عشان مشاعرنا صادقة ..

بنتعب وبنعاني كتير لمن نقابل ناس ما بتقدرها ، وتحترمها !

وعايشة حياتها كُلها لعب وخداع بمشاعر الناس !

#علي_سعيد

بتمر عليك لحظات صعبة جداً في حياتك ؛ ومرات بتتعثر لكن بتستمر ، و إحباط ، وحاجات كتيرة بتخليك تتخلى عن أحلامك بكل سهولة ، و تقول خلاص انا ما قادر ، ما قادر أكمل ، ما قادر أحقق أحلامي ، وطموحاتي الجواي ؟

لكن بقول ليك( #لسه_الامل ) موجود ، بس أنت عاين ليه من عدة جهات ، ما تستسلم من اول فشل ليك ، او تعثر ، فشلت حاول ؛ اتعثرت قوم و واصل طريقك !

يمكن احلامنا كبيرة علي واقعنا ، لكن ما بتكون كبيرة علي طمُوحاتنا ، ورغبتنا في تحقيقها ، و أحلامنا الكل يوم بتكبر !

خليك اقوي من الظروف والمُعوقات ، وأتخطى كلام المُحبطين بكل قوة ، وإصرار !

النجاح بحتاج لبذل جُهد ، وصبر طويل ؛ فما تستعجل علي أحلامك ؛ بس انت اسعى واجتهد ، وأتاكد إنو في يوم حتلقى نفسك وصلت للانت عايزو ، بس خليك واثق في نفس ، وفي قدراتك !

وكون عارف وإنو في الدنيا دي ما في حاجة صعبة ، وما في حاجة مُستحيلة 😊 !

#علي_سعيد

هو لمن يكُن صديُقها فقط .. هو كان سندُها عندما تميلُ ..

هو كان فرحتُها عندما تحزن .. هو كان لها كُل شئ عندما فقدت كُل شئ !

#علي_سعيد

في كُل مرة بتهتم بزول مُهمشك ، وما مقدرك ..

في زول تاني كُل العايزو شوية إهتمام ، وسؤال منك !

ما تحاول تكسب زول بعيد منك ، عشان ما تفقد الزول القريب ليك ..

وطريقة الوصول ليه ساهلة جداً !

#علي_سعيد

قناتي علي اليوتيوب ..

حتلقوا فيها كل مقاطع .. خاطرة في 30 ثانية ..

وقريبا حننزل فيها الحلقات 🎤

https://m.youtube.com/channel/UCeqaSKki6Al8rR-cn3v2oCA

اللحظات الجميلة .. جميلة في وقتها ..

زِكريات مُؤلمة بعد الفُراق !

#علي_سعيد

العلاقات العاطفية ما مُحتاجة بإنك تستخدم المنطق والعقلانية ..

كُل المحتاجاه تفاهم ، وعفوية .. وحسن نية في كل المواقف !

وإتاكد تماماً إنك بمجرد إستخدامك للمنطق والعقلانية حتبدأ المشاكل والخلافات !

#علي_سعيد

كُل يوم هو بمثابة فُرصة جديدة لكي تنجح .. فلا تُهدر وقتكَ في شئ لا ينفعك ♥

#علي_سعيد

لا تُحبطكَ كلماتُ سلبية من شخصُ لا يعرفُ عن أحلامِك وطموحاتكُ شئ !

#علي_سعيد

#اليوم_العالمي_للمراة

( 8 مارس )

لو قلت عايز أكتب عن المراة ما حأقدر أوفيها حقها أو أقدر أعبر عنها في كلمات ..

لانها بإختصار هي كُل شيء جميل ..

هي البهجة في الدنيا دي .. هي البوجودها الحياة بكون ليها طعم

( ولولاها لكانت الحياةُ جحيم لا يُطاق )

المرأة هي التي تصنعُكَ وتصنُع المستقبل .. وهي السبب في وجودكَ !

إلي أمُي التي صنعتني وجعلت مني شخصاً له قيمة ..

الى أخُتي التي هي جُزء مني .. وهي نصفي الثاني ..

الى صديقتي التي هي عوناً لي في حياتي .. التي هي مُصدر سعادتي ..

الى زوجتي المستقبلية التي لم تأتي بعد ، والتي ستشُاركني وتُقاسمني حياتي و مشاكلي و أحلامي ..

( أحبكُم ♥ )

الى حواء السودانية .. كُوني بخير .. كُوني قوية .. كُوني طموحة .. !

#علي_سعيد

تابعوني علي تويتر ♥

https://twitter.com/ali3sd/

في إبتسامتُها سِحرُ ..

يُعيدُ للقلب الحزينِ المُتهالكُ فرحته ، وبهجته ♥

#علي_سعيد

#تأمُلات ♥

أولاً :

أُريد أن أخبرُكَ بأن لا أحد يهمه بما ستصبح عليه ، ذلك أجتهد ، وأعمل ، وأنت الذي يعنيه ويهمه كُل الامر !

ثانياً :

لماذا تبكي ؟ هل لانهم خذلوك ، أم إنك ضعيف ؟ .. وفي كلتا الحالتين لا تبكي .. لان بُكاءك لن يغير شئ ..

إنهض وأفعل شئ ، غّير ، أنجّز ، عبّر !

ثالثاً :

الحياة ليست حلوةً كما تظن .. الحياة ألمُ ، وألم ، وألم .. حتى سعادةً بعد ذلك ..

لذلك أصبر .. وكافح ، وكُن من الصابرين !

رابعاً :

ماذا حققتُ من أحلامِك .. لا شئ .. لماذا ؟ لانّ لم تكُن لك أحلامُ قط !

دع اليأس .. وإحلم ، وخطط ، وحقق ما ترُيد !

#علي_سعيد

في زمنِنا هذا .. الحُب هو أن أحتكِرُكَ وتكون لي وحدي .. وأحجُبكَ عن العالم ..

بُحجة كلمة يُرددوها دوماً ، وهي الغِيرة .. مثل هؤلاء لا يعرفون عن الحبُ شئٌ سوىٰ إسمه !

#علي_سعيد

الرابعة والنصف عصراً ..

رجع إلىٰ البيت مُنهكاً ، ومرهقاً .. بعد يوماً شاقاً ، وضع شنطته فوق الطاولة .. وجلس علي الكرس .. وشرب بعض الماء ..

بعدها أخذ يمر بزهنه أحداث اليوم كلها .. زحمة المواصلات ، وضجيج صوت القطار .. و ضجة التُجار في السوق .. وغيرها ..

الخامسة عصراً ..

أخذ هاتفه ، وهمّ ذاهباً الىٰ غرفته .. التي فيها يجد كامل راحته .. إنها بعيدة عن ضجيج البشر ، وفي مكان هادئ .. فتح باب غرفته .. وأخذ نفساً عميقاً .. أراحه قليلاً ..

الخامسة وعشرة دقائق :

يجلس في الكرسي وهو ينظر الى ما تحتويه طاولته .. كُتب ،وأوراق مبُعثرة ، و فنجان قهوة الذي به يُعيد ترتيبُ كُل الخراب الذي بداخله ..

وضع هاتفه علي الطاولة .. وأمسكَ بكتابه الذي يقرأه دوماً .. إنه مُولع بقرأ كتب التنمية البشرية .. وكتب تطويز الذات ..

الخامسة والنصف عصراً :

وأصبح يقرأ قليلاً ويرتشفِ من قهوته قليلاً .. وبدأ كُل التعب والارهاق يزول تاراً فتاراً ..

إنه لشخص مزأجي ذو أطوار غريبة .. أليس كذلك ؟

هدوء وضوء خافت ، وكتاب وقهوة ..

نعم هذا الاشياء التي يحتاجها كل شخص بعد عودته مرهقاً ، ومتعباً .. لكي يرتاح قليلاً ..

السادسةُ مساءً :

أمسكَ بهاتفه و بدأ يتصفح الفيسبوك .. ليعلم ما حدث بغيابه .. بعدها بقليل وضع هاتفه علي الطاولة .. وأمسك بكتابه ♥

وهو من الأشخاص الذين لا يحبون الفيسبوك وغيرها من مواقع التواصل الاجتماعي ..

بعد ما عِلم سابقاً إنهما من مُهدِرات الوقت .. ومن الاشياء الغير مُهمة وغير عاجلة ..

أكثر الاشخاص إكتئاباً هم الذين صنعوا لنفسهم وأقع إفتراضي وهمي .. ليجدوا من خلاله محبة الاشخاص ، والعلاقات الحميمة ..

وكثرة المتابعين .. والإعجاب ، وكثرة الاصدقاء .. فإنهم فإن كثروا لا يعادلون صديق واحد علي أرضُ الواقع ..

هذا دليل علي إنهم فشِلوا في الواقع الحقيقي في تكوين علاقات ، ولم يجدوا قبول من المجتمع ..

وأخيراً :

أصنعوا لنفسكُم واقع تعيشونه بسعادة .. إبتعدوا عن الاشياء التي تسرق فرحتكم وسعادتكم ..

لا تقارنوا أنفسكم بأحد .. عيشوا كما أنتوا .. لا تتصنعوا شيئاً .. عيشوا حياتكم بكل تفاصيلها .. وأستمتعوا بكل التفاصيل الصغيرة ، و الجميلة .. 🌸

أستشعروا قيمة الاشياء التي في أيديكم ، ولا تطمعوا ما في أيدي غيركم .. تعملوا القناعة ، وأكتفوا بها ♥

#علي_سعيد

#السلام عليكم ..

الليلة عايز أعرفكم علي نفسي ، وعلي شخصية علي سعيد .. وعلي برنامج نداء عن قُرب ..

#أولاً : علي سعيد :

علي سعيد من الشمالية ( مدينة الدبة ) .. العمر 21 سنة .. طالب في أكاديمية العلوم الصحية - دنقلا .. بدرس طب عام السنة الاخيرة ( خريج ) ..

كاتب .. مقدم برنامج نداء علي السوشال ميديا .. ومؤسس منظمة الامل التحفيزية ( بتكلم عنها لاحقاً )

#البداية :

البداية قبل سنة .. وكانت بكتابات قصيرة علي حسابي الشخصي على الفيسبوك ..

بعدها قررت أعمل صفحة تكون فيها كل كتاباتي .. عملت صفحة وفي حينها جاتني فكرة إنو تعمل برنامج ومن خلالو توصل صوتك وفكرتك ورسائلك الانت عايز توصلها للمجتمع ..

وعملت الصفحة وبديت أنشر الخواطر بطريقة متواصلة .. بعدها قررت أعمل حلقات صوتية ..

لكن في نفس الوقت ما عندي الادوات ( مايك للتسجيل ولابتوب للمونتاج ) .. في اللحظة ديك كنت متضايق شديد وزعلان .. عشان لو كدا انا ما حأعمل وما حأبدا ..

المهم بعدها بفترة .. قلت لازم أبدا بالحاجة العندي .. و قررت أسجل الحلقات بتلفوني .. وفعلا بديت وسجلت الحلقات كلها بتلفوني ، والمونتاج برضو بتلفوني .. وبراي بدون مساعدة من أي شخص ..

وحاليا كل الحلقات ( 10 ) حلقات كلها بالتلفون ..

ولحدي الان مستمر .. ولسه ما أشتريت مايك 😇

#المعوقات :

من أكتر المعوقات الواجهتني هي الانتقاد و فهم بعض الناس السطحي لفكرة الخواطر السودانية او باللهجة العامية .. و إنو ما في زول بقدر يكتب غير شخصيات معروفة سابقاً ومشهورة ..

واجهتني كتيرة .. وبالجد بتضايقني شديد .. كونو في ناس بتفكر كدا .. لكن برغم كل الانتقادات وغيرها كانت هي دافع لي علي إني أستمر .. و ما اوقف .. لانو انا عندي أهداف معينة .. عايز أحققها .. وفعلا أستمريت ..

ولسه مستمر 🌸

#في_الختام ..

حابي أشكركم .. وانا ممنون ومبسوط شديد بمتابعتكم للبرنامح .. وبعتبرها دعم كبير بالنسبة لي ..

وانا ما همي كترة المتابعين بقدر ما أكبر همومي انو اوصل رسالة للمجتمع .. وأصنع محتوى هادفة .. دا كل البسعى ليه ..

شكراً جزيلاً لكل المتابعين ..

وماتنسوا تكتبوا لي أراكم وإنطباعكم عن البرنامج .. وهل هو حقق الاهداف البسعى ليه ؟

https://m.facebook.com/story.php?story_fbid=556691704695426&id=407050062992925

ودمُتم بخير ♥

#علي_سعيد

أنا بقول إنو الصداقة ما في أجمل ، و أحلىٰ منها ..

وقصدي بالصداقة القوية دِيك .. البتخليك تحس إنو صديقك دا جُزء منك ..

تتكلم معاه بكل أريحية وعفوية وإنت واثق تماماً إنو ما حيفهمك غلط ..

بتحس إنو البيناتكم أكبر من صداقة .. أو بٱختصار كُل مشاعر العلاقات متُجمّعة في الصداقة ..

الزول الفي وقتك حزنك هو الوحيد البتلقاه جمبك ، والقادر إنو يرجع ليك إبتسامتك ..

الزول البنصحك ، وبسندك لمن تقع .. البواسيك في حُزنك ، والبفرح بفرحك ونجاحك !

#منشن_للبستاهل ♥

#علي_سعيد

( #اليوم_العالمي_للسعادة ) 20 مارس 🌸

من حقك إنك تكون مبسوط وفي قمة السعادة ..

ما تخلي حاجة تخرب ليك فرحك وسعادتك ..

إبتسم ، وأضحك .. وأسعّد غيرك .. خلونا نسعد بعض .. ونوزع الفرحة ❤

#منشن لزول بتحب تشاركوا لحظاتك السعيدة 🌸

https://m.facebook.com/story.php?story_fbid=558647071166556&id=407050062992925


#علي_سعيد