ذي ما بتقدر إنك تكسر الخاطر ..

إتعلم ياخ إنك برضو تجبر الخاطر الكسرتو ..

أجبروا خواطر بعض مهما كان الثمن ، و حتى لو الزول كان ما بيعني ليك حاجة !

#علي_سعيد

التعوّد علي شخص معين كافي بإنو يعيشك أجمل التفاصل في لحظة وجود الشخص البتحبو ..

والعكس تماماً في غيابو ، هو غياب لكل التفاصيل الجميلة ، و غياب لروحك المُرتبطة بيه وإنت فاقدها في غيابو !

#علي_سعيد

موجع جداً شعور إنو الانسان الكان زمان معاك .. اليوم إتغيّر في كل تفاصيلو ..

إهتمامو مفقود ، وبرود في كل حاجة ، وفقدان لكل التفاصيل الصغيرة والجميلة !

#علي_سعيد

العلاقات بتستمر بالتجاوز .. تجاوز المشاكل والأخطاء بعد التفاهم ..

مهما كانت المشاكل كبيرة ، ممكن عادي تتفاهموا ، وتتجاوزوها بكُل بساطة ..

علاقتكم أكبر من إنو تكون نهايتها خِلاف او مُشكِلة !

#علي_سعيد

والله نحن ما بننكُر كُل جميل عملتوه عشانا .. ولا بننسىٰ لحظة جميلة كُنتوا السبب فيها ..

لكن زعلانين شديد علي علاقتنا الكانت نهايتها أسباب تافهة وما بتستحق !

#علي_سعيد

فشل علاقة مُعينة يعني تجربة حتستفيد منها في علاقاتك القادمة ..

صاح بتتألم لكن بتكون أقوي عشان تواجه كُل خُذلان وصدمات جاية ..

ما كل فشل يعني النهاية ، مرات الفشل بكون ياداب البداية !

#علي_سعيد

السودان حيظل يعاني ويعاني لحدي ما ننّقِذوا نحن بصمودنا ..

هو ملجأءُنا الوحيد ،وهو محتاج لينا في عِزّ أذماتو وضيقو ..

خلونا نِداويه ونبنيه من جديد ، السودان مُحتاج لينا .. محتاج وقفتنا ، ما تخذلوه !

#علي_سعيد

وبعد إنتظار طويل جانا رمضان ..

اللهو فرصة ما بتتعوّض ، فرصة للتقرّب الىٰ اللَّه ..

فرصة عشان ترجّع روحك الفقدتها زمان ، روحك المشتّتة والمتوجّعة ..

فرصة للتغيّر للآفضل وقتل كُل العادات السيّئة الكانت معاك من زمن طويل ..

فرصة للكسب والعمل للآخِرة .. ما تخلي رمضان يعدّي عليك مجرد شهر صوم و بس ..

رمضان فيه فُرص عظيمة وقيّمة فما تفرّطوا فيه !

#رمضان_مبارك_عليكم ♥

#علي_سعيد

تابعوا الصفحة الرسمية للكاتب علي سعيد .. وتابعوا الخواطر وكل جديد اول بأول ⬇️

https://www.facebook.com/ali3sd/

رمضان أكبر من إنك تتمنّع عن الاكل والشُرب ..

هو بمثابة تأديب للنفس وتعويّدها علي عادات جميلة وقيّمة ..

وإنك من خلالو تقدر تتخلّص من كُل عاداتك السيئة وكل الافكار السلبية !

#غير_حياتك_في_رمضان 🌸

#علي_سعيد

كُل الوعود كاذبة ، وحتىٰ الناس الوعدوك بإنهم حيكونوا معاك للنهاية ..

إتخلوا عنك في نُص الطريق ..

عشان تعرف إنو مهما وعدوك بإنهم يكونوا معاك ..

في النهاية حتِكتشف إنو وعودهم مُجرد كلام !

#علي_سعيد

ورجعنا ليكم بعد غياب ~

حلقة جديدة بعنوان .. " أخر رمضان ليك " ✨

ساعدووونا بالشير للحلقة .. 👇👇

الوجع الحقيقي ..

هو الخُذلان البجيك من أقرب الناس لقلبك !

#علي_سعيد

الحاجة الما كُنت مِتوقع حدوثها نهائياً ..

هي إنو افقد الثِقة في الصداقة !

#للأسف

#علي_سعيد

حاول دائماً في كُل خسارة وخُذلان إنك تكسب نفسك في المقام الأول ..

كل حاجة خسرتها حالياً بكرة حتتعوض بالافضل منها ..

وكل زول خذلك حتقابل غيرو وبتعيش معاه أجمل أيامك .. !

#علي_سعيد

بعد سنواتٍ واليوم تحديداً أجِدُ نفسي شخص أخر غير ذاك الشخصُ الذي كان قبل سنوات ..

أصبحتُ لا أتأثر كثيراً اذا رحل عني أو خذلني من أُُُحبُ ، أصبح ليس لدي الوقت لكي أحزن وابكي علي ما فقدتُ ..

أصبحت أكثر تفهّمُاً ونُضّجاً للمواقفِ والعلاقات .. من يريدك يبقى بجانبك ، ومن يريد فُراقُك يأتي بالأسباب والمشاكل من أي شيء لكي يترُكُكَ ..

أصبحتُ لا أُبالي بمن سيبقى معي ومن سيرحل ، وأيقنتُ مؤخراً أن من رحل سيأتي غيره ..

والشخص الذي لا يُحبك .. سيأتي الشخص الذي يُحبك ولكن في الوقتِ المُناسب .. لذلك لستُ علي عجلةٍ من أمري !

راضٍ تماماً بقدرٍ الله ، بُكل شئ يكتبه .. رحيلُ الاصدقاء ، وخُذلان الأحِباء كله لخير ..

" والخِيرة في ما أختاره الله " ♡

#علي_سعيد

صديقتي ..

بعد سنةٍ ونصف من الصداقة ، واللحظات الجميلة أتت اللحظة التي لم تكُن في الحُسبان " لحظة النهاية " ..

لم نتوقع يوماً أن تكون لصداقُتنا نهاية ، لطالما كان وعدنا أن نكونا معاً للنهاية ..

أتت النهاية ، ويا ليتها نهاية جميلة ؛ وليت كل النهايات جميلة مثل البدايات ..

كُنت اتمنى ان أكون دوماً الصديق الذي تُحبينه .. كنت أراكِ الصديقة المُخلِصة ، المُختلِفة التي أختِرتُها من بين الكَثير ..

كُنا مِثال جميل للصداقة .. للعلاقات الحميمة والعفوية ..
وها نحن اليوم نودّع بعضنا البعض ، ونسلُك طُرقٍ مُختلفة ونفترق للأبد ..

أنا الشخص الذي قرر أن يعيش بالصداقة ، ويمكنه أن يعيش حياته كلها بها .. اليوم خيُّب ظنّه وكُسِرت ثِقته في الصداقة .. !

#علي_سعيد

في كل مرة بجينا العيد وبجيب الفرحة معاه ..

مهما كِبرنا في العمر ما حنكبر علي فرحة العيد وتفاصيلو الجميلة ..

العيد فرحة ، تسامح ، تواصل وصلة الأرحام ❤️

#كل_عام_وانتوا_بخير

#عيدكم_مبارك ♡

#علي_سعيد

العيد عُمرو ما حيفّقد تفاصيلو الجميلة ..

في الحقيقة نحن الفقدنا تفاصيل جميلة ، وبقينا ما بنفرح بالعيدية ، ولا بنستمّتع ونحن بنلعب بالألعاب النارية ..

نحن فقدنا تفاصيل الطفولة .. بإختصار نحن كِبرنا !

#علي_سعيد

افترقنا وكل زول شاف طريقو وخلاص كل البينا انتهى ..

لكن منو البِقنع قلوبنا إنهم خلاص ما من نصيبنا وما مكتوب لينا نعيش حياتنا معاهم !

#علي_سعيد