كان قفلنا ملفـات الرفـق ما هـي غريـبـه
يا اللي عيونـگ على زلاتنا حمر و جواحـظ

تتهمنا با الـخطـايـا و المصيـبه المصيـبه
انك تلاحظ خطانا وانت تخطي.ما تلاحظ؟

قد لي سنين اعزق الياس بـ الفاس
ما احدٍ نشد عن غيبتي و انعزالـي

لو اليالـي تـربـط النـاس بـ النـاس
مـا ســوًد الله وجـه سـود الـيالـي

# عبدالكريم بن قاهان

من ضجه المجتمـع في تالـي الايـام
قررت اقفـي و اغيّـب عـن تضجـاجه
اخذيت لي ما يسمى رحله استجمام
عن سطـوه الهاتـف النقال و ازعاجـه
يوم انكمش خافقي زاعت بي الاقدام
لين استقـرت قبـل ما تـوصل الفـاجه
في خايـعٍ علّه مْـن امطـار هـذا العـام
اربـع قـنـيـفٍ لـهـا يــومـيـن ثـجـاجـه
شطو الثعاليق فيـه تقـول روس امـام
لا ذعذع الغربـي الاغصـان منعـاجـه
متهني ارعى و اطربـس حمرة الانعـام
و اجر صوتٍ يفگ من الحشى سياجه
بيت الشعر ناصبه ماهوبـ خيش خيام
و دلـالـي مـبـهــره و الـنــار وهــاجـه
يشفق على جيتي كل اشوس و ضرغام
من هرجهم لـ الصويب يشابه علاجـه
قلوبهم بيض و ابيض من بشا الاحرام
و وجيههم لـا لفـو مـن خير ما تواجـه
عند الحلال اصّرَف مْن مشاهد الافلام
فـلـمٍ يـركـز عـلـيـنـا مـشـرف انـتـاجـه
يقـول خلّـگ معـي و نحقـق الاحـلام
و اقـول مـالـي ورى تحقيقهـا حـاجـه
كفاس كذب و غدر يـا شاشـه الاعـلام
العالم اخلاقـهـا قدهـي على الصاجه