نحن زاتنا جزء من الازمة

اذيكم كويسين؟

الأرق نوع من الإمساك العصبي، لا يمكن تفريغ أحشائك العصبية من ذكرياتها المؤذية مهما حاولت.

- أحمد خالد توفيق

صباح الخير
في احدهم بفتش لي شغل دوام ليلي في الخرطوم، اذا في زول عندو ليهو فرقه يجيني خاص

لما الواحده تقول ليك قريت الأحفاد او بقرا في الاحفاد طوالي خت خمسين في المية انها فيمينست والخمسين التانية انها عميقة.. اصلاَ ما ممكن تطلع بت عادية
😂😂😂😂😂😂😂

#الصحبةوالبست_فرند

في عمك كدا قال لي بتو (معظم العلاقات حدها السور الاتوجدت فيهو) وعمنا دا كلامو واضح، بمعنى انو ناس البتاقبلهم في بيئة معينه مجرد ما انت تمشي من البيئة دي ممكن ينسوك او يمش معاك واحد او اتنين، كذلك كل فترة في حياتك بتلاقي ناس و ممكن يمشي معاك لي الفترة الجاية جزء بسيط منهم...
طيب لما نقرر انو فلان او فلانه هو صديقنا المقرب، ونحاول نخادو معانا في كل مرحلة من حياتنا في الغالب حيحصل خذلان كبير و بجي بعدو دبرشن عظيم..
انا كنت واحد من الناس دي افتكرت انو x من الناس صديقي المقرب وبعد فترة اكتشفت انو انا م صديقو المقرب بدلالة مواقف كتيرة فخشيت في دبرشن عظيم ومرقت منو عادي يعني بعد ما اخد فترتو..
المهم يعني الحياة قصيرة جداً فأنت ما تحاول تكسب اعداء وتخسر الناس بقدر الامكان، وكون انت الصاحب القريب لي نفسك وخليك على مساحة ( انا مالي ومال الحيرقان مالي ومال الرز باللبن) من الناس كلها عشان تسلم
ويا روحي سلام عليك

#احمدطارق

الكيزان في الجنوبي في 2011 جوني أيام التسجيل وقالو لي ياخ نحن الحركة الطلابية الاسلامية وابقي معانا وكتير من الاحناك، كبرولم لطيف ابتسمت إبتسامة طفيفه واتخارجت، لحدي اول كتمة في الجماعة ومعاي مازن كمال شفت منظر كان بالنسبة لي غريب احدهم بطعن في احدهم بطريقه كعبه شديد وحرفياً بنخر في جسمو... سألت دا منو وليه عمل كدا وعرفت بعداك انو ديل الكيزان ومن ديك كان عندي عداء مع الكيزان ديل، بعد دخلت بيت الضل في 2012 بقو يجوني بي حنك حنخليك مشهور ونظبط ليك امورك، عن طريق علاقاتي في الجامعة معاهم هم زاتهم كاولاد دفعة وكدا دخلت بيت النمل واتفحصت المكان كويس وكان مليان ريحة جزم وصور كيزان وسيخ كتير مدسوس في غرفة كدا.. في 2013 بعد النص بتاع ( ركبك عد تحكي الفي بالك، وحبيبتي بتكره الكيزان) لقيت نفسي ربيد سنة بي اربعه مواد وحرفياً قالو لي بننضف ليك موادك لو ظبتا امورنا معاك ، دا بعد التهديد ورا القاعة 13 بالسيخ... بعداك دخلت في كومة من التهديدات، لما يلقوني قاعد مع بت في الجامعة بقولو لي صلح قعدتك يا احمد طارق وردي دايماً بكون لفظة بذيئة مقننة... في نفس السنة حراك 2013 كنا بنوزع منشورات في الاستاد معاي راني فرح وقربنا ننخت في فتيل, وبعداك اتوالت التهديدات من فترة لي فترة كل ما اكتب بوست بلقى تلفون ولا رسالة علي شاكلة اعمل حسابك.. ومعاك اللواء فلان والعقيد فلان، السنة الفاتت مع كل بوست انزلو بضرب لي ابوي بقول لي امسح الكلام دا لانو مراقبنك وقاعدين في صفحتك،الحجة بتقول لي بجي يقولو لي ولدك بكتب وبعمل وبسوي...
انا ما حصل اعتقلوني ولا حصل انضربت ولا في امنجي اتعرض لي ... و في ثورة ديسمبر لما ابوي مشا يجيب مهند من القسم قالو ليهو احمد لو وصل هنا ما بنديك ليهو.....
ما كنت فاهم انو الناس دي مالا معاي وانا ما عندي إنتماء سياسي... كل البعرفو الشارع وما شايف انو انا محتاج انتمى لي حزب معين عشان ادافع عن حق او اتبنى فكرة معينة وامرر اجندة..
في الحراك الاخير دا كنت بطلع بي بوكس الكهربا الصباح والف محل المواكب واشوف لو في تفتيش واوري الشباب الحاصل قبل الموكب، مرقت مصادفة موكب العربي وزغتا في مكتبة في الاستاد وحاولنا انا وعماد يوماً ما نصل بري وما كان في طريقة وبعدها 6 ابريل و اخيراً 30 يونيو
َفي الاعتصام كنت بجمع معلومات كتيرة بحاول احلل الحاصل حولي شنو وكانت بالنسبة لي حياة جميلة مليانه خوف كنت حريص على تماسك الناس خصوصاً بعد سقوط البشير وبعد فض الاعتصام وفي المرحلة
لجان المقاومة اخر عهدي معاهم كان 30 يونيو وبعداك بشارك بمجرد راي احتمال يفيد او يترمي البحر...

انا ثائر بطريقة شخصية وعندي ثورتي البتعنيني وبحب البلد دي وما بنفع اكون ضمن منظومة او حزب حتي لو عملو ابوي، و حكون متسمك بي الشارع حتي لو كلفني روحي.. للأبد

#احمدطارق

معظم صديقاتي عارفين انو الكائن الاسمو احمد طارق خلينا نقول ( جيقاو او جيقا او بي فهم الناس المثقفة رجعي في حاجات كتيرة ومواقف واضحة ) انا ما عارف الطباع دي عندها علاقة بي الجينات ولا شنو؟.. المهم انا ما عشت في البلد نهائي، وحياتي كلها اتربيت في اركويت وقصاد الابتوب وكنت منفتح علي العالم. وما زلت يعني
ودا ما اتعارض مع تعاملي البسيط مع صديقاتي المرات بكون عفوي
يا بت اتلمي ، ما تعلي صوتك، تعالي كدا من الشارع، اقيفي نحجز ليك عشان تمشي، الوقت اتأخر، امشي البيت بعد دا....
ما حسيت انو انا قعد انقص من واحده في يوم الايام او شخصيتها ضعيفه او ما بتعرف تفكر... بالعكس قعد اشوف اني بقدس المرا بي
وقدر ما احاول ابقي اوبند مايندد زي ما بقولو بلقاني زي ما انا
انا متقبل الحاجة دي ومبسوط كمان
وطبعاً طالما انتي عندك فكره متبنياها او عقيده بتعتقديها، انا كل البعملو اني بحترم الحاجة دي من باب احترامي لي نفسي، لكن كونو اقتنع او اتغيير انا اصلا م شايف انو في لازمة عشان اتغير
اعيش ايامي الفضلن ديل ولا اتغير؟

وبفخر اني رجعي وود بلد متخلف🌹

#احمدطارق

انا مُسلم بحمد ربنا كل يوم علي النعمة دي و بالنسبة لي الاسلام مرجعية كويسة قدر معرفتي بيهو، وكونو في خالق الموضوع مريح شديد
@ahmed_tarig

زينب اختي قالت لي جاياها هبه بت خالاتا في الجامعة دايره قروش، اديتا عشرين جنيه قلت ليها اشتري دقة وسمسمية..
موش كفاية؟..
لاااا وكمان قالت دايره زياده عيد ميلاد مهند قلت دايره تجيب ليهو هدية اديتا محاضرة عن مستقبلا من الصباح
فارغة خلاس
😂😂😂😂😂😂😂😂

اتفرضت علي السياسة من اول شهيد سقط في ثورة ديسمبر من اول دم واول رصاصة، حسيت بي مسؤولية تجاه الدم دا اكتر من اي حاجة وكأنو انا القاتل، اي حرف كتبتو في اي حتة واي كلمة قلتها كان مقصود بيها انو نطلع نسقط النظام جاتني وقالت لي الدم دا في رقبتك..
بقيت أحضر الاخبار واحلل الخبر و اتابع واشوف مصادر موثوقة وابحت ورا الشخصيات واستعين بي اصدقاء واسأل كتير.. الثورة بقت جزء مني وحبيت السودان اكتر من اول بي كل تفاصيلو المشوهة وكان للثورة دور كبير في الحاجة دي.

في يوم من الايام واحد قال #شفع_ستة_ابريل.. يعني الناس المرقت 6 ابريل وعاملين فيها مناضلين
#ردحة
(انت يابا النضال دا جابو ابوك و وزعو؟ ولا عاستو حبوبتك في البيت؟ ولا جبتو من المنظمات ولا الحزب اداك لهيو في فتيل؟ وانت منو زاتك عشان تقول نحن بننضال ولا ما بنناضل..).
#نواصل

عادي حلل واكتب و انتقد و اشجب... طالما انت ما بتروج لي شائعات انت كدا في السليم ماف زول يجي يقول ليك دي ما شغلتك،لا شغلتك ونص وخمسة، البلد دي ما وقعت للاحزاب في كيس شبس ولا لقوها العسكريين في افتح واربح... البلد دي حقت كل السودانيين بمختلف معتقداتهم ولونهم وتوجهاتهم، لو كتبت كلمة ثورة ساي في حالة واتساب انت بالنسبة لي مناضل وعندك دور في الثورة دي والبلد دي حقتك

#اخيراً
الوطن ما بيعرف يحساب ما حشيل سوط ويجيب اربعه دول من الكنبة الاخيرة ويشدنا مواطن مواطن ويدينا عشرة جلدات.
الحكومات الديكتاتورية و الانظمة القمعية، وتجار الدين، وعبيد الخليج، هم الخطر الانحن مفروض نواجهو ولو ما واجهناهو حنكون خوافين عمرنا كلو،
بنواجه بي متابعتنا و وعينا وحصرنا على بلدنا والسلام

#كلب_سرة

الحاجة دي معناها الواضح
انو كلب السرة دا لا بمارس الجنس مع البت لا بخلي الاولاد يمارسو معاها... واي زول بكون عارف الشخصية دي
ماف معنى تاني بالنسبة لي، عشان الناس تكون واضحة

فالنفرض انو فعلاً الانسان قعد يمارس الجنس مع انسانة ، الحاجة الجميلة شنو في انو الناس تعرف؟ فحولة يعني؟ انت وقت الله سترك ما تنستر يا زول

بأختصار شديد احتفظ بي لحظاتك دي لي نفسك ياخ ما تورينا
وشكراً

@ahmed_tarig

في لحظة ستجد أنك أمام الله.. لا يحول بينك و بين مصيرك سوى عملك و رحمة الله بك..
فاعمل بنية صادقة.. فإن لم يفلح لك عمل.. أنجتك رحمة الله بعبده ذو النية الصادقة..

#علي_عباس

صباح الخير يا جميل ❤️

"وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ"

ان عدد النساء اللاتي يقتلهن الحزن اكثر من عدد الرجال الذين تقتلهم الحرب.
-أنيس منصور

عزيزي الرجل
خليك واضح في علاقاتك يا مؤمن خاصة مع البنات من البداية عشان هي زاتا تعرف راسا من عدلا معاك وما تكسر خاطرها لا تكسر مجاديفك

= انا اخوك وصحبك
= انا بحبك لكن حب ساي م زواج وعشم
( انا دي ما عارفه كيف) لكن واضحة
= انا بحبك ونفسي اكمل معاك ونبني بيتنا طوبة طوبة
= انا مكرش ساي وانتي عاجباني مجرد اعجاب
= انا ما عندي ليك الحبة يا بتنا غير السلام والاحترام...

صدقني حتحترمك شديد اخير من اللف والدوران

كان عندي صحبتي جميلة شديد، البت دي وكنا اصحاب لفترة طويلة بعداك بدت بوادر حاجات لطيفة، الاهتمام زاد والنظرات اتغيرت وبقت تغير شديد وانا زاتي بديت اتعولق قمت قعدتا مع نفسي وضرّبتها ولقيتا خسرانه كنت بفكر واقول ( انا لسه قدامي سكة طويلة، والبت دي ما ااااظن تصبر وهي طيارة ياخوي انت لو فقدتها احتمال يجيك شلل في الفشفاش وبعدين لا يلدغ المؤمن من جحر مرتين يا اخوي اتقي الله في بت الناس وامش قول ليها اصحاب)...
اها لاقيتا وقلت ليها الكلام الفوق دا الموضوع كان مؤلم شديد لكن ما أشد ايلاماً من العشم... في النهاية انا كسبتها كصديقة وهي شافت حيانا وانا شفت حياتي

قال تعالى (وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ) ❤.

#زل_قرشك_وما_تزل_نفسك

عز روحك بي قرشك، حتى لو صرفت كتير في النهاية دي نفسك، انت ما خسران، لكن ما تمشي تتسول او تتلصق في زول عشان القروش، بالله بتقابل نفسك كيف؟
اشتغل واتعب وريح نفسك لانو بتستحق مدام تعبت...

َ

ابتلعتُ مصباحاً
ذات يوم
لتخرج الكلمات
كلها
بشكل مُنار
كنت اقول أبي
فتشع اسناني
امي
يخرج النور
أبيضا صافيا
موت
ظلم
يأتي نورا
خافتا رغم
ما فعلت

أقول حبيبتي
يخرج المصباح
من فمي خافتاً
وتتطاير حول
اذنيك وفمك
احرف أحبك
منفصله
مُنارهً وعلي
رؤوسها فراشات

••

ماكُنتُ أقُولُ
أُحبُّكِ عابرهً
كنتُ كلَ مرة
أُحاوِلُ أنْ
أضَعْها في
مكانِها الصْحِيح
فَفِي كلِّ مرة
تَنْغِرسُ خطءً
صَارت شجرهً
مَرة
ثم غابه
جنوداً
واسلِحة
وكُنتِ أنتِ
بكُل مكانٍ
كُلما
قلتَها
ولم تُصادِفْ
مكانَها الصحِيح
حتًّي صار اَلعالَمُ
حُروباً
وغابَات
إلي حِينَ أنْ
أسْتطِيع أن
أقُلهَا بِشكْلِها
الصحِيح
والمكان ِالأصَحْ
سَيْشفَي العالَمُ
من عثْرَتِه
ولن يكُون هُناك
شيئاً غيرَ أُحبّك
أُحِبّكِ التِي
َستُصادِفُ قلبِك

••

احتاجُ الفَ
مضخهٍ بالقلب
لأستطيع ان
اقول اُحبُكَ
بفمٍ فاغر
لأقول احبك
التي تُسمع
لا التي تَتَساقطُ
مع جلدي
واقفا امامك
وتحتاجين
نصف
أُذنٍ مفتوحة
نصف إصغاء
لتسمعينه
ابلغُ مما قلت
واصدقُ مما
تساقطتْ
بالمقابل
تحتاجين
ملايين من
الازرع
لتضميينني
إليك
انا المشتت
بالنواحي
النابت بالاقاصي
النافد من جلدي
النافد الصلاحية
النافذ اليك من
كل الجهات

••

لي ألف رأسٍ
ولك ألف فمٍ
كُلّمَا تقولِينَ
أُحِبّك
يسقط رأس
أُحبك
يسقط رأس
الرأس الاخير
تُسْقِطْهُ الألف
أُحِبّك
ًوَتنكَبُّ ألفَ
فمٍ مقبله
إِيّاهْ
ثم نَسْألُ كيفَ
يُحْيَ الموتي!

__

عمار شرف الدين / السودان