يجون ويروحون ..... من قدامه
‏واللي يجي بسرعه يروح بسرعة
‏.
‏أنا مثل واحد يشوف أحلامه
‏تدور في صندوق قبل القرعة

عندك خبز ؟ بكرة أعطيك حقة ؟

-هذي أحوج جملة بالعالم

و لا تهتم
و لا تنزف جروحك دم
و مهما عاثوا فــ صدرك
بتزفرهم حنين و هم

يموت صوت الكلام و ما يموت الكلام
يبقى خفافيش صمت تحوم وسط الصدور

تستدرج الليل و تغافل عيون الأنام
و يكون دمعي لها أصدق وسيلة عبور

البارحة جيت و ضلوعي هشيم و حطام
و قلبي ملاه الجفاف و صار قاحل و بور

ناديت لك ممتلي صوتي خضوع و سلام
كنت انتظر تزرعي روحي جناين زهور

و جيتي تخيطين ثوب الليل يوم الظلام
كسر فــ محراب صدري كل مصباح نور

إلى متى بنتظرك تبادري الإهتمام ؟
كثر اهتمامي أحسه يدفعك للغرور

ما عدت محتاجك تمرين حب و غرام
ما عدت محتاجك تمري حمامة شعور

اغلقت صدر المدى ، و اطلقت سرب الحمام
اللي اتخذ من سماواتي محطة عبور

ما عاد أجي لك و في صدري بقايا كلام
بكره يموت الكلام و تحتويه الصدور

-

‏كلما سيّلت في صدري تسابيح .. ودعاوي
‏ظني آتهادى لصبح أبيض سقاه الليل كربه

‏ماتغربت الوطن " جنه " لو أنه عٌود ذاوي
‏غربة الما ، في سمار الطين .. ماتنعد غربه

بعد ابتدأ .. عمري الثالث و عشرين عام
أشعلت شمع أمنياتي و انتظرتك تجين

سهرت لين الفجر اطلق طيور الحمام
صبرت لين الشمس طلت على العالمين

وش يمنعك لا تجين و تبتدين الكلام :
كل عام و أنت المسافة و العمر و السنين !

وش يمنعك لا تجين و تجمعين الحطام
اللي تركتيه فـي قلب "الغيور "الحزين" !

وش يمنعك لا تمريني حمامة سلام
تحمي محطات صدري من شعور الحنين !

كنت آتوقع تجيني وابل امن الغمام
على أراضي انتظاري تأتي و تمطرين

كنت آتوقع تجيني طوق ورد و خزام
ازرع بعض منك بــ أعماقي و تتكاثرين

سهرت حتى تلاشى الليل و اقفى الظلام
ما كنت أظنك بتتناسي و تتأخرين

و جيتي تهنين بعد الكل / بعد الزحام
ما كنت أظنك تكوني آخر الحاضرين

لما تكون مشاعرك مندفعة لشخص ، و يستقبلك بشعور عادي ، مثل لما تكون سيارة بسرعة200 وتلتقي في شي سرعته صفر
تخيل الباقي .

السؤال اللي بقوله قبل ما تتجهي
للغياب و تتركي لي ناره و تأثيره

الأمان اللي تشوفي في ملامح وجهي
يستحق تهاجري منه لــ موطن غيره ؟

تصدقين !
إني غريب بلا وطن
و إني هنا عابر حزن
و إن المسافة "غايبين"

بتصدقين !
لو قلت لك إني عمر
ضيع كثير من السنين
و فاته كثير من الحياه
و مره كثير من الحنين
بتصدقين ؟


تصدقين !
إني توقعتك بشر
و أنتي زهور و ياسمين

الله خلقك من المطر
مو ممكن تكونين طين

بتصدقين !
لو قلت لك إنك مداي
و إنك لوحدك عَالمَين

حتى و لو م أنتي معاي
في داخلي تتكاثرين

بتصدقين !
لو قلت لك إنك وطن
ضعت فــ متاهاته سنين

‏رحت وبْ قلبي وعود سنين
وفـ بالي : قرار

جيت و فْـ عيني تعيش : اسرار
ويسولف : حنين !‏

علّميني
ليش مرّ الوقت ، ليش الكون دار ..

لحظة البارح فدا عمري
وانا عمري ثمين .. !

‏يااااااه
واللي كنت اخافه ..
غافل ايامي .. وصار

وانزويت بـ آخر الدنيا
وطاويني اْلأنين !

‏صرت اخاف الناس
وشعوري تجاه : اشيا كثار

وصرت احب الوحدة
ويقلقني شعور الحنين !

‏وصرت اهاب:
الدمع
وشناط المسافر
والمطار

كل حاجة تطري التلويح : تجعلني حزين .

‏والعمر : غربة روح والناس : أطلال ..
يا تارك الايام تخذل ظنوني ..

شتمت بعدك كل الاحباب في البال ..
قد ما شعرت بوحدتي وتركوني .. !

‏من عرفت ان ما لجرحي غير طبك
‏رحت ابشر ضيقة النفس بسعدها

‏وقلت لك كل الكلام .. الا احبك
‏كنت اخاف اقولها واسكت بعدها

أنتي وِلدتي وين ؟
ما تشبهين الناس

كل البشر من طين
إلا أنتِ من "إحساس"

ما كنتي الغيم ، ما كنتي هديل الحمام
ما كنتي النور ، ما كنتي أبد سمبله

وشلون خذتي خفوقي عن جميع الأنام ؟
وشلون ما اشوف غيرك ف النسا مذهله ؟

ليش اشعر إني بقربك انتمي للسلام ؟
ليش اشعر انه كلامك يشبه البسمله ؟

وشلون شكلتي لحالك فــ صدري زحام
و أنا من الأزل صدري دُوره مقفله ؟

ليش انتظر منك وصل و عاطفه و اهتمام
و أنا من أول وحيد / و ما عرفت الوله ؟

ليش ابتعدتي قبل ما تجمعين الحطام
و ترجعي لي بقايا روحي المُهمَله ؟

معك تعلقت بأطراف الحزن و الكلام
ما أجمل الحزن في صوتك و ما أنبله

أدري رحلتي و طارت مع رحليك حمام
لكن إذا تسمعيني جاوبي الأسئله

و لا تهتم
و لا تنزف جروحك دم
و مهما عاثوا فــ صدرك
بتزفرهم حنين و هم

و في صدري كلام يزاحم الأنفاس
و حزن الكون كله يسكن عيوني

أنا قلبي وطن يستوطنوه الناس
يمروا ياخذوا خيره / و ينسوني

#خالد_الوشاحي

كنت مرسى ما تجاوزتي ضفافه
مر عمري ف المطارات و نطرتك

وش بقى في عمري الباقي أخافه ؟
كنت أخاف أخسرك و الليلة خسرتك

أنا تعودت ... يخذلني معاك الكلام
خايف يجي يوم يخذلني معاك السكوت