شعور مُؤلِم إنك غيران ، وبتتوجّع ..

لكن ما عندك الحق إنك تعاتب !

#علي_سعيد

صديقتي ..

وحيداً كُل شخص أنتِ لستِ صديقته ♥🌸

#علي_سعيد

في كُل مرة بتتخذل ، وبتفقد إنسان عزيز عليك ..

حاول بفُقدانك ليه ما تفقد نفسك بزعلك المُبالغ عليه !

#علي_سعيد

الاصدقاء هُم البسببهم بنقدر نواجه كُل متاعب ومشاكل الدنيا ..

بنستقوى بيهم ، و بكونوا هُم الأمل في لحظة ضُعفنا ..

بوجودهم بنقدر نرسم إبتسامة رضا بالرغم من كمية المشاكل والضغوطات الإحنا فيها !

#منشن ♥

#علي_سعيد

تحميل حلقات برنامج الخواطر " نداء مع علي سعيد " ::

تحميل مباشر ، توب 4 توب ::

الحلقة الاولى - وقفة تأمل

https://d.top4top.net/m_556czco01.mp3
_________________________

الحلقة الثانية - إياك والتوقعات

https://f.top4top.net/m_556febtt1.mp3

_________________________

الحلقة الثالثة - أنا الغلطان

https://a.top4top.net/m_5562ogju1.mp3

_________________________

الحلقة الرابعة - ناس جميلة

https://f.top4top.net/m_5570xng31.mp3

_________________________

الحلقة الخامسة - المجتمع الجامعي

https://c.top4top.net/m_557zzrs91.mp3
_________________________

الحلقة السادسة - أحاسيس في الصداقة

https://a.top4top.net/m_55775d0r1.mp3

_________________________

الحلقة السابعة - حبيتك

https://f.top4top.net/m_557gaoe31.mp3
_________________________

الحلقة الثامنة - من بعد غيابك

https://b.top4top.net/m_5576x1uy1.mp3
_________________________

الحلقة التاسعة - الزول الامل

https://a.top4top.net/m_622mh6sx1.mp3

_________________________

الحلقة العاشرة _ عدّت سنة

https://f.top4top.net/m_727t47m50.mp3

_________________________

وأيضا يمكنكم تحميل الحلقات من قناة التليجرام ::

https://telegram.me/neda_mp3

بقولوا دائماً الحزن البوجعّ قلبك بجيك من أقرب زول لقلبك ..

لكن عمرو ما كان قصدو إنو في يوم يوجّعك ، ويجرحك ..

دي قاعدة أحفظوها كويس ..

مُستحيل زول بحبك تهون عليه دموعك !

#علي_سعيد

ومُذ أن رحلتِ عني ، فلم يعُد هُناك شئ يُطاق ..

كُل شئ باهت في غِيابُكِ .. وكُل ما عليّ هو أنيّ أفتقدُكِ جِداً ..

فهلَّ عُودتِ إليّ ؟

#علي_سعيد

مع كُل إنكسار وخيبة أمل .. بلقى نفسي إتعلمت حاجات كتيرة ..

وبرضو بكون فقدت حاجات صعب ترجع تاني بسهولة ..

لازم في كل موقف في حياتك تتعلم درس ، ولسه بنتعلم !

#علي_سعيد

الناس الفارقوك حالياً وكسروا قلبك ، وأنت زعلت شديد عليهم ..

بعد سنين من اليوم ، بتلقى نفسك كنت سخيف جدا ، وأنت زعلان على فراقهم ، وبتتحسر كل يوم ..

في الحقيقة ما سخافة لكن وقتها كنت صادق في مشاعرك ..

وحالياً عقلك كبِر شوية وأنا بعتبرها نضج ما سخافة !

#علي_سعيد

ما تعاتب زول مرتين في نفس الغلطة ..

لانو لو بالجد مُهتم بيك ، وخائف من زعلك ما كان كررّ نفس الغلطة مرة تاني !

#علي_سعيد

علي فكرة ممكن سعادتك تكون بعيدة من إنها تكون بسبب إنسان او علاقة حُب او حاجة مُعينة ..

ممُكن تكون سعادتك في أي حاجة غيرهم مع وجود قناعة كافية ..

نحن البنقرر الحاجة دي ؛ ممكن تربط سعادتك بشخص أو علاقة ..

او ممكن تعيش حياتك مُقتنع تماماً إنو السعادة ممكن تلقاها في أي حاجة موجودة حولك !

#علي_سعيد

من الطبيعي جداً إنو بعد الخذلان ..

ترجع لحياتك ورُتينك الكُنت عائشو قبل دخلوك في العلاقة ..

لكن الما طبيعي إنك تكون واقف في مكانك ، وبتتحسّر ..

لا قادر تمشي لقدام ولا قادر ترجع لوضعك الزمان !

لكن خليك عارف ؛ إنو الحياة ماشية وما حتقيف لحزنك ، فعيشها وإنت مبسوط !

#علي_سعيد

في الحقيقة مع حُب ليها ..

حبيت الحياة ؛ عشان تثبت إنو الحُب كافي بإنو يخلي الحياة جميلة ..

و بحبها عشان هي الاوكسجين .. حضورها حياة ، وغيابها إختناق حد الموت !

#علي_سعيد

وارد جداً إنو الانسان الكُنت فاكرو مُستحيل يتغير عليك ..

مع مرور الايام يتغيّر ، عشان يثبت ليك إنو ما في حاجة ثابتة ..

وإنو الكُل في حالة تغيير ، حتي المشاعر ممكن تتغيّر !

#علي_سعيد

أضبط نفسك وخليها ما تتعلق بزول شديد ..

لانو في لحظات الفقد ، والفراق حتتوجّع شديد ..

لدرجة إنك بتحس إنو روحك بتطلع !

#علي_سعيد

قال لها : وهو يُمعنَ النظر في عَينيها ..

أستندُ عليكِ وكأنني أجيدُكِ أكثر الأشياء ثباتاً .. ثم أردف قائلاً :

" من يستندُ علي إمراة تُحبه لا يسقطَ أبداً "

إبتسمت إبتسامةً جعلت قلبه يُزهر من جديد .. ثم قالت : حتماً ستسُقطَ كُل إمراةً لا تستند على رجُل مِثلُكَ !

#علي_سعيد

من اكتر الحاجات الممكن تسبب ليك الحزن و التعاسة ..

هو عدم مواجهة الأخرين بأخطاهم إتجاهك ، بسبب إنك خائف من خسارتهم وإنهم يفهموك غلط ..

واجه كل زول غلط فيك ، عاتبو وأعرف الحقيقة .. عشان ترتاح وما تتعب روحك ساي !

#علي_سعيد

ممكن تكسب قلب كُل إنسان بحاجة بسيطة ..

وهي التعامل الجميل والمُحترم .. وهو بإختصار تأشيرة دخول لكل قلب ❤ !

#علي_سعيد

ذي ما بتقدر إنك تكسر الخاطر ..

إتعلم ياخ إنك برضو تجبر الخاطر الكسرتو ..

أجبروا خواطر بعض مهما كان الثمن ، و حتى لو الزول كان ما بيعني ليك حاجة !

#علي_سعيد

التعوّد علي شخص معين كافي بإنو يعيشك أجمل التفاصل في لحظة وجود الشخص البتحبو ..

والعكس تماماً في غيابو ، هو غياب لكل التفاصيل الجميلة ، و غياب لروحك المُرتبطة بيه وإنت فاقدها في غيابو !

#علي_سعيد

موجع جداً شعور إنو الانسان الكان زمان معاك .. اليوم إتغيّر في كل تفاصيلو ..

إهتمامو مفقود ، وبرود في كل حاجة ، وفقدان لكل التفاصيل الصغيرة والجميلة !

#علي_سعيد