#تأمُلات ♥

أولاً :

أُريد أن أخبرُكَ بأن لا أحد يهمه بما ستصبح عليه ، ذلك أجتهد ، وأعمل ، وأنت الذي يعنيه ويهمه كُل الامر !

ثانياً :

لماذا تبكي ؟ هل لانهم خذلوك ، أم إنك ضعيف ؟ .. وفي كلتا الحالتين لا تبكي .. لان بُكاءك لن يغير شئ ..

إنهض وأفعل شئ ، غّير ، أنجّز ، عبّر !

ثالثاً :

الحياة ليست حلوةً كما تظن .. الحياة ألمُ ، وألم ، وألم .. حتى سعادةً بعد ذلك ..

لذلك أصبر .. وكافح ، وكُن من الصابرين !

رابعاً :

ماذا حققتُ من أحلامِك .. لا شئ .. لماذا ؟ لانّ لم تكُن لك أحلامُ قط !

دع اليأس .. وإحلم ، وخطط ، وحقق ما ترُيد !

#علي_سعيد

في زمنِنا هذا .. الحُب هو أن أحتكِرُكَ وتكون لي وحدي .. وأحجُبكَ عن العالم ..

بُحجة كلمة يُرددوها دوماً ، وهي الغِيرة .. مثل هؤلاء لا يعرفون عن الحبُ شئٌ سوىٰ إسمه !

#علي_سعيد

الرابعة والنصف عصراً ..

رجع إلىٰ البيت مُنهكاً ، ومرهقاً .. بعد يوماً شاقاً ، وضع شنطته فوق الطاولة .. وجلس علي الكرس .. وشرب بعض الماء ..

بعدها أخذ يمر بزهنه أحداث اليوم كلها .. زحمة المواصلات ، وضجيج صوت القطار .. و ضجة التُجار في السوق .. وغيرها ..

الخامسة عصراً ..

أخذ هاتفه ، وهمّ ذاهباً الىٰ غرفته .. التي فيها يجد كامل راحته .. إنها بعيدة عن ضجيج البشر ، وفي مكان هادئ .. فتح باب غرفته .. وأخذ نفساً عميقاً .. أراحه قليلاً ..

الخامسة وعشرة دقائق :

يجلس في الكرسي وهو ينظر الى ما تحتويه طاولته .. كُتب ،وأوراق مبُعثرة ، و فنجان قهوة الذي به يُعيد ترتيبُ كُل الخراب الذي بداخله ..

وضع هاتفه علي الطاولة .. وأمسكَ بكتابه الذي يقرأه دوماً .. إنه مُولع بقرأ كتب التنمية البشرية .. وكتب تطويز الذات ..

الخامسة والنصف عصراً :

وأصبح يقرأ قليلاً ويرتشفِ من قهوته قليلاً .. وبدأ كُل التعب والارهاق يزول تاراً فتاراً ..

إنه لشخص مزأجي ذو أطوار غريبة .. أليس كذلك ؟

هدوء وضوء خافت ، وكتاب وقهوة ..

نعم هذا الاشياء التي يحتاجها كل شخص بعد عودته مرهقاً ، ومتعباً .. لكي يرتاح قليلاً ..

السادسةُ مساءً :

أمسكَ بهاتفه و بدأ يتصفح الفيسبوك .. ليعلم ما حدث بغيابه .. بعدها بقليل وضع هاتفه علي الطاولة .. وأمسك بكتابه ♥

وهو من الأشخاص الذين لا يحبون الفيسبوك وغيرها من مواقع التواصل الاجتماعي ..

بعد ما عِلم سابقاً إنهما من مُهدِرات الوقت .. ومن الاشياء الغير مُهمة وغير عاجلة ..

أكثر الاشخاص إكتئاباً هم الذين صنعوا لنفسهم وأقع إفتراضي وهمي .. ليجدوا من خلاله محبة الاشخاص ، والعلاقات الحميمة ..

وكثرة المتابعين .. والإعجاب ، وكثرة الاصدقاء .. فإنهم فإن كثروا لا يعادلون صديق واحد علي أرضُ الواقع ..

هذا دليل علي إنهم فشِلوا في الواقع الحقيقي في تكوين علاقات ، ولم يجدوا قبول من المجتمع ..

وأخيراً :

أصنعوا لنفسكُم واقع تعيشونه بسعادة .. إبتعدوا عن الاشياء التي تسرق فرحتكم وسعادتكم ..

لا تقارنوا أنفسكم بأحد .. عيشوا كما أنتوا .. لا تتصنعوا شيئاً .. عيشوا حياتكم بكل تفاصيلها .. وأستمتعوا بكل التفاصيل الصغيرة ، و الجميلة .. 🌸

أستشعروا قيمة الاشياء التي في أيديكم ، ولا تطمعوا ما في أيدي غيركم .. تعملوا القناعة ، وأكتفوا بها ♥

#علي_سعيد

#السلام عليكم ..

الليلة عايز أعرفكم علي نفسي ، وعلي شخصية علي سعيد .. وعلي برنامج نداء عن قُرب ..

#أولاً : علي سعيد :

علي سعيد من الشمالية ( مدينة الدبة ) .. العمر 21 سنة .. طالب في أكاديمية العلوم الصحية - دنقلا .. بدرس طب عام السنة الاخيرة ( خريج ) ..

كاتب .. مقدم برنامج نداء علي السوشال ميديا .. ومؤسس منظمة الامل التحفيزية ( بتكلم عنها لاحقاً )

#البداية :

البداية قبل سنة .. وكانت بكتابات قصيرة علي حسابي الشخصي على الفيسبوك ..

بعدها قررت أعمل صفحة تكون فيها كل كتاباتي .. عملت صفحة وفي حينها جاتني فكرة إنو تعمل برنامج ومن خلالو توصل صوتك وفكرتك ورسائلك الانت عايز توصلها للمجتمع ..

وعملت الصفحة وبديت أنشر الخواطر بطريقة متواصلة .. بعدها قررت أعمل حلقات صوتية ..

لكن في نفس الوقت ما عندي الادوات ( مايك للتسجيل ولابتوب للمونتاج ) .. في اللحظة ديك كنت متضايق شديد وزعلان .. عشان لو كدا انا ما حأعمل وما حأبدا ..

المهم بعدها بفترة .. قلت لازم أبدا بالحاجة العندي .. و قررت أسجل الحلقات بتلفوني .. وفعلا بديت وسجلت الحلقات كلها بتلفوني ، والمونتاج برضو بتلفوني .. وبراي بدون مساعدة من أي شخص ..

وحاليا كل الحلقات ( 10 ) حلقات كلها بالتلفون ..

ولحدي الان مستمر .. ولسه ما أشتريت مايك 😇

#المعوقات :

من أكتر المعوقات الواجهتني هي الانتقاد و فهم بعض الناس السطحي لفكرة الخواطر السودانية او باللهجة العامية .. و إنو ما في زول بقدر يكتب غير شخصيات معروفة سابقاً ومشهورة ..

واجهتني كتيرة .. وبالجد بتضايقني شديد .. كونو في ناس بتفكر كدا .. لكن برغم كل الانتقادات وغيرها كانت هي دافع لي علي إني أستمر .. و ما اوقف .. لانو انا عندي أهداف معينة .. عايز أحققها .. وفعلا أستمريت ..

ولسه مستمر 🌸

#في_الختام ..

حابي أشكركم .. وانا ممنون ومبسوط شديد بمتابعتكم للبرنامح .. وبعتبرها دعم كبير بالنسبة لي ..

وانا ما همي كترة المتابعين بقدر ما أكبر همومي انو اوصل رسالة للمجتمع .. وأصنع محتوى هادفة .. دا كل البسعى ليه ..

شكراً جزيلاً لكل المتابعين ..

وماتنسوا تكتبوا لي أراكم وإنطباعكم عن البرنامج .. وهل هو حقق الاهداف البسعى ليه ؟

https://m.facebook.com/story.php?story_fbid=556691704695426&id=407050062992925

ودمُتم بخير ♥

#علي_سعيد

أنا بقول إنو الصداقة ما في أجمل ، و أحلىٰ منها ..

وقصدي بالصداقة القوية دِيك .. البتخليك تحس إنو صديقك دا جُزء منك ..

تتكلم معاه بكل أريحية وعفوية وإنت واثق تماماً إنو ما حيفهمك غلط ..

بتحس إنو البيناتكم أكبر من صداقة .. أو بٱختصار كُل مشاعر العلاقات متُجمّعة في الصداقة ..

الزول الفي وقتك حزنك هو الوحيد البتلقاه جمبك ، والقادر إنو يرجع ليك إبتسامتك ..

الزول البنصحك ، وبسندك لمن تقع .. البواسيك في حُزنك ، والبفرح بفرحك ونجاحك !

#منشن_للبستاهل ♥

#علي_سعيد

( #اليوم_العالمي_للسعادة ) 20 مارس 🌸

من حقك إنك تكون مبسوط وفي قمة السعادة ..

ما تخلي حاجة تخرب ليك فرحك وسعادتك ..

إبتسم ، وأضحك .. وأسعّد غيرك .. خلونا نسعد بعض .. ونوزع الفرحة ❤

#منشن لزول بتحب تشاركوا لحظاتك السعيدة 🌸

https://m.facebook.com/story.php?story_fbid=558647071166556&id=407050062992925


#علي_سعيد

21 مارس ..

السلامُ عليكُم .. أمُيْ .. أما بَعَدَ .. 🌸

عندما كُنت صغيراً كانت هي بمثابة المصباحُ السحريُ الذي يحُققُ كُلْ شئ أطلبه ..

أُمي التي لا يرتاحُ لها بالُ حتى أكونَ بخير .. أُمي التي تسهرُ الليالي عندما أمرضُ ولا يغمضُ لها جفنُ ..

أمُي هي كُل شئ .. أمُي الحياة .. أمي الجنة .. التي تحتُ قدمِيها جِنان .. ♥

أمي البلَسمُ عندما تُجرّحني الحياة .. أكبر طموحي أن أرُدَ لها الجميل ، وكل شئ أعطتني إياه في صِغري ..

اللهم رِضاكَ .. ورِضا اُمي .. والجنةُ 🌸

اللهم أحفظ أمُهاتنا .. وأرحم من رحلوا من الدنيا ❤

#علي_سعيد

أمبارح حصل معاي موقف مُؤثر شديد في الفيسبوك ..

طبعا من أمُبارح الناس بتحتفل بعيد الأم ..

يلا في صديقة لي علي الفيسبوك نشرت بوست قالت .. أكتبوا لينا إقتباسات للأمُهات ..

طبعا التعليقات كُلها اقتباسات وكلام جميل عن الاُم ..

إلا تعليق واحد من واحدة .. مُوجع شديد ، و اللهو " أنا ما عندي عيد .. أمُي رحلت لربنا "

من قريت التعليق حسيت بضيق و إتأثرت شديد والله ..

وقلت في نفسي شعورها أسي شنو لمن تقرا كل واحد منزل بوست للأم .. ومصوّر معاها ..

أكيد لحظتها بتذكّر أمُها وما بتلقى غير الدموع ، وهي نازلة من عيونها ، وتتوجع ..

يلا دا شعور الناس الامُهاتهم إتوفِن ورحلِن عن الدنيا الفانية دي ..

وأنا متأكد تماماً .. إنو في ناس كتيرة يوم الليلة ما حيخشوا الفيسبوك ..

لانو عارفين إنوا ما حيلقوا حاجة غير الوجع والحسرة ..

لانو كُل زول محتفل مع أمو .. والمتصورة معاه ، الكاتب عنها كلام حلو وغيرو ..

أنا حكيت الموقف دا .. عشان الناس تحتفل مع أمهاتها في البيت وبدون صور وبوستات ..

لانو في ناس فاقدين لامُهاتهم .. فراعوا لمشاعرهم علي الأقل ..

وبرضو عشان نواسي كل زول فاقد أمو ..

وخلونا نترحم علي كُل الأمهات الرحلوا عن الدنيا ..

اللهم أرحمهم وأغفر لهم يارب 🌸
https://m.facebook.com/story.php?story_fbid=559073434457253&id=407050062992925


#علي_سعيد

شُكراً للناس الكانت في حياتنا ، وخذلتنا ..

عشان أقل حاجة أتعملناها منهم إننا كيف نتفادى أمثالهم !

#علي_سعيد

قالوا " البعيد من العين ، بعيد من القلب " ..

لكن نِسوا إنو البعيد من العين قلبو معانا ..

وحِينها حيكون أقّرب الأقربين !

#علي_سعيد

الإنسان الحسّاس ..

عبارة عن كُتلة مشاعر متحركة في شكل إنسان ..

من أبسط الحاجات بتأثر .. كلمة تفرحو .. وكلمة تزعلو ، وتعكّر ليه مزاجو ..

في الحقيقة في تعاملك مع الإنسان الحسّاس .. أنت ما بتتعامل معاه شخصياً كإنسان ..

لكن بتتعامل وبتخاطب مشاعرو ، وقلبو .. فرجاءً أحسنوا التعامل مع النوعية دي !

#منشنوهم

#علي_سعيد

فترة غيابك ، حتي لو كانت قصيرة ..

حتبيّن ليك منو الزول الحيفقدك بس ..

عن الزول الحيفقدك ، وطوالي بسأل منك ، او يتصل عليك !

بتفرق كتير على فكرة !

#علي_سعيد

ذات مساء ، فنُجانَ قهوته المُفضّلة أمامه علي طاولته بجانبه قلمٌ و وبعض الأوراق ..

أخذ كَوب قهوته وأرتشفَ رشفةً .. و وجّه نظره الى قلمه والاوراق البيضاء التي بجانبه ..

أنتابه شعور بأنه يحتاجُ أن يكتبَ ، وحينها حدّثه قلبه بأنه بحاجة لشئ من الفضفضة .. وأن لديه كلامُ يتعبه يُريد أن يُخرجه ليرتاح ..

وضع كوب قهوته ، وأخذ القلم ثم كتب :

" إلى الشخص الذي عشِقته وخدعني و كان نصيبي من عشقِه الحزن ، والخذلان " ..

اليوم أنا أكتُب لك بكُل ما أوتيتَ من جرحٍ جعلني قوياً ..

هذه أخر الكلمات التي أكتُبها لكِ ، وأنتِ لا تقراءِ ما أكتبه ، وما كتبته لكِ سابقاً ..

دَعِيني أُخبرُكِ سِراً ، لقد شعرت بأني أتشافىٰ مِنكِ ، ومن سِهامكِ السامة ..

وأيقنتَ مؤخراً بأنه الشخص الذي خذلُكَ ، وفطرَ قلبُكَ لا يستحق حُزنكَ و دموعكَ .. ولا يستحق الندم عليه ..

ولكنني أحببتُكِ حقاً لذلك بعد جَرحُكِ لي .. صابني التشتّتُ والضياع ..

والأن أين أنتِ مِنّي أنا .. أنتِ في بلدةٍ وأنا في بلدةٍ أُخرىٰ ..

ولكن حدثَ ما حدثَ ، وأتا مُيقناً أنّ كُلْ ما حدثَ خيرٌ لي ، " والخِيرة في ما أختاره اللَّه " ..

تنهد تنهيدةً تحمل معانيٍ كثيرة من الوجع ، ثُمْ كَتب .. تبقّت كلِمات قليلة ، وبعدها أتحررَ من سجِن ماضِيكِ وذكرياته المريرة ..

وكَتبَ ..

" السلامُ على قلبُكِ القاسي حتىٰ يلينَ قليلاً .. ولا يؤذي من تُحِبيه بَعدي "

#علي_سعيد

أشكُر ربك ألف مرة ..

لو عندك الزول القادر إنو يحوّل ليك أحزانك الى ضحكات ، وإبتسامات في لحظات وجيزة !

#منشن

#علي_سعيد

لو كُنت عارف أنا قدر شنو بتمنى وجودك معاي في كل الاوقات ..

ما كان حيهون عليك انك تكون بعيد عني ..

وما كنت حتكتّر غيابك في الوقت البكون مُحتاجك فيه تحديداً !

#علي_سعيد

قلوبنا دائماً بتحب الناس الما حتكون ليها أصلاً ...

بإختصار هي دائما بتحب الحاجات البعيدة ، وصعبة المنال !

#علي_سعيد

من أكتر الحاجات الموجعة ..

إني عشانك إتخلى عن ناس كتيرة ..

وفي النهاية إنت تتخلى عني عشان زول واحد ..

#علي_سعيد

حدّثنِي عن الحُب ؟

الحُب هو الذي يجعل مِنا أُناساً ، وبدونه لكُنا وحُوشاً لا تَرحم ، ولا تشُعر 🌸

#علي_سعيد

أنا مُمكن أعيش حياتي كُلها بدون حُب او إرتباط ..

لكن مُستحيل أكون راضى عن علاقة بدون تقدير ، وإحترام ..

التقدير ، والإحترام في اي علاقة أهم من العلاقة في ذات نفسها !

#علي_سعيد