#إعلان

نحن شباب بنسعى لصناعة تغير حقيقي في مجتمعنا السوداني بتدريب وتعليم الزول السوداني اللغة الانجليزية بي طريقه مختلفة لانو مدركين تماما انو إكتساب لغة هو إكتساب ثقافه جديدة

#الفكرة شنو؟
نحن في Infinity بنتعامل مع اللغة الانجليزيه كثقافة وعشان نكتسب الثقافه دي ونقدر نتعامل بيها محتاجين ادوات تساعدنا اكيد...
واول حاجه Infinity بوفرها ليك هي البيئة المناسبه عشان تقدر تمارس فيها اللغة
وبنتعلم من الاغاني الانجليزيه والافلام والمسلسلات الاجنبية لانو هي البتعكس لينا الثقافه حقتهم
بنعلمك اللغة من ال Activities ( مسرحيات ، مسابقات، اغاني، نوادي انجليزيه، مناظرات،)
يعني الموضوع بعيد جدا عن الأكاديميات ..
يعني ساعتين بتغير فيهم جو وبتستفيد من كل دقيقه فيها

#المشاكل البنعالجها في Infinity شنو؟

1-الثقة بالنفس ( كتير من الناس ما بتقدر تقيف قدام مجموعة من الناس وتتكلم بالانجليزي)
2- المخاطبة والتواصل ( كيف تقدر تجاوب على اي سؤال في الانترفيو والاجتماعات والحياة اليومية وكيف تقدم نفسك وتتكلم عن مواضيع مختلفه)
3-النطق الصحيح للكلمات ( American accent)
4 - بنحاول نعالج مشاكل الاربعه، المهارات المعروفه ( Speaking, Listening, Reading and Writing)
5 - الذخيرة اللغوية والقرامر ( Words, Phrasal verbs, Idioms and Slang languag)

#النظام كيف ؟!
اسمو traffic light system ..

عندنا تلاتا الوان اي لون فيهو 3 مستويات اي مستوي بياخد شهر يعني اللون 3 شهور وفيهو 3 كتب... كل شهر كتاب

1- المستوي الاول Red . . يعني زول يدوب داير يبدا او مستواهو ضعيف شديد او عندو ملامح عن اللغة بس بخاف نفسو يتكلم بس ما قادر نفسو يفهم بس ما قادر
، نحن في Infinity بنشتغل معاك على الاساسيات المفروض تكون عارفها ، ان شاء الله من ABC ونسوقك خطوة خطوة من قولة Hi لي Goodbye...

2- المستوى التاني Yellow.. زول عارف الاساسيات و ما بقدر يتكلم، بخاف عندو مشكله مع الذخيرة اللغوية, عندو مشكله مع الكتابه وخطو شين كمان، وما بفهم الاغاني والافلام، ما بقدر يتكلم قدام الناس و برجف..

3-المستوى الاخير green دا زول بقدر يفهم الاتقال وممكن يرد بس بتكلم غلط وبعدين لما يجي يتكلم بتوتر وبعرق و بقدر يكتب صاح و النطق بتاعو غلط ومكسر...

*لو انت واحد من الناس دي تعال لينا في Infinity وسجل معانا يومي من الساعه 9 صباحا لحدي الساعه 7 مسا يومياً

*مافي امتحانات بالطريقة التقليديه بس في تقييم بتعمل كل شهر لو انت مستواك اتحسن بتمشي لي قدام ، التقييم بكون فردي لو ما اتحسنتا بعداك بكون في معالجات وما بتمشي للمستوي التاني الا مستواك يتحسن .. لكن معانا ان شاء الله بتتحسنو وتتكلمو انجليزي،

*في شهاده معتمده بعد تكمل التلاته الوان، الشهاده بتثبت انك قريت لغه انجليزيه في Infinity... وممكن تخت الشهادة في الcv وانت متأكد من أنها إضافه حقيقية ليك وبتتوثق في وزارة الخارجية

*لما تجي تسجل بنعمل ليك امتحان تحديد مستوي نشوف مشكلتك شنو بالضبط مع اللغة الانجليزية.. الامتحان Oral و Writing

*عندنا اساتذه واستاذات متميزين جدا في اللغة

*القروب ما بفوت ال20 طالب..

#المكان وين؟

مكان( الادارة ومكان التسجيل + الدراسه) في العمارات شارع محمد نجيب غرب مستشفى إبن سينا

#الزمن كيف؟
يوم بعد يوم
سبت - اتنين - اربع
( او)
احد - تلات- خميس
يعني يوم بعد يوم واللكشر زمنو ساعتين
بتختار الزمن المناسب معاك
من 11_ 1 ومن 1_3 ومن 3_5 ومن 5_7 ومن 7_9

#زمن الدراسه 8/10/2019

#الرسوم كم؟
500 جنيه للشهر... و 100 جنيه رسوم التسجيل
( حصل مقعدك)
وشييييييير... لو سمحتو

رقم الاستفسار

0925302703
0127566061

Infinity
News ideas

يجماعة ما معناها كتبت رواية معناها انا كاتب واخش اعمل فيها ديستوفيسكي

ولا انا استاذ انجليزي اعمل فيها مستر جعفر

انا احمد طارق شخصتي دي بضربا جير بس ما بغيرا نهائي

شعبنا الغبي
لما تشوفني في مكان مع بت
ما تجي تكتب لي في التعاليق "قبيل شايفك خالط في المكان الفلاني"
لاني بكون غاشي وحده اني في الشغل
وبتحرج شديد

كد اما كويس ياخ

@ahmed_tarig

انت عندي عقده مع الطناش
طنشتني خلاص العلاقة انتهت
الشغل البينا انتهى

"ولا الحزن القديم إنتِ
ولا لون الفرح إنتِ
ولا الشوق المشيت بيهو
وغلبني أقيف
وما بِنتِ
ولا التذكار.. ولا كُنتِ"

"وتمشي معاي.. وتروحي
وتمشي معاي وسط روحي
ولا البلقاهو يعرفني
ولا بعرف معاك روحي"

-الدوش

"حبيبي ماذا هناك"
"لاشي، فقط إنها مواعيد #الدمبعلو"
"وبعلي،حبيبي وبعلي! "

تصبحو علي خير

أتشبثُ
بمؤخرات المركبات
وأذيال القطط..
أتدحرجُ
جنباً إلى جنب
مع علب الكولا الفارغة..
ألوّحُ
لأكياس البلاستيك
عالياً عالياً ..
ما الذي تفعله الوحدة في الوحيد؟
وما الذي هكذا يطفئُ الناس؟
مَن أطفأ الناس؟

#مروان_البطوش

أنا فاقد عماد ود الفقرا جداً

الله غالب
احتسبنا قصي شهيد
فات، خلا في رقابنا المطالب
كان بزين في القيادة العامة
للعيد، وكان بحارب
إبتسامتك يا فقيدنا
ما بتروح من بالي لحظة
لا بتفوت بال المساطب
انت يا روح التروس الحرة
يا حُر ودغري يا علم المواكب
يا صباح الخير صباح الخير
يا شاي المغارب
يا جية مواكب جبرة
يا لجنة مقاومة الاسا الجوانا
يا ود أمك المزيووون وكارب
غايتو
دا الطريق الدغري للحرية
ولسه ما معروف نهايتو
وما بنرجع عن مطالبنا
عن طريق كان دمك الطاهر بدايتو
محظوظ يا حمدتو
انت اتشيعت في هيئة ملاك اسمر جميل
ما فكا رايتو

#المجد_للشهداء

احمد طارق

يا نورة سويت قدرتي...
لا خليت مواكب لا هتافات
لا كتابة

نحن ما محتاجين نضغط على الحكومة
بقدر ما نقيف معاها في الفترة دي
مجلس الوزراء و المجلس السيادي و الناس كلها عارفه انو المجلس العسكري هو المجرم

قل حسبي الله ونعم الوكيل في وجه من ظلمك...

الخلاصة: اختصار الحب و العلاقات الإنسانية في المظاهر يجرده من مضمونه لان اصل الحب هو مشاعر دفينة كامنة داخل الروح ونخرجها لتلتقط مشاعر اخرى متوافقة معاها فما محتاجين ليها اي مظاهر💚

مروة كمال

يتم طبع السكيكرة الان في القاهرة♥️

صباح الخير 🌷

الزواج دا مشروع

راس المال هو المهر والتكاليف بتاعة مراسم الحاجة دي او خلوني اقول تدشين مدام قلت مشروع

بكون عندك مقر للمؤسسة دي اما بيت انت بنيتو او شقة مؤجرها او قاعد مع نسابتك او قاعد في بيت ابوك او مغتربين

الطرف التاني اللهي الزوجة او الزوج بينكم بكون في عقد اسمو (عقد نِكاح) بستند علي استاندر اسلامي اذا كنا مسلمين وعندو شروط معروفة بالنسبة للطرفين وبتوقعو علهيو انتو او اولياءكم

انت وشريكتك مفروض تجتهدو مع بعض عشان المشروع دا ينجح وما يحصل انفصال لانو عواقبو مرات بتكون كعبة خاصة لما يكون عندكم انتاج (اطفال)

اهداف المشروع في الجانب الديني بقولو تكمل نص دينك وسنة و بحفظك من الممارسات المعينة، حياتياً كدا بقولو انو استقرار وحياة جديدة بي متطلبات تانيه ، انا مقتنع بي انو حياة جديدة بي متطلبات تانيه

طيب انت لازم تعرف انو المؤسسة دي ما بتتبني بالجبر يعني بالغصب، لازم انتو الطرفين تكونو مرتاحين وعاوزين الحاجة دي والا حيحصل استغلال كبير في الموضوع وعدم استقرار نفسي
واهم حاجة في الزواج (التفاهم) يعني تفهم نفسية الطرف التاني و طبعو وتقدر تتقبلو وتتفاهم معاهو و في بعض الاحيان لازم نقدم تنازلات لانو الزول ما بتخادو براهو بتاخد معاهو مجتمعو واهلو وشغلوا والحاجات دي ممكن تكون مدمرة بالنسبة ليك اذا ما قادر تتكيف معاها
( الحب) لو موجود في الزواج دا بدعم حتة تقديم التنازلات وبخلي الجو لطيف لكن ما بخلي المشروع يستمر بتصل مرحلة ممكن يتحول لي كُره عشان كدا التفاهم أهم

#احمدطارق

مجتمعنا دا بدائي شديد ومتأخر
اذا نجحت في حاجة بتنمرو عليك
اذا فشلت في حاجة بتنمرو عليك
اذا متا بتنمرو عليك
وحات الله

أكبر انتصارتنا في الحياة إنتصارتنا لي أنفسنا...

أنا ثائر ضد رغبات أُسرتي في أن أُصبح أنا ما يريدون هم لأنال رِضاهم، أنا ثائر ضد عادات مُجتمعي وتقاليده المُقيدة،
أنا ثائر ضد إي بدعة إبتدعها دجال أو سياسي في ديني، أنا ثائر من أجل إيماني ونفسي و وطني...
الموت في سبيل نفسك إستشهاد في عُرف النجاح، والموت في سبيل الآخرين تضحية قد تلومك نفسك عليها،
الحياة ورطة لم اجد لها أي تفسير والموت راحة لم أجربها بعد ولا أملك شخصاً عائداً من البرزخ،
الحب هو ان تطمئن، والغربة وطن لمن لا وطن له و الوطن خدعة جُغرافية موروثة فكلنا الي الله في النهاية
وتظل أعظم الانتصارات هي تلك التي نقف فيها امام أنفسنا بفخر....

@ahmed_tarig

اللهم إن كان لي راحة في بيتي فأريني إياها وإن كان لي راحة في بيتٍ آخر فسخرهُ ليَّ، وإن كان لي راحة في غربةً قسمتهَا لي فغرّبني فأنا عبدُكَ هنا وعبدُكَ هناك وانت هنا وهناك
اللهم أصلح نفسي وطيب روحي وأكرم نُزلي وإغفر لي ذنباً إغترفته ونسيت إن أستغفر و إغفر لي ذلتي وهواني
اللهم لا ملجاً الا جمبك ولا راحة الا في طاعتك ولا وطن الا جنتك ياأرحم الراحمين

@ahmed_tarig