وحي الحُب في الطف شعشع شذاه
كأن عِطر فاطم هب في لواه
يا مِقدام للحب دارك مُناه
يا عباس دخيلك يا عباس

انت الشعار السامي فتح الله چفك
عابر حدود احلامي عباسي عطفك
سوة الله جبرائيل جنحانة منك
يا ساقي يا ضامي ويحير اليوصفك

يبعد ايدي يبعد ايدي
طب للطگ صگر صيدي
يكيف بالوغى اوليدي…ابو فاضل

ذخر للشدة انذرنك
انة أمك واعرفنَك
تروي الخيمة من حِسنك…ابو فاضل


٢
كان العشق للدم مرفأ غرام
في لُقيا الشهادة فاض الهيام
وابا الفضل نادى حان القيام
يا عباس دخيلك يا عباس

يا ناصر الدم عالبواتر قيامك
الخطوة ابحضارة التسري من سد خيامك
زاد الله جاه ام البنين ابرباها
سهر الليالي امبين ابشد لثامك

عمرها اعلة الربة اديرة
امرضعتك نهر غيرة
حرز ما صاح تفسيرة…ابو فاضل

گمر يضوي ابصباح الله
جمالة اعلة البشر صلة
شمس وين اللي يوصلة…ابو فاضل

٣
يا ساقي العوالم حُب الحُسين
نبعاً فاض عِشقاً في الخافِقين
كفاً نال فخراً عصمة يقين
يا عباس دخيلك يا عباس

اوليدي انت معصوم بفخر حامي اخيَك
موقف وفائك گمرة شعشعها ضيَك
چان الظلام اعلة المُخيم ستارة
وكل الهواشم يبني غطاها فَيك

خذيت امن اسمك امرادي
حامي الخيمة واولادي
عنيد وبالرگب حادي…ابو فاضل

هلا ابهيئة علي وحيلة
هلا بخيال الكحيلة
جبل لو نازلة ايشيلة…ابو فاضل


٤
يا نفسًُ اقيمي الفتح المُبين
لا تخشي وعوذي الماء المعين
خُلَدْ من فدى للحب اليمين
يا عباس دخيلك يا عباس

هاي الچفوف الترست الطف شرايع
تنبع وفة وغيرة وتروي المدامع
لو ما نحر ابني وچفوف ابو فاضل
ما يبقى اسلام وتأذن جوامع

وتد للدين بچفوفة
هداية ايندي بحروفة
عظيم ابكل صفة انشوفة…ابو فاضل

امير وعابد وزاهد
نصرة للسماء واعد
مثلة منخلق واحد…ابو فاضل

١
من كثر جودة ووافر عطائة اتسمة الجواد
ولاهل الحوائج فاتح سمائة وباب المراد

يا تاسع شمس تحچي بهمس عن قصة وآلام
تسولف عن جرح ناگة ورمح مگيودة للشام
ابمنهاجة التقي يروي النقي عن ذيچ الاخيام

وعايفلي چبدة ابلوعتة
وگاعد يون العمتة
جرحة ابكبر ذاك الضعن
وطاحن خيم من دمعتة

وحانيلي ظهرة اعلة الظلع
صوتة محرم ينسمع
خضر على اخدودة الجرح
گد ما رواه امن الدمع




٢
انعادت جُعيدة وسمها ابوصالك مارد چبد
نفس النفوس الباگت جمالك نفس الحقد

يا عشگ الرضا ابگد الفضا گلبك حوى احزان
يا جرحك نزف يرويلي طف يحرگلي صيوان
دخيلك مُلتجي و جيت ارتجي اتشممني دخان


يالعمرك ابحسرة گضا
يا وراث احزان الرضا
خلالك الطف والحزن
والحسرة الاتچوي الغضا

يومية عاشورك يِهل
وعمتك تروح اعلة الهزل
ما داير اعليها الرحم
بس داير اعليه الحبل




٣
وانت ابمنيتك تروي للهادي اسوالف جرح
واتگلة يبني من سرة الحادي الضامي ابرمح

يا حزني الهلك مني الك اورثها دمعات
يا نزف الگلب ذرة ابدرب ضعن الغريبات
من زغري لچن عشت المحن وبجروحي اتبات

احسن وراثة دمعتك
وخل يعلة صوت امصيبتك
يالهادي يبني ابكربلة
للهيمة گادوا عمتك

غير العليل ال بالضعن
نهبوا دواه گبل الوطن
شحچيلك الطف يالولد
ابعمرك بناتة وانسبن




٤
آخر محطة وشوغة للظامي ابهذا العُمر
الحمد ل الله وخلصت ايامي انعى الخُدر

هنيالة الخلص عمرة ورخص دمعاتة بالعين
ما مات النعة ايرد مرجعة يم ام الابنين
آه يا كربلة يا كربلة ويا غربة احسين

آخر نداء ابدنيتي
بالموت اهلن دمعتي
وابگبري انوح اعلة العطش
وتتأخر اشوي دفنتي

بلكت اواسي المنذبح
بلكت احس بشوي جرح
لو نفرض وصار الحلم
شيگعدة راسي اعلة الرمح

ضايع واعيش ابعزائك هلبت الآگيك
و تعطف علية ابلقائك مكسور احاچيك

تلگاني عاشگ مختنگ
برسومة صيوان وحرگ…يا صاحب الثار


١
ي أول ماي عطشان ابمصيبة…ابرمح والراس

ي آخر دمعة من تنزل غريبة…وطن واحساس

دليلي العاشگ ايسولف نحيبة…يريدك ناس

تِرَوّي الينتظر جودك مُجيبة…مثل عباس


كل ما اجي للزيارة ايصير الدمع ضيف
حزنك ملاذ الحيارة لمن تمر طيف

ذابحني مولاي العشگ
برسومي صيوان وحرگ…يا صاحب الثار


٢
يشايل كربلة ابعينك سوالف…وطن مذبوح

وتعاين خدرك اعلة التلة واگف…صرح واجروح

يگلبك محتوي اگلوب الطوائف…ابعزاء ونوح

ويحدب ظهرة خذلان المواقف…الحمل مطروح

ارجع واگلك مُقصر ما بيدي كل راي
اضهر على الدنيا واكسر شوكة الماي

گلبي بقصوري منطبگ
برسومي صيوان وحرگ…يا صاحب الثار


٣
غريب وناسة ملتهية ابذنبها…تدور اذنوب

ونار ابروحة مِن الطف يشبها…تريد اگلوب

تضل اليا وكت شايل حملها…ابدرب متعوب

ضلام النية والواضح شكلها…ابوجه محبوب

متلفلفين ابعباتك وما بينة مقدام
يندل مضاجعها ذاتك ويطفي الاخيام

يا موطن الآه الصدگ
برسومي صيوان وحرگ…يا صاحب الثار


٤
اطيح بيا أثر بيه من غربتك…ظعن مگيود

واشوف ابكل كتر چانت حسرتك…نهر وازنود

تِلين گلبي لو طاحت دمعتك…مثل داوود

اضل چم دوب أون واسمع صرختك…العجل مريود

ننطر الطلعة الرشيدة وثارك يمغوار
سيدي الغرة الحميدة من تطلب الثار

وارباب أمية تنسحگ
برسومي صيوان وحرگ…يا صاحب الثار


علي الفيصل

١
مدلي چفك…وامسح اعيوني ابغرامك
مدلي چفك…تلگة طيفي ابعز هيامك
مدلي چفك…روحي عطشانة الكلامك

و الليل من يلفي اعلة عاشگ بالشوگ
يلگة الگلب ينبض صدگ بس مخنوگ

وشحالة العاشگ صاحب الزمان
ابكل دمعة تنزل يطلب الامان
هايم دليلة مدري ابيا مكان

ويرسم شوگة ابدمعة واحساس ودعاء
ويمتنة ابكل ليلة ايشوفة ابكربلاء
قد ضاقت مولانا انفاس اللقاء…ما ضل كل صبر


٢
وينك انتة…رايد اتمعن جروحك
وينك انتة…اسمع ابكل هيمة نوحك
وينك انتة…صح شمس بس ردت الوحك

چم دوب اضل كل جمعة انطر ملكاك
ظلمة العمر و اسنيني منتظرة اضواك

والندبة صارت قصة دمعتي
وكل جمعة منك تكبر غربتي
عجل ظهورك واگطع حسرتي

وخليني ابفي جرحك التاذ ابخيام
نار الصيوان ابگلبك يالما تنام
كل يوم من افراگك يعبر چنة عام…عذبني الهجر


٣
يا حبيبي…غربة اسنيني ابرحابك
يا حبيبي…دمعي جرفة ابسد مصابك
يا حبيبي…ارزقني شوغة من عذابك

جبت العمر غربة وحزن مالة احدود
وبكل عزة لحسين گالوا موجود

واهل المجالس منطيها دمعة
وصوتك معانة بس ما نسمعة
وتنعى اعلى جدك البچفة تسعة

ابكل عاشر وبكل مجلس آنت التصيح
يا اهل العالم جدي الحسين الذبيح
وعماتي امن الهزلة يم غربة تطيح…وذابحني القصر


٤
مالي غيرك…دمعة وترويلي گلبي
مالي غيرك…گمرة وادليني دربي
مالي غيرك…ناعي ويهيجلي نحبي

انت الحنين ابلا وطن ضايع وين
چا يمتة تطلب سيدي ابثار حسين

جمر انتظارك يلسع دليلي
بس للمواجع يلفيلي ليلي
خلصت حياتي ودمعي ابشليلي

وانة العطشان البس من جرفك رواه
الما عايش ابسنينة وما عارف هواه
اليلهج بس ابذكرك حتة اسمة نساه…وامضيع العمر

١
شدوا رِحال البسملة
عشگ الله وية القافلة…غريب
متوجه الطف كربلة
ماخذ وطن والعايلة…ابنحيب

واهناا بدت قصة الدمع
عالينذبح…عالينذبح
وصوت الهجر يحني الظلع
قبل الرمح قبل الرمح

للغربة تمشي المسيرة
وتضم دمعها الاميرة
باچر سبي ايفت گلبها
والرحلة كلش چبيرة



٢
اليا ظلمة رايح يا ضوى
ضل يمنة واترك نينوى…دخيلك
ابدارك هجر صوتة دِوى
يالحرمت شم الهوى…ابرحيلك

مالك عرف وية العطش
عوف الجفة عوف الجفة

لا ماي باچر لا نعش
دم وانچفة دم وانچفة

الصحرة تنهب ضواكم
والدم مناحر رواكم
درب الغرب يا حبيبي
گوة اعلة روحك خذاكم




٣
بيك الهجر يرسم ضِمة
ابضعنك مشت چم فاطمة…ابوطنهة
بآثار مشيك چن سِمة
فوگ الضعن تمطر دمة…ابحزنهة

جاي المن وجايب هلك
ليل وعشگ ليل وعشگ

باچر ترة ايدورن الك
شي ينشبگ شي ينشبگ

بالصحرة عشگ الله ساير
وبضعنة جايب مناير
وخدر الله كلة ابحميتة
ابوادم جزتها الظماير




٤
يا ماي روح اهلك ترد
حبل العطش من هسة شد…عجافك
عندك عليلة وأم وِلد
غصن الورد صاير عرد…خِلافك

يحسين مو وكت الذبح
وكت الهلا وكت الهلا

ايتانيك من هسة الرمح
البكربلة البكربلة

يا غالي رد للغوالي
رمحك ترة طولة عالي
چم يوم هِنة ونشوفك
عالرمضة دمك يلالي


علي الفيصل

قبل لا يبتدي المقتل والجروح
نزفت امن العطش حد ما صرت عود

عصاتك وحي من الخيم للشام
ابرسالة ضامي صاير للخلگ جود

امن ادروب السمة الدرب السبي شلون
خذوك وتيهت والراي مريود

مثل فَيّ الشجر للضعن ممشاك
الخواتك صرت خيمة ابلايا عامود

العطش عثرة ابدرب بيه شاخت ارماح
نبي واهل القُرى صاروا ربع هوود

القيود البيدك اوتاد القرابين
شاء الطف يذبحك والله موجود

اليعوف اعلة النهر عباس خيموت
المن ضال لو صار الحزن كوود

السلام على ابن من حَمل الرُكن باطراف الرِدى



علي الفيصل

١
جهنم تنطفي وما تنطفي نارة
الهلا السابع سمة وصلت ابتسيارة
الكافل ما تتعبة الزلم بس متعوب
من نگل الصواني اگبال خطارة

حاتم ما منطي من اولادة ولا واحد گبلك طگ صيتة
بس انت اليكرم من روحة ووصلت للطف اعزوبيتة


٢
گاعك ما اتخضر طبعت آثارك
من كثر اليفورن ل اللفة اكتارك
بابك باه لونة ابكثر ما مچهوب
عگد السان ما صح للهلا ابدارك

ديوانك چنة ابگد حيدر ما واحد حَجم تعريفة
بالچلة ايشب غيرة راسة والنار ايگبرها ابصيفة


٣
مُضيفك يالحسن هدلن زوالية
وزادك مو صواني اتشيلة بارية
مثلك يالحسن ما يجي معزب دوم
من گد ما امحزم نسة الخاچية

الطير ايمر فوگ اديارك اجناحة ايچويه الموگد
اليضيفك غيرت ارسومة الياكل عدك يتلوفد


٤
جبيرك يا علي أسمر وجه لونة
بياضة ابياض وجهك لليزورونه
يا أول معزب بابة بيه دخان
حتة الغربة بالديرة يگصدونة

عز الله إشراع العطاية وامشيم گومك ترحابك
انت ابصبح الله تفك روحك اولا باليل اتسد بابك



علي الفيصل

١
رد ضعن الاجروح
يمشي بلا روح
رد جايب وياه
صوغة بچي ونوح

بآهاتة متروس
والدمعة فانوس
من تنزل ابليل
بيه جابوا الروس


زينب اجت يهل الضعن بس مو مثل هيبة قبل
ذابح ملامحها الغرب متعوبة حيل امن الهزل
يحسيني طايح كلشي الك بس فرگتك ما تنحمل


ليل
يخنگ طاري الليل
تذبح دويت الخيل
اومنة اتفرهد الحيل…ليل

صوت
منك بس ردت صوت
واجيك ابغلفة بسكوت
واگلك هين الموت…صوت



٢
تجزيني الاحلام
عبرت ضوة ابجام
الما تنعرف هاي
متعثرة بالشام

لا خدري لا راي
بس راسك احذاي
چا خدري مو نار
بس ميت ابماي


يا خوية امشي وانحني كل ما اصد صوب الرمح
الايوادع عيونك صعب يستانس ابجية صبح
لا كلك وياي وتفض ماشاني بس راسك جرح


موت
عمري ابلا گمر موت
واحس ابدربي تابوت
يشيعة امناشغ الصوت…موت

آه
تاخذني وترد لآه
الدرب ما عرفة منواه
ضلمة وميت اضواه…آه


٣
شوگ بأثر شوگ
ضعن الله مخنوگ
آيات الاحسين
ردن على النوگ

ديرة هظم صار
رمحك للازغار
الما عاين اعليك
بجدامة محتار


چم دوب اصبر وانكسر وانة ابغربتك انفجع
اتواسيني وانت اعلة الرمح تهمس تضل ما تنسمع
ما ضلي خِل من كربلة عافتلي خِل بس الدمع


وين
اروح اليا كتر وين
ما بيه رمح الاحسين
وتطيح ادموعي صوبين…وين

ليش
يجازيني الدهر ليش
موش ابلذة العيش
على اخواني الدمع طيش…ليش



٤
خاتمة الاحزان
رد ضعني عطشان
واينادي يحسين
حان الوعد حان

من منبع آلآم
جابتني الايام
ابلا ورد ليك
فوگ الطشت نام

بتك رقية ابنص غرب ذابل صباها اعلة الطشت
ابساعتها يحسين اشعجب امر الله شاء وما متت
تربة دمع وآه عطش بچفوفي الك غربة التفت


كون
اموت امن اوصلك كون
واريدن تعمة العيون
وتذبل عندي الاجفون…كون

هاي
آخر چلمة الك هاي
اجيت وما جبت ماي
بس دمعي الاجة وياي…هاي


علي الفيصل

١
بسم الله بسم اعلومة
عود الولي وجيدومة
راعب أمرهم يومة… كرم الله

بسمة وبسم قدسيتة
وافعالة واعزوبيتة
يا زلمة يوصل صيتة… كرم الله

الموت من چفك جِفل يا مُذلهم بالجمل سيفك انت اشما حِمل يخسف الگوم

تِنزل ابهيئة علي لا شني انتة علي وبالمراجل مِعتلي وصاگر الحوم

ساطر عربها وذلها ابو محمد
لو طگ عرگ هاشم فلا يرتد
اولهم ابكلهن تلاگي اسمة
تندگ رواسي الدنيا اذا يشتد


٢
يمنة أبوك وسيفة
يالترعد ابعز صيفة
شيخ ايعرف تكليفة… كرم الله

الما ردلة ضيف ابعمرة
ما ردلة زلمة ابسطرة
رَجــع زِلمهم صفرة… كرم الله

يا فحلهن والنعم مارد اگلوب الزلم بالسطر مدري الردم مدري بالدوس

سيفك اشجعهم رغب حتة يثنيه بالطلب تعتني اثگال العرب واكبر الروس

واتمد سفرتك لآخر الصحرة
وتفرش جثثهم يالحسن سفرة
يمشمر الخضرة وتلاگيهم
والشافك ابخوفة انگطع بزرة



٣
بالنهروان اوعرها
جندل مشايخ شرها
غرب المنايا احدرها…كرم الله

الراحالة رد ابدربة
طعنة جملهم صعبة
شفنة الحسن وج گلبة…كرم الله

ابرخصة من حامي الحمة طبها راعي الملحمة ويرتجز يا فاطمة ابعالي الصوت

بالرمح عسكر طعن يا هلا ابچف الحسن گاطع الشر والفتن يشبه الموت

كاسر ظهرها الگوم ابو الحيهم
گلالة حيدر لا تِچل مِنهم
عفية ابني باشط بالحرب دومك
ارويلي سيفك من دمة ارگبهم


٤
لو شد وطيس الحومة
تلگة السقر برسومة
رد العرب مندومة…كرم الله

شاع ابكبر ديوانة
بس اشكبر ميدانة
للطگ هلا البلسانة…كرم الله


شايع ابچفة السخي بلحرب ما يرتخي ما يطگ واحد رخي الا خيال

ثاية عد كل العرب مثل بالغيرة انضرب خلة كارات الرگب علو الاجبال

يا هيبة الله المن ظهر حيدر
باسمك نِدب لَمن قلع خيبر
وجاباه تچيم بيه لليضيفك
وبنارة گهوة الضيفك امخدر


علي الفيصل

ذبلن بساتين الورد…والباب سواهن عرد

غصن الندة ابباب الوحي اوراقة طاحت
اول فدة المحسن وگع والزهرة صاحت
ذبلن بساتين الورد
ذبلن بساتين الورد


١
أول قرابين العشگ…قبل الخيم لاحة الحرگ
وايلوحة من بابي الولد الارماد واتراب

چان الذبح دفعة جذع…والبيها طگ اول ضلع
وصوت الكسر يم عتبتي يوصل للاصلاب

عادوا فِعال أهل اللهب…من جمعوا الطه الحطب
والنار شبت والقصد مو تحرگ الباب

تحرگ گلب طه وعلي…هذا الحقد ما ينجلي

نيتهم ابعد بالبُغض اعيوّنيّ شافت
اول فدة المحسن وگع والزهرة صاحت
ذبلن بساتين الورد
ذبلن بساتين الورد


٢
كسر الضلع هين لچن…من ينمرد چبد الحسن
يتبين الطاغي اشكثر زارع بالاحقاد

روحي اتبدة وما متت…من يخطر ابالي الطشت
ياخذ حسن قبل الرمح يطلبني بمراد

يا لوعتي الما تنوصف…مثل الهوى الصاير وقف
لا يحلة شمّة ابريتي ولا نفسة ينراد

يا يمة جدك من خطب…ما رحمت ابحالي العرب

خلوني اشوفنكم جرح وعيوني شابت
اول فدة المحسن وگع والزهرة صاحت
ذبلن بساتين الورد
ذبلن بساتين الورد


٣
البسمار اشوة امن الرمح…والسطرة اشوة امن الذبح
يوليدي محسن باچر ابني ايصيح عطشان

بعدك جنين وللنعش…ما عايش ابحال العطش
وحسيني محتار ابطفل بالخيمة ذبلان

باچر محرم والطبگ…بيه صدر اخَيّك ينسحگ
بالخيل واتعاين عليه الگوم عريان

من بطني انت وللترب…وحسين راسة اوي الغرب

تروي المصيبة وعالنحر چم مرة ماتت
اول فدة المحسن وگع والزهرة صاحت
ذبلن بساتين الورد
ذبلن بساتين الورد



٤
وانة الورة اباب انكسر…بس بتي تنگاد الظهر
والعين ما غضت بصر ستر السماوات

ايباريني ابوك ابلوعتي…عني يخفف وحشتي
وزينب غريبة وحايرة ابضعن الغريبات

عود آنة اصيحاً يا علي…بس محسن اختك تنولي
من تندب بحيدر تدور چم طفل مات

منوى الحقد لآخر زمن…تلگة التناقض والفتن

جيلاً ورث جيل البغض والفتنة سارت
اول فدة المحسن وگع والزهرة صاحت
ذبلن بساتين الورد
ذبلن بساتين الورد



علي الفيصل

صِليل أجروحك ابكل وكت ضل يديّ
مطر خير وتشوفة ابكل كتر يبدي

لگيتك فَيّ چبير اتلوذ بيه الناس
مو فَيّ الضِليل الشايلة البردي

يسابي اعيونّة إمن العِمة الحد الشوف
غيرك ضوى ابعيني حسين ما عندي

جرحك للدمع ناعور طبعة اوياي
خير إمن الله دمعة ايجيب وأيودي

مالك حَد حِزن انت أبعد امن الشوف
وأنة اگليل نظر يم خيمتك حدي

أتوچة اعلة جرحي ابطيفي واتلگاك
رغم كل هالتعب والگاه حلم وردي

يالمِنك رِجة ابكل عِسر تصبح راي
چبير وساتر اعلة الناس الابگدي

عرفتك گبل أسمي ومكتفي انة ابهاي
عليك أمرافگتني الدمعة الأبخدي

حُسيـــــــنآه

١
شلون حالي
من أشوفن كلها تمشي وآنة حاير

شلون حالي
الشوگ يكتل يمتة الك اتسمة زاير


ابروحي القوافل والصور تنهب شكو بعيني
ضحكة وضوى وليل وعشگ گصرهن اسنيني
ابساحل جمالك سيدي ابكل تعبي رسيني
لذة العشگ گالوا هجر والهاجر يآذيني

روحي ابشحت ضوى
اتريدك . وي كل هوى…روحي

روحي. يا سيدي
اتگلك. خُذ في يدي…روحي



٢
خذني يمك
ياحبيبي گلبي ضايع من چفوفك

خذني يمك
تلگة روحي تحسد الطير اليطوفك


يا ثامن وأول عشگ بأسمك يسُلطاني
عطفك غزة اعيوني وخطف باحلامة وجداني
زوارك اتحضروا الك واحد ورة الثاني
وتنضك علي ديرة هلي شي باقي بمچاني


چا ليش. هذا الندم
ما ازور. حتة القدم…چا ليش

چا ليش. كل مرة اضلّ
مشتاگ. ما بيه عَگلّ…چا ليش



٣
ابروحي صفنة
ابلاية واهس گصرت كل المحاچي

ابروحي صفنة
اتريد خاطر ينجبر ملگة وبواچي


ابداعة علي يا سيدي الوحشة خذت حيلي
لا زايرك حتة استقر لا مستلذ ليلي
اليهظمني اليزور ويجي وعن دربة يحچيلي
يكسرني موقف وانحني وجرحي اليتچيلي


أنخاك. فك حيرتي
امن الناس. لم فشلتي…أنخاك

انخاك. حطلها حل
مولاي. لو انسأل…أنخاك



٤
هية بلوة.
أنوي ازورك والگة كلشي اگبالي يعرض

هية بلوة
التمشي ربعة وهوة يبقة ادموعة تِنفض

أنوي ويعطلني أشكثر عنك يمعشوگي
مرة الاهل مرة الزمن غير الذنب فوگي
تدري ابغرامك مو سهل يبسهن اعروگي
واصل ابحالة امن التعب لو انت لو شوگي

لحسين رحت ابهظم
مولاي ارزقني قُم…لحسين

لحسين. لمن رحت
چاغير. بالهم متت…لحسين



علي الفيصل

١
قُم يا لواء الله أنت المرتجى
ما حان ميعادك يطلاب الدمة

يا مُدرك الثأر اما حان النِداء
اليوم حل وكت الوفة ابدم فاطمة

فيصطلي السيف على كُل زَنيم
امخلي صوت الباب يوصل للسمة


فز يتالي السادة…الثار حل امرادة
ذوالفقار ابچفك…گوم عيد امجادة

السُقف واربابهة…الكفروا بمحرابهة
يمتة گطع ارگابهم…فز يتالي السادة




٢
يا ايُها القائِمُ إسرِجَ رَكبها
فك جنح غيضك وخفگ بميدانها

قد ضاق صبر الناس يبن المرتضى
اشچم دوب نلعن يمتة نلوي اعنانها

اليوم قد حان جزاء الطُلقاء
وبعمر نبدي وابن جدعانها

كون نحرگ ساسها…عائشة وانجاسها
الهدوا اعلة الزهرة…نگطعلها انفاسها

الماهو يعرف والدة…موتة يمك گايدة
الزمرة وية اتباعها…كون نحرگ ساسها



٣
خسأَ صِديقُها وابن صُهاك
لعن الله عُمر عدنا شعار

مع عثُمان دنيئ الساعيات
وحفصة بت الماعرف من ياهو صار

نحنُ نبرئ من وِلاة الادنياء
انوالي حيدر واللعن عدنة افتخار

بس علي وبزريتة…عترة الله وصيتة
نبرة من كل حاقد…حارب اهلة وبيتة

الولاية اشراعنة…وحب علي عنوانة
طاهر اللي ايبايع…بس علي وبزريتة



٤
يبقى ندائي ما حُييت سيدي
عجل ظهورك يا وليها المُنتقم

بُغضَهُم لا زالَ في كُل زمان
وتبدي قصة ثارك ابضلع انهشم

مِن بابِ فاطِم نارُ فينا تَستعرْ
والنار هاية ما يطفيها الا دم


البالعزة يندبونك…كلهم ايتانونك
يا منصور أمت…حيهم ايلاگونك

البيعة الك أدوها…وللنصر زفوها
ميتة تلگة اگلوبهم…البالعزة يندبونك



علي الفيصل

١
من فاطمة ادموعي
والفاطمة ام الحِزن
صبيتهن مثل المِزن
فوگ الليالي

وللدمعة ينبوعي
دار الحزن وامخيمة
أيثارها امضوي السمة
بافضالة عالي

نزلت بيها آية
ابقران السقاية
جود الله الهواشم
وام الگمر ماية

لحسين…أم وذخر
والعين…صاغت گمر
عباس…لاختة كفيل
مرتين…توفي النذر




٢
يا باب المكارم
گلبچ يعين ام الحسن
لمن يطش اعلة الضعن
وين النشامة

يا حرز الهواشم
مثل الفصول الاربعة
ذريتچ ابواب الدعة
ابحب الامامة

مولاتي المُجيرة
خدامة وأميرة
للزهرة بعيونچ
كملتي المسيرة

يشهاب…رحمة علي
محراب…عشگ الولي
شافوچ…للحرة أم
ياباب…جنة هلي




٣
يا باب الحوائج
دمعچ على حسينچ يهل
الگلب الخدم مد الحبل
يروي المدامع

وبحزنچ مناهج
قدوة انتي صرتي للخدم
وكل عاشگ ايحب الخيم
وبجرعة ضايع

يا نبع النواعي
لليبچي والساعي
يكسر صدگ گلبة
ويگول انة داعي


للموت…جرحي النحر
وبصوت…طفة انكسر
يا فيض…نهر العشگ
مبخوت…كلمن عثر


٤
يا ساس الشهامة
خدامة صرتي الحيدرة
ما ترضى تتسمة مرة
خدامة حسين

عنوان الخِدامة
للحرة وعيون الحسن
وآخر سوالفها الضعن
من تهمل العين

بعيونچ مصيبة
ابدارچ بس غريبة
مثل الورد يذبل
خِل فارگ حبيبة

بالنوح…غربة ووطن
مذبوح…من المِحن
ياريت…ياخذني الة
الجروح…شال الضعن


علي الفيصل

آخر ليلة ابعمر العذاب
من باب امي لآخر مصاب
حل وكت ايهلون التراب
واخلص من اجروح العمر

فراش الموت ومامش هلي
ومحد منهم مد چف الي
ونفس الحسرة من اصرخ علي
من تطلع روحي وعالجَمر

مو كافي
نوح وبچي وذكرى والم
ورماد باقي امن الخيم
ماليني حسرات وندم…مو كافي

الياحد ابقى ابجرح حسيني متهنية راح اموت
ومن مديت الهم چفيني ردوا علية صوت

نتلگاچ الليلة…والهم احنة انشيلة
ونخفف العذاب

٢
ضلت حسرة امن الاُمنيات
ايدفنوني يم نهر الفرات
اشرداني ال شام النايبات
الماخذ روحي وكاسر ظَهر

وبريتي امن ايموت الهوى
ايشيلوني اهناك النينوى
وبلحدي ايشع بيه الضوى
يضويلي من صوب الكُمر

بجروحي
چن جدمي يندل بس درب
الشام وحچي الليل الصعب
وامنيتي ذابحها الغُرب…بجروحي

كل ليلة اتمر ترسم دمعة مدري اليا جرح
حيرة واذرفها اليا شمعة واليا منذبح

واتذكر عثراتي…عالهزلة ودمعاتي
وأيام الصِعاب


٣
حية وميتة وگبري ابغرب
بآخر لحظة وبعدة الگلب
يذكر جرحة الفوگ التُرب
وانة ابيومي هَلوه عَلي

اتلث ايام حسيني ابشمس
امشي وروحي ماتت احس
من حاچاني الراس ابهمس
والمدمع بالسكتة ايهلي

بعيونة
چانت خيم حزني وخِدر
اطرافة لاسعهن جَمُر
وامعاين السوگ الظهُر…بعيونة

ابلحضة موتي وما فارگني طيف النايبات
وذكر حسيني ولوعة حِزني لمن شفته ماات

وامخضبين الشيبة…وما ضلت كل هيبة
ما اكبر المُصاب

٤
ايشيعوني اهل الشام القبل
فرحو من شافوني ابحبل
من گاداني الحادي ابهزل
همة الساروا ابجنازتي

الله ولحد مامش اخو
تابوتي ايشيلة ولا ابو
يمسح عينة ابچف الدفو
الله واكبر يا حيرتي

يا روحي
خلص عمرها بالقهر
مو كافي من جرح النهر
لحسين اودعچ والگمر…يا روحي

دمعي وياي الليلة ابلحدي جبتة الفاطمة
يا يمة وبس دمعي العندي اشخلالي الضمة

وكل اهلي مذبوحة…وگلبي خلص نوحة
واتبعثر الكتاب


علي الفيصل

١
يجيني الليل وايچمل غربتي
جزاني الشوگ كاسر في دمعتي
مثل الادموع ما تنضم حسرتي
يشمس الشام لبيلي ابطلبتي

كبرت حسرتي وغربتي وبعيني معدوم الضوى
ضليت اغص ابچلمتي امن اذكر عقيلة نينوى
انذر حياتي ودمعتي بس كون اشم يمچ هوى

رزقيني حسرة امن السبي من غربة الشام
واچوي النِفس مثل العبي وما اريد الايام
تگظي بلياچ

٢
الاجاچ العام شيهودلة گلبة
ندة ومذبوح ردت روحة صعبة
ابضريح حسين عينة اتندي طُلبة
يريد الشام يرسمها اعلة دربة

ليلية يرسم كُبتچ وابكل حلم هَل الدمع
قصة عذابة ازيارتچ لو ما حضرها ينفجع
حبل العمر وي غربتچ خلص مثل خيط الشمع

كل مغرب ايضك النفس وتهيج الجروح
كل ساعة افك صدري واحس ميت بلا روح
ذابحني ملگاچ

٣
يمُر طرواچ وبدمعي انتخيلچ
اعلة باب الشام وگفيني دخيلچ
اريد اهناك اتصور عليلچ
وانوح وياچ ما اريد اشتكيلچ

وانعى اعلة عثرات الهِزل ومعاين السوگ بحقد
وامنيتي الف چفي ابحبل بلكي ابعذابچ ينعكد
عشتي بألم ما ينحمل انطيني منة اشوي جِهد

سيريلي دمعة اعلة الجفن من منبع الآه
وابچي اعلة شباچچ حِزن من لوعة اجفاه
وانحب يشباچ

٤
يريح الهاب ما تاخذني يمها
ابجناح الشوگ دليني بألمها
جفن ما نام يِصَوَر رسمها
ونفس مذبوح كل امنيتة شمها

مختنگة روحي ابديرتي ومحتاجة نسمات العشگ
غربة ونسيت اولايتي وبس اعلة بابچ باقي ادگ
يالحرة كبرت حيرتي ومن الهوى گمت اختنگ

ماضل حچي ايفسر الجرح ويگول الاعتاب
واتمنى لو طر الصُبح وانة على الباب
اتنسم اهواچ


علي الفيصل

إنعِدَم صوت الضوى وعم السكوت
والمنابر شح زفير أوراقها

الضحى اتبدة وعالصدگ زاد الظلام
وعرف موت الكِلمة مِن اعماقها

الثورة ناقة ابزمن طاغوت الزمان
ابوجه بس الليث الابيض ساقها


استشهاد الحوزة الناطقة
١٩٩٩/٢/١٩

وِلِدَ ابن زَمّزَمَ وألصَفى
وألنورِ فيهِ تَوضَفى
فترى ألجمال بثغرهِ يتنعمُ

سُبحانهُ فاق العُلى
يسطع كما سَطِعَ الضُحىٰ
يُفنىٰ الضياء ابوجههِ المُتبسمُ

مِن عَمهِ بَدرُ الدُجى
وَرِثَ ألكياسة والهدى
وألدرُ في شذراتة يتختمُ

أعجُب لِمن قالَ أبن مَن
هو للحُسين أم الحسن
وكِلاهُما في حِسنهِ يتنغمُ

هذا علي ابن الحُسين
ابن علي ذو الخافقين
والحق في اقواله يتجسمُ


علي الفيصل


أسعد الله قلوبكم 🕊