و الحاجة المؤسِفة بالجد ..

إنو هُم يزعّلوك ، ويكّسروا قلّبك ، وإنّت تكون مُنتظرهُم عشان يِراضوك ..

وفجاءة تِكتشف إنهم زعّلوك عشان يِفارقوك ، وهنا تكون الصدمة الكبيرة !

#علي_سعيد

الصباح الذي لا يبّدأ بضحكتُكِ ، وعيّناكِ ..

يظلّ ناقِصاً حتى ولو أشّرقت شمسهُ 💓

#علي_سعيد

لمن تتخذل مِن إنسان كُنت بِتحبو ، و كان كل حياتك ..

صعب جِداً تتقبل فِكرة إنك تحب من جديد 💔 !

#علي_سعيد

موعِدنا اليوم الساعة ٨ م ..

ح أنزل ليكم كِتابي الأول تحت عنوان #خواطر_قصيرة .. ✍

خليكم قراب ، وابقوا كُتار 💓

#علي_سعيد

كِتاب #خواطر_قصيرة ..

هو مجموعة من الكِتابات و الخواطِر قد تم نشرها سابقاً على الفيسبوك ، وتم جمعها في هذا الكتاب تسهيلاً للحصول عليها ، وبطلب الكثير مِن المُتابعين 💓

#علي_سعيد

#قِصــة_كِفاح_مع_مرض_السرطان 💪

#الجُـــزء_الأول ..

قالت : قبل ما احّكي ليكم عن مرضي ، عاوزة أوريكم معلومة يمكن ما كُل الناس عارفنّها ، هو إنّو المرض مهما كان ما صعب ، ما حار ولا هو متعب ..

الحاجه الفِعلاً بتعّب وبتقتل هي نظرة الشفقة البتشوفها في عيون كل الناس ، وبالأخصّ القريبين ليك ، هم في الوقت دا المفروض يدّعموك ويقيفوا معاك ، ويذكّروك انو المرض مهما كان ؛ تكّفير للذنوب وحب كبييير من ربنا .. في الوقت الإنت قوى فيه هم بضعّفوك ، وخصوصاً لم المرض يكون فيه نسبة خُطورة ولو قليله ، ذيّ السرطان مثلاً ..

الأنا أُصِبت بيه وانا عُمري 15 سنة ، و الحمد لله ، ويمكن وحّده من نِعم ربُّنا عليّ ، انوا سهّل لي إني أتّعالج في دولة بتمّتلك الإمّكانيات والمصل الشافي بعد الله سُبحانه وتعالى ..

ومع إنّوا فِترة العلاج كانت 9 شهور بس ممكن أقول ليكم هي أفضل 9 شهور في حياتي ، رغم الألم والتعب ، رغم نظّرات الشفقة، وكلام الناس البحسّسك إنك خلاص حتموت وما باقي ليك كتييير ، وجود ناس زي ديل في حياتك بتعب اكتر من المرض .. صح إنهم بِكونوا خايفين عليك ودا من حُبهم بس ، بالجد الطريقة غلط .. ما كدا الخوف، وما كدا الصبر ، وما كدا بِتقابل المريض وتتكلّم معاه .. علماً بإنه الأعمار بيدّ الله ..

9 شهور يأس ، تحّطيم ، عدم صبر ، وبُكاء حاد ، وعُزلة عن الجميع ، ودا كُله ب سبب التلّميحات ونظرات الشفقة البشوفها في عيون الكل ، حتى الأطبّاء بشفقوا عليك ..

جرعة الكيماوي بتنتهى من كل حاجة فيك ، وبتسّلب طاقتك ، حتى شعرك ، ورِموشك ، وحواجبك بتكون مُجردة من الشعر ..

يمكن دي الحاجه الوحيدة العانيت كتييير عشان أتّقبلها ، بتّحس انك مُخيف ، وشكّلك بتغيّر تماماً ، بس ما بِتحسّ بالغُربة لم تقّعد مع اصّحابك .. يمكن لانو مافي زول بدّيك نظرة الشفقة ويحسّسك إنك وِحّش وإنّك حتّمُوت ..

بس رغم دا كانت أجمل ايام حياتي ، إتّعرفت على كمّية هائلة من الناس ، والأطفال البشّبهوني .. كان المُستشفى عِبارة عن ملاهي وكُنا بنتشارك كل حاجة مع بعض كأننا أخّوان ، وليك في المُستشفى كامل الحُرّية .. يمكن بتحس بي الضيق والتعب بس وقت الجُرعة ، وفي يوم وانا قاعدة مع الاطفال ، كان اي زول بقول في أحّلامو ، وانو كيف حيسّعى إنّو يحقّقها ومافي شي حيوقّفو ، انا وقّتها ما كان عندي احلام ،
بقيت مُنّتظرة دوري وانا اصلاً ما عارفة حأقول شِنو ؟ ..

وجاء دوري ولِقيت نفسي بقول عاوزة أحّفظ القرآن ، وأعمل مُنظّمة خيّرية ، و أوعّيهُم ، ويكون عندي كُتب من تأليفي .. كُنا مُتفائلين ومبّسوطين رغم كمية اليأس والتحّطيم الحولينا ، فرّحانين وراضين كامل الرِضى عن كُل شئ، و وعدّنا بعض إنوا كلُنا ما حنتّنازل ونِتّخلى عن احّلامنا مهما كان ، وإنوا المرة الجاية حنِتّلاقى ، ونِحّن افضل ناس مُؤثّرين في العالم ، ولينا بصّمة ..

والحمّد لله أتّعافيت ، ورجعت لي دراستي وحياتي الطبيّعية ، وشعري رجع ذيّ زمان ، ورجعت بلدي ،
وقرّرت إني أحقّق الأحّلام الوعدتهم إنّي احقّقها ، وبديت في تحّقيقها الحمد لله ، وغيّرت كتير ، وأتغّيرتَ أكّتر .. 💙

........................

#الجُـــزء_الثاني ..

و بعد 9 شِهور من العلاج ، وبعد ما أتعافيت وفارقت الكيماوي ورجعت لحياتي الطبيعية ، وبعد سنتين مِن الصحة والعافية رجع المرض ..

أنا ما حـ أقول ليك كــانت صدمة بِقدر ما إنها كانت دافع لي إني أثبت إنو القُرآن شِفاء ..

كُنت كتير بسّمع عن ناس كان عندهم أمراض اكتر من صعبة ، وأتعالجوا بــ القرآن ؛ دائماً كنت بقول هو ربنا سُبحانه وتعالى ما قال القرآن دواء لانو الدواء في إحتِمالية إنو يشّفيك وفي نفس الوقت ممكن ما يشفيك ..

تأخُدو ولا كأنك اخدت عِلاج ؛ بس ربنا قال القرآن شِفآء .. يعني كأنه الأيه دي بتوصل ليك رساله بتقول : " مافي مرض حيصّعب على القُرآن " ♡ ..

وإيماني الكبير بالأيه دي خلّاني أقرر إني اتعالج بالقرآن ، ومُش أتعالج عند شيخ ، لا ، أنا حأعالج نفسي بفسي ، وبديت فِعلاً أقرأ قُرآن كتيييير وأقيم الليل وأقرأ سُورة البقرة فِي موية واستحمّ بيها .. تعبت كتييير .. بس ثقتي بـ ربنا وإيماني بــ كِتابو كان أكّبر ..

وقبل ما أكمل عاوزة أوجِّه شُكر وإمّتِنان وتقدير مع خالص الحُبّ لـ والِدي الــ أمنّ بـ قُدرت القرآن وأمنّ بي .. كان الخوف موجود والقلق موجود بس الإيمان اكبر وأقّوى ..

ف أتفقت معاه اني حأتعالج بالقرآن وفِترت العلاج حتكون 3 شهور .. وفِعّلاً عدّت الــ 3 شِهور بالظبط ، و مشينا فحصنا ، وما حأقول ليكم إنّو المرض خفه ، او راح ..

دا إنتهى نهاااائي ، إخّتفى ، اختفى عارفين يعني شنو إختفى .. ؟

ولا شيئ ولا أثرر ، الإمعاء نظيفة تماماً ، ولا كأني كنت مصابة بشئ والطبيب مِن شِدة ما إتفاجأ بقى بكشف على باقي الإمِعاء ، كانت علامات الدهّشة ، مرسومة على وجوه الكل ..

واذا بحكي ليكم عن كِمية سعادتي وفرّحتي ، وشعور الإنتصار ..

وفِعلاً القُرآن شِفاء ..

قال الله عزّ

وجلّ : { وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا } [الإسراء: 82]


" إحساس فَرج مِن بعد ضيق ، وألم ومُعاناة ، الحمدُ لله إنتصر القُرآن ، إنتصر كلام الله " 💙

#علي_سعيد

نحنُ عُشاق القهوة السمراء ..

نعشقُها حلوة أو مُرّة ، وهي كفيلة بآن تُرتِّب كل الخراب الذي بِداخلنا 💓 !

#صباح_الخير 🌸

#علي_سعيد

و فِي غِيابكِ ، الصباح لم يعُد جميلاَ كما كان سابِقاً ، لاني أعتِدتُ كل يوم أن أبدا صباحي بكِ ..

القهوة لم تعُد تُعيد ترتيب الخراب الذي بداخلي ، لاني كنت أحتسيها معكِ وأنا أنظرُ لعيّنيكِ ..

والآن علمت أنّ السِر يُكمن فِي عينيكِ وليّست القهوة ..

كل الأماكن مُوحِشة بدونك ، حتى تِلك الكنبة التى أعتِدنا الجِلوس فيها ، بعدكِ أصبحت حزينة وباهِتة جِداً ..

كل شئ يشتاقُ إليكِ ، وأنا مِن فرط الشوق لم أعُد أعلم منّ أنا ..

" جُلّ ما أحتاجهُ فِي غِيابُكِ هو قُربكِ " !

#علي_سعيد

بستاء جِداً من إنو تشغلك عني الظروف و المشاغل ..

أنا ما بتقبل فِكرة إنو يشاركني فيك زول ، فكيف أتقبل حكاية الظروف والمشاغل ..

معليش ، حبي ليك بِتخطى على حِدود المنطق والعقلانية !

#علي_سعيد

حكى وقال : أنا إتخذلت مِن أول حُب لي ، حينها كنت في تانية ثانوي ، كنت في الوقت داك أول مرّة أجرّب مشاعِر الحب وأعيشها بكل بتفاصيلها ، والخُذلان الجاني كان تجربة كبيرة لي ، و بعدها عِشت فترة صعبة جِداً ..

فيها فقدت إيماني بالحب و بوجودو ، عدّت الايام ومرّت ، وأمتحنت الشهادة السودانية ، وكنت حينها قررت أني اركز على دراستي وأنسى كل الماضي ..

وفعلاً قدرت أتجاوز الموضوع وأجتهدت في دراستي والحمد لله قِدرت أتحصل على نسبة مُشرفة و دخلت بيها المجال الان بحبو ..

خشيت الجامعة وشايل فِكرة الحب والارتباط تماماً مِن راسي لاني أصلا بقيت ما بؤمن بحاجة إسمها حب ، مرت الايام وكوّنت صداقة مع واحدة دفعتي وكانت هي الزولة الوحيدة الفي حياتي وغيرها ما بعرف زول وخاصة البنات وكل معرفتي بيهم سطحية ..

مع مرور الوقت لقيت نفسي أني بحمل ليها مشاعر لكن ما قادر أحددها هي شنو ، بقيت بغير و بزعل لمن أشوفها مع واحد غيري ..

بعاتبها على برودها وعلى حاجات كتيرة .. فجاءة وبدون مقدمات لقيت نفسي أعترفت ليها بحبي وانا ما مُدرك تماماً لشعوري إتجاهها شنو ، بس حسيت بمشاعر كتيرة إتجاهها ، مشاعر الصداقة و الحب والإنتماء وحاجات كتيرة ..

كانت ردة فِعلها ما فورية ، وانصدمت مِني و قالت لي أنا ذاتي حسيت بمشاعر إتجاهك بس ما فكرت ولو مرة إنو أرتبط بيك ..
بعد أيام جاء ردها على إنها موافقة على العلاقة ، بعدها بفترة حسيت إنها بتجامل فيني وفعلا دا كان الحاصل ، لأنها كانت خائفة إنها تخسرني ..

وبعد مرور فِترة ونحن مع بعض ، العلاقة بقت باهتة و متوترة بسبب المشاكل والنقاشات ، وبعدها بفترة ما طويلة أفترقنا ..
بعد التجربة دي بقيت مُدرك لحاجات كتيرة ، وحسيت بنفسي إني أخدت تجربة تخليني أني أختار صح والاحسن في المرات الجاية ، ومع دا كلو كان جواي أمل بقول لي إنو حتلقى الانسان المُناسِب ، البتحبو والبحبّك وحيكون شريك حياتك ..

كانت مشكلتي إني بتعلق شديد بأي زول يدخل حياتي ، وبهتم بدون ما أنتظر من الطرف التاني حاجة ، ويمكن قصة التعلُّق والتمسُّك دي كانت أكبر مشكلة عندي ..

مع كل الخُذلان الحصل لي ، انا الليلة بقول إني مُؤمِن بوجود الحب ، مُؤمِن بإنو في يوماً ما حألقى شريك حياتي البِشبهني والبحبني ..
أنا اليوم ما مُرتبط ولا حاجة ، لكن جواي إيمان كافي بالحُب وبإنو هو قادر بإنو يبّني أُسرة جميلة وبيت مليان حنان ومودّة ..

- "مهما اتخذلتوا ما تفقدوا ايمانكُم بالحُب ، الحب هو الشئ الوحيد الممكن يخليك إنسان جميل "💓

- " إذا لقيت الزول البِحبّك ، أتمسك بيه قَوي وما تفرّط فيهُ " 🌸

#علي_سعيد

كِلمة مشغول او ما فاضي البتجينا ردّ بعد كل عِتاب مِننا حسينا بإنو نحن مُهمّشين ..

ما مُبرر على إنو ما تِهتم او تتصل ، وتتفقد حالي ..

إذا اصلاً بتعتبرني مِن أهمياتك ، و جُزء مِن حياتك ، حِتهتم ، وحتتصل وغيرها ..

بإختصار البِحبّك بتفرغ عشان يتكلّم معاك ، او يهتم بيك ، البِحبك حتى لو مشغول حيكون فاضي ليك !

#علي_سعيد

صباح الخير ..

صباح ديسمبر الجميل ، أخِر شهر لازم ننّجز فيه كتير ، لازم نخلي الكسل والمُماطلة ..

لازم نكون حقّقنا جُزء كبير من أحلامنا الرسمناها خِلال السنة دي ، ونكون حقّقنا رغباتنا البسيطة ..

خلي ديسمبر يكون شهر للإنجاز والنجاح ، خليه شهر جميل وما تنساهُ طول حياتك !

في ديسمبر تحقق الأحلام 💓

#علي_سعيد

- سيظلُّ الصباح عاديّاً ، حتى تعودين أنتِ ، حتى تشرق شمسهِ مِن وجهكِ ، و تجعلينهُ مُميّزاً 💙 !

#علي_سعيد

- ومرات الصداقة بتخلينا نِستغنى عن حاجة إسمها حُب 💓 !

#علي_سعيد

الإنسان البِحبك بالجد ، هو الإنسان الحيتقبل الجانب الكعب فيك ، وكل عيوبك ..

أما الجانب الكويس ، و صِفاتك الجميلة فكل الناس متقبلاها !

#علي_سعيد