ركضت بروحي ركضه لسنين
من عبرت حد الصواوين
ودعتك بلا روح يحسين
يموادعك بلعين يعمي

اعرفتك بعد مابيك جيه
من شبكتك حيل لرقيه
بنحرك لمع سيف المنيه
شديت للعثرات عزمي

يحسين مذهوله اجيتك
مادري كدامي جزيتك ؟
نخوة يتيمه من نخيتك
حركة خيم محروك دمي

من سمعت دمعاتي لتصيح
هبت حميتك هبت الريح
ولكلب كام يكوم ويطيح
حسيتك انته جريب يمي

ايرديني ما دورك الليل
الكاك لو ما بيه كل حيل
اذكرت وين التمت الخيل
من رفعت طارف اخيمي

ماضاله بس نفس روحي
يمك وصلت وزاد نوحي
وفتحت يمك كل جروحي
ومديت خويه شليل همي

تلوع يخويه الحدر الضلوع
ماشفت طولك من الدموع
لو ما يصوت اليل مسموع
جا كعد السبعين لطمي

سكته كضه حجيي وحنيني
ومن كل كتر عطرك يجيني
جسمك توزع عمت عيني
ومن كل كتر اسمع بأسمي

عن فركتك ماعندي تعويد
عنك مشيت ورافعه الايد
ودعتك من بعيد لبعيد
غير وداعك ذاك رسمي

هيج وفك عيوني بلطيف
ويمك اضل ياخويه بلكيف
ومو دمك الباقي على سيف
يل فيك يذكرني بأمي

_مصطفى سلمان

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

مو خوش تالي .. تالي الخدر موخوش تالي
محد بـقالي .. من لمة هلي محد بقالي
الجان غالي .. ماضل بغلاته الجان غالي
الرايح وجاي .. كام يصيح بسمي لرايح وجاي

ردتك الي تكوم .. طاحت هيبتي ردتك الي تكوم
هداده هلگوم .. اجت برماحهم هداده هلگوم
بخيامك تحوم .. ضلو من طحت بخيامك تحوم
حركتك هواي .. وبحركة كلب حركتك هواي

دلالي عطشان .. لسوالفك دلالي عطشان
يريد خوان .. حجي الشماته يريد خوان
طريت ميدان .. أنه الما راكضه طريت ميدان
تتراجف اعضاي .. من العطش تتراجف اعضاي

راح امشي كوه .. ياحلو الطبع راح امشي كوه
بلوه اعله بلوه .. راح اكضي لدرب بلوه اعله بلوه
جـلمة الخـوه .. نكطعت بـعد جلمة الخـوه
يحجايتك ماي .. تنزل على الكلب يحجايتك ماي

من بعيد لوداع .. كلش مو حلو من بعيد لوداع
ما شلت لذراع .. عنك من رحت ما شلت لذراع
حاضنتك الكاع .. ابد ما هدتك حاضنتك الكاع
ليوين منواي .. ضعت وماعرف ليوين منواي

ياكون زعلان .. جا نرجع سوه ياكون زعلان
بينه الزمن خان .. ما خله الشمل بينه الزمن خان
بعيوني نشيان .. يا دمك بقه بعيوني نشيان
حتاجيتك بهاي .. بصعدة ناكتي حتاجيتك بهاي

هم بيه رده .. الطريج المو عدل هم بيه رده
ياهو اليسده .. مجانك بلضعن ياهو اليسده
فركاك شده .. ما ينحل ابد فركاك شده
ياخويه مكفاي .. ميعدله الدمع ياخويه مكفاي

يا راحة البال .. نومك مو هني يا راحة البال
ياشيخنه الضال .. بلايه اعمامته ياشيخنه الضال
ماخلت اي الحال .. غربتك بلفله ما خلت اي حال
ولبينه حداي .. كره عنده لبونه البينه حداي


_مصطفى سلمان

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

تهجيتك حنان وحب معاناة
ودخلت بعالمك مجتوف اليدين
نكت ماضيي حبك يابو الاحساس
وصرت اعرف مجاني رايح لوين
حلمي الما تحقق انته مولاي
وصولك عندي اهم من العنوانين
انتقلت لعالمك ونسيتها الروح
وما اوكع بنفس البير مرتين
ابحر لو يمر طاريك واشتاك
وانسى اني كعدتي وي المحبين
ماجني ابحرلتلك لحضه مولاي
باحر جني بعيونك من سنين
غنيت ومابقيت الماله عنوان
نكتبلي بخدمتك مو عمر عمرين
عمر واني عدل واخدم الخدام
وعمر واني بأمانك ياضوه العين
وخطواتي صفت مابين الخيام
ويفتر كلبي طير اعله الصواوين
صاحب مبداء وعنه ولا اميل
الجوارح بيك مشغوفه يلحنين
مال انساك ابد ماتنحجي دوم
بس لوياك اضل يشرحها الونين
بحروة جروحي التنزف انعاك
حار وابجي الك ما كول بعدين
السواد عليك اغيره بحاله مولاي
إذا مايبقى دم اعله الشرايين
حبك سرمدي وما يرتوي بماي
ذبولي كبال عينك يسوه شطين
لازم اتعب وانكسر وانهار
وزحمه اني انكتب وي المعزين
ماريدن حبيب يسجل اسمي
بتعزيتك فشل من ام البنين
مو مستأجر اني صاحب مصاب
ثكله وي غربتك مالي وجهين
بي غربه ومحنه وشوك ولحيل
كاضي من سمعتك رايد معين
مو موسم انكابي لافه عليك
الى ما تنذكر مسلوب يحسين

_مصطفى سلمان
اللهم عجل لوليك الفرج

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

1//
يا نبع ذابل خادمك يتنخاك
انته الرحيم الما ترد الاذاك
شلون واني خادمك يبن حسين
ترد جفي خالي مستحيل وحاشاك

يا ضامن .. جرح الكلب
يشكيلك .. بعدك صعب
ياخذني  .. يمتى الدرب وتلاكه وياك

للصبر ما ضلت  روح
والعمر خلصته جروح
وجداني بسمك مذبوح وبلهفه انعاك

****
2//
السنين مرت واني لسه متانيك
ويتذره حيلي لو يمر بي طاريك
متانيها منك شوفتك يا سلطان
لشوكت كلبي من بعيد يحاجيك

هم اوكف .. ابابك واشم
حنيتك ..  اه يل الشهم
ويتحقق .. هذا الحلم وتكلي تعال

بشاره منك من سنين
منتظرها بفتشة  عين
زيارتك يا ابن حسين  واكبل اعليك

****
3//
مشهد القصه الماخذه مني الراي
الخلتتي افكر بيها واتناسه الماي
هم هيج ووكف يمك ورافع ايد
ولدمعه تنزل غير يمك مولاي

بعيوني .. يصير الصحن
يلجرحك.. مامنه احن
راح أبقى .. طول الزمن رافع يمناي

حبلي بلحب حيل طويل
شما امسحه دمعي يسيل
بيه حسره انعد ادخيل بصحنك مولاي

****
4//
زوراك يردون واني اشبع موت
اتمنى ما يحجون ما عدهم صوت
ما اريد اسمع رأفتك من الناس
لو عيشها  لو خل يضمني التابوت

يرضاها.. كلبك صدك ؟
كدامك .. هيج احترك
بفراكك.. يابو العشك يابو المنه

حاشه ترضه هيج يصير
بيه وانته عين تدير
عني واني كبالك طير مكسور جناح

****
5//
يامن خلق بحساسي شوكه العامر
وكل ليله بصورك بدمعي مسافر
شديت عزمي  وبقت يمك مولاي
جم باجر المر واني أكولن باجر

تكسرني.. مو عل الذهن
غير الحب .. لا ما اضن
توهبني .. واني الاون  حزن العاشر

كلشي نخيته البي منك
طاري موقف من حزنك
بلكي بي شاره ويمك تخلص الايام


_مصطفى سلمان

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#ميمر

يالتستمع ، باب وضلع
بهذا الفعل خل ننفجع
ونسولف أعله أنذل ناس
الأمروا بموت الزهره

_١_

ألگاضي حياته وي الله ميرافگ بر
مو عالمره الزلمه اليواجه حيدر
جاي أعله باب الله الشرد من خيبر

جاي بحقد ، رايد يهد
منجل يدگ باب الورد
هو الهجم من ياناس
خله بعلي چم كسره

_٢_

من السقيفه هالمخطط منقوش
أعله أجسادهُم عار الحقد هم مفروش
الحارب الزهره نسله تلگا مغشوش

حچاية صدگ ، لهل العشگ
اليرضى عليهم ينسحگ
باچر المهدي بكل زود
بيهم يخلي السطره

_٣_

الدافع الباب برجله باچر ينجاب
والمايعرفه ثاني واحد چذاب
الماله ستر يتجاسر ويدفع باب

الماله ستر ، گاضي العمر
أبن الخنه العمره خمر
يدفع أباب الزهراء
من كون لوعه بعمره

_٤_

ياعاقل أحكملي وتعال أسمع هاي
هم سامع أنت بنار توصل للماي
الماله أهل گاضي العُمر بس وداي

ماي الأصل ، من ينفصل
بنار الحقد مايتصل
خليلي عقلك وياي
وركزلي بس عالفكره

_٥_

العنده أعتراض [ الزهره ] نور بنص ليل
بينه لسان الحق على الباطل حيل
كعبه الزچيه وهو باأصحاب الفيل

الزهره أنولت ، ومنها أعتلت
كلمة وأن من أسمَعَت
كل السمه تبچي ادموم
والراضي كون بگبره

_٦_

هاي الطلابه الأبد لا ماتنفض
ينصلب باچر عالجذع من ينكض
هي التكتلك زلمه بس مابي حض

زلمه الأسم ، بس مو شهم
ماعنده موقف للزلم
يتمرجل أعله الزهراء
ويتهجم أعله العتره

_٧_
گاضيها يم باب الخنه بس گاعد
كلمة [ وأن ] تطلع فقط من فاسد
واحد لَچنه والده مو واحد

ها يالخدم ، رفعو العلم
كلشي بتفاصيله أنفهم
هذا عدو الكرار
وواجب علينه نهجره

__
#من_فيض_مولاتي_الزهراء_عليها_السلام
#عبد_الرحمن_حميد_الفضلي


الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

قصـة مـئآسـي هــ البـدت
أمـي الحبـيـبه مـن نـوتَ .. تـروح

أول مــــصيـبه مـن زغـر
ضلعـچ اشوفـه ينـــكـسر .. ونـوح

غريبة من وكت .. نويتي عـ الهجر
هضيمه و الحزن .. عرفني من زغر
هضم بواجي الـم .. بقـايـةْ العـمـر

مهضومه إو لو يلفي الليل
ياخذ حيل ... مني و دمع

لليل اشكي بكلبي اهموم
و انسه النوم .. وشعل شمع

يا فاطمة يإم الحسن

(ه..☆☆☆☆☆☆☆☆☆☆☆ه..)

حسين ابضعنـه من نوى
مـن الـــمـديـنـه النينوى .. مشيت

عـرفـتـــه نـاوي للـهـجر
شغـلـني بـالـــي عـ الستر .. بچـيت

كلتله لو متت .. منو اليضلّ الي
خيامي تحترك .. وحيده و انولي
تراها مو سهل .. غريبة بت علي

يا يمّه يراودني احساس
جف عباس ... يم النهر

صدر حسين اترضه الخيل
داسن حيل ... لجمن نحر

يا فاطمة يإم الحسن

(ه..☆☆☆☆☆☆☆☆☆☆☆ه..)

وصـلـنا للـطـف بـ الألـم
أخـونـا شيـال الـعـلـم .. كـفـيـل

بـدت حـــربـنـه بـ الضـمأ
ضجه وعطاشه امخيمه .. و عـليـل

مصيبه شابهت .. مصيـبة الضـلع
وداع ابو الفضل .. و اخيأ بـ الدمع
يـكـله لـو رحـت .. تشـتت الجـمع

من اطيح الرايه ام عون
بيها اشلون ..هاا يلـرحت

غفلّه ونسمع صوت الناس
يا عباس .. صاحو طحت

يا فاطمة يإم الحسن

(ه..☆☆☆☆☆☆☆☆☆☆☆ه..)

رجعلي مكسور الضهـر
عـايف حـبيبــه عـ النهر .. حسين

سألته طاحت دمْعتـهْ
بواجي كابل خيمتـه .. حسين

تـخوصـر و بـجـه .. يكلي ويـن اكـو
مثل أبو الفـضل .. و لا يصـح أخـو
يكسـرت الضـهـر .. تشـمت الـعـدو

و تـوادع ويـانـه حـسـين
دمـع العـين .. عـ الخد يـهل

شال اوليده ايشربـه الـماي
اشذنبه ابهاي .. نحـر الطـفل

يا فاطمة يإم الحسن

(ه..☆☆☆☆☆☆☆☆☆☆☆ه..)

شفـت حـبيـبي مصـرعـه
جسمه السيوف اتـكطـعه .. و نـبـال

قـصـه بـنـهايـه مـؤلـمـه
راحـن بـنـاتـج فـاطـمـه .. بـحـبـال

ضـعن بعـد هـلـه ... يكَـوده لإجنـبي
أميـره و بـحـبل ... خـذونـا للـسـبي
شمس و لاكـو فـيْ ... خفت عله العـبي

زينـب وينـي أو ويـن الشـام
حتـه انْـام ... سـد الـهـزل

اول تـالي انـطب للـسـوك
هـزلـه النـوك ... كـلنا بـحـبل

يا فاطمة يإم الحسن

(ه..☆☆☆☆☆☆☆☆☆☆☆ه..)

قـصة مئآسي || الخادم هـادي شبـيـب الخيگانـي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#فــزاعيـات + ربـاط
.....

عــــــلي الكل المراجل صار سـيره
علي ابروس الزلم ذباب خيـــــــره
يرد حته الشمس لو رايده اتغــيب
علي وبس الله يعرف جان تفسيره

العركة اطبها و تخلص     ياهو اليمك يرفع سيف

(ه..☆☆☆☆☆☆☆☆☆☆☆ه..)

يلمرجفْ القادة و اشجع الناس
لهذا السبب الله انطاك عبـــاس
و الطف لون جنتو اثنينكم بي
ياهو ايعرف منكم ياهو عباس ....

الطف ابكبره ايدخن   طبوا حيدر و العباس

(ه..☆☆☆☆☆☆☆☆☆☆☆ه..)

علي بعلمك وسيفك قائم الديــن
علي التشهدله خيبر جمل صفين
علي بسبع المثاني و نقطة البـاء
علِيُ الأدنى من القاب قوســـين  ....

القائد گـل للقائد      نشرد طبها بذو الفقار

(ه..☆☆☆☆☆☆☆☆☆☆☆ه..)

فرق بين الدفع و القـالـــع الباب
الله امخلي رجعه الكل الاسباب
ترا لــ بالدار فاطم من و أن  قال
طاح المحسن و ما طاح لحجاب ....

المحسن فدوا وطايح    لا ستر الله ايلوح الكاع

(ه..☆☆☆☆☆☆☆☆☆☆☆ه..)

رسول الله بريئ امنيله اصحاب
تكسر ضلع بنته وتحرك البـــــاب
نعرف اهل الجريمة فلان وفلان
هضيمة الماله جلمة يصير خطاب  ....

الماله احجايه ابكلهن    راد القاده اعله الاسلام

(ه..☆☆☆☆☆☆☆☆☆☆☆ه..)

الخادم || هـادي شبـيب الخيـگانـي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

بغربه وحيره ضليت
راحــت شمعة البيت
ابچي وحدي المغربيه
امـــي راحت من اديه

(ه..☆☆☆☆☆☆☆☆☆☆☆ه..)

من عادت الفاگد محب
للبــــيت اذا رايد يطب
يخفي حزنه ويلگه بالبيت اليسعده

بس انه صارت بالعكس
من افتح الباب و احس
أمي الورا الباب و أرد للباب اسده

خافـن ضلع سالم بقى ومـاريد اكـسرنه
يمه انتي ماهي وحسبت عبالي بعدج عدنه

للبيت اطبن و افكد اعيونج
شيردها يمّه جلمة اشلونج

نامت و نـــوم الهنيه
امي راحت من اديه

(ه..☆☆☆☆☆☆☆☆☆☆☆ه..)

يا گلّبي شنهي الحصلت
شو تكسر الخاطر صرت
راحت عزيزتنا و بعد ما منها جيه

ماضلي واهس بالعمر
و زغير مو مالت هجر
عفتيني و اسنون الندم تاكل بديه

حسباتي من ثكلن علي ما وجدت روحي
يا يمّه وجفوفج دوا وهيه التطيب جروحي

هاا يلـ حـنينه و شوفتـچ راحه
حسين صعبة ايكضهن اصفاحه

يا حزن شمخلي بيه
امي راحت من اديه

(ه..☆☆☆☆☆☆☆☆☆☆☆ه..)

كـــون اليـفارگ مـا يـحن
او لا يبقى عايش بالحزن
إو لا من يجي المغرب يحن الهم گلّبنه

يا گلّبي و اعزازك مشوا
من عافيتنا اشكد خذوا
لـيش يا مــوت الخـذتهم مـا خـذتنــه

يلتمن المغرب سوا و بدموعي ساجيهن
يمه الحمد ل، الله التعب لعيوني ما عاميهن

خليني اشوفچ روحي مخنوگه
و بروحي روحي مدري مبيوگه

دارچ اخلافـچ خليه
امي راحت من اديه

(ه..☆☆☆☆☆☆☆☆☆☆☆ه..)

يا موت لو ماخذني الي
و الــزهره خليها الـ علي
ليش تاخذ شمعة البيت الحنينه

لــو ما كسر گلّـبك علي
زينبنا ميته امن البچي
و الله لو عندك كلب ترحم بچينه

يا موت وعيون الحسن ما نامن الهن ساعه
تستنگي وين الـ بي وفه المو هين اوداعه

واليفارگ غالي يبچي ابسكته
مو انوب حسين و امه الميته

اوياچ اموتن لو بديه
امـي راحت من اديه

(ه..☆☆☆☆☆☆☆☆☆☆☆ه..)

تبـت يــدك يا ابا لــهب
ربعك لهسه اتلم حطب
حرگوا الباب اكسرو ضلع ام ابيها

عـ الدنيا كلهم طاردو
بس بالنهاية اشحصلّو
دنيا تگضي و باجر الموت اليجيها

أحنه السراط او ماعبر للجنة منكم واحد
الماعنده حب الفاطمة خله ابجهنم كاعد

واليحب الزهرة باچـر يمنه
بـ آخرته وبدنياه خل يتهنه

والشفاعة امن الزجيه
امــي راحت من اديه

(ه..☆☆☆☆☆☆☆☆☆☆☆ه..)

شمعة البيت || هـادي شبـيب الخيگانـي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

أرثيتُـها فـي بيت حُـزنً مـؤلماً
عُشقً وجدت العُشق فيهِ قـائلا
مالي وقفتُ على القبورِ مسلماً
دمع الفراقِ على الخدودِ هاملا

الـفرح خـليته للـمرتـاح و انـه المنكسر گـلّـبّـه
امس وياها عشت بخير هسه بوحشةْ الـغربّـه
علـي ما چنْ علي يا حيف تايـه ماعرف دربّـه

گـلّـبّي بـي جــرح … من شماتـه
عـايـــش ابـ ألـــم … ذكـــريـاتـه
و آنــه مـن فـگـد … حبّ حياتـه

«« يـا زهـــــراء كـلـميـنـي »»

(ه..☆☆☆☆☆☆☆☆☆☆☆ه..)

كـذابٌ مـنْ قـيْلٰ رءآنـي ضاحكًٌ
أو يضحـكُ قـلبًُ لـفقـدِ فـاطمـه
و أنـا اللـذي دربّ الـقبورِ سالـكًُ
عـودي فـ و اللهِ الليالـي مضّلمـه

آنـه الـمبتلـي ابـدنـياه و آنـه الـروحـه مكسـوره
الميت ميـت و مرتاح بس مـن ضيمـنـه انـزوره
گومي امفطره الحيطان بيتـچ ماكـو بي صـوره

احسيـنـچ الـبچـي … غيْـر حلاتـه
ايشوفـچ ابـ حلـم … كـل امنيـاتـه
الـمثـلي بـ الـهـجـر … مــو جـزاتـه

«« يـا زهـــــراء كـلـميـنـي »»

(ه..☆☆☆☆☆☆☆☆☆☆☆ه..)

عـليً ذا و لا أخشى سوى الهـجـرِ
حـربًُ و مـا للـــحـربِ درعً لابـسُ
لا شـك أن الــصـبر كــانٰ مُـــنـقـذِ
بـ الأمـسُ كـانٰ البيتُ فيها مؤنسُ

ومشت ما گالت الـ ياضيم علي الـ ياحيره خليته
أخـافـــن حـزني لا يـاذيـچ  حـزن الـبيـه ضـميتـه
اول تـالـــي هيچـي ايـصير  حيــدر تــايـه ابيـتـه

حملـي لـو ثـگـلّ … من يشيلـه
جروحي و النزف … مـو قليلـه
بـغـربـةْ الـحـسـن … و العـقيلـه

«« يـا زهـــــراء كـلـميـنـي »»

(ه..☆☆☆☆☆☆☆☆☆☆☆ه..)

مـا كـان ودي الـعيشُ لٰـكن مُرغمًُ
أُبكي لهجركِ بين الحينَ و الحينِ
مـالـي و ما للـعيشِ مـاتت فـاطُمً
إلا مــوتًُ يُـريحُ الـقلبُ يُــؤتـيني

اشحلات الموت للمخنوگ كـون الدنيـه ما تسوه
عـايــش ما أضـمّ اعـليـچ  لـٰكن عـيشت الــگـوه
الـمـغرب راحــه للـمـتـعوب  و انـه الطـايح ابلوه

تــكـسر الـگـلّـبّ … مـغربيـتـي
بيتـي مـوحشـه … لإمّ بـيـتـي
بـيــه اثــر بـقـى … بـعافـيتـي

«« يـا زهـــــراء كـلـميـنـي »»

(ه..☆☆☆☆☆☆☆☆☆☆☆ه..)

قالَ الحَبيبُ وَكَيفَ لِي بِجَوابِكُم
وَأَنـا رَهـيــــــنُ جَـنـادِلٍ وَتُــرابِ
فَـعَلَيـكُمُ مِـنّـي السَــلامَ تَقَطَّعَت
مِـنّـــي وَمِـنـــكُـم خِلَّـةَ الأَحـبابِ

مـو مالت چـــفنْ و تـراب  هـاا يالعازتـچ عازه
المـن عـايش ابـدنـيـاه  المـاتـوا كـلـهـم اعزازه
أنـه الـرد الشمس يا حيف  للبيت ارجع اجنازه

زهـــرةْ الــعـمـر … و الحـنيـنـه
عـازه بينـه الـچ … مـا تـجـينـه
ضلّمّه كلشي ظلّ … بالـمديـنـه

«« يـا زهـــــراء كـلـميـنـي »»

(ه..☆☆☆☆☆☆☆☆☆☆☆ه..)

مالي وقفتُ || هـادي شبـيب الخيـگـانـي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

صيحة العطش
وشحة النعش
وليلة احدعش.. مصايب عجيبه

غربة الزغار
ودنيه كلها نار
وماكو الها دار... فواطم غريبه

وتطلع علويه بحيره مدري الوين
ادور تتعب وادور وين حسين
دخان وهيمه وضلمه شلون اتشوف
وضاع الشوف اوي اخوتها وعميه العين

طلعت يخوها الخفيتوا بأثرها
وتعوف الخيام عگب في خدرها
الماشافت اجناب تگرب يسرها
___

جانت التريد
عنها مو بعيد
بس درب يريد.. قوى وحيل

تگطع الدرب
عالحرم صعب
ونضرت الغرب.. وركض خيل

تركض لو عالتل تصعد حيره ام عون
تركض هيمه ولو تصعد ناس اعيون
صاحت ياخويه ادركني ومات الصوت
ولو ترجع نار بخيمه هاي شلون

احتارت نضرها عليمن تديره
وياهو التندهه وضحايا العشيره
الما الها فزاع تَصبح اسيره
____

خويه ياحُسين
وجهي بله وين
امشي يالحنين.. تحاجي اخوه

شافت الرمح
وبتده الجرح
وتدري الصبح.. تماشي عدوها

طول ياليل اتكله وارحم حال
الماعدهن ضلت خيمه وفوك ارمال
الصبح الميتين اخوتها من تنشاف
تمشي بناگه ومن تمشي بجفها احبال

ستر بضلامك وخيمنه عبينه
وخل نمشي ياليل نروح الولينه
بيه ضايع الشوف ونضيع ابمشينه
____

باچر الضياع
ونضرة الوداع
للدرب متاع.. ابمشي النوك

يعوفن الدخيل
وماكو بس عليل
والدرب طويل.. ابتده ابسوك

باجر لا خدر ورايه لا عباس
بدرب ايتيه الجماله وغربه الناس
يدعن الله بجف كافل يحدي النوك
حسين يندهن والرمح يهزه الراس

ضاعن بنات الرساله وسبوهن
من في خدرهن يماشن عدوهن
وليه الفواطم يهاشم ولوهن
__

لا رايه ولا عباس راعي الخدر وطلابه
وينوحن من عل النوك آه يحسين ومصابه
عافن واليهن هيج طايح والدم خضابه
ومسلب والحدايه همه الجانو سلابه
ويعلى النوح ويتعتمد حاديهن كلما سكتن
يرفع رمح الواليهن كلساع ويمهن جابه
ماتن حسره بلهفتهن امن يشوفن راس الغالي
عرفن ضاعن ويندهن راسه ابابه ويا بابه
_

حسين سعد البهادلي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

يا اسد الله. علي ابن الحسين
_______
زلزال الحرب نزل الاكبر مبتسم
وكبال النهر وكف ويرف ب العلم
وبچف البطل فطر هامات الزلم
علي يا علي

شبل الكرار/ علي يا وجه الرسول انت المختار
شبل الكرار/علي بس يلوك الك سيف الفقار

انت الصراط المستقيم

علي علي علي يا وارد العطا
علي علي علي يا ناشغ البكا
علي علي علي يا نور العالمين
علي علي علي يا رب كربلاء

يا اسد الله. علي ابن الحسين
_______
يم حاجب علي انكسر يهلال الكمر
مثلك ما وجد بعد وحتار الدهر
لاچن من طحت صحت هذه امر القدر
علي يا علي

ايات الله/علي الله لعينه سوه ال بسم لله
ايات الله/باچر شلون ويطب عباس ويا

انت امام المتقين

علي علي علي يا رافع العلم
علي علي علي يا هادم الصنم
علي علي علي يا فارس الوغى
علي علي علي يا حامي الخيم

يا اسد الله. علي ابن الحسين
_______
بچفوفه انكشف نذر چلمه حيدرا
من خله الزلم بلا روس امشمره
ولعينك بعد شهد ماي الكنطره
علي يا علي

مثل العباس /علي من ينزل زلم تبقه بلا راس
مثل العباس / واحد وسبعين الف ممنوع انفاس

انت ملاذ الحائرين

علي علي علي يا رايه الطفوف
علي علي علي يا كاسر السيوف
علي علي علي يا نور في السماء
علي علي علي يا قاتل الالوف

يا اسد الله. علي ابن الحسين
_______
بعيون الدهر نضر شاف العايله
مو مالت سبي الكبل هيه مدللهـ
من هاج الزعل نزل شايل كربله
علي يا علي

ممنوع الماي/انا نازل و الكمر نازل وياي
ممنوع الماي / كون زلمه اعله النهر يحجيلي بهاي

انت دليل العارفين

علي علي علي يا يوسف الرسول
علي علي علي يا ايه البتول
علي علي علي يا زلمه فاطمه
علي علي علي يا مدرك العقول

يا اسد الله. علي ابن الحسين
_______

علي محمد العبادي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

امي وين. امي وين
_____
بعدنه ازغار كلش ي ام الحسين/وشيحمل غيابج
رحتي وضل اثر ويانه بلبيت /كل ما اشوفه بابچ
كل ما نسمع بچف يطبك الباب/نذكر مصابچ

من رحتي يا يمه التعب بين علينه
دنيه وضواها بلايه ام يشبه عبينه

رحتي يمه ورايح وياج الحنان/والامان/يمه راح
وين اروح اخلاف عينچ يا مكان/والامان/يمه راح

امي وين. امي وين
_____
كعدنه اعله الدمع من ليل لليل/ما بطل بچينه
يربي الرجعت يوسف على الدار /رد فاطم علينه
عكب زادج هذاك الشبع ايتام /يا زاد اليجينه

حيدر ولا مره انكسر من چف عدونه
بس بابچ مخلي الكسر بضلوع ابونه

يمه عكبج ما بقه لحيدر حبيب/ضل غريب/الوداع
جرحه ينزف ما نفع چف الطبيب/ضل غريب/الوداع

امي وين. امي وين
_____
بعد ذاك الحنان التارس البيت/وين الكه حنانچ
دوه غيابچ صعب حته ام الابنين /ما سدت مكانچ
ي يمه وداعتچ ما غمضت عين / واتصور خيالچ

الما شابع من امه وغفل تمشي امه منه
كل عمره ما يعرف بعد طاري المحنه

الفاكد امه بيا وجه يبدي الصباح/ومنه راح/الحنين
بين الكبور بدمع كل عمره طاح/ومنه راح /الحنين

امي وين. امي وين
_____
بعد ما عدنه واهس نجبل الدار/مكسوره الخواطر
يموت الماتت امه ولا يضل دوم/دربه اعله المكابر
بعد كسر الضلع هم كسره ضلوع/حسين من الحوافر

معقوله ما منچ خبر ومغمضه العين
تستاهل الدمعه ولطم هاي ام الحسين

خيمه چنتي وهسه ع الخيمه السلام/بلا خيام/ضالين
غصن ماكو وتاهت عيون الحمام/بلا خيام/ضالين

امي وين. امي وين
_____

علي محمد العبادي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

علي بويه علي
علي بويه علي
،،،،،،،،،،،،،،،،،،،،،،،،،
تعبتني وموتتني وشيبـــت گلبي ومشيـــت
بيه محد سوه مثلك عمري ماباچي وبچيت
موگلتلي وياك اضلن يبني تذكر لـــــو نسيت
مالي غيرك انته كلشي وكلشي راح وأيسيت
العندي والماعنـدي انتــــه
گلي بويه وكافي سكتــــه
من الخيم يوليدي اجيتك
ماكو واحـــــــــد مانشدته
ابني وين ابني وين
،،،،،،،،،،،،،،،،،،،،،،،،،،،،،،،،،،،،،،،،
وين ادورك والحوافر كلشي ماخلتلي بيـــك
يبني صعبه كلها غربــــه حاير انشدمن عليك
گلي بويه وخل اسمعك حتئ اندلك وجيـــك
انته وينك خل شوفك يبنـــــي اشرلي بأديك
هـنا يتعبي هنا يالأكبـــــــر
يالأعز من روحي واكثـــــر
تدري لو ماتـــــدري بيــــــه
جيتك اركض يبني واعثـــر
ابني وين ابني وين
،،،،،،،،،،،،،،،،،،،،،،،،،،،،،،،،،،،،،،،،،،،
ياحلالي الوالله غالي يأيس اليفگــــــد حلالـــــه
بس خياله عليــــه كافي مبارك اگعـــد وي خياله
اطوني ابني واخــــذو كلشي هاكم حسين ابداله
اطوني الاكبر هسه اريده عيوني مشتاگه الجماله
ابني هــــــــــذا الماكــو منــه
شبيكــــم توخروني عنــــــــه
والله ماعنــــــــــدي انه غيره
مـــــــــن يوني يغثني ونـــــه
ابني وين ابني وين
،،،،،،،،،،،،،،،،،،،،،،،،،،،،،،،،،،،،،،،،،،،،،،
والله حيره حتار گلبي وحيـــــرت حسين شيحلها
كلها صارت بويه ضـــــدي وربعي راحت عني كلها
حتئ زينب راح تمشي عــــن اهلها واحنــــه اهلها
والتهضمك كلها غربـــــه غربه مــــــو مثل الكفلها
هاي هيــــه وهــــــذا حـدها
الدنيا ســـــوت كلشي عدها
اصعب من الفرگـــــــه ماكو
وفارگـــــــت ويـــن الأودها
ابني رين ابني وين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

ياابالفضل. ياابالفضل.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بحمبتك ياابالفضــل هايــم لگـوني
من ذاتي احبـك سيدي ماحشموني
ربعي المجالسكم تجي لو ضيعوني
اهلـي بكثـركـم لـلأسـف مادللونـي
انه ماحب غيرك يالحبـك عايش بوجداني
عندي وماعندي بس انته ماكو واحد ثاني
حبــك مكفيني منسيني كـل عشـگ اذاني
عزائك رحمــه ودمعتك نعمه
من اموت بحبك اموتــن زلمـــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بـس العزائـــك سيــدي عمـري نذرتــه
كلشي اليوازي محبتك من گلبي شلته
شنهي الخسرتــه بدنيتي منـك ربحتـه
انته اليخدمك سيدي صـرت بخدمتــه
انته اول واحـد متواضع حتئ وي خدامـه
انتـه تشبه حيـدر مــن يطي مايـذب الثامه
انته وي حسينك من زغرك ماصرت جدامه
علي هنيالــــه گمـر ربالــــــه
گبـــل لاتنخاه تشـوف افعاله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حبــــــك ترئ ياابالفضــل مابي خساره
واليگضي عمره بخدمتــك اكبــر تجاره
والگلبــه حارگتــه الخيــم ماتطفي ناره
يبچــي المصــابــك سيدي ليــله ونهاره
يأگمـــــــر يالعـالي خلينـــي عبد جوه الخادم
انه لــو مــو انتــه ماسـوه كلشـي عــد الوادم
دوم كــون ابچيــلك وخـدملك وبعزائك قائم
يراحت روحي وسمار جروحي
ابـــــــد مابطل عزائـي ونوحي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يلمجلسك مثـل الهـوه يمشي وي انفاسي
حتئ الهوه هـــذا اليجي بي عطر عباسي
يالتختلف عـــــن البشـر دوم رافــع راسي
چي محد يشبهك ابد هل عشت بحساسي
انتــه تمشي بدمي وبروحـي بيـــك الف هنيالي
غالي بس ماوصفــك لــو گتلك ياگمـــر يالغـالي
انته اول عندي بيــك بــدي وانته عنـدي التالي
الـك دنـنــــي وعبد خليني
اعله عتبت بابك يضهر حسيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

خويه خويه
خويه خويه
،،،،،،،،،،،،،،،،،،،،،،،،،،،،،،،،،،،،،،
يحسين الحگ
تعبانات وماكــــــــو خيام
يحسين الحگ
شنهي الراي شلون انــــام
يحسين الحگ
شوف شسوه بحالي الشام
يحسين الحگ
الف انعــم الله اعله العبي
والف انعم الله اعله النوگ
الهن مواقف بالسبـــــــــي
وسترن علينه من السوگ
،،،،،،،،،،،،،،،،،،،،،،،،،،،،،،،،،،،،،،،
يبن امي اگعد
شـــوف شسوو بالنسوان
يبن امي اگعد
گبال الغــــربه وبالديوان
يبن امي اگعد
مساوم ســــوها العدوان
يبن امي اگعد
ياهـــو اليگوم يگول الي
مساوم يخويــــه مساوم
ماچـني زينـــب بت علي
علينه الزلم تتخاصــــــم
،،،،،،،،،،،،،،،،،،،،،،،،،،،،،،،،،،،،،،،،،،،
يالغالي اسمع
شـــــوف الوادم شيگولون
يالغالي اسمع
خـــل نضحك يـم اليبچون
يالغالي اسمع
من نبچي اعلينه يضحكون
يالغالي اسمع
يالعفتو زينـــــــب للغرب
ومحد نشد عــــــن زينب
شنهذا شلعان الگلــــــــب
شمسويه حتـــــئ اتعذب
،،،،،،،،،،،،،،،،،،،،،،،،،،،،،،،،،،،،،،،،،،،
ملت روحي
وشيب گلبي وراح الحيــــل
ملت روحي
مــــن الطف وطاري الخيــل
ملت روحي
من غبشه ابچي لحـــــد اليل
ملت روحي
يبن امــي شيخلص السبي
رافگنـــي لاخــــــــر عمري
لاني الشبعت مــن اخوتي
لاني الحضيـــــت بخدري
،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

اخ ياخويه
اخ ياخويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لاتنشدني خويه شبيـــچ مابيــــچ
ميتـــه ام عون والعباس ميتــــــه
من كثر التعـــب يحسين والخوف
مو بس شفته خويه الموت ضگته
يالنايــــــــم عوافي مهنـــه بالنوم
نام الضيم كله عليـــــــه عفتــــــه
نايم ياچبيــــــــر الطايفه شلون
نايم والشماته مگابله ام عـــون
نايم مادريـــــــت شصار ماصار
يحدون بضعنكم غربه يحدون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حلوه الدنيا چانـــــــت زاهيه وياي
شيرجعه خويـــه ايامنــــــه الحلوه
چان الحيل كـــــــل الحيل بم عون
هسه ام عون تمشي من التعب گوه
چنـــــــــت مدلله ومرتاحــــه وياك
خوه وماتصح مــــــــــن عدها خوه
متعيــــــــن الدلال وياي مادام
خله اخت الحسين مچتفه تنام
عود انه الچبيره واخــت الكبار
لاضلي ستـــــــر لاضلت اخيام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماتعبني غيــــــــــرك والله يحسين
شويه شويه گمـــــــت بروحي تاگل
اثگل مــن فرگتــــــك ماشفت دوم
مايل ضهري مـــــــــــن فرگاك مايل
مالحگت شبــــــــگ شابــــگ الخيل
دمــــك والحـــــــــــم عالگاع سايل
اگعد خل اشبگك شبگت وداع
اگعـــــــد لاطول اگعــــد بساع
ترضاها الشماته تگول يحسين
عايفها اخوها وشابــــگ الگاع
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شحچيلك بعـــــــــد عالنوگ عالشام
هواي البيــــــــــــــه صارن يوجعنك
عنك مــــــــن رحــت لوتدري شصار
چا چلبت بيــــــــه ومارحــــت عنك
منك ماشبــــــــــع ذباحــــك حسين
دار عليه چيفن اختـــــــك ومنــــك
هاي المامحسبــه حسابها حسين
منين ابديها خويه وتگضي منين
نگول الصــوچ بيك شبيهم وياي
عنهم وين اروحن شو حرت وين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

اه ياغربتي
اه ياغربتي
،،،،،،،،،،،،،،،،،،،،،،،،،،،،،،،،،،،،،،،
ياصاحباني لاتنســـــــــون بالمجلس اذكروني
انه المن عزاء حسين ماشبعــــن بچي عيوني
منيتي بكل عزاء موجود وبكل خدمه تلگوني
علگو صـــوري عالرايات موش بساع تنسوني
يخدام لاتنسون صاحبـــكم
يخدام مامليت مـــن عدكم
يخدام بيد الموت مو بيدي
يخدام ولاودي افاركــــــم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
للمجلس اذا ماجيـــــت وماشفتوني بالموكب
يم گبري تعالو هناك وسولي عــــــــزه المغرب
افرح لو شفـــت خــــدام تلطم يمي وتعـــزب
ميت وبعزاء حسين روحي مچلبـــــه اچلــب
للحسين بيـــه دموع مايگضن
للحسين شماابچيهن يكثــــرن
للحسين حنت روحي وشتاگت
للحسين مامر يــــــــوم مانزلن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
چنت بكل عزاء موجود وبكل مجلس محزم
ومـــن اتأخــــــر وماروح تطلع روحي وتندم
مااهتم چنت للناس بس للمجلس انـــه اهتم
ياصحباني لاتنسون اخوكـــــــم عألعزه معلم
يعدليــن لاتنســـــــون موتاكم
يعدلين العمر خلصتــــه وياكم
يعدلين من هسه بديت اشتاگ
يعدلين مـــــــو بألهون فرگاكم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خلصت ونتهت ياحيف راحـــت لمت الخوه
من عدكم خذاني المــوت ياصحباني بألگوه
الله يعين اليشوفون صوري وانــــــه ماهوه
الموكب لــــــــو نقص خادم كلها تگوم تتلوه
يخدام راح المنكم وبيكم
يخدام صاحبكم متانيكم
يخدام لاتنسون اليحبكم
يخدام رايح بعد ماجيكم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
لسان حال قرابين الحسين

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#محرم_مولاتنا_فاطمة
#سلام_الله_عليها

#انا_وامي

شكد حنينه
امي تحجيلي عليج وتدك ع الرجلين ادينه
حاسبتچ من اهلنه وانتي وحده من حبايبهه التجينه
فاطمه بكل بيت اسمچ كاتبينه
شكد حنينه
وسولفت والشيله نگعت
على الضلع الكاسرينه
وحجت بالباب وبچينه

تكلي لو عندك اخو من العصره راح
تكلي جا ذبيت صوتك بالصياح
هيج صار ويه ام حسن ذاك الصباح
اندفعت اباب الخشب محسنهه طاح .
=========================
وسولفينه
وكملت ذاك الكلام وكالت حجايه حزينه
لو ابوك بعيد عنه
وناس غربه اتطب علينه
وانولينه
هنا بعد زادت حسرتي وعلى الروس اتدك ادينه
كالت اطهر نسل ينزف
وعلى الحايط دافعينه
وبيتهه انداست عتبته بجدم واحد طينته مو خوش طينه
وكالت اللهم ألعن عمر واهله الجايبينه
وكملت ذيج السوالف
على ام حسين الحنينه

يمه واحتركت على الزهره الجذوع
وسكط محسنهه وكسرهه بالضلوع
وخلص ليله علي بل الون والدموع
وانا وي لوعت ابو الحسنين الوع
========================
واشرتلي
على بسمار بزويه ابيتنه يأشر صبعهه
وبچت وتخربط وضعهه
كضت البسمار كالت
هيج من هاي الحديده اليابسه الطب بضلعهه
بصوت عالي اتصيّح امي
والوره الحايط سمعهه
طاح دمع امي وهضمني
شحاله بله حسين ابنهه
الشاف دم طايح من امه مو دمعهه
شويه خنحس بوجعهه

شافت النار وبچت والحسره نار
كالت اعله ام الحسن محتركه دار
وليل وسوالف هضيمه وانكسار
كسر بين ضلوعهه وبسمار حار
=======================
وحچت كلمه
كالت انته ابني وشفتني
اجدامي كوه أمشي بيهه
كاضني من ايدي وشلتني
ام حسن ياهو الكض اديهه
ايدهه فوك الضلوع ودمهه صاير غطه ليهه
شلون بيهه
ويلي مولاتي وحزنهه
وطاح باب الشر عليهه
وطاح محسن من كلبهه وعلي مبعد ما يجيهه
وبس وجع صاير حجيهه

ما لكت تچوه وحملهه اعليهه زاد
والدفع بضلوعهه رايح وراد ، ،
وعمه عيون ام الحسن ذاك الرماد
من الحرگ والعصر حيل البيهه باد
=========================

= علي مهدي المالكي


الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

القصيدة للشاعر
كرار ابو مهدي المالكي

يازهراء

إنا اعطيناك الكوثر يا ياسين
والمعنيه ابهاي السوره انعصرة وين
بين الباب وبين الحايط صايح صار
كسرو ضلع أم زينب وسفه وام حسين

طاحت فاطمه ودمعتها هم طاحت
وكبلها ايطيح محسن يا خلك شافت
وجم مره تريد اتكوم ما كامت
كومو لحكوها
وكومو لحكوها
أم حسين طاحت كومو لحكوها
==========================
صلى اللهُ عليها وسلّم بالاصلاب
بس ماعرفوا سر معناها العود اصحاب
اتلثميه وهجموا أي كلهم شيريدون
لاذت منهم بس عصروها خلف الباب

من مات النبي ما جاها عزّاها
البقا لله ماكو الوإن. كالاها
بين الحايط ويالباب عصراها

ماجه. عزاها
ماجه عزاها
إجه الكسرة ضلعها. ماجه عزاها
=========================
إسمع باب الزهره اشيحجي ابهالموضوع
خادم آنه و لا ما اشبه باب السوع
بس دفعوني الثاني وربعه وشفت اشلون
دخلوا سمعوا صوت الزهره ألما مسموع

الزهره لو ردت تفسير معناها
أوّل حرمه بالطف سوط ضرباها
كنفذ من ضربها ابسوطه بجاها

كومو نشفوفها
وكومو نشفوها
الدمعه ابعين فاطم كومو نشفوها
==========================
حسين اتعنه الزهره وينحب يركض راح
كسره ابظهره بسلا مُحسن خايف طاح
ما مقسوم ايشوف ابن امه ما مقسوم
يلزم ظهره ومره ايهده ويصفج راح

أول مره يبجي حسين من هظمه
مره ايصيح خويه ومره يايمه
شاهد عين فاطم بيها أثر لطمه
الطاغي ضرباها
الطاغي ضرباها
وطاحت وي حملها الطاغي ضرباها
==========================
لا بالباب أذنوب ولا ذنب البسمار
دم الزهره عمر اتحمل بي اوزار
ويالزهره بله. اشعدها. النار النار
اصل ابليس وحركت الها باب الدار


ضيم الزهره للطف ينتقل ضيمه
ونار الباب باجر. تحرك الخيمه
كنفذ سوطه. خولي. إيكظه بالهيمه

سوط حاديها
سوط حاديها
يندل. متن. زينب. سوط حاديها
==========================

كرار ابو مهدي المالكي

الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313

#محرم_مولاتنا_فاطمة_عليها_السلام
#حسرة_الفراق_التي_عاشتها_مولاتنا_العقيلة
#سلام_الله_عليها

اذن اذان المصيبه
زاد الدفع ع الحبيبه
الما كمل اصياره طايح
على العتبه = على العتبه

واتغَرَبت = بين البنات ابلايه ام
واتغَرَبت = ولايتنه غطاها الهضم
اشتم حرگهه
وريحت عشگهه
وباب المواجع كله دم

هب ياهوه وطفيلي النار
هب ياهوه وسد باب الدار
= خلتطلع امي من وره الباب
ياخذني شوگي لذاك الصوت
وذاك الدفو يشيله التابوت
= لا تلچم ايدي ياهوه الهاب
========================
شيرحم گلب كله حسره
كسر العفاف اشيجبره
احبال الوصيه ثگيله
بثگل همي = بثگل همي

نار الخشب = من الضلع طفاها دم
ذاك الضلع = ما منكسر شفته انهشم
تاخذني ذكره
اترجعني كسره
يوجعني گلبي من الالم

الام ويه بتهه اتعيش اسرار
وضايع حچينه بلهب النار
= من الحرگ دخان اشم غاد
وامكاون ويه اجروح الباب
ع الطاحت بعتبه من اتراب
= زاد التعب وشچم هضم زاد
========================
البسمار اجه بنص ضلعهه
ومن الالم صب دمعهه
شويه مشي وطاحت امي
اثر عصره = اثر عصره

زمرة لعن = وَجَاوّزوا الحد باللطم
زُمرة لعن = شُلت يدُ البيهه ظُلم
احلم تجي امي
ويهضمني حلمي
اكعد وافز من الهظم

يهضم نبوع الدم من طاح
بيديهه صعبه تكض الاصفاح
= بين تعبهه اعليهه بالليل ، ،
نار الجوى هدت ع الــروح
وريح اليفارگ منهه تفــوح
= وطايح على العتبه الدم يسيل
=========================
اخيال من اباوع عليهه
نحلانه والحسره بيهه
هوني عليهه يروحي ، ،
بعذاب امي = بعذاب امي

اخر دمع = الدم النبع منهه وجره
اخر دمع = ومو خوش بيت المگبره
اتغِير شكلهه
لو راحت الهه
وطاحت دموعي اعله الثره

افراش الحرير اولام اضلوع
مو بالخشب والدم مدفوع
= زايد وجعهه وكلشي ملچوم
ما ينسمع حسهه بكل صوب
ودمهه انترس بي حته الثوب
= لمتنه ما تلتم بعد كل يوم
=========================

= علي مهدي المالكي



الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313