В Алматы выпало до 5 см снега

С 17.00 часов 16 ноября в городе Алматы началось выпадение снега, который завершился в 04.20 утра 17 ноября. В городе выпало 4-5 см снега, в горных районах — 8-10 см.

В целях предупреждения гололедных явлений с начала выпадения снега производилась посыпка противогололедными материалами дорог, перекрестков, съездов транспортных развязок, а также сметание снега.

В районных акиматах организовано круглосуточное дежурство по контролю за производством работ по уборке снега.

В ночной период выход техники составил 498 единиц, в том числе 155 пескоразбрасывателей и 490 дорожных рабочих. На 17 ноября выход техники — 549 единиц, дорожных рабочих — 1298 человек.

По состоянию на 06.00 утра 17 ноября использовано 5272 тонны противогололедных материалов.

Продолжаются работы по очистке тротуаров, пешеходных зон, остановок общественного транспорта, парковочных карманов, надземных переходов, парков, скверов.

Алматыда 5 см дейін қар жауды

Алматыда 16 қараша күнгі сағ. 17.00-де жауа бастаған қар 17 қараша сағ. 04.20 шамасында тоқтады. Осы аралықта қалада 4-5 см, таулы аудандарда 8-10 см дейін қар түскен.

Көктайғақтың алдын алу мақсатында қар жауа бастағаннан жолдарға, қиылыстарға, жол айрықтарға таюға қарсы материалдар себіліп, қар тазалау жұмыстары жүргізілді.

Аудандық әкімдіктерде қар тазалау жұмыстарын қадағалау бойынша тәулік бойғы кезекшілік ұйымдастырылды.

Түнгі уақытта 498 бірлік техника, оның ішінде 155 құм себу көлігі, 490 жұмысшы жұмылдырылды. 17 қараша күні 549 техника мен 1298 жұмысшы жол тазалауда.

17 қараша күнгі 06.00-ге дейін 5272 тонна таюға қарсы материал пайдаланылды.

Тротуарларды, жаяу жүргіншілер жолын, қоғамдық көлік аялдамаларын, тұрақ «қалташаларын», саябақтар мен скверлерді тазалау жұмыстары жалғасуда.

Сағынтаев Жаңа Алматыдағы жолдардың құрылысы туралы айтты

Алматыда жыл қорытындысы бойынша жақсы және қанағаттанарлық жағдайдағы жолдардың үлесі 80%-ға дейін жететін болады. Бұл туралы қала әкімі Бақытжан Сағынтаев хабарлады.

Алматы әкімі Бақытжан Сағынтаев Instagram-дағы өзінің парақшасында жол-көлік инфрақұрылымын салу және жөндеу туралы айтты.

«Өткен жылдағыдай жұмыстың басым бөлігі Жаңа Алматыда жүргізілуде. Қаланың ықшамаудандарына айналған бұрынғы ауылдардың тұрғындары жолдар мен тротуарлардың жоқтығы туралы бірнеше рет мәселе көтерген еді. Оны шешуді өткен жылы қолға алдық, орталықтан алшақ жатқан тұрғын аймақтарын инфрақұрылымдық жағынан қайта жаңғырту үшін бюджетті нақтыладық және қаржы бөлдік», — деп жазды Б. Сағынтаев.

Оның айтуынша, таяудағы екі апта ішінде жол жөндеушілер ағымдағы жылға жоспарланған жұмыс ауқымын аяқтаулары тиіс. Осылайша, мегаполистегі жақсы және қанағаттанарлық жағдайдағы жолдардың үлесі 80%-ға дейін жететін болады.

Айта кетерлігі, 2020 жылы ұзындығы 200 шақырым болатын 283 көшеге орташа жөндеу жұмыстары жүргізілді, оның ішінде шеткі ықшамаудандардағы 177 көше де жөнделді. Бүгінгі күні 265 көше жөнделді, ал ұзындығы 18 шақырым болатын 18 көшеде жөндеу жұмыстары жүруде.

Бұдан өзге, ағымдағы жылы ұзындығы 47,8 шақырым болатын 177 көшеде жаңа жолдар салынуда. Ұзындығы 35 шақырымдық 144 көшедегі жолдардың құрылысы аяқталды. Жыл соңына дейін ұзындығы 12,8 шақырым болатын 33 көшеге жол салу жұмыстарын аяқтау жоспарлануда.

Өжет, Ұлжан-1, Ұлжан-2, Шаңырақ-2, Әйгерім-1, Әйгерім-2, Дархан-Байбесік, Трудовик (Томирис), Алғабас-АЗТМ, Жас Қанат, Қарасу, Көк-Қайнар, Ақбұлақ, Саялы-2 ықшамудандарында жаңа жолдар салынуда. Оның ішінде Әйгерім-1, Әйгерім-2, Шаңырақ-2, Ұлжан-1, Дархан — Байбесік ықшамаудандарындағы жолдар пайдалануға берілді. Жалпы бұларда 122 мыңнан астам адам тұрады.

Сонымен қатар, 2020 жылы Рысқұлов даңғылы — Емцов көшесі, Сейфуллин даңғылы — Жансүгіров көшесі, Бұқтырма көшесі — Құлжа тракті қиылыстарындағы үш жолайрықтарының құрылысы жалғасуда. Абай даңғылы мен Сайын көшесінде үңгілеу жұмыстары жүруде. Солтүстік айналым көшесі — Москвин көшесінің солтүстігі, Солтүстік айналым көшесі — Жұмабаев көшесінің солтүстігі, Солтүстік айналым көшесі — Боралдай көшесінің оңтүстігі, Майлин көшесі — Тоқай көшесі бойларында жаяу жүргіншілердің жер үсті төрт өтпелі жолдарының құрылыстарын аяқтау жоспарлануда.

Еске салсақ, бұрындары Алматы әкімі Бақытжан Сағынтаев жұмыс сапары барысында жолдардың, көлік өткізгіштердің, жол айрықтарының құрылыс алаңдарын аралап, жұмыс сапасын қатаң сақтауды және көрсетілген мерзімде пайдалануға беруді тапсырған болатын.