بعد سنواتٍ واليوم تحديداً أجِدُ نفسي شخص أخر غير ذاك الشخصُ الذي كان قبل سنوات ..

أصبحتُ لا أتأثر كثيراً اذا رحل عني أو خذلني من أُُُحبُ ، أصبح ليس لدي الوقت لكي أحزن وابكي علي ما فقدتُ ..

أصبحت أكثر تفهّمُاً ونُضّجاً للمواقفِ والعلاقات .. من يريدك يبقى بجانبك ، ومن يريد فُراقُك يأتي بالأسباب والمشاكل من أي شيء لكي يترُكُكَ ..

أصبحتُ لا أُبالي بمن سيبقى معي ومن سيرحل ، وأيقنتُ مؤخراً أن من رحل سيأتي غيره ..

والشخص الذي لا يُحبك .. سيأتي الشخص الذي يُحبك ولكن في الوقتِ المُناسب .. لذلك لستُ علي عجلةٍ من أمري !

راضٍ تماماً بقدرٍ الله ، بُكل شئ يكتبه .. رحيلُ الاصدقاء ، وخُذلان الأحِباء كله لخير ..

" والخِيرة في ما أختاره الله " ♡

#علي_سعيد

صديقتي ..

بعد سنةٍ ونصف من الصداقة ، واللحظات الجميلة أتت اللحظة التي لم تكُن في الحُسبان " لحظة النهاية " ..

لم نتوقع يوماً أن تكون لصداقُتنا نهاية ، لطالما كان وعدنا أن نكونا معاً للنهاية ..

أتت النهاية ، ويا ليتها نهاية جميلة ؛ وليت كل النهايات جميلة مثل البدايات ..

كُنت اتمنى ان أكون دوماً الصديق الذي تُحبينه .. كنت أراكِ الصديقة المُخلِصة ، المُختلِفة التي أختِرتُها من بين الكَثير ..

كُنا مِثال جميل للصداقة .. للعلاقات الحميمة والعفوية ..
وها نحن اليوم نودّع بعضنا البعض ، ونسلُك طُرقٍ مُختلفة ونفترق للأبد ..

أنا الشخص الذي قرر أن يعيش بالصداقة ، ويمكنه أن يعيش حياته كلها بها .. اليوم خيُّب ظنّه وكُسِرت ثِقته في الصداقة .. !

#علي_سعيد

في كل مرة بجينا العيد وبجيب الفرحة معاه ..

مهما كِبرنا في العمر ما حنكبر علي فرحة العيد وتفاصيلو الجميلة ..

العيد فرحة ، تسامح ، تواصل وصلة الأرحام ❤️

#كل_عام_وانتوا_بخير

#عيدكم_مبارك ♡

#علي_سعيد

العيد عُمرو ما حيفّقد تفاصيلو الجميلة ..

في الحقيقة نحن الفقدنا تفاصيل جميلة ، وبقينا ما بنفرح بالعيدية ، ولا بنستمّتع ونحن بنلعب بالألعاب النارية ..

نحن فقدنا تفاصيل الطفولة .. بإختصار نحن كِبرنا !

#علي_سعيد

افترقنا وكل زول شاف طريقو وخلاص كل البينا انتهى ..

لكن منو البِقنع قلوبنا إنهم خلاص ما من نصيبنا وما مكتوب لينا نعيش حياتنا معاهم !

#علي_سعيد

لمن زول يبعد منك ويقول ليك ما عايزك في حياتي ..

ما معناه إنو دي نهاية الدنيا وتتحّسر وتزعل ..

في ألف غيرو بتمنّاك وبحِبك فما تضيّع وقتك في الُحزن والتبرير لزول ما عايزك !

#علي_سعيد

في ناس بكونوا مراقبين تحُركات ، وحياة غيرهم ومترصدين اخطاءهم وغلطاتهم ، طيب ليه ؟

راقب نفسك ، بدل تراقب غيرك ، واترصد اخطاءك ، وغلطاتك ، وحاول تصلحها ..

فتش نفسك ، وبتلقاها كُلها عيوب وأخطاء وعلى الأقل حاول تصلحها !

#علي_سعيد

بُكرة الشوق يسوقني عليك .. واجيك بي لهفة حرّاقة ..
القى البهجة في عينيك .. وتلقى عيوني مُشتاقة 💙

دا كان مُحتوى الرسالة الجاتني مِنها والاجمل من دا كلو إنها مكتوبة بخط يدها وبالرغم من إنو خطها ما كان جميل لكن انا شوفتها أجمل رِسالة وأجمل خط ..

لانها بإختصار مكتوبة بحُب ، بإحساس و بشوق كتيّر وحتى الكلِمات ما قادرة تَوصِفو ..

من أجمل الرسائل الجاتني لانها من إنسان ما عادي نِهائياً .. وبيوصِف في شوقو لي كُل ما أكون بعيد مِنّو ❤

عن الإحساس الجميل الراودني وانا بقرأ في الرسالة والاحساس دا خلاني أقرأها كم مرة وما أزهج من قِرأيتها ♡

#علي_سعيد

إنسان يجاهد و يكافح ويعمل المستحيل عشانك وعشان تكون من نصيبو وحلالو ..

من أكتر المواقف البِتثبت إنو مشاعر الُحب وحدها ما بتكفي ؛ لازم تكون معاها حاجة من الجُهد والكِفاح !

#علي_سعيد

صدِقني مهما أحزانك كانت كتيرة ..

حيجي يوم وربنا حيرزقك بفرحة تِنسيك كل أيام حُزنك وجِراحك ..

أيامك الحلوة لسه ما جات ، وخليك علي يقين إنها حتجي !

#علي_سعيد؟

قبل أيام عشت فترة كئيبة وحزينة ولكن في النهاية عدّت واتعلمت منها كتير وأكتشفت ناس كتيرة علي حقيقتها ..

خسرت ناس ما كنت متوقع في يوم اخسرهم لكن حصل الحصل وخلاص اي زول مشى في طريق .. 💔

والنتيجة النهائية بقيت ما مُاطمئن للعلاقات مهما كان نوعها ..

لو حصل الفراق او مشاكل وخلافات اكيد حتعاني وتعاني ، ما في النهاية نحن بشر بِنغرح ونزعل ..

بقت كل العلاقات ما بِتبهرني لانها بإختصار كلها بقت حاجات ثابتة ومتكررة ..

بداية جميلة ونهاية مؤلمة .. في الحقيقة معظم العلاقات بقت علي النمط دا ومتشابهة ومُملّة !

لكن حاجة واحد بتظل مُتغيّرة ومُختلفة و هي المشاعر ؛ مختلفة من زول لزول تاني ، مشاعر الحب ، و الصداقة ❤

حاجة أخيرة ما تدخل في علاقة وأنت ما مُطمئن أوما عندك مشاعر إتجاه الطرف الآخر ✋🏻

#علي_سعيد

الصداقة كافية لكي تجعلُنا معاً للآبد ..

لِذلك لا داعي للحُب بينُنا ❤

#علي_سعيد

أكتر حاجة ما مُتمني حدوثها نهائياً ..

إني أكسر خاطر زول أو اكون ذكرة موجِعة لزول كان في حياتي ..

عايز أكون حاجة جميلة في حياة أي زول جمعتني بيه أيام !

#علي_سعيد

مُنذ عُدة أشهُر كان الفُراق مصيرهما ..

لم يكُن يُبالي بشئ سِواها ، وكان يُفكّر دوماً لإيجاد طريقةً ما ليُصلحَ ما قد حدث من خِلافات ومشاكل ..

حاول بعُدة طُرق ولكنه لم يفلح ، وكان في كل مرة يرجع خاسِراً ..

مرت الايام والشهور وهُما علي نفس الحال ، ولم يتغير شئ ، وبسبب البُعد وعدم الاهتمام والتواصل ظنّ كُل منهُما أن الطرف الآخر لم يُعد يُبالي به ..

قبل أيام قليلة رآها قادمة نحوه ومُنذ أن رآها ألتفت قلبه صارخاً بإسمِها الذي يُسمّيه بِها ..

أصبحت أمامه .. وألقت السلام قائلة : السلام عليكم : رد قائلاً : وعليكم السلام ..

وأردف قائلا : كيف حالُكِ ؟ كان جوابها بخير ، ولكن في سِرها كان الجواب مُختلفاً .. " كيف اكون بخير وقد فارقت كُل الخَير "

ثم عمّ الصمت بينهُما .. وبعدها نظر في عيّناها وقد اطال النظر .. أضاف قائلاً : مالي أرى الحُزن يكَسو عيناكِ ..

كنتِ زهرةً تُضاهي القمر في جماله .. وكان نور وجهكِ يكفي لإنارة الكون .. هل كل هذا بسبب ما حدث بيننا من خِلاف؟

اجابته بضحكة والحزن يُثقل قلبها : قد إنطغى ذلك النور مُنذ أن غِبت عنيّ .. وفارقتني الابتسامة التي كُنت تصنعُها أنت على شفتاي ..

كلِماتُها كانت كالسِهام في قلبه من شِدة الألم .. إعتصر قلبه ثم أجابها قائلاً : مارائُكِ أن نُصلح ما قد إنكسر .. أن نفعل المستحيل ونُجبر قلوبنا الجريحة وخواطرنا المكسورة ..

أجابته قائِلة : اتمنى ذلك من كُل قلبي ، ولكن لا اظن ان نعود مثل ما كُنا سابقاً .. والإنكسار لا يجبره ألفُ إعتذار ..

رد قائلاً : ما إنكسر بإستطاعتنا ان نُجبره ونعيده كما كان ..

وهكذا ما حدث بيننا يمكننا أن نصلحه ونعيد علاقتنا كما كانت خالية من كل المشاكل والخلافات ..

قال لها أعطيني فرصةً وسوف أُثبت ذلك .. قالت له : لك ذلك وافعل ما تستطيع فعله !

أبتسم ثم أردف قائلاً : شُكراً .. وها نحن قد بدأنا من جديد .. ثم رآها مُبتسمةً ..

قال : لقد وجدت ما كُنت افتقده .. و أضاف قائلاً : " و إبتسامتُكِ " ما أجملُها ❤

#علي_سعيد

على فكرة ..

الخِلاف أو المشكلة الكان بسببها أنتهت علاقة جميلة ..

كان بكل بساطة ممكن تحِلّوها وتستمر العلاقة .. لكن احيانا في ناس بختاروا انو ينهوا العلاقة ..

الخلافات حاجة طبيعة في كل العلاقات ، لكن في نوعين من الناس ..

نوع بيعرف كيف يتعامل مع كل خلاف او مشكلة ويخلي علاقتو أكبر من كل الخلافات ..

ونوع تاني تفكيرو بيتجمّد بمُجرد حدوث الخلاف ويكون عندو خيار واحد في راسو ..

وهو إنو ينهي العلاقة ، والمشكلة إنو القرار دا بيتبعوا ندم وتأنيب ضمير !

الواحد يحاول إنو يفكر في الحلول أكتر من التفكير في المشكلة ولو حصل كدا صدقني حتلقى الف حل لكل المشاكل !

#علي_سعيد

انت أجمل إنسان في حياتي ..

وجودك في حياتي هو السبب المخليني مبسوط ومليان سعادة ..

انت نعمة من ربنا ويارب احفظها من الزوال ❤

#علي_سعيد

ما تحاول ترجع بعد " غياب طويل " .. لأنك ما حتلقى نفس الشخص الزمان ~ ..

في الغياب بتتغيّر حاجات كتيرة ومن ضِمنها المشاعر !

#علي_سعيد

أجمل علاقات الصداقة ..

هي البكون فيها الاصدقاء عارفين إنو مهما أنشغلنا بالحياة ، وقّلّ تواصلنا معاهم ..

مكانتهم في قلوبنا ما حتتغيّر 💙

#علي_سعيد