إن أكثر ما اخافه فِعلاً في هذه الحياة .. ~

هو أن أكون شخصاً عاديّاً ، واتزوّج إمرأةً عاديّة ، وأنجب أطفال عاديّون ، ليعيشوا حياةً عادية !

#لاتكُن_عادياً 💜

#علي_سعيد

- وحِينما سألته : لماذا تُريد الزواج مِنّي ؟

رد قائلاَ : لأني أريد حِين أستيغظ كُل صباح ، أول ما أراه هو وجهُكِ الجَميل 💜

#علي_سعيد

- قبل فترة طويلة لازمني شعور بآني مُحبَط جدا .. فاقد للرغبة في عمل أي شئ .. ما قادرة اعمل حاجة وحتي الكتابة بقيت ما بقدر اكتب بشكل يومي أو بعد يوم أو يومين ، بقيت بكتب من فترة لفترة .. لقيت نفسي فاقد للإلهام .. فاقد للشغف ..

- بديت أسأل نفسي ، الحاصل شنو ؟ والأتغير شنو ؟ رجعت بتفكيري للخلف .. لقيت إنو كان عندي إنسان كان هو مصدر الإلهام والامل عندي .. الانسان السميتو الزول الأمل .. وحاليا انا فقدتو ..

- بفُقداني ليه حسيت بأني بديت افقد حاجات كتيرة كان هو ليه جزء كبير فيها ..

- ما عارف البحصل دا شنو ؟ ولا لاقي ليه تفسير حالياَ ، لكن مُقتنع تماماً اني بمر بمرحلة حتكون نُقطة تغيّر كبيرة في حياتي ..

- المرحلة البتكون مُستند فيها كُلياً علي إنسان ومع مرور الزمن تلقى نفسك براك .. و كل الحولك إختفوا ..

بغض النظر عن الأسباب الفرّقتكم ، لكن حتكون مُستاء جداً .. وما حتعترف إنو انت السبب أو جزء من الأسباب الادّت للفُراق ..

- لكن ارجع وأقول إنو الفُراق مصير اي إنسان .. مصير اي علاقة جميلة .. مصير الناس الطيبة .. دائما الفُراق بختار العلاقات الجميلة ، الناس القلوبها صافية ، الحب الحقيقي ..

واكيد بعد كل فُراق اي واحد فينا حيحاول يرجع لحياتو الزمان ويحاول يبدأ من جديد .. وذي ما قالوا " نهاية اي علاقة ، تعني بداية علاقة جديدة " ..

- حتستمر وتتعوّد وحتنسى وحتقابل ناس تانية وحتحبّهم ويحبوك ، وحتصاحب إنسان يشبهك ..

وحترجع ليك كل الحاجات الفقدتها زمان وحترجع ليك إبتسامتك الجميلة .. الكنت مُفتكر ما حتظهر إلا من الزول الزمان داك .. و تفكيرك وكلامك ، طلع كلو سخافة ما أكتر ..

وحتقتنع تماماً إنو السعادة حتلقاها مع ناس تانية .. غير الناس الكنت مفتكر إنو السعادة ما حتكون إلا معاهم 💜

#علي_سعيد

( وعيّــناكي ) ..

يُوصــف بِها " الجَــمال " ❤️

#علي_سعيد

مهما إتخذلت وإنجرحت ..

في يوم من الايام حتقابل إنسان يحبّك ، وينسيك كل الناس الخذلوك و وجّعو قلبك ..

الفكرة إنو كل ما تتخذل ، ربنا برسل ليك الزول الِبداويك ، الزول البقيف معاك في الحِلوة والمُرّة ..

الزول الدواء .. البحوّل أحزانك في فِترة وجِيزة لضحكات وإبتسامات ، بس إنت خليك مُتفائل !

#علي_سعيد

في حياتنا دائماً بكون في الزول المُستحيل تكمّل يومك بدونو ..

لازم كل يوم ، وكل لحظة يكون معاك ، وحتي لو بعيد منك بكون في البال طوالي ~

وما ضروري يكون حبيب ، يمكن صديق يساوى الدنيا وما فيها !

#منشن

#علي_سعيد

ممكن زول واحد يخلّيك تِستغنى عن كُل الناس ..

لكن في غيابو ، لو كُل الناس كانت حضور ، ما حتقدر تعوّض لحظة الفقد والشوق الإنت فيها !

زول واحد أختارو القلب ، و يستحق إنو يكون من نصيبو ~ !

#علي_سعيد

مؤمن تماماَ إنو أحلامنا مهما كان الوصول ليها صعب ، برضو حيجي يوم و حنحقّقها ..

( صعبة لكن ما مُستحيلة )

صباح الخير ، صباح الإيجابية 🌸

صباح الإنجاز ✊

#علي_سعيد

عشان انت تِلاقى الشخص المُناسب في حياتك ، حتمر بتجارب كتيرة وناس كتيرة ، وحتتخذل كتيير ..

لكن في المقابل حتتعلم منهم إنك كيف تختار ، و كيف تعرف الانسان البحبك من غيرو و حاجات كتيرة ..

وإحتمال تلاقى شريك حياتك من أول تجربة ، وأول علاقة ممكن تعملها ..

صدّقني ..

في نهاية المطاف حتقابل الانسان المُناسب والبتتّمناه ❤

#علي_سعيد

قالت : كُنّا بنحب بعض ٧ سنوات ونحن مع بعض ، وكُنا عائشين احلى ايام ، و بالنسبة لي هو بقى كل حاجة وكل عالمي ، صراحة هو بقى بالنسبة لي الحياة كلها ..

ما بقدر اكمل يومي بدونو ، و ما حصل شفت منو حاجة كعبة ، كان في نظري ما في زول متلو، وما في زول بشبهو ..

شآءت الأقدار إنو تحصل مشاكل وخلافات ونتفرق وتنتهى كل حاجة بينا ، بغض النظر عن الخلافات الفرقتنا سواء كانت صغيرة أو كبيرة لكن افترقنا ، وأي زول شاف حياتو براه ..

وبقت المشكلة فيّ انا .. ما قادرة اتقبل الواقع بانو نحن فعلاً إفترقنا ، بقيت ما قادرة اتعامل مع الناس ، بقيت بسرح كتير ، وطوالي في حالة حزن .. ومرات كتيرة بتمر علي لحظات وانا ببكي ..

وبقيت بكره كل الناس .. بقيت لمن اكون مع صحباتي ما بقدر اتونس واعيش معاهم اللحظة ، لمن صحباتي بقوا يقولوا لي انتي بقيتي مُملة شديد .. في حين إنو انا اصلا ما حكيت ليهم .. !

- القصة أنتهت .. !
__________________

كلامي أنا :

من مشاكلنا اننا لمن نحب بنحب بكل ما نملك من حُب ، وتلقائياً ببقى الطرف الآخر كل حاجة بالنسبة لينا ، مُتناسين تماماً إنو في حاجة اسمها فراق أو قدر ..

انا معاك في إنو ياخ انت في علاقة ما تخاف من البحصل شنو لقدام ، لكن برضو ما صاح انك تخلي إنسان كل حاجة في حياتك ..

لانو صراحة إنو الحياة أكبر من إنو تحصرها في إنسان واحد ، وما تنسى انو انت عندك حياة كاملة لسة ما عشتها ، ولسه ما أنجزتا فيها حاجة ..

متفهّم تماماً إنو شعور الفقد والخذلان أصعب من صعب ، وصعب انك تتجاوزو بسهولة ، لكن ما تخلي فشل علاقة معينة تفقّدك الثقة في الحُب والعلاقات ..

إنت ممكن تعيش فترة طويلة مع شعور الفقد والخذلان ، ودا المفروض يحصل .. إنك تعيش كل لحظة سواء كانت فرح أو حزن ..

ادي الحزن فترة معينة و لكن ما تخلى الحزن يسيّطر عليك لدرجة انك تفقد الرغبة في الحياة وفي كل حاجة ..

عشان تبدأ انت في انك تنسى ، لازم تتقبل الواقع وانو كل البحصل لخير ، يعني ربنا ما بيكتب ليك إلا الخير ، و الحصل ليك دا كلو خير ، فخلي إيمانك بربنا قوي ..

بعدها إتخلص من كل حاجة بتخصو سواء كانت صور أو هدايا أو غيرها .. كل حاجة بتذكّرك بيه ..

و حاول عيش اللحظة ، ما تفوت كل لحظة جميلة .. وخليك مُقتنع إنو ما ضروري إنو زول يحبك أو يهتم بيك عشان انت تكون مبسوط أو سعيد ..

ما تحاول تربط حياتك كلها بشخص ، وشوف نفسك انت محتاج شنو ؟ وعايز تتعلم شنو ؟ بإختصار اشغل نفسك وما تخلي فرصة للذكريات انها تذكّرك بيه ..

الحياة مليان ناس بحبوك ، اولهم أهلك ، واصحابك ، وصديقك المُقرّب داك ..

حاول علي الاقل عيش عشانهم ، عشان هم فعلا بحبوك وعايزين ليك الخير ، و إنو ما بحبوا يشوفك حزين أو مكسور ..

ما توقف حياتك لمجرد خُذلان أو فشل في علاقة ، الحياة بتحتاج إنك تحاول وتفشل ، وتجرب وتتخذل ..

عشان في نهاية المطاف تلقى الزول المناسب الِبحبّك ، وبتحبّو ، و الزول الحيكون شريك حياتك للآبد ❤

#علي_سعيد

حكت وقالت : كُنت بقرأ في الجامعة ، وعلاقتي بدت في الجامعة من واحد كان دفعتي ، مع إنو ما كنت مُقتنعة بعلاقات الجامعة ، لكن هو حسيت بيه جادي ، واتأكدت من الحاجة دي بعد ما علاقتنا أستمرت شهر جاء وطلبني من أهلي ، وطبعا أهلي بعد ما سألوني إني موافقة أو لا ؟ و وافقت طبعا ..

لكن أهلي قالوا ليه ما حتعمل خطوبة أو حاجة إلا بعد تخلصوا الجامعة ، وهو كان موافق لكلام أهلي ..

بعد ما خلصنا الجامعة طوالي عملنا الخطوبة وبعد ٧ شهور خطوبة عملنا عرسنا ، وطبعاً ساعتها ما عارفين شعور الفرحة والسعادة الكنت حاسة بيها .. لمن يكون الانسان البتحبو بقى من نصيبك وحلالك .. صراحة سعادة لا توصف ..

بعد الزواج بسنة ، بدت المشاكل والخلافات ، وهو صراحة كان بزهج من أقل حاجة ، ويقعد يجوط وغيرو ..

وبقى معظم اوقاتنا بكون نقاشات ومشاكل ، بقيت ما حاسة بالحب ، وما حاسة بالأمان .. كل الحب الزمان اختفى وبقيت ما قادرة أستوعب الانسان العائش معاي دا هو فعلا الزول الزمان الكان بحبني في أيام الجامعة ..

بقيت فاقدة لكل حاجة ، وساعتها حسيت إني أتعس إنسانة في الكون ، لاني كُنت متصورة عكس كدا ..


القصة أنتهت .
____________________

كلامي أنا :

طبعاً بنسمع قصص كتيرة ذي دي ، و في ناس كتيرة بقت مقتنعة إنو الزواج عن حب فاشل ، ومستحيل يستمر لقدام ..

طيب المشكلة وين ؟ هل في الطرفين والا في الحُب ؟ صراحة الحب برئ تماماً من كل دا ، لانو الحب شعور بتحسو وشعور ما بنتهى ، بيكون موجود جواك وبيخرج في أوقات ولحظات معينة ..

الحب قبل الزواج بكون فيه اي واحد همو الوحيد هو الطرف التاني ، كل وقتو وكل تفكيرو هو .. الاهتمام بكون بكمية كبيرة جدا لدرجة إنو يخليك تتستغنى عن كل الناس .. ويكون هو دُنيتك وعالمك !

وبعد الزواج الحياة بتختلف تماما لانو زمان كانت الهموم والمسؤوليات بسيطة جدا ، اما حالياً ، مسؤولية و وبيت وشغل و حاجات كتيرة .. وبين كل دا اي واحد بنشغل ، وبنسى انو فعلياً نحن محتاجين حُب وإهتمام ، بين كل المشاغل والجوطة الحاصلة دي محتاجين هدية و كلام سمح يبسطنا ويخلينا نشعر بالحب إتجاه بعضنا ..

وللأسف الحاجات البسيطة دي بنكون فاقدنها من الطرف الآخر .. و الحاجة دي بتخلي الطرف التاني يحس إنو بقيت ما بتحبو ، وبعدها تبدأ المشاكل والخلافات في اتفه الأسباب ..

في النهاية بقول الحُب الحقيقي ما بنتهى ولا بموت ، الحب الحقيقي يستمر إلي الابد .. لكن برضو محتاج اننا نبنيه بالثقة و الإحترام ، ونسقيه بالإهتمام والإحتواء ونحميه بالتفاهم والتعاون ..

الحُب الحقيقي نتيجتو بتكون زواج ناجح و أُسرة سعيدة ، ومليانة بالبهجة والسرورة !

#علي_سعيد

أنا بوعدك ..

إني من اليوم حياتي ليك ، وحأعمل المُستحيل عشان أسعدك ..

انت تحديداً غير عن كُل الناس ، وليك مكانة خاصة في قلبي و من المًستحيل إنو يسكُنها زول غيرك ♡ .

#علي_سعيد

لقد كَان وعده لها أن يكون معها للآبد .. ~

ومرّت الايام و إفترقا ، و لكن الفُراق لم يَفصله عنها ..

لقد كانت تعيشُ بداخله وهي بعيدة ، كانت مُخبأةَ فيه .. في قفصه الصدري كان يُسكِنُها !

#علي_سعيد

لو بس لِقيت الإنسان البِقيف معاك ، ويقول ليك أنا جمبّك ..

حتقدر تلقى حلول لكُلّ مشاكلك ، و حتكون قادر بإنك تِتجاوز كل الأوقات الصعبة والمريّرة ..

نحن كُل العايزنّوا السند ، شعور إنو في زول معاك وماسك إيدك ، وما ح يخّذلك ..

ساعدتها حنقدر نِواجه كُلّ الصِعاب !

#علي_سعيد

كالعادة .. بداية يومي تكَون بإرتِشاف قهوتي ، وعيّناكِ 🌸

#علي_سعيد

- صباح الخير ..

للـكَادِحين ، لتلاميذ المدارس ، لطُلاب الجامعات ، لأصحاب الأعمال الشاقة ..

" صباحُ الخير لأميرتي ، صباح الخير لــ عيّناكِ الجميلة " ❤

#علي_سعيد

- " جُلَّ ما أحتاجه في غِيابُكِ ، هو قُربكِ " 🎶

#علي_سعيد

" لا يوجد مكان لكلمة مُستحيل مع وجود العزيمة والإصرار " .

#كُن_قوياً

#علي_سعيد

ما في حاجة بتِستاهل الحُزن ..

مهما فارقت ناس ، وإتخذلت من ناس كتيّر ، في النهاية حتلقى الزول المُناسب .. ~

الزول البِشبهك و البِحبك ، زول يرجّع ليك كُل الحاجات الجميلة الفقدتها زمان !

#علي_سعيد