في حياتنا بنكون محتاجين للانسان البفهمنا بدون ما نحكي ليه ..

يفهمنا من نبرة صوتنا ، من تكشيرتنا ، و من طريقة كلامنا !

لانو في ناس ما بتعرف تحكي علي إنها هي قدُر شنو بتعاني !

#علي_سعيد

غيرتي الزائدة عليك ..

دليل كافي تخليك تعرف قدر شنو أنا بحبك ، وبغير عليك من أي زول يقرّب ليك .. !

#علي_سعيد

ما أجملُ اللقاءاتُ التي تجعلُ قُلوبنا تضجُ فرحاً ..

فتصبحُ مُبتهجةً ، وتُمسي مُبتهجةً 💙 !

#علي_سعيد

رغم كُل المعاناة البعاني منها وطنا السودان ، ورغم كل الفساد الحاصل ..

حيضل هو وطنُنا الحبيب البنسعى دوماً عشان نخليه أفضل ، وأجمل ..

وصدقوني السودان بتغيّر للافضل لمن نحن نتغير ، ونعرف مسؤليتنا ودورنا تجاه السودان ، ونعرف حقو علينا ..

لو الموظف بقى مُخلص في وظيفتو ، حينتهي ربع الفساد ، والكسل ..

ولو الطالب الجامعي أجتهد في دراستو عشان يتخرج ويخدم وطنو ، كدا حيكون ساعد في التنمية ما طوالي عندما يتخرج يفكر يسافر برا السودان ..

السودان محتاج ليك .. وليكِ ، فما تنسوا دروكم في نهضة السودان ، وتغيره للافضل !

#الوطن_محتاج_ليكم

#علي_سعيد

كل حاجة قابلة للتغيير ..

حتي القلوب الحبتك ، إتغيّرت .. وبقت مع غيرك !

#علي_سعيد

أتمسك بالزول البهتم بيك أكتر في غيابك ..

لانو غيابك بالنسبة ليه غياب حاجات كتيرة ..

من ضمنها الفرحة ، والسعادة البتكون بوجودك معاه !

#علي_سعيد

صباحي بكون أجمل ..

لمن تكون بدايتو سماع صوتك ❤

#علي_سعيد

لقد أحببتُ الحياة بسببك .. وكنتَ كُل يوم أستيغظ باكراً .. فأحبُ الحياة أكثر من قبل .. لانك في حياتي ..

أنتَ بالنسبةُ لي الحياة كُلها ، فإذا رحلت أنت سترحلُ معك روحي ..

كنُ بجانبي ، لكي أستطيع أنْ أتنفّس ❤ !

#علي_سعيد

زعلان شديد علي الإنسان الكان بهتم بي شديد ، وخسرتو بسبب إهمالي وتهميشي ليه ..

وفي حين انو كنت بهتم بالإنسان الغلط ، و الكنت أخر إهتماماتو !

ياريت الزمن يرجع عشان أصلح غلطتي ، وياريت لو بنفع الندم !

#علي_سعيد

الاصدقاء نِعمة من ربنا ..

وهُم الفي وقت ضيقنا ، وحُزننا ..

الوحيدين القادرين علي إنو يرجعوا لينا ضحكتنا !

#منشنوهم ❤

#علي_سعيد

بنقول في نفسنا إننا نسيناهم خلاص وبِقوا من الماضي ..

و مع أول زِكرة ليهم ، نحس إنو كل ما فاتت الأيام ، و السنين ، زاد حُبهم في قلوبنا ..

عشان نتأكد بعدها إنو في ناس عُمرنا ما حننساهم ، لانهم بأختصار كانوا مُميزيِن عن كُل الناس !

#علي_سعيد

المشتاق بتصل ، والفاقدك بسال منك ، والمشغول بتفرغ عشان يتكلم معاك !

دي حاجات ما بتمنعها ظروف ، لكن بتتوقف علي مكانتك في قلوبهم ، و حبُهم ليك !

#علي_سعيد

شخصيتك البتحسّ بيها سخيفة ، وما منها فائدة ..

هي قُدوة ، وحلم لزول متمني يبقى زيك ، أو تكون من نصيبو ..

فما تستهين بيها !

#علي_سعيد

في حياة أي زول فينا ..

بكون في إنسان لا هو حبيب ، ولا هو صديق ..

إنسان بجمع بين مشاعر الحبيب ، والصديق !

الإنسان المشاعرك إتجاهه بتكون ما معروفة هي شنو !

#منشن

#علي_سعيد

أنا مؤمن تماماً .. إنو إختلافك هو سر نجاحك ..

إختلاف شخصيتك ، وأسلوبك هي الحاجات البتميزك من غيرك !

#كُن_مخُتلفاً ❤

#علي_سعيد

في قوانين العلاقات القوية ..

مهما طال غِيابك ، مكانتك في قلبي ما حتتغيّر !

#علي_سعيد

عيد الحُب ..

قالوا يوم ( 14 / 2 ) يوم أسمو عيد الحب .. وبتحصل فيه حاجات كتيرة بأسم الحُب ..

اولاً انا ما مقتنع نهائياً بفكرة إنو يخصصو يوم للحب ، عشان فيه حبنا يكبر ونتبدال الهدايا .. ونلبس أحمر وغيرو ..

لانو الحُب ما بعرف زمان او مكان .. لو بالجد أنت بتحبها ، حتحبها في كل الايام ، وفي كل وقت ..

لانو المشاعر ما بتتقيد بحاجة نهائياً ..

لكن للاسف كتير من الناس بعتقدوا إنو في عيد الحب .. إنو حبهم حيكبر ، وإنو حيكونوا مع بعض للنهاية .. و لو ما جبت هدية معانتو إنت ما بتحبو ..

في الحقيقة نحن لسه ما أتعملنا الحُب .. لانو لو بالجد أتعلمناه ما كان أتقيدنا بيوم او لحظة عشان نعبر عن حبنا المستمر سنين ..

كونك تحب ما عيب ، لكن العيب إنك تكون مشاعرك ما حب ، وتجي تقول انك بتحبها ..

العيب إنك عشان عايز تصل لحاجة معينة .. تقول ليها بحبك ..

العيب إنك تخزلها بعد ما وثقت فيك ..

في الحقيقة نحن محتاجين نتعلم الصدق قبل ما نحب .. نتعلم كيف نتعامل مع الطرف الاخر ..

محتاجين نتعلم ونعرف يعني شنو ( خُب ) ويعني شنو وفاء ، وإخلاص ..

عشان في النهاية نصل ( للُحب الحقيقي و الصادق ) !

#علي_سعيد

هُم خصصوا يوم للحُب ..

وأنا خصصت عمري كلو لحبُك ❤

#علي_سعيد

في صراحة .. تُقال الحقيقة .. 😊

صارحوني .. ❤

https://alo3osh.sarahah.com/

تابعوا الحساب الرسمي لبرنامج نداء علي الانستغرام ⬇️

https://www.instagram.com/nedaa_fans/