‏من عرفت ان ما لجرحي غير طبك
‏رحت ابشر ضيقة النفس بسعدها

‏وقلت لك كل الكلام .. الا احبك
‏كنت اخاف اقولها واسكت بعدها

أنتي وِلدتي وين ؟
ما تشبهين الناس

كل البشر من طين
إلا أنتِ من "إحساس"

ما كنتي الغيم ، ما كنتي هديل الحمام
ما كنتي النور ، ما كنتي أبد سمبله

وشلون خذتي خفوقي عن جميع الأنام ؟
وشلون ما اشوف غيرك ف النسا مذهله ؟

ليش اشعر إني بقربك انتمي للسلام ؟
ليش اشعر انه كلامك يشبه البسمله ؟

وشلون شكلتي لحالك فــ صدري زحام
و أنا من الأزل صدري دُوره مقفله ؟

ليش انتظر منك وصل و عاطفه و اهتمام
و أنا من أول وحيد / و ما عرفت الوله ؟

ليش ابتعدتي قبل ما تجمعين الحطام
و ترجعي لي بقايا روحي المُهمَله ؟

معك تعلقت بأطراف الحزن و الكلام
ما أجمل الحزن في صوتك و ما أنبله

أدري رحلتي و طارت مع رحليك حمام
لكن إذا تسمعيني جاوبي الأسئله

و لا تهتم
و لا تنزف جروحك دم
و مهما عاثوا فــ صدرك
بتزفرهم حنين و هم

و في صدري كلام يزاحم الأنفاس
و حزن الكون كله يسكن عيوني

أنا قلبي وطن يستوطنوه الناس
يمروا ياخذوا خيره / و ينسوني

#خالد_الوشاحي

كنت مرسى ما تجاوزتي ضفافه
مر عمري ف المطارات و نطرتك

وش بقى في عمري الباقي أخافه ؟
كنت أخاف أخسرك و الليلة خسرتك

أنا تعودت ... يخذلني معاك الكلام
خايف يجي يوم يخذلني معاك السكوت

لا تجرحون الصادقين
اللي رغم عمق الألم
كانوا يموتوا ضاحكين

لا تجرحون الصادقين :
اللي يزرعون الوفا
و تمرهم ريح الجفا
و تبعثر أوراق اليقين

لا تجرحون الصادقين
اللي ملامحهم دفا
و اللي احملوا ثقل الــ "أفا"
و ظلوا يعانوا صامتين

لا تجرحون الصادقين
اللي حكاويهم مطر
و اللي روايحهم عطر
و يشابهون الياسمين

لا تجرحون الصادقين
اللي تواصوا بالصبر
و اللي تواصوا بالحنين

.
.
.


أعترف لك ما خلق لي جرحي حدود ومكان
جيت مرهون الشعور آبتل من عينك ظما

أستلفت الحزن ؟ لا والله .. قريته بأتزان
في تجاعيد أمهات البيد مسلوب انتما

ايه والطرقه ثلاث حروف مخطوفة كيان :
والسديم : النور بكفوفك ، متاهات العما

ليله أهدتني فجوج البال خطوتها سنان
سولفت للريح ما يكفي وبحروفي نما

تحت سدره تخجل ظْلالي تميل بلا عنان
صوتك الما ، واللقا عطشان ما يرويه ما

مَرني " وعد الفرح " ملعون خييّر يا حنان
بعدما فكيت أزارير " المسافه " بعدما

ما بديتك طفل .. يتمرجح بذكراه الزمان
وما نهيتك غيمة ً شحت على وجه السما



الدوسي عبدالعزيز ،

صدقيني
قد ما مديت لــ العالم أيادي
كنت أمد الــ راحتينك شوف عيني

جيران الحياة + غمامة عيوب / أخراج جديد

وحده يشيل الحزن
منسي من أحبابه

في كل قهوة ركن
ضايق بــ أصحابه

لا أرض لا أصحاب
لا نفسي و ظلي

معي بقايا أحباب
و أشياء تشبه لي

ذكرى من الغِيّاب
اللي خذوا كلي

مروا علي أغراب
صاروا مثل أهلي

و البُعد دق الباب
ما ظل أحد خلي

تطايروا أسراب
ما ظل غير اللي

يخلي الكُتاب
تكتب حزن مثلي

حزين! لا كذاب
مملي حزن مملي

تعب و الحزن يتراقص فرح و يضيق صدر الليل
و أنا محبوس في صدري عتب ما قادر آشيله

أنا وين اتجه ؟ و فــ كل سكة كنت أشوف الويل
و "أوماها" كئيبة للترف في هذي الليله

وحيد إلا من عيون الظلام و خيبة القنديل
بعيد إلا عن شعور "الغريب" و عن تفاصيله

ادور "خالد" المفعم حياه و فرحه و تبجيل
أفتش ذكرياته ، وحدته ، و اقرأ مراسيله

بقت فيني بقايا أسئلة ماتت بلا تعليل
رحل عني شعوري بالحياه و كنت أنادي له

اشد الحيل و الذكرى تمر و ما تخلي حيل
و قلبي كل ما مره حنين يصيح يا ويله

اهز الصمت و تطيح الدموع و يحتفي بي ليل
شهد لحظة تعري دمعتي و أطفأ قناديله

وين أروح ؟
و كل خطواتي حزينة
و كل وجهاتي جروح

و تضيق فيك المنافي ، و أنت وحدك بلاد
كانت "محانيك" و جهة كل عابر سبيل

و يمرك الحزن ما عندك زهاب و عتاد
و يمرك الموت ما عندك صديق و خليل

و تميل كلك على اكتاف السهر و السهاد
و تفرغ اللي بــصدرك كله بحضن ليل

أحبابك كثار لكن غايبين و بعاد
و همومك ثقال و جروحك دماها تسيل

آمنت بالنار حتى صرت كومة رماد
رمت بك الريح في مسرى كئيب و طويل

لا تلتفت خلف ، ما حولك مدن أو عباد
لا تلتفت خلف ما حولك جهات و دليل

ارحل إلى الشعر للغربة لــ هذا السواد
ترى رحيلك إلى الأحزان جداً جميل

و مر العيد ما مروا معه غياب
خذوني من بلاديني إلى الغربه

و خلوني الوحيد الشاعر المرتاب
يدور عن فتات شعور يشعر به

يدور في دواوينه وجوه أحباب
ملامحهم غدت أوطانه و دربه

و ماتت في شفاته كلمتين عتاب
و طوقه البرود اللي تفجر به

ستر جرحه عن الغالين و الأصحاب
و حاول قد ما يقدر يكابر به

و مر العيد زوارة وله و غياب
و بعض من الحنين اللي تكاثر به

و مر العيد لا لمة أهل لا أحباب
سوى الحرمان و الاحزان و الغربه

‏أعدني للكلام
‏وبالي النساّي :
‏أنا عذري يهون
‏ولا تقّبلته ،
‏-
‏لو أهديك الحنين
‏بحيلتي وبكاي :
‏تساهلت الكلام
‏* ورحت ما قلته *