( #اليوم_العالمي_للسعادة ) 20 مارس 🌸

من حقك إنك تكون مبسوط وفي قمة السعادة ..

ما تخلي حاجة تخرب ليك فرحك وسعادتك ..

إبتسم ، وأضحك .. وأسعّد غيرك .. خلونا نسعد بعض .. ونوزع الفرحة ❤

#منشن لزول بتحب تشاركوا لحظاتك السعيدة 🌸

https://m.facebook.com/story.php?story_fbid=558647071166556&id=407050062992925


#علي_سعيد

21 مارس ..

السلامُ عليكُم .. أمُيْ .. أما بَعَدَ .. 🌸

عندما كُنت صغيراً كانت هي بمثابة المصباحُ السحريُ الذي يحُققُ كُلْ شئ أطلبه ..

أُمي التي لا يرتاحُ لها بالُ حتى أكونَ بخير .. أُمي التي تسهرُ الليالي عندما أمرضُ ولا يغمضُ لها جفنُ ..

أمُي هي كُل شئ .. أمُي الحياة .. أمي الجنة .. التي تحتُ قدمِيها جِنان .. ♥

أمي البلَسمُ عندما تُجرّحني الحياة .. أكبر طموحي أن أرُدَ لها الجميل ، وكل شئ أعطتني إياه في صِغري ..

اللهم رِضاكَ .. ورِضا اُمي .. والجنةُ 🌸

اللهم أحفظ أمُهاتنا .. وأرحم من رحلوا من الدنيا ❤

#علي_سعيد

أمبارح حصل معاي موقف مُؤثر شديد في الفيسبوك ..

طبعا من أمُبارح الناس بتحتفل بعيد الأم ..

يلا في صديقة لي علي الفيسبوك نشرت بوست قالت .. أكتبوا لينا إقتباسات للأمُهات ..

طبعا التعليقات كُلها اقتباسات وكلام جميل عن الاُم ..

إلا تعليق واحد من واحدة .. مُوجع شديد ، و اللهو " أنا ما عندي عيد .. أمُي رحلت لربنا "

من قريت التعليق حسيت بضيق و إتأثرت شديد والله ..

وقلت في نفسي شعورها أسي شنو لمن تقرا كل واحد منزل بوست للأم .. ومصوّر معاها ..

أكيد لحظتها بتذكّر أمُها وما بتلقى غير الدموع ، وهي نازلة من عيونها ، وتتوجع ..

يلا دا شعور الناس الامُهاتهم إتوفِن ورحلِن عن الدنيا الفانية دي ..

وأنا متأكد تماماً .. إنو في ناس كتيرة يوم الليلة ما حيخشوا الفيسبوك ..

لانو عارفين إنوا ما حيلقوا حاجة غير الوجع والحسرة ..

لانو كُل زول محتفل مع أمو .. والمتصورة معاه ، الكاتب عنها كلام حلو وغيرو ..

أنا حكيت الموقف دا .. عشان الناس تحتفل مع أمهاتها في البيت وبدون صور وبوستات ..

لانو في ناس فاقدين لامُهاتهم .. فراعوا لمشاعرهم علي الأقل ..

وبرضو عشان نواسي كل زول فاقد أمو ..

وخلونا نترحم علي كُل الأمهات الرحلوا عن الدنيا ..

اللهم أرحمهم وأغفر لهم يارب 🌸
https://m.facebook.com/story.php?story_fbid=559073434457253&id=407050062992925


#علي_سعيد

شُكراً للناس الكانت في حياتنا ، وخذلتنا ..

عشان أقل حاجة أتعملناها منهم إننا كيف نتفادى أمثالهم !

#علي_سعيد

قالوا " البعيد من العين ، بعيد من القلب " ..

لكن نِسوا إنو البعيد من العين قلبو معانا ..

وحِينها حيكون أقّرب الأقربين !

#علي_سعيد

الإنسان الحسّاس ..

عبارة عن كُتلة مشاعر متحركة في شكل إنسان ..

من أبسط الحاجات بتأثر .. كلمة تفرحو .. وكلمة تزعلو ، وتعكّر ليه مزاجو ..

في الحقيقة في تعاملك مع الإنسان الحسّاس .. أنت ما بتتعامل معاه شخصياً كإنسان ..

لكن بتتعامل وبتخاطب مشاعرو ، وقلبو .. فرجاءً أحسنوا التعامل مع النوعية دي !

#منشنوهم

#علي_سعيد

فترة غيابك ، حتي لو كانت قصيرة ..

حتبيّن ليك منو الزول الحيفقدك بس ..

عن الزول الحيفقدك ، وطوالي بسأل منك ، او يتصل عليك !

بتفرق كتير على فكرة !

#علي_سعيد

ذات مساء ، فنُجانَ قهوته المُفضّلة أمامه علي طاولته بجانبه قلمٌ و وبعض الأوراق ..

أخذ كَوب قهوته وأرتشفَ رشفةً .. و وجّه نظره الى قلمه والاوراق البيضاء التي بجانبه ..

أنتابه شعور بأنه يحتاجُ أن يكتبَ ، وحينها حدّثه قلبه بأنه بحاجة لشئ من الفضفضة .. وأن لديه كلامُ يتعبه يُريد أن يُخرجه ليرتاح ..

وضع كوب قهوته ، وأخذ القلم ثم كتب :

" إلى الشخص الذي عشِقته وخدعني و كان نصيبي من عشقِه الحزن ، والخذلان " ..

اليوم أنا أكتُب لك بكُل ما أوتيتَ من جرحٍ جعلني قوياً ..

هذه أخر الكلمات التي أكتُبها لكِ ، وأنتِ لا تقراءِ ما أكتبه ، وما كتبته لكِ سابقاً ..

دَعِيني أُخبرُكِ سِراً ، لقد شعرت بأني أتشافىٰ مِنكِ ، ومن سِهامكِ السامة ..

وأيقنتَ مؤخراً بأنه الشخص الذي خذلُكَ ، وفطرَ قلبُكَ لا يستحق حُزنكَ و دموعكَ .. ولا يستحق الندم عليه ..

ولكنني أحببتُكِ حقاً لذلك بعد جَرحُكِ لي .. صابني التشتّتُ والضياع ..

والأن أين أنتِ مِنّي أنا .. أنتِ في بلدةٍ وأنا في بلدةٍ أُخرىٰ ..

ولكن حدثَ ما حدثَ ، وأتا مُيقناً أنّ كُلْ ما حدثَ خيرٌ لي ، " والخِيرة في ما أختاره اللَّه " ..

تنهد تنهيدةً تحمل معانيٍ كثيرة من الوجع ، ثُمْ كَتب .. تبقّت كلِمات قليلة ، وبعدها أتحررَ من سجِن ماضِيكِ وذكرياته المريرة ..

وكَتبَ ..

" السلامُ على قلبُكِ القاسي حتىٰ يلينَ قليلاً .. ولا يؤذي من تُحِبيه بَعدي "

#علي_سعيد

أشكُر ربك ألف مرة ..

لو عندك الزول القادر إنو يحوّل ليك أحزانك الى ضحكات ، وإبتسامات في لحظات وجيزة !

#منشن

#علي_سعيد

لو كُنت عارف أنا قدر شنو بتمنى وجودك معاي في كل الاوقات ..

ما كان حيهون عليك انك تكون بعيد عني ..

وما كنت حتكتّر غيابك في الوقت البكون مُحتاجك فيه تحديداً !

#علي_سعيد

قلوبنا دائماً بتحب الناس الما حتكون ليها أصلاً ...

بإختصار هي دائما بتحب الحاجات البعيدة ، وصعبة المنال !

#علي_سعيد

من أكتر الحاجات الموجعة ..

إني عشانك إتخلى عن ناس كتيرة ..

وفي النهاية إنت تتخلى عني عشان زول واحد ..

#علي_سعيد

حدّثنِي عن الحُب ؟

الحُب هو الذي يجعل مِنا أُناساً ، وبدونه لكُنا وحُوشاً لا تَرحم ، ولا تشُعر 🌸

#علي_سعيد

أنا مُمكن أعيش حياتي كُلها بدون حُب او إرتباط ..

لكن مُستحيل أكون راضى عن علاقة بدون تقدير ، وإحترام ..

التقدير ، والإحترام في اي علاقة أهم من العلاقة في ذات نفسها !

#علي_سعيد

أحلامنا أكبر من إنو كلمات بسيطة تحطّمها ..

طموحنا أقوى من تأثير كلماتكم السلبية فينا ..

أحلامنا كبيرة وبعيدة حدها السماء 🌸

#Montivion

#علي_سعيد

إحساسي وشعوري بوجعك ، وإنك بتتألم ..

سببو إني أتوجعت ، وأتألمت قبلك ..

على فكرة .. أنا حاسي بيك !

#علي_سعيد

المشاكل عُمرها ما كانت سبب في نهاية علاقة ..

لكن العلاقة الضعيفة والهشة ، نهايتها بتكون بسبب مشكلة او خلاف بسيط !

#علي_سعيد

في الحقيقة نحن ما مُحتاجين كترة الاشخاص حولنا ، او في حياتنا ..

كل العايزنوا شوية مِصداقية من الناس الحولنا !

#علي_سعيد

من الحاجات الما منطقية في الحُب ..

إنو غياب الإنسان البتحبو كفيل بإنو ينزع منك فرحتك ..

ويعيّشك شعور إنو الكون فاضي من كُل البشر ..

هو ما مجُرد غياب الإنسان البنحبو ، هو غياب روحنا المرتبطة بيه ..

والبقت ما قادرة تعيش لحظة بدونو !

#علي_سعيد

تجذُبني و تُثير إعجابي الفتاة القوية التي لا تتأثر بكلام شخص ، ولا تستند علي رجل ، قوية بنفسها ، ولا تُغريها المظاهر والشكليات ..

تُقدس نفسها ، تُحب ذاتها ، واثقة من نفسها ، لا تحُب التقليد ، مختلفة عن الكل لا تشبه أحد ..

هادئة ، مزاجية بعض الشئ ، لا تتكلم كثيراً ، تعشق القراءة ، و تُحب التغيير ..

كل إهتمامُها جَمال عقِلها ، ولا تكترث لجمال شكلِها لتُلفتَ الانظار ويُقال عنها جميلة ..

لا يُقيّدها رجل بأسم الحُب فهي دائما تُحب ان تكون حُرةً طليقة ..

تعشق القهوة والهدوء ، لا تكترث لما يُقال فيها ، لانها تعرف جيداً من تكون !

لها أحلام وطموحات ، تسعى وراءها بشغف ، وبثبات 🌸

#علي_سعيد

في ناس عندهم موهبة عظيمة جداً ..

بإنو قادرين يحوّلوا ليك حزنك وضيقك الى فرحة ، و سعادة ما بتتوصف ..

بمجرد شوفتهم ، والإستماع لكلماتهم الجميلة إنت تلقائياً بترتاح وبتكون مبسوط !

ديل بإختصار تسميهم الناس الفرحة ، او الناس الدواء !

#منشنوهم

#علي_سعيد