედენტო და პარადოქსულ ვითარებაში, როცა სრულიად გაურკვეველია და პროგნოზს არ ექვემდებარება, როდის შეიძლება ოცნების ხელისუფლებამ პარტია გაგიუქმოს ან არ დაგირეგისტრიროს იმ მოტივით, რომ შენ მას ხმები არ წაართვა.

ამ მიზეზიდან გამომდინარე ყველაფერს ვაკეთებთ მაქსიმალურად სწრაფად და გამარტივებული ფორმით, რომ რეგისტრაციაზე აბსურდული მიზეზებით უარის შანსიც ნაკლები იყოს და უარის შემთხვევაში შემდგომი რეგისტრაციის პროცედურების გავლის დროც გვქონდეს. ასევე ამ მიზეზით, რომ გამოგვერიცხა რეგისტრაციის განაცხადის დაბლოკვის ყოველგვარი ფორმალური შანსი, პარტიის წესდების საფუძვლად ავიღეთ პირდაპირ ქართული ოცნების პარტიული წესდება, უბრალოდ შევუცვალეთ პარტიის დასახელება, შევუცვალეთ იდეოლოგიური შინაარსი (მაგალითად, ოცნებას უწერია, რომ მემარცხენე-ცენტრისტული პარტიაა, ანუ რეალურად ლიბერალური, ჩვენ კი, ცხადია, მემარჯვენე-კონსერვატიული ჩავწერეთ), ზუსტად უცვლელი დავტოვეთ ოცნების პარტიის სტრუქტურული და პროცედურული ფორმა და ამ სახით შეგვაქვს წესდება რეგისტრაციაზე, რომ თუ დახარვეზება მოუნდებათ, ზუსტად საკუთარი წესდების დახარვეზების დილემის წინაშე დადგნენ. ამავე მიზეზით მაქსიმალურად გამარტივებული ფორმა მივეცით სიმბოლიკას, რომ სიმბოლიკის ესკიზის და ტექსტობრივი აღწერის ერთმანეთისგან აცდენის აბსურდული არგუმენტი, რომელსაც ოცნება აქტიურად იყენებს ხოლმე და წინათ ჩვენზეც გამოიყენა, უბრალოდ შეუძლებელი იყოს.

ერთი სიტყვით, მესმის, რომ სრულიად არანორმალურ და გროტესკულ სიტუაციაში ვიმყოფებით, მაგრამ სამწუხაროდ ქართული ოცნების გასაოცარი დემოკრატია ასე გამოიყურება, ასეთი სიფრთხილით გვიწევს ამ ვითარებაში ოპერირება - ყველა წერტილ-მძიმე ყურადღებით გავიარეთ, ყველა ფორმალური ნაწილი მაქსიმალურად გავამარტივეთ, რომ მოდავებას არ ექვემდებარებოდეს, წესდების ყველა იურიდიული კომპონენტი ოცნებისგან უცვლელად გადმოვიტანეთ, ასე შეგვაქვს პარტიის რეგისტრაციაზე განაცხადი და ამ პირობებშიც დარწმუნებულები არ ვართ, პასუხი დადებითი იქნება თუ უარყოფითი, რადგან გვესმის და საკუთარ თავზეც მწარედ გამოვცადეთ, რომ ამ ხელისუფლების პირობებში არც კანონი და არც საღი აზრი არ ფუნქციონირებს და პროგნოზს არაფერი ექვემდებარება.

ამიტომ ველოდებით და ვაგრძელებთ ბრძოლას. ერთი თვე აქვთ ახლა რეგისტრაციის პასუხისთვის და ერთად-ერთი, თუ რამის პროგნოზი შეგვიძლია, ამ ვადას ბოლომდე გამოწურავენ და დროზე ადრე პასუხს არ გვაღირსებენ, მიუხედავად იმისა, რომ ამ მარტივი პროცედურის გავლა რამდენიმე დღეში შეუძლიათ.

ასევე ბოდიშს ვუხდით ძალიან ბევრ ჩვენს თანამოაზრეს და თანამებრძოლს, ვისაც ჩვენი ორგანიზატორები ყრილობის თაობაზე ვერ შეეხმიანენ, რადგან, სამწუხაროდ, ყრილობას თავისი იმ სტანდარტული გაგებით, როგორც საზეიმო შეკრებას, რომელიც ერთმნიშვნელოვნად პარტიის დაფუძნებას ნიშნავს, ფაქტია ვერც ვატარებთ, რადგან არც ვიცით ამ მახინჯ ფეოდალურ სისტემაში დაგვარეგისტრირებენ თუ არა, ამიტომ გვიწევს უბრალოდ აუცილებელი იურიდიული რუტინის ჩატარება, რომლის შეიძლება გამეორებაც კიდევ მოგიწიოს ამ მახინჯი საოცნებო ფეოდალიზმის პირობებში. ამიტომ ჩვენს ორგანიზატორებს რამდენიმე დღით ადრე ვთხოვეთ, თანამოაზრეებს შორის უბრალოდ აუცილებელი რაოდენობა, 400 დელეგატი შეეკრიბათ და ცხადია მათ ბევრ იდეურ ჩვენიანთან დაკავშირება გამორჩებოდათ, ბევრს, ვინც შორს არის, არც შეაწუხებდნენ და რისთვისაც ყველას ბოდიშს ვუხდით. მაგრამ ზოგადად ცხადია, გასაგებია, რომ ამგვარ ღონისძიებაში მონაწილეობას რაიმე ობიექტური მნიშვნელობა ექნებოდა, ჩვენ რომ შეგვეძლოს სრულფასოვანი საზეიმო ყრილობის ჩატარება, ახლა კი მხოლოდ აუცილებელი იურიდიული პროცედურის ჩატარება გვიწევს და მისი დატვირთვა რეალურად საბოლოო იურიდიულ დასკვნამდე გასვლაა და სხვა არაფერი.

აგერ კონსერვატორებს გვაქვს სურვილი, თვითმმართველობის არჩევნებზე გავტესტოთ საკუთარი რეიტინგი და იქნებ პრემიერმა და პრეზიდენტმა გაგვაგებინონ, მოგვეცემა თუ არა ამისი საშუალება?

თუ წინა არჩევნებივით ყველა ნაცს და მამაძაღლს მისცემთ მონაწილეობის საშუალებას კონსერვატორების გარდა?
მემგონი 50 ათასი ხმის ამღებმა ძალამ ის მაინც დავიმსახურეთ, რომ მილიონი სხვა პარტიის გვერდით მონაწილეობის უფლება მოგვეცეს!

ვნახოთ, აგერ ჩვენ ჩავატარეთ ახალი პარტიის, სადამფუძნებლო ყრილობა და გამოჩნდება, დაგვირეგისტრირებენ თუ ბოლომდე თავფეხიანად შედის ოცნება გასაოცარ ფეოდალურ დიქტატურაში და სამარცხვინო გახდება ყველა, ვინც ამათი გაკონსერვატორების მტკიცებას დაიწყებს.

📢❗️„ეროვნული ინტერესები ჩვენი ხელისუფლების წარმმართავი პრინციპია, რომელიც დამოუკიდებლობისა და სუვერენიტეტის დაცვას, ქვეყნის გამთლიანებას და ხალხის კეთილდღეობის გაუმჯობესებას მოიცავს. ამგვარად ჩამოყალიბებული ეროვნული ინტერესები, ამავე დროს, ჩვენი საგარეო პოლიტიკის ქვაკუთხედია. სწორედ ეროვნული ინტერესების ამგვარი გაგება ედო საფუძვლად ყველა იმ გადაწყვეტილებას, რომელიც უკრაინის ომის დაწყებამდე და დაწყების შემდეგ მივიღეთ…

უკრაინის მიმართ ჩვენი ქმედითი სოლიდარობის მიუხედავად, ზელენსკის ადმინისტრაციის მხრიდან საპასუხო ნაბიჯები გაუგებარი აღმოჩნდა.

უკრაინის ომის მესამე წლისთავზე საქართველოს ხელისუფლებას შეუძლია თამამად გაუსწოროს თვალი ქართველ ხალხს, ვინაიდან ჩვენ ჩვენი ღირებულებების, პრინციპებისა და რწმენების ერთგულნი დავრჩით, ამიტომაცაა, რომ გასული წლის ოქტომბერში, მეოთხედ აგვირჩიეს ხელისუფლებაში,”– ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

📢❗️„ახალი არჩევნების საკითხი უნდა განიხილებოდეს, რადგან არჩევნებამდე არსებობდა არათანაბარი პირობები და თავად არჩევნების პროცესში გამოვლინდა მრავალი დარღვევა. მიმაჩნია, რომ საქართველოს მთავრობამ უნდა განიხილოს ახალი არჩევნების ჩატარების საკითხი. ეს ძალიან მნიშვნელოვანია. ნიდერლანდები დგას ქართველი ხალხის გვერდით, მათ შორის მათი ევროპული მომავლის საკითხში, და ჩვენ განვაგრძობთ ამ მხარდაჭერას“, – ამის შესახებ ნიდერლანდების საგარეო საქმეთა მინისტრმა, კასპარ ველდკამპმა ბრიუსელში, ევროკავშირის საგარეო საქმეთა მინისტრების შეხვედრამდე ჟურნალისტებს განუცხადა.