▪️ لسان حال الرباب أم الرضيع (ع).
▪️ #عبدالله_الرضيع_ع
▪️ #الوزن_مربوعة

ام الرضيـع تنــوح وتهــــل الدمــــوع
دم الطفل مسفوح وگليبي مفجــوع

ــــــــــــــــــــ ✾ ✾ ✾ ـــــــــــــــــــــ

ذابت عليـك الروح يا وليد الحسين
بسهم العدا مذبوح وانا ابگى بونيــن
ماضگت يمه الماي بس دمعة العين
نزلت من المظلوم وونينه مسمـوع

ــــــــــــــــــــ ✾ ✾ ✾ ـــــــــــــــــــــ

بحضن الأبو ذبحـوك وگليبك يحــوم
وگماطك أحمر صار من سيل الدموم
مشهد ذبحتك ظال بعيونــي مرسوم
وگليبي لجلك دوم يوليدي موجوع

ــــــــــــــــــــ ✾ ✾ ✾ ـــــــــــــــــــــ

يوليدي مــن صــابــاك سهــم المنيــة
وشــايــل ابــوك ادمــاك آ يــالــرزيــة
بدمـك رســم لوحــات بالغــاضــريــة
صبر النبــي ايــوب بگليبــه مــزروع

ــــــــــــــــــــ ✾ ✾ ✾ ـــــــــــــــــــــ

ذابت عليك الروح من شفته نحرك
عبرة ابوك اتسيل ويلي على صــدرك
ردْت آنه اركض ليك يايمه اخبـرك
عمر امك اخذه وياك لاتبقى باللــوع

ــــــــــــــــــــ ✾ ✾ ✾ ـــــــــــــــــــــ

✍ بقلم الشاعرة زينب الخفاجي
🗓 8 ذو القعدة 1440 ﮪ

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

https://t.me/alshuhadaaltafu70

🔴رابط قناة الشاعرة👇👇
https://t.me/elkhafaji110

لطميه ل عبد الله الرضيع ع

اهز مهدك يعبد الله ولولي
خالي المهد منك يكلولي
نمت بلا دللول = يالما داير الحول
توسدت الرمل يابعد طولي
_______€_€_€_€____________

توسدت الرمل ياالطولك اشبار
يالفراشك حصن وغطاك الكصار
اخافن يجوي خدك اااالرمل حار
مهدك خالي عفته = وحيل امك هدمته
شنو ذنب الطفل ذبحو حجولي
______€_€_€_€___________
هزن بالمهد والضهر محني
ااابلل فرشتك بالدمع يبني
صدري در يعبدلله وجعني
افزز بيك ماتكعد = خفه صوتك يالتغرد
بعدك شنهو محصولي
_______€_€_€_€___________

خريف ااالعمر ياعبد الله بعدك
اوراقه تساقطن من فرع مهدك
جف دم ااااااالعرك بكطع نحرك
مابيه بعد لون = خلافك يالزغيرون
يبني انتهن كلهن فصولي
______€_€_€_€__________
يالردوك الي مكطع كماطك
وسابح يعبد الله بفيض دمك
بعد الصدري مااكدر اضمك
ابني منين اشمه = اخافن نحره الجمه
راح ابني شسوي دكلولي
_______€_€_€_€____________

على شربت ماي يوليدي يذبحوك
من شم الهوى عبد الله حرموك
شنو ذنبك يالغالي شيطلبوك
ست اشهر عمرك = ويكطعون نحرك
من يامله عبد الله ذولي .

لخادمة الحسين
العلويه ام رائد الذبحاوي ✏✏✏

https://t.me/alshuhadaaltafu70

🔴رابط قناة الشاعرة👇👇
https://telegram.me/fhgfhjvd

ام علي:
قصيده ل عبدالله الرضيع ع 🌹
على وزن قصيدة صار اليل 🌿
للرادود مرتظى الثرواني 🌹🌿
=======================

در صدري يعبدالله 😭
در صدري يعبدالله 😭

تعال وليدي ارضعك
علصدري ارد أظمك

در صدري يعبدالله

💦💦💦💦💦💦💦💦

ركضت الحومه ادور بلكي اشوفنك
من دموع عيني ماي اشربنك
ومسح دمك وبيدي انه اكعدنك
حليبك در ييمه وجيت ارضعنك

در صدري يعبدالله

حليبك يروي عطشك
علصدري أرد اظمك

در صدري يعبدالله

💦💦💦💦💦💦💦💦

من شفت الدمه سايل من المنحر
كلبي من الالم يوليدي اتفطر
خذاك حسين يشربك وانه اتنطر
تشرب ماي جبدك يبرد من الحر

در صدري يعبدالله

تالي الكبر طمك
علصدري أرد اظمك

در صدري يعبدالله

💦💦💦💦💦💦💦💦

ينبلة حرمله طفيتي شمعتنه
خذيتي وليدي وطشرتي لمتنه
أخذيني للولد زينب يعمتنه
بلكي بيه نفس خليني ارضعنه

در صدري يعبدالله

جيت أرويها جبدك
علصدري ارد اظمك

در صدري يعبدالله

💦💦💦💦💦💦💦💦

مهدك خالي يوليدي ويبجيني
طول الليل اون ما بطلت عيني
يمن فدوه الك كل عمري وسنيني
اذكر من تفز وتكلي حظنيني

در صدري يعبدالله

ياحظن اليلمك
علصدري أرد اظمك

در صدري يعبدالله

💦💦💦💦💦💦💦💦

على المكتوب كلي انه شبيدي
ريت انصاب كبل اوريدك اوريدي
خان البين ابوك حسبن يوليدي
يدنيه كافي مني كلشي اخذيتي

در صدري يعبدالله

يبني رد على أمك
علصدري ارد اظمك

در صدري يعبدالله

💦💦💦💦💦💦💦💦
=======================
الى شرف النبي واله الطاهرين الطيبين
والى روح والدي وارواح المؤمنين الفاتحه مع الصلوات على محمد وال محمد نسألكم الدعاء خادمة ال البيت وخادمتكم الحجيه ام علي

https://t.me/alshuhadaaltafu70

لمولاي عبدالله الرضيع عليه السلام
نام،،يوليدي نومة عافيه
نام،،،يابو ضحكة دافيه
يمه هنياله اللحد
وياك حط خد اعله خد
نام يبني
****1
السهم ناغىه لك من باس النحر
ونمت نومة عافيه بسهم القدر
وجهك يشع نور يشبه للبدر
ترف وزغيرون وبشمس الظهر
گمر لو شمس الضحى
السهم من حسنه استحى
وجنتك احمر ورد
وياك حط خد اعله خد
نام يبني
****2
ابيض ولون الحمر لايگ عليك
خضب الوجنات وتحنن اديك
سهم المگدر فجع دلالي بيك
اشربت ماي ونمت يايمه ارتجيك
فرهدك مني الدهر
يبني يالچنك گمر
يذبلك الحر والبرد
وياك حط خد اعله خد
نام يبني
****3
حاوي من جدك محمد كل جماله
ومن گمر هاشم يعبدالله كماله
وامن ابوك توارثتهن كل خصاله
بيك يبني كل حلات الهادي واله
ا،،يشمام الگلب
وينك ووين الحرب
صوبك سهم الحقد
وياك حط خد اعله خد
نام يبني
****4
وينك ووين السهم ماكملت عام
رگبتك ترفه وزغيرة كبار السهام
واشبگت سهم المنيه يمه وتنام
وانطفى نورك الليله يابدر تام
ترف وچبير السهم
رگيبتك صارت خذم
للعرش دمك صعد
وياك حط خد اعله خد
نام يبني
****5
ابن هاجر من عطش زمزم تفجر
وكربله عطشانه وابني اطاها منحر
مييت الدين بدمه عبدالله خضر
واذن اذان الطفوف الله واكبر
يوم عاشر كربله
بگلبي نبلة حرمله
وانجوي بجمر الحقد
وياك حط خد اعله خد
نام يبني
****6
ياجريمه اصعب اعله حسين من هاي
طفل ابو ست اشهر ومذبوح عالماي
والسهم گطع وريه وگطع احشاي
ابني ياثمرة فؤادي ونور عيناي
ابني يا شهگت هوى
البيه گلب امه ارتوى
اللك مشتاگ المهد
وياك حط خد اعله خد
نام يبني
****7
شگد الك لميت دمعات ومواويل
اشتاگت اعله صوتك تبچي بالليل
حيل مشتاگه لدللول المداليل
مو دموع تسيل روحي بمدمعي تسيل
يمن خيعون السهم
نحر مدلولي يشم
وانه شيبني البعد
وياك حط خد اعله خد
نام يبني،،،،،نام يبني
****
ام محمد الحجاج/العبادي.
اسالكم الدعاء

https://t.me/alshuhadaaltafu70

فزاعيه لرضيع ع

يعبدالله المصابك هلت العين
واملاك السمه ونت عالحسين
... .........
واملاك السمه حنت الحاله
مذبوح الولد وحسين شاله
يازينب نده والدمع ساله
بدال الماي كطعوله الوريدن
............
تلكته العقيله ولطمت الراس
ركبته مايله ومكطوع الانفاس
صاحت حيل ماتكعد يعباس
جاوين الكفاله والوعد وين
..........
اجت ام الرضيع تهل العيون
لحكني عليك دهري يزغيرون
يوجع والسهم جرعيته اشلون
عليه اشلون ياروحي تصبرين
............
يعبدالله مصيبه وماجرت دوم
رضيع وبالسهم ياناس مفطوم
ابدال المال بالدم روته الكوم
واهتز العرش واظلم الكونين
...........
الرباب اليوم مفجوعه عالبنها
صيحن يالرضيع وساعدنها
زغيرون الولد وعليه ونها
يالمضيعه الولد حكج تونين
............

ام زينب كربلاء

https://t.me/alshuhadaaltafu70

🔴رابط قناة الشاعرة👇👇
https://telegram.me/um_zainab_kar

يا زهراء يا زهراء:
: لطميه عزه العبدلله الرضيع ع
------------
يامصيبه الهزت اعروش السمه
يوم طفل حسين رواه الدمه
---------
يامصيبه البجت املاك السماء
وبجت المعبود واصحاب الكساء
ريت حيدر يحضر ابنه بكربلاء
ايشوف يوم الطفل صابه حرمله
--------
والمصاب الماجرى مثله مصاب
والرضيع من العطش دلاله ذاب
حسين ناده الكوم ردولي الجواب
اشكالهم من وكف ليث الغانمه
-------
كالهم احنه زلم والنه الحرب
لاكن الاطفال مالها ذنب
اسكولي عبدالله ودمع عينه يصب
والطفل بحضان ابوسكينه انرمه
- ------
والسهم مسموم صابه ابركبته
وعله صدر حسين صارت شبكته
والحسين انحنه وسالت دمعته
ريت هذا اليوم تحضر فاطمه
----------
رجع مهموم وايجر بونينه
والطفل مذبوح سورب عينه
كومي يابت فاطمه اتلكينه
اتلكته والدمعه منها ساجمه
----------
والفواطم طلعن وصار العويل
والرباب انكطع من عدها الدليل
امصيبتك بالكون ماالهه مثيل
والرماك بسهم نال الحاطمه


ام زينب كربلاء

https://t.me/alshuhadaaltafu70

🔴رابط قناة الشاعرة👇👇
https://telegram.me/um_zainab_kar

موشح للطفل الرضيع
مربعه +فزاعيه

هالعطش ذوب طفلنا ذوبه
وحرمله بسهم النوايب صوبه

يبجي من اضماه دلاله انفطر
ويلي قلب احسين من شافه انكسر
شاله يطلب ماي من جيش الكفر
مادرى بسهم المنيه ايصوبه

يارمح لمرادي منه وشتريد
تفطم الرضعان بسهام الحديد
منفطر لفاد وانت اعليه تزيد
يرضع وعطشان ويلي اشتطلبه

ما رفع لسهام ماصاح الحرب
اتصوبه برماح ليس ابيا ذنب
تذبح الرضعان قلي بيا قلب
بياقلب ترميه اشسوه اتعذبه


ويلي ياامصابه يفت قلب الصخر
عالجنين اشلون قلبك بس جسر
تعاين ابرمحك تصوبله النحر
تفجع افاد الاهل واتعطبه

ياطفل لحسين جنه البدر
تعاين املاك السمه لذاك الثغر
من العطش مفطور بجوار النهر
يانهر وشجاك مايك شربه

بقلم بنت الشمري
تصلح القصيده طور ملا باسم يازينب
باضافة واويلاه واويلاه

https://t.me/alshuhadaaltafu70

((في رحاب أهل البيت عليهم السلام))
((مربعه للطفل الرضيع))
.....
عبدالله الطفل ويلي يفطمونه
بسهم عطشان والله ما يرحمونه
===========
عبدالله الطفل ظامي انذبح تالي
ابو اليمه يهل دمعه عليه هالي
وأمه اتصيح ابني انذبح ياالولي
لبالي امية اخذوه يشربونه
==============
آه يبني تصيح او يهل مدمعها
امصابك يالولد بالكلب صادعها
عله امصاب الولد كومن اوعيننها
خذاه احسين ويلي وتهمل اعيونه
============
عله امصابه الولد كومن نعزيها
غريبه وأجنبية وانكطع بيها
بعد ذيج المعزه وذيج اهاليها
طفلها اليوم مارحموه يذبحونه
==============
بعد ذيج المعزه وذيج عزتها
كضت هليوم ياويلاه احبتها
مصيبه هلطفل ياناس شيبتها
تهز بالمهد ياويلاه او محزونه
==============
عمت عيني عليها فاكده الغالي
عبدالله تنادي والدمع هالي
آه يوليدي يمه آه علوالي
شذنبه جان طفلي حته يولونه
===========
شذنبه جان عبدالله انذبح عطشان
ماضاك الاميه والكلب لهفان
زماني خان بيه والزمن خوان
اسمله اعليه ابني غمض اعيونه
==============
اسمله اعليك يمه يا بعد عيني
منوبعدك ييمه إلي يسليني
مصابك بالكلب جاويني يجنيني
شذنبه هلطفل حته يفطمونه
===============
الحاجه ام إحسان
كتاب مجالس الثقلين ج 1
لطفاً لا تحذف اسم الشاعرة

https://t.me/alshuhadaaltafu70

🔴رابط قناة الشاعرة👇👇
https://t.me/sarkhat_alahzan

مربعه الرضيع

امشنه للرباب انوح وياها
على المذبوح ضامي نلطم وياها
@@@@@@@@@@@@@@

خل نلطم اوياها لعبد الله الطفل
ونبجي عل عطشان ودمعتنه تهل
انعازي ابو السجاد للمحشر نظل
وعل المذبوح كلنه انوح وياها

@@@@@@@@@@@@@

على المذبوح اجر ونه باثر ونه
وانعازي الرباب ونجذب الونه
صوابك يلطفل بالكلب صوبنه
وتنادي الرباب ويلي يملفاها
@@@@@@@@@@"@@

شحال حسين من شافه امصوبينه
مذبوح الطفل جابه لصواويينه
اتلكي الطفل يابويه يسكينه
بويه ركبته الملعون صاباها

@@@@@@@@@@@@@@
عمت عين اللعين صوبه بسهمه
عطشان ويون ياهظمتي هظمه
اتنادي الرباب تصيح يايمه
يانبله حرمله بالكلب صاباها
@@@@@@@@@@@@

تمت باذن الله خادمة الحسين ام احمد الدراجي
➖➖➖➖➖➖➖➖➖➖➖

https://t.me/alshuhadaaltafu70

((في رحاب أهل البيت عليهم السلام))
((فزاعيه للطفل الرضيع))
=============
مذبوح عبدالله الطفل
والمصاب بجاني

اويلاه يعيوني. يبني تغير لوني
ياريت انه ذبحوني.
امصابك صعب غير يمه الواني
==============
امصابك صعب يالغالي.
مذبوح يمه كبالي
الموت يبني اشوالي.
عبدالله راح اوما رجعلي اوجاني
=============
الله واكبر يا هلي.
طفلي حبيبي مدللي
دمعاتي المصابه اتهلي
المهد خالي عل الولد نشداني
==============
يبني ويكره عيني
ماتكعد تناغيني
زايد عليك اونيني
مصابك ييمه هيجالي احزاني
=============
مصابك صعب يوليدي
يافرح كلبي وعيدي
شبيدي يعمته شبيدي.
افراك الولد يا عمته اذاني
============
عبدالله يبني الغالي
مصابك تره بجاني
غير يمه الواني.
وهيج عليه يالولد احزاني
==============
الحاجه ام إحسان
كتاب مجالس الثقلين ج 1
لطفاً لا تحذف اسم الشاعرة

https://t.me/alshuhadaaltafu70

🔴رابط قناة الشاعرة👇👇
https://t.me/sarkhat_alahzan

◼️ برنامج محرم 1441هـ / 2019م ◼️
#محرم_1441هـ #2019م
🔺 نعي اليوم التاسع 🔺
❇️ عبد الله الرضيع ❇️

*بشان الرضيع نعي فائزي*

🚩🚩🚩🚩

بـنـوح رد امدلـلـه لـخـتـه الـعقيلـه
يجذب الونه ومدمعه بالخد يسيله
يگـلها يازينب حـرملـه گطع دلـيلـه
بالغدر صابه بمنحره وزايد عويلـه
&&&&
مخنوگه بالعبره تصيح يانور العيون
تگلـه ياخـويه شلذنب لبنك يغدرون
شلون أرده لرباب والگلب محـزون
وتباوعـه بدم النحـر يجـري مسيلـه
&&&&
يحـسين بالله شلعمل گـلي يـامظلوم
توصيني خويه بالصبر والحيل مهدوم
وامه تعاين للدرب والحشى مضروم
بـنار المصيبه تنچـوي هـاي الجـليلـه
&&&&
شلون اردن هالرضيع وتشوفه وضعه
امـه تمنى يرتـوي ويـرجـع تـرضعـه
خوفي تموت اع الولد ياخويه صعبه
والـسهم فـاري رگبـتـه وانـي اشـيلـه
&&&&&
تـكـلـه امر الله عالـعين وع الـراس
ورواحنا نفديها لجلك ياعز نـاس
وبدمنا ندگ الوتد ونأسس أساس
ونهلك الظالم بالحگد يبن الجليله


*عاشقة الولاية*
*و ام اباذر السكيني*

https://t.me/alshuhadaaltafu70

#محرم1440هـ #2018م

#ابوذيات_ونعي_للرضيع

((( ابوذيات )))

صعب فگد الطفل والله..مردنه
ردتك يالولد غيرك..مردنه
خذاه حسين للحومة..مردنه
مذبوح النحر لا شرب مية...

من نحره الدما دّرت..وسالت
مصابك هدم لروحي..وسالت
ينشدوني البچي ألمن..وسالت
لرضيعي الصّوَبه سهم المنية...

خذت مني رضعي ليه..يطفلي
وتشب نار بدليلي من..يطفلي
أهز مهد الطفل واندب..يطفلي
عّلي رد يالولد دمعي جريـة...
★•••••••★ ★•••••••★ ★•••••••★

((( نعي شعبي ))) يقرأ بعدة أطوار

يظل حظني بغيابك يمة خالي
وغير النوح بعدك ما حلالي
جمر يسعر دليلي ودمعي هالي
يعبدالله الولد فگدك هظمني...

هظمني هالسهم من صاب نحرك
خذاك الموت ويلي بصغر عمرك
تظل نار الگلب ما يطفى جمرك
شلي بدنيتي الما بيها نوره...

دليلول الولد يمغمض العين
ياوسفة خذك يوليدي البين
نبلة حرملة منه اشتطلبين
شلون ارضيتي لنحره تگطعين...
★•••••••★ ★•••••••★ ★•••••••★

((( يم الولد راح الولد ))) *شيخ زمان الحسناوي*

*مهده صفى عگبه حزين*
*نوحي عليه جّري الأنين*

آ يالرباب نوحي عليه
صابه السهم گطع بچيه
و لجيته لا ترتجيه

بگماطه ظل دمه يسيل
من الألم فـّر بالعويل
وحسين ابوه بفگده نحيل

يمة أناطر بالخيم
أفتر واناشد بالحرم
گلبي عليه ناح بـ ألم

خالي المهد وبلا ولد
ألمن اناغي بهالمهد
ووليدي عني مبتعد

گلبي تهشم من رحت
واگعدت يم مهدك نحت
راح الولد مني صحت

تـــمــت بــعــون اللــه
17/8/2018
✍🏻 #ولائـية_وافتـخر (دعـاء العـامـري)
❌لاإجيـــز حــذف الأســم❌
★•••••••★ ★•••••••★ ★•••••••★

https://t.me/alshuhadaaltafu70

🔴رابط قناة الشاعرة👇👇
https://t.me/DoaaAIamry11

#نعـي_للرضيع_يقـرأ👇
#حدي_حجاز_خليجي_اول لحن(لمن حدﯼ الحادي)
#حدي_حجاز_خليجي_ثاني لحن(حضريني يالزهرة)

(لسـان حـال والدتـه)

ويلي الطفل مذبوح..
امـه عليـه اتنـوح..
والگلب ظـل مجروح..يوليدي عبد الله

گوم الكفر صابـوه..
مـن القفـا ذبحـوه..
ومـن والـده حرموه..اظهر يثـار الله
✪✪✪●●●✪✪✪
مهـدك يظـل خالـي..
اعليك الدمـع هالـي..
لـو ميتـة اشوالـي..ولاشفت هـذا اليـوم

يمـه يبعـد الـروح..
ظـل الگلب مجروح..
شلون من اديـة اتروح..يومك ييوم الشوم
✪✪✪●●●✪✪✪
لظحكاتك اشتاگيت..
ولشـوفتـك حنيـت..
لحسين انـه وصيت..لشربت امية اعليـك

مستعجـل اللحدك..
ابجي واهز مهدك..
للمـوت ﭼـا شلّك..بحظني تظـل خليـك
▦▦▦▦▦▦▦▦▦▦▦▦▦▦▦▦▦
{تــمت بعـون اللـہ}
13/8/2017
✍🏻 #ولائــية_وافتــخر
🚫غير مبرئ الذمة امام اللـہ والزهراء من يحذف اسم الشاعرة🚫

https://t.me/alshuhadaaltafu70

🔴رابط قناة الشاعرة👇👇
🔴قناة الشاعرة ولائـية وافتـخر
للاشتراك اضغط ع الرابط👇👇
https://telegram.me/DoaaAIamry11

#نعي_لعبد_الله_الرضيع

{عـاشــوري}
يايمة ارد اشمنك واودعك اه اه
واضمدلك ييمة اجروح نحرك اه اه
فطموك بسهم يوليدي وشذنبك


والله العده مارحمت بحالي اه اه
ربيتك انـة واسهرت الليالي اه اه
اناظر للمهد والمهد خالي اه اه



{فـائـزي}
اعاتب دهري يالولد لاحگني اعليك
محلات وجهك يالرضيع وضمه ايديك
گلبي نغزني بروحتك يارويحتي شبيك
ابقى اظل طول الدهر بسمك اناديك


هالروح تلهج يالولد بسمك يغالي
دهري ﭼـواني بغيبتك ظل حظني خالي
يالغيبتك آه يالطفل شدهتلي بالي
ارجعلي يمة فدوتك وعاين احوالي



{لحن الفراق}↤ (مالي غيـرك)
يعبد الله .. السهم نابت بنحرك
يعبد الله .. ريت دفنوني بكترك
يعبد الله .. مااجه ابالي اخسرك


يارضيعي .. غيبتك غيرت حالي
يارضيعي .. يالـﭼـنت بدري وتلالي
يارضيعي .. يالظنه غيرك ماحلالي


اه يايمة .. راح اعوفنك سبيه
اه يايمة .. بغيبتي انشد عليه
اه يايمة .. بسمك اتناشغ رقيه
~~~~✹✹✹✹~~~~✹✹✹~~~~
تــمت بعــون اللـہ
28/9/2017
✍الـ؏ــلويــﮫ المــوســويــﮫ
〰〰〰〰〰〰〰〰〰〰〰〰

https://t.me/alshuhadaaltafu70

#محرمـ1440هـ
#مولاتﮰ_زينب(ام باقر الشويلي)
#نعي للرضيع


كٱني_بالسان_مولاتي_الرباب_تخاطب_ولدها_الرضيع

اريد انعاك واعيوني يصبن

ابجيلك دمه وجفوني ذبلن

بعدك شنهي البيهه اهمن

مسبيه امشي وي الظعن

********



نعي_ب_لسان_حال_منحر_الحسين_عليه_السلام

لفاني الصوت نحره يصيح خلوه

عبدالله اوليدي وتحتي دفنوه


واليوم بلا غسل وياي جفنوه

خل تحضر بني هاشم يشيعوه

✍مولاتﮰ زينب(ام باقر الشويلي)

❌غير مبرئ،للذمه حذف الاسم❌

https://t.me/alshuhadaaltafu70

🔴رابط قناة الشاعرة👇👇
@lAfiteamoun

نعي للرضيع
عندما ذبح الرضيع اخذ الحسين ع يكلمه
بكلمات
يكووول. بويه


😭😭😭😭😭😭😭😭😭
يبني يعبدالله دللول
نايم وكلبي عليك شيكول
خافن يبويه نومك يطول
وانه اضل بعدك اتحسر

😭😭😭😭😭😭😭

يبني السهم من صاب نحرك
بكلبي احفرت يالولد كبرك
خاف امك وليدي تنضرك
ودلالها منها يتفطر
😭😭😭😭😭😭😭😭

بويه افتح عيونك عليه
بصوابك احس جتني المنيه
لحالك صرت اصفك بديه
وانحب واكول شلون اصبر


😭😭😭😭😭😭😭
شصبر يبويه وتنشف العين
وشلون ارد للخيم هالحين
ولو ردت ارجعك للنساوين
بيا عين امك ليك تنضر



😭😭😭😭😭😭😭
لو شافتك والكلب مفتوت
خافن يبويه امك تموت
وتصيح بأعلى ونه وصوت
شذنبك يكطعونه المنحر

😭😭😭😭😭😭😭

ام زينب السعداوي
ناصريه

https://t.me/alshuhadaaltafu70

🔴رابط قناة الشاعرة👇👇
https://t.me/almosoy2

هوسات للرضيع

زغيرون الولد. ماشرب ماي ايام
شذنبه ينذبح بالسهم ياضلام
حتى من العمر ماصار ليه العام
(((وبحضن حسين مصوبينه))


شافه حسين دمه سال من نحره
صاح بصوت وينج يمه يازهره
عزيزج منفجع يمه بأعز بزره
(يون على الرضيع وماتحضرينه)



انه حسين يمه تعاي ليه بساع
مهدوم الدليل على الولد واضلاع
يمه عزيز كلبي اليوم مني ضاع

(((يا ونه دليلي لوتسمعيها) )
يمه حالته روحي تأذيها




عبدالله يبويه فدوه حاجيني
بويه لاتغمض يكبر ونيني
فدوه لروحك انه وفدوه الك عيني

((يالمجروح نحرك بيش اداويك) )


ام زينب السعداوي
ناصريه

https://t.me/alshuhadaaltafu70

🔴رابط قناة الشاعرة👇👇
https://t.me/almosoy2

( زهيري )
▪️لسان حال الرباب ع لفقد الرضيع ع

❀~❀~❀~❀~❀~❀~❀~❀

يوليدي صار المسه وحضيني هل راداك
يسألك گلبي الجـزع بس ما سـمـع رداك
يـاريـت كُــنْ فَــيـكـن ربّـي و ألـي رداك
وافرح صـدگ وابتـشـر بوليدي مرّد الي
لكـن حريمة واسـف هـیهــــات مارد الي
فـگـدك الهـذا الچـبـد یـضــنـاي مرّد الي
مارجف گلبه العدو؟؟ بالسهم من راداك


❀~❀~❀~❀~❀~❀~❀~❀

#أم_عباس_هيثم_العبادي
؛؛؛ ٢٧ / ٧ / ٢٠١٧ ؛؛؛

https://t.me/alshuhadaaltafu70

🌹 لسان حال الرباب عند ولادة الرضيع

~•~•~•~
حـلم عمري إنتظرته ودّريته
انـاغيـلك يـعيـني ودّي ريته
تطـول سنين عـمرك ودّريته
تموت هناك بـرض الغاضرية

~•~•~•~
#أم_عباس_هيثم_العبادي
؛؛ ٢٧ / ٣ / ٢٠١٨ ؛؛

https://t.me/alshuhadaaltafu70