اللهـم صـلِّ وسلم وبـارك على نبينا مُحمَّـد

العدو ما شفت في عينه ردى
‏الردى شفته بـ عين اللي أحب

من كثر ما ضاقت من أحبابي .. عيوني
ما عاد شفت الطريق الي يوديني

شريت ببكاي ضحكتهم .. وبكوني
الّا حرقوا دم قلبي في شراييني

مروا علي مثل الأشباح وتعدّوني
لا ضيعوا عقلي .. ولا غيروا ديني

وصديت عنهم ورحت امشي على هوني
وان جيت أدورهم ! الله لا يحييني

من رخصهم لو من دموعي شحب لوني
مع كل دمعه .. يطيح اثنين من عيني

أنت تدري إني شخص ماني سريع إعجاب
‏ولا كل حاجه عابرة تكسب إعجابي

‏غلبت الهوى فتره لكن الهوى غلّاب
‏تمادى ووقف في طريقي وأنا مابي

‏دخلت في حياتي عرض من أوسع الابواب
‏وأنا للحبايب ماني .. مشرّع أبوابي

‏وعطاك الله من الود و الحب والاعجاب
‏« مايجعلك سيّد قلبي وكل أحبابي

وإني ادعو الله في سرِّي بأن يبقيك لي
عمرًا ، وحبًا ، وقربًا لا يعرف البُعد

دارنا دار النهار وجارنا جار السعد
من يجاور له سعيدٍ نذرِ إن يسعد معه

به من السيفين هيبه ، به من نخلته رغد
في كنفها يغفي الي جاه شيٍ وأفجعه

الدول تفتح مجالس بس مطارٍ ذي ابد!
جارنـا قلّط علمنا في مطاره .. وارفعه
🇸🇦🇰🇼

يابعد كل القلوب المستعاره
ما لغيرك قلب يلفت انتباهي

معتلي عرش المحبة وبجداره
واثق الخطوات تمشي وانت راهي

كيف ما أحبك وتزهاك الإماره
وأنت عزي وأنت وجهي وأنت جاهي

مصير الوقت يشرح لك ظروفه لو غفلت ونمت
يصحيك الزمان الي يصحي كل من نامي

تذكرني ليا من خابت أوهامك من وهمت
وعرفت الفرق في حب الخشوم وحب الاقدامي

‏على شوفك أعدّ الليالي صحا ونعاس
‏" مشاوير عمري كل أبوها مشاويرك "

‏تبسم ترا معك المواعيد حبس أنفاس
‏ولا تعتذر لي فإنشغالك وتقصيرك

‏تغانم سلامي وأخذني من عيون الناس
‏أنا عاذرك من غير ما أسمع معاذيرك

والجرح الي بداخلي من يداويه؟
لا صرت عاجزٍ ألقاك وأنت طبّه

رُغم اوجاع حبك إلا إنّي أبيه
ورُغم قسوة قلبك إلا إني أحبه

- لا حول ولا قوة إلا بالله العلي العظيم -

أنا تعبت من الوله ومن الدروب
الي خذتني للحزن يوم أتبعك

اللهُم أكفني بحلالك عن حرامك
وأغنني بفضلك عمّن سواك

‏انت الشعور الصّادق و غيرك سَراب
‏و انت المقرّ الثابت و غيرك ممر

‏غلاك بظلوعيّ تربّع ليين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏و مواصلك مثل السحاب المنّهمر

‏حتى و لو قلبي شَعر بـ الإغتراب
‏انت الوطن و اجمل ملذّات العمر

‏"حفظتك عن عيون المشفّح ومفشي السر
ما يدري بك إلا الله وأنا، وأيسر ضلوعي"

وش الومك عليه؟ و خاطري دون الملامة طاب
ياوجهٍ يوم أشوفه كنت أشوفه وجهي الثاني

كذا أستكثرت الراحة على قلبي بدون أسباب
كذا ترضى لي عصف الشتات بعز خذلاني؟

مثل ما كنت أشوفك حقيقة في زمن مرتاب
لقيتك زيفٍ يشكك عدوي كل ما جاني

أعاتب من؟ و الدنيا بخطاها ماعليها عتاب
مثل ما جابني درب الزعل .. لهناك ودّاني

هناك لوين؟ مدري بس أعرف إن الطريق غياب
غيابٍ كل ما طال الطريق ، تخف نيراني

كسرت الباب أبو مزلاج حزن ولا بقى لي باب
و دانيت الجفا حتى لو إني كنت ما أداني

فمان الله ، و اللي بيننا يبقى ليوم حساب
أخاف أسامحك يوم الحساب و أنجرح ثاني

واخاف .. لا منك بغيتي تنامين
ما أحدٍ يمد لحافك ليا إستويتي

واخاف محد يقول لك يوم تدعين
ابشرك .. زانت بعد ما دعيتي

واخاف .. لا قمتي وخاطرك شين
ما احد يعرف من نظرتك وش بغيتي

واخاف واجد واجد انك تروحين
ياويلي .. ان رحتي ولا عاد جيتي!

حبيبي وإن عذرتك والعذر مثل الخطا محسوب
على شان السنين اللي تعبها ملح أمانيها

طلبتك والظنون تكرّه المحبوب فالمحبوب
لا عاد تشوفني بالصوره اللي شفتني فيها

أخاف أصحى بيوم ولا معي قلبٍ عليك يذوب
ولا لي عين يزعلها البطا منّك.. وترضيها

ياليتك كثر ما تخطي تخاف إن الزعل ماهو بـ
مجرد وقت .. وتعود المياه الى مجاريها