غبشة نعسانة الشوارع
ومدري يانثية بفجر دم تشتهيك
اتذكرت تاجر اعرفة
كلي من تبيع روحك مرلي بلكت اشتريك
وتمت الصفقة اشتراني
وكام يمليني شروطة
مااريد وما اريد
وما اريد ايدك طويلة كتلة اكصرها واجيك
وابترتها من المتن ورجعت ابشرة
ونذهل ها وين اديك
كتلة عد عينك شلتها
كالي چا شلي بيك
ومن هذاك اليوم والتاجر نسة وسد القضية
وانه منسي معلك علة رفوف صبري
وحتى صار تراب بية

بدينة بأول قصيدة بالقناة للعظيم كاظم اسماعيل الكاطع

احد العناكب الذي يشاركني غرفتي أستطاع أن يسحبني بخيوط بيته
مسكت مفرش صلاة ففرشني وصلى عليَّ
بعض النمل استطاع حملي وتنقل بي في ارجاء بلدي المهجور
اشتريت بعض الخمور لكي انسى ما جرى لكنهم نسو همومهم بي
لا أدري ماذا يجري الا انني جُل ما اعرفهُ انني لست على قيد الفرح.
الحسن صلاح....

ومن شفت ضعيت كل الدروب صليت لعيونج
واستعاذيت بكل رمش موجود بجفونج
سولفت للغيم حالي وكلت
ها يبعد روحي واخر عشك يحلالي
ها يبعد عيني ونظرهة ويابعد كل الحرف
روحي غركت بيج ومالكيتلهة جرف
بس لكيت قلم و حجاية ولكيت بين عيونج مراية
بيهة ضاع شكد حجي من باوعتلج
الحسن صلاح....

وأمطرتْ لُؤلؤاً من نرجسٍ وسقتْ ورداً ، وعضتْ على العِنابِ بِالبردِ
وأنشدتْ بِلِسان الحالِ قائلةً مِنْ غيرِ كُرْهٍ ولا مَطْلٍ ولا مددِ
واللهِ ما حزنتْ أختٌ لِفقدِ أخٍ كحُزني عليه ولا أمٌ على ولدِ
إن يحسدوني على موتي ، فَوَا أسفي حتى على الموتِ لا أخلو مِنَ الحسدِ
يزيد بن معاوية

الهوة يلتم علية منين ما ذكروك
وادگ رجلي واضل بعازة الخنكة
واغص بريحتك ما كمت اغص بالزاد
المفارك النسمة العابرة تخنكة
مو بس الصواب النفس هم چتال
سهم يمشي الخريف بنية الورگة
نيتك صافية وتعرف شلون تروح
وتندل يا حلم من ليلك تهدة
صحرة بعين بدوي اتمنى روحي تصير
على حرورة رملهة يطگ عشگ خلكة
من اشوفك حسبت حضنك يصير كماط
وتدك روحك صليب بضلعي بشبكة
واشد من غيبتك بارد طلع ملكاك
اجيت وجدمي ليل ودمعتي تسبكة
انا مالح واغزر من ادوس الكاع
شني ماغزرت وياك بالملكة؟
للشهيد علي رشم....

ملفته للانتباه:
مثل الشبوي
ألمسه بعطره وشذاه
حبه..حبه وكطرة..كطرة
وبالرسم طول خلك بيج الإله
صور عيونج مواني
وبيهة عاف اليل نومه وذب غطاه
من بعيد انتي جميلة ، من قريب انتي جميلة،
واكفه..تمشين حلوة
والحلو وجهة يبين من كفاه
عيوني ماتچذب عليه
العسل يم الإشاره
جدى منج..گسر كلبج
واخذ من خدج حلاة
الله..الله إشهل حلاة
الشكر ماجان مزروع إعله كاع
ارض خصبة للشكر هاي الشفاه
والقلب مدري شجاه
قبل جنت اكدر عليه
إلوي اذانه يخاف مني
وهسة صرت امشي وراه
(ولاحياء في الحب)
احبج
خل يحسبوني رجل حن الصباه
لأن ملفته الانتباه
للعظيم كاظم اسماعيل الكاطع

انت البطل واخر الرواية اسمك ينمسح
تباوع عل مراية ومتلاكي وجه
تدور تريد تلكالك معاني
تبقة وحدك تبقة يم روحك تعاني
تحتاج توكف تحتاج لظهر
وتركز وتلكي روحك مشطوب من كل شطر
تصفن وتلاكي الحسافة بين ايدينك نهر
وتفكر اكثر تلكي روحك باقي بجزيرة ومنقهر
منقهر عل روح البعتهة منقهر عل كلوب العفتهة
منقهر على روحك عل سهر
هي لحظة! لحظة ممكن تضيعلك عمر
وها يا تالي العمر تعال وخل اسولفلك عل دهر
الدهر الضيع ظرف يحمل فكر
ظرف راد يحط رسالة بكل كتر
بس ما كدر
الحسن صلاح

الطلاسمْ هيَ اخر محاولات الشيطان للتعبير عن ذاته
فنحنُ جميعاً سمعنا القصة من الرب
مَن منكم حاولَ أن يسمعها من الشيطان؟
الحسن صلاح...

عفواً قبل شوية شكلتي؟ ماجنت اسمع قبل شوية
ماجنت بهل كوكب اصلا جان اللحن مسافر بية
حيث الشاطي حيث النسمة حيث القمر الناصع ضية
حيث الأفكار الشتتهة من عقلي ضجيج السمتية
حيث الزمن الاتطلعلة زمن البي مرتاحة الناس
زمن الابعاد المفتوحة زمن أوسع من حجم الكاس
ما اجمل وقع الموسيقى وشكد في داخلهة احساس
احساس اتمنى بالدنيا بس يا حسرة ما موجود
ياسخف الدنيا الخلتني استبدلهة بسمع العود
وبكاس صغير ومثلم لكن حاضر مو مفقود
مو كاعد في برجة العاجي ويشمر على راسي وعود
عفوا يا صاحبتي الحلوة دخلتج في تعقيدات
ماتسوة الدنيا تخسرني هلكد كلمات ولحظات
مو حلوات عيون الدنيا انتي العيونج حلوات
الفيلسوف مرتضى الميالي

لكُل شيء في الوجود ستة أوجه تماماً كالنرد ، وهذا النرد يمكنك التحكم به في حال اقتنعت أنَ التوارد لا يعني السببية
ما يعني أن تكاثر المصائب لا يعني ترابطها ببعض
الحسن صلاح....

في كل يومٍ أحاول رثائك لا أستطيع
كأنك تملكت كل قصائد الشعر بعد رحيلك
لا أدري وكأن الابيات تنفر مني و الاوزان تهجرني
أتعرف أيهاب الشهيد لا يمكنني استيعاب أنك لم تعد تكتب الشعر
ايعقل انك تخط ابياتك على عرش الرب؟
ام وضعوا لك منصة في عنان السماء؟
حتى حين ترتجل قصائدك عليها تُعلن الهدنة بين الملائكة والشياطين
لكي يستمعوا لك وانت تنشد وتقول :
توهة بردت وانتي مريتي رصاص
خايف تروحين واذبل والعطش يترس مكاني
وخايف اشرب روحتج واخذلي ليل وما اتاني
هاي الية سنين بارد محد بملكاه چواني
شلون ما طكت عشك بية الثواني
ويخلص الليل ويخضر ليل ثاني
بية واهس كافر وربج هداني

بعض الرثاء بحق الشهيد البطل علي رشم

عاتبتك كبل ضني العتاب يفيد
واني ادري النهر ماينعدل مجرا
طش على الجمر ماي ويسمعك صوت
وماتعرف الماي... الجمر صاح اشا
تظم سرك بجرة تريدة ما ينكال
يجي غراب ويشمر بالحصو ويلكا
شطرنج الوكت جدمك ضروري يتيه
ورا كل خطوة بيضة السودة تتلكا
الهلال العل مناير كمر يمتى يصير
جاب العمر وحدة بلاية نجمة ويا
الثعبان ارد اميزة صاحي لو سكران
شو كل الدهر يتمايل بممشا
دحفر ساجية البستانك المسكون
بطران المطر بالصيف تتمنا
يحجيلي بحرب وملاكة مال سيوف
واهو زنجار سيفة واصل ليمنا
الرمح نفس القلم بس يفرق المضمون
موش علورق يكتب بصدر اعدا
ويكلي بلا عتب تكطع حبالك ليش
غير ادري النهر ماينعدل مجرا
سعد شميل....

بالقرن الأول قبل ميلاد الامل
بهور باقوس هناك ناي انعدم عزفاً
چي ارتد عن دين الكصب
ذيج حقبة افروديت التحتسي من تشم زلفهة
افروديت بنص جدارية سلفنة المقتبس من ريحة الله
الهور يسمع صرخة البردية من تطلكلكة روج
الناطق الرسمي بسم حزب الصريفة
تكمط بياس انتظاري والسلف موزارت
والاوركسترا بردي يلولي سنفونيتة طور محمداوي
ويهز بيدة الهوة كاروك القصيدة
بعد مائة عام من عزلة عشتهة
استيقظ بذاكرتي صوتك
دور بي تحتر رجفتي
فوضة في مسرح صفنتي نزلت ستارة السوالف
جنت خايف الكة وجهك خاتل بهوسة جروحي
نحت روحي بمتحف أحلامي العجاف نفضت من عندة اتربت الحياة الخلت بفكري العناكب يبنن بيوت التجاوز وادري ماعندك مجال
بس بخور ومي ورد جيب وتعال
يلبيك كل خطوة ملح صيح انت نازل وين ميصحلك جرح
اتمرجح بروحي من اشوفك استوحي من روحيتك اسمي
ويمك انزع مستحاي
ينكسر واهس صفنتي بضحكتك لون اريد اصبغ غرفتي
الشجرة تضحك من يدغدغهة الهوة
صافنة بزلفك ضحكتي بشعرك القيثارة اعزف
من اتيه ليل تلكاني كصيبة
خل يكسر وجهك وكود الربيع تمشي وبعطرك كدتني بزلفك اسكر تيهتني
وسافرت مدري وين
سرفنت حيلي ولبست السنطة ثوب بلا شعور جانو الركاب سرب من الطيور

يل شخبطت بالروح امل
بعدك مثل الرسالة اطبكت
صرت بظرف كلش صعب
باديني بس بالبسملة
بسم الذي لم ينصفك
اما بعد يا من يعز علينا ان نفارقه
انّي انا ارجع غداً
تاريخ يوم البارحة واليوم باجر مال امس