اللهم آمين !🙏❤️

اللهم أنزل السكينة في قلوب أهل السودان، واحفظ رجالهم ونساءهم والشيوخ والوِلدان، واجعل ما نزل بهم من البلاء كفارة لذنوبهم، واجعل هذه الحرب نهاية حروبهم، وانصر من أراد الخير بالبلاد والعباد، واهزم من سعى في الأرض الفساد، وارزقنا ولاة أمر يخافونك فينا، واجعلهم لنجاة البلاد سفينا.

‏يا الله ..
لَسْنَا نَشُكُّ بالفَرَجِ أبداً،
نحن فقط نرقبُه من أيِّ اتجاهٍ سيأتي،
سبحانكَ لا يُخلَفُ وعدُكَ، ولا يُهزمُ جندُك.

مشكلتنا ما في الجيش ك مؤسّسة وطنية قومية ..
مشكلتنا في القيادة، الخونة اللي فيه ..
ديل اللي بسببهم فقدنا جزء من ثقتنا في الجيش ..
لكن بالرغم من كل الحاصل ..
مع الجيش لأنو لا بديل له، وهو خط الدفاع الأول بعد الله سبحانه وتعالىٰ.

﴿نصرٌ من الله وفتح قريب﴾.

إنتوا الناس المحتفلين برأس السنة، والناس الشابكنّنا نتمناه عاماً مليئًا بالطبيخ ..
والناس العاملة حفلات وبتاع ..
إنتوا جادين؟ هل إنتوا مسلمين، سودانيين زيّنا كدا؟
أسي الوضع دا وضع إحتفال أو حفلة؟ ..
ياخ ما تخافوا ربنا ..
سنة مرّت وتجي بعدها سنة .. أها يعني شنو؟! إنتوا في السودان يا حبابينا .. ليكم قريب السنة عندكم حرب شغالة ولحدي أسي شغالة، نسيتوها خلاص، نسيتوا الخرطوم، نسيتوا مدني؟ ..
نسيتوا الشهداء؟ الأطفال، كبار السِّن، النازحين الما لاقين مكان يسكنوا فيه والما لاقين حق العلاج ولا حق الأكل ..
نسيتوهم خلاص؟ ..
في الحصل دا كلنا مُلامين، ما ح نلوم مليشيا الدعم السريع والجيش فقط، بعض الناس زاتها كانت سبب في أزمات، مشاكل، جزء من الحرب، وسبب في الحرب، معاصينا، ذنوبنا قد تكون سبب ذاتو ..

يا ناس، اتقوا الله، توبوا إليه، الحرب دي إبتلاء عظيم، لو ما رجّعتنا لربنا تاني ما أظن في حاجة ح ترجّعنا ليه ..

= الإحتفال برأس السنة حرام، الإحتفال بالعام الميلادي الجديد حرام برضو، التهنئة ذاتها حرام ..
هو ذاتو في نَفِس للإحتفال والفرح والتهنئة؟!

ربنا يهدينا ويهدي الجميع.
وحَسبُنا الله ونعم الوكيل.

#علي_سعيد

🔹 محتوى متنوّع وقيّم يُقدّم هنا:
التعلُّم الذاتي - كتابة المحتوى - التسويق الرقمي - المِنح الدراسية.

🖇️ رابط قناة التليجرام:
https://t.me/Content_pro_1
🖇️ قروب الواتساب:
https://chat.whatsapp.com/GiWH3juk2tE4Io8oocgm5k

الحرب دي علّمتنا الكتير عن الحياة وأخلاقيات الناس والمجتمع ولسّه بتعلِّم فينا ..

رغم إنو في ظاهرها سيء إلا إنو فيها خير كتير لو فهمنا تدابير ربنا للأقدار وكل حاجة تحصل لينا ..

الحمد لله على كل شيء!

مع جانب تخصصك الدراسي، أتعلّم مهارات تنفعك وتطلّع ليك قروش ..

أبدًا ما تعتمد بس على تخصصك في العمل ..
المهارات مهمة جداً وحتنقذك في حالة ما لقيت شغل في تخصصك، وخاصةً في الزمن دا ..

المهارات في الوقت الحالي أهم من الشهادات !🩵

بعض من كتاباتي، تم تحويلها لـ نصوص صوتية، أتمنى أن تنال إعجباكم .. ❤️

خاطرة .. ❤️

Family .. 😍❤️

الشخص المُناسب .. ❤️

🔹 إعـــلان : 💰

✨ خدمة تصميم CV 📝 :-

- تصميم سيرة ذاتية عاديّة ( لا يشترط التوافق مع نظام ATS ).
- تصميم سيرة ذاتية متوافقة مع نظام ATS
- تصميم سيرة ذاتية متوافقة مع نظام ATS ومخصّصة للتقديم لوظيفة معينّة ( حيث يتطلب إدخال الكلمات المفتاحيّة من وصف الوظيفة داخل الـ CV ).
- لـ الطلب والإستفسار عبر الواتساب:
- 0907876993 📲

🔹 نسعدُ بتعاملك معنا ✨

-
على الهامش ..
عيناها اعادت إلى قلمي روحه المفقودة منذ سنوات!🩵

= علي سعيد

- سنرحل ويبقى الأثر

من أكثر المراحل التي عشتها وكنت سعيدًا جدًا فيها، رغم التعب والجري المستمر، هي اللحظات التي قررت فيها أن أساعد غيري بما أملكه.

المحطة الأولى: قليل من المعرفة والمهارات التي أحببت أن أنقلها لغيري، لعلها تفيده في حياته. البداية كانت مع (غيّر حياتك سودان)، الذي بدأ كقروب على فيسبوك يساعد الشباب ويحفزهم على تخطي الصعاب والكفاح، وتقوية مهاراتهم وتعزيز مواهبهم. أنا ومعي الكثير من الشباب قدمنا عشرات الدورات والكورسات المجانية للشباب. أقمنا بعض الفعاليات، وكانت فرصة لعرض المواهب الشبابية ومشاريعهم الصغيرة. حاليًا، أشعر بالسعادة الكبيرة تجاه نفسي وتجاه من كانوا معي يومًا ما، لأننا تمكنا من إنجاز أشياء كانت صعبة وقاسية في ظل ظروف أصعب.

المحطة الثانية: بعد الحرب التي استمرت لأكثر من 6 شهور، قررت أن أساعد الوافدين في منطقتنا (محلية الدبة). وبما أنني كادر طبي، قررت مع بعض أصدقائي إطلاق مبادرة لمساعدة المرضى الوافدين في مراكز الإيواء. بدأت المبادرة بشخصين، وتطورت لتضم أكثر من 30 عضوًا، وكلهم كوادر طبية. رغم أننا عملنا على تلبية الحاجات البسيطة والمتوسطة، إلا أننا استطعنا مساعدة الكثير من المحتاجين، وقد تمكنا من معالجة أكثر من 100 حالة، سواء من خلال العلاج أو العمليات الجراحية أو متابعة الحالات المرضية في المستشفى. وأنا سعيد بأنني كنت جزءًا من هذه الفكرة، وستظل قائمة حتى لو رحلت عن هذه الدنيا يومًا ما.

المحطة الثالثة: "محتوى برو" هي فكرة أحببت من خلالها أن أقدم محتوى مجانيًا مرتبًا ومفيدًا في عدة مجالات عبر الواتساب والتليجرام. وأسعد جدًا عندما أتمكن من مساعدة ولو شخص واحد، فهذا كافٍ جدًا. وحتى الآن ما زلت مستمرًا، رغم الانقطاع لفترة من الوقت، إلا أنني أتمنى أن أتمكن من إفادة الناس بكل ما أملك من قوة وطاقة.

أتمنى أن تبقى هذه الأعمال خالدة للأبد، لتكون صدقة جارية لي وتشفع لي يوم القيامة. وإذا رحلت عن هذه الدنيا، أرجو أن تتذكروا كلامي هذا، وأن تشاركوا في هذه المبادرات وتنشروها بين الناس.

تحياتي ❤️
اخوكم/ علي سعيد

لو بتعرف طالب ممتحن شهادة تاقيهو عشان يستفيد

البوست لطلاب الشهادة السودانية دا بوت بقدر يساعدكم فيهو امتحانات شهادة و الكتب و مريح و الموسوعة و اوراق عمل لـ كل المواد علميّة كانت أو ادبيّة ..

و فيه تطبيقات بتساعدكم برضو اتمنى تستفيدوا منو! ❤️

رابط البوت:
https://t.me/ebtihvltarq_bot

#شهادة_سودانية
#طلاب_الشهادة_السودانية

علىٰ المرء أن يعرف كيف يعيش حياته، وكيف يوازن بين كل أمورها وحوادثها، الجميلة والسيئة،
لكي لا يفوتك قِطار مُتعة الحياة وعَيش اللّحظات الجميلة ..
عِش، فلديك حياةٌ واحدة! ❤️

- عليّ سعيد

- على الهامِش ..

ستنتهي أحزاننا وتُجبر إنكساراتنا بنهاية الحرب!

بإذن الله!🩵

- علىٰ الهامِش ..

كُل جَمال العالم أجتمع في - طبيبات الأسنان !😅🩵

- علي سعيد

الحرب دي اظهرت معادن وحقيقة الناس، ناس كانوا جيران واقارب، في لحظة بس اتحولوا وبقوا خونة ومتعاونين واتسبّبوا في أذيّة وموت ناس كتيرة ..

وناس ما كنت بتعرفهم ولا بقربوا ليك بحاجة، وقفوا معاك في اصعب اللحظات وساعدوك بكل العندهم وبقوا ليك أخوان.

اصلاً الفترات الصعبة الزيّ دي بتبيّن حقيقة العلاقات وبتفلترها، بتوريك منو الكويس ومنو الكعب!

- علي سعيد