المجاراة عن ضربة ((ارامكو جِده وتحذير للمواطنين
والاجانب الإبتعاد عن اهداف قوتنا الصاروخية))

البدايه للشاعر #عاقل_بن_صبر

(ارامكو) تفهم دروس (المجنح)..
(القـ ـدس) حلق والنباء في جناحه..!!

في حفرته (حلف الضلاله) ترنح..
واسراب قاصف جاهزه لإجتياحه..!!

قل (للرعايا) يرحلوا قبل نمسح...
نطاق ( بنك اهـدافنا ) والمساحه..!!

(القاااائد) اعلنها... وحذّر وصرّح..
اعذر من انذر.. واسمعوها صراحه!!

#الشاعر_حمزة_المغربي

إحنـا لعـزّة ديـن الاسـلام نطـمـح
سرنا بخط القـ ـدس من كلّ ساحة

بالحـقّ مابش بيـنـنـا شلّ واطـرح
قلّ للسـعودي لا يكـثـّر صياحـه!!

لابد يلـقى الويل في كل مطرح
ويذوق نـار الثـأر كمــّن صُبـاحه!!

مسـّـاك يا مهفـوف بالـذلّ يقرح
وابن اليمن بالعزّ يسعد صَباحه

#عناش_المشرقي

على مسير الأقتحام المسلّح
تصفي الصاروخيه كل ساحه

قل للعدو لاعاد يسرح ويمرح
الحكم حكم ابن اليمن في سلاحه

بانجعل الأرض القويمه تسطح
ونهدم ابراج الفتن والوقاحه

تسلم يد اللي قد ضربه وصلّح
لانه عرف وين المرض والجراحه

#الشاعر_فارس_المعزبي

يحق لك(ياقـ ـدس) ترجع وتسرح
(ورامكو)ياقدس تحت مُبــاحه..!!

فــ انت الذي من باب تقديم الارجح
مندوبنا فــ المملكة للسياحــه..!!

داوم فديتك فــ القصور المسلّــح
والمنشآت الفاخرة والملاحــــه..!!

والمــوت الازول من ثناياك ينفــح
من شم ريحك مايشم أي راحــه..!!

#شاعر_بلاد_الروس

بعون ربي بانقاتل ونفضح
عميل اسرائ_يل وننهي سلاحه

وبعد قدس ٢. لابد يفتح
مطار صنعاء أمام الملاحه

وإلا فبعد اليوم ماعاد يرتاح
ولا عاد يتمصيع ولاعاد سياحه

ومن سكن جنب المصانع بننصح
القصف متواصل عل كل ساحه

#الشاعر_ياسر_الجرادي

ضربة ارامكو نار حمرا بتلفح
والردع الاقوى اليوم هبت رياحه

هايبن سلمان اجمع اليوم واطرح
حجم الخساير وانتظر للإطاحه

ياكم نصحناكم وكن ما بننصح
ماغير زدتو في الغبا والوقاحه

واليوم نصيحه جد ماهو بنمزح
من جنب الاهداف يعلن اليوم رواحه

#مقبل_حسين_جرام

الدرس يا مهفوف كامل موضّح
مثلك بغير الضرب يصعب نجاحه

بقوة الإيمان شعبي تسلّـح
ومن الهدى صنّع وطور سلاحه

أرامكو لابد تُمسـح وتُمذح
مَـذحْ الرماد بيوم عاصف رياحه

وباقي الأهداف لابد تقرح
وقف خطوط العربده والسياحه

#فتى_همدان

كم له القائد يفهم ويشرح
العلم نور الهدى والسماحه

لكن المهفوف حق المفطح
عند بنبامين زاد انبطاحه

اوقفو عدوانكم يا ابن مشلح
لا يشاااااغلنا بكثرة صياحه

راح بن سلمان ( هو هو ) وصيح
ويش فاد الكلب كثرة نبااااااحه

#الشاعر_محمداحمد_الآنسي

طار المجنح طار ف الجو جنح
وفي سماء جده قد اثبت نجاحه

وبعده الراصد لفاه قبل يقرح
وحدد الموقع وحجم المساحه

ثم اكتسح شركة ارامكو وشنطح
مخزونها النفطي بريشة جناحه

#أبو_اسلام_الرازحي

من ردنالابد يتعب ويكدح
ويدور له فرصة قليل استراحه

يخفق فواده لاسمع المجنح
حنه على اجواءه تصاعد نياحه

وشمنا باروت بالموت ينفح
ومن يعادني نكثر جراحه

والقدس له انذاروالسيداوضح
ون ماسمع فالقدام اكبر فداحه

#أبو_مازن_الشريف

من صنعنا نصفع ونقتل ونجرح
ولا نخلي الخصم ينعم براحه

بالقـ ـدس نضربهم ويسري ويسرح
ضربه تكلفهم عظيم الفداحه

وعاد بعد القـ ـدس كمن مسبح
بالعزم والهمه يطور سلاحه

والقادم اعظم بانصل كل مشلح
ونجعل الغاوي يقيم النياحه

#الشاعر_صالح_حسين

يابن للسعودي الثار حلق وجنح
مالك وارضك والمصافي مباحه

بيرك سفح والنفط حارق وروح
والضرب واصل مالكم اي راحه

الباس قوه للبعارين لوح
باهداف كبرى تقتله في جراحه

#أبو_وايل_عنبل

احنا اتحدنا واعتمدنا على الصح
ما با نسلم يا عيال الوقاحه

الذكر والقرءان بين و وضح
المرء من دينه و قوة سلاحه

مادام بركان المهمه مجنح
وطير ابو جبريل فارد جناحه

والقادم اعظم يا عيال المفطح
يوم النشامى صممو لاجتياحه

#صدام_ناصر_العزب

سلاحنافي الاختبارات ينجح
وأثبت في الواقع بدقة نجاحه

ياجارح الاطفال لابد تجرح
ونذوقك طعم الألم والجراحه

لالن نساوم في دمانا ونمزح
لومابقئ في الشعب حامل سلاحه

لاتقربوا أهدافنا الكل ينزح
بياننا للناس خلو مساحه

#الشاعر_رايد_الخمري

قولو لبن سلمان تحذيرنا صح
وصاروخنا بالقلب حقـق نـجاحه

ولـي جرحنا بـانـصده وانجرح
هاذا اليمن مش لعب ولا سياحه

وارامكو من ضـربنا نـار وشرح
والقدس مؤعـدنـا وهاذا صراحه

والي جنـح لسـلم لا بـد نـجــنح
وبن اليمن في بنك الهداف زاحه

#الشاعر_علي_الوزير

معذور بن سلمان لاهو تونح
لاخاب في صدالمجنح سلاحه

دامه بجدران اليهودي تسنح
وبالغدرصوب تجاهي رماحه

واليوم بالرد اليماني تصبح
يجني ثمار الكبرياء والوقاحه

على يد اللي بالكرامه تسلح
وبالثقه بالله داوى جراحه

#إتحاد_الشعراء_والمنشدين

https://t.me/aboyahyaalshami

مجاراة...عن (الاوضاع في عدن المحتلة وصراع المرتزقة)!!

البداية #ضيف_الله_سلمان

ويش الاخبار يا(ساحل عدن)
ماكفاكم من الواقع دروس..؟!

التحالف وراء كل الفتن
بسم حرب(الروافض والمجوس)

ارفضوا كل خاين مرتهن
كان (دنبوع) والا (عيدروس)!!

#مهدي_احمد_مفلح

من ركع وارتضى عيش الخون
عاش مقهور في الذلة غموس

وانطوى في دياجير المحن
لين يرجع مع ربي يدوس

قالها حر من شعب اليمن
ويل من باع شعبه بالفلوس

#أبو_يوسف_القاري

امن فتح باب بيته والسكن
للعدو فوق رأسه بايدوس

والذي باع دينه والوطن
لاتحرر ولا جاله فلوس

والذي ما عرف عز اليمن
عاش عمره في الذله يحوس

والخون والهين طول الزمن
ماعرفنا لهم عزة نفوس

#عاقل_بن_صبر

يشهد الله وإشهد يازمن
لجل حُب الوطن بعنا النفوس

ياعدن نادي احرار اليمن
راح عهد المـــــذله والجلوس

وإلعني ياالبنادق كل من
باع ارضه وعرضه بالفلوس

#الشاعر_احمد_درهم

لا قد الخاين اصبح مؤتمن
فالنتيجة على راسه يدوس

غادر اترمب واقبل بايدن
كيف تجهل مشاريع النجوس

لن ترى النور ياشعب اليمن
غير من بعد تغيير النفوس

#الشاعر_أبوعساف

ضــــان ســلـمـان ردوهـــا عـــدن
خـالـطـوا بـيـنها وبـيـن الـتـيوس

والـتيوس أسـتشاطت فـي العلن
جــات لـلـضان تـعـفسها عـفـوس

الإمــــــارات هــــــي أم الــفــتــن
أشعلت في اليمن حرب البسوس

#الشاعر_ابوكيان_السالمي

سجلي ياتواريخ الزمن
المذله لعباد الفلوس

من يحالف عدوه مافتهن
في النهايه على راسه يدوس

المهانة لمن باع الوطن
ما يجي عز من وطاي روس

#ابوحاتم_الشعف

إصحوا إستيقظوا يكفي.وهن؟
مابقي.من.مبرر للجلوس؟

إدفعوا.الشرعن هذا الوطن؟
لاتبيعوا الكرآمه بالفلوس؟

عيب.يبقى الجنوبي مرتهن؟
كل مؤمن على الغازي يدوس

#الشاعر_عبدالباري_عبيد

مـال (ردفان) للحلف ارتهن
رغم باسه في الحرب الضروس

ويل من باع دينه والوطن
بايدوسوه فـ اليوم العبوس

في الشدايد تخطينا المحن
كم دفعنا على العزه نفوس

#الحمزة_المغربي

سـنـّة الـلـّه مـن دون السـنـن
حدّها فـ الخلايق حدّ موس

يا عـبيد اليـهــودي والوثــن
اشربـوا بيدهم شـرّ الكؤوس

لا وطــن للـمنافــق لا وطــن
بالخيانات تتـوطـئ الرؤوس

#عناش_المشرقي

ياعدن عاد في قلبش شجــن
والتحالف عسل في راس موس

لايدقوا على طبل المحــــن
وانت القصد في حرب البسوس

بلغي كل خاضع ممتهــــــن
موتته في قيامه والجلوس

#زيد_الخراشي

من يبيع الوطن ماله وطن
لعن ابو من يبيعه بالفلوس!!

عاقبة كل خاين مرتهن
مخزيه يارخيصين النفوس!!

ماكفاكم مهانه ياهين
لعنة الله عليكم يانجوس

#الشاعر_ابواحمد_العسولي

من هو الي وراء التفجر من
غير حلف اليه ودي والبسوس

ماسوئ حلف عباد الوثن
دمر ارض اليمن وانتو جلوس

كان بالسر .....والا فالعلن
السبب حلف داعش والنجوس

#أبوغزوان_الوحيشي

لا ٲمل في من يبيعون الوطن..
يفهموا سيناريو الحرب الضروس..

الخون يا صاحبي يبقوا خون..
بالعمى قد صابهم حب الفلوس..

الجنوب اليوم في عدة غوووون..
والمواطن فيه عايش فوق موس..

#علي_مغلي

انصر اسلامك ودينك والوطن
قبل ما شمعون فوقك يدوس

غاطسات اليه ودة صارت علن
واصبحت شرعيتك ضد النفوس

ياجنوب الشعب ويش الثمن
بعتها بالبخس.. مابه فلوس

#سم_العداء

اسالوا كل الروابي في الوطن
كم رجال الله للغازي تدوس

بعد ست عوام وانتوا في محن
والتحالف يشتريكم بالفلوس

لو بكم جينات من اسم اليمن
كان ما انتوا في فنادقهم جلوس

#عبدالقوي_البطل

سنة الله من بين السنن
ما يمكن في اﻷرض النجوس

من تعدا حدودة وارتهن
للشياطين ويحلف بالغموس

بالشقى ساقه الله والمحن
بالدماء ذي سفكها والنفوس

#أبو_حمزة_الانسي

عدن ارض خصبه لزرع الفتن
استولا عليها شلال وعيدوس

باعو شرفهم للعميل المرتهن
وجابو المحتل ضعيفين النفوس

#مبخوت_عبده_حسين_المشرقي

هكذا ذي ما يفكر فالوطن
كل همّه بس تجميع الفلوس

ما فهم للحق .. والا له وزن
فالعماله دائمًا يبقى يحوس

والتحالف والله ان يدفع ثمن
عقب تخريبه بيضرب بالفؤوس

#حسين_ساري

مايجي من ام الصبيان لبن
شوعةالخلقةشعرهاوالضروس

هكذاام ري كامن قديم الزمن
واذنابهامثلهاواكثرنجوس

#الشاعر_صالح_حسين

دفعوا المرتزق ابهض ثمن
بعدما دنسوا بطنه فلوس

يلعبوا به كما لعب الدمن
يلبس الذل والهونا لبوس

راح فيها ولاحد له ضمن
مثلما الحذو في رجل الخسوس

#شاعر_بلاد_الروس

باعو الغاليه باابخس ثمن
واشترو للهيانه بالفلوس

هاكذا من يصاحب للخون
أنفجارات تخلسهم خلوس

للأمارت بتحب اليمن
واسعودي عليكم ذي يحوس

#الشاعر_ابوفتح_الاشول


من رفض للغزو يسلم للمحن
لو يجيبوا ثروة العالم فلوس

وف كلا الحالين حالك مـرتهن
لـ ابن زايد والسعودي وانت دوس

بس طبع الحُر ما يقبل ثمن
في الكرامه, ما قبل نوع الطقوس

#الشاعر_محمد_الانسي

هكذا هو مصير كل الخون
لا غرابه وهذه هي دروس

حلف مارق وهادي هو مجن
والنهايه بها كسار روس

#شاعر_الصمود_محمد_الحربي

اظلمت فوقهم وا

المجاراة بعنوان رسالة الشعب اليمني الى #سلاتيح_البيت_الابيض_واحذيتهم..!!

لكل شاعر بيتين فقط

البداية للشاعر #أمين_الجوفي

خرج شعب اليمن يرفض قرارك
وما لك عندنا الا نار في نار..

بعون الله نوصل عقر دارك
وبا تندم على تصنيف الانصار..

الشاعر محمد الهلالي

على هشتاقهم قم شبّ نارك
وقم لبن اليمن اجلال واكبار

وقل للي يمينك او يسارك
خسيتوا يالدنق ياشلة العار

#ابويوسف_القاري

ضروري تعلن اليوم اعتذارك
وتتراجع وتسمع صوت الاحرار

ويخسأ كل من بارك وشارك
بتغريده مع حلاب الابقار

#زيد_الخراشي

قرارك خطوه أُولى لانتحارك
وآخر لوح في نعشك ومسمار!!

ودورات الدواير فوق دارك
ومأواك الدرك الاسفل من النار..

ضيف الله سلمان

وتصنيفك بداية لإنهيارك
ومن قبلك طغى (فرعون) وانهار..

وبا يصبح قرارك في دمارك..
وصبرك عاد با تأتيك الاخبار..!!

#الشاعر_احمد_درهم

من الالفين واحنا بانتظارك
ذنوبك ساقتك ياحلف الاشرار

وبا تلقف مسيرتنا مسارك
بدرب (حسين والأشتر وعمار)!!

#عبد_الحميد_الهلالي

على شعب اليمن تفرض حصارك
مع ذي قط #خاشقجي بمنشار

في الجبهات جيش الحلف بارك
كتيبه يسحقوها خمسه انفار

#أبوالعباس_مفلح

قرارك ما يخوفنا قرارك
وتبقى يا مريكي عنز لو طار

وتخطيطك علينا في دمارك
وجند الله ضدك برق واعصار

#عاقل_بن_صبر

قرارك يااليهودي واعـــــتبارك
قليل القدر تحت اقدام الاحرار

ومن جاراك جُرمك واستجارك
من الله من يجيره خاين الجار

#صالح_الوايلي

تـصـنـفـنـا تـقـدم اعـتـذارك
تحاربنا تحرض ضدنا الجار

غداً شعب اليمن يكسر حصارك
ونقطع للـيـهـودي كل زنار ..

#عماد_العملسي

علئ شعب الابا۽ تفرض حصارك
وماكفاك مافي شعبنا صار

دلا ياابن العين اربط حمـار
قسم لانقسمك اخماس واعشار

#فارس_المعزبي

قرارك ياعــدو مغرب نهارك
(وعزرائيل) جايا ليل وإنهار..!!

وصلى الله على شعبي وبارك
شديدين القوى وأخيار الاخيار..!!

#الحمزة_المغربي

كسرنــا في مواقفـنـا حصـارك
وكيدك منتهي في كلّ مضمار

برب الكون با تعكـس مسارك
عزايــم مـالــك الاشتر وعمـّار

#نشوان_الغولي

ألا يا كونقرس غيّر قرارك.
و عدّل منطقك في شعب الانصار.

برَك فيلك و با ينبَع حمارك .
و جفت من لبنها شر الابقار.

#بلال_الصوفي

شعب اليمن أعلن وقاوم وشارك
والعالم المذهول قد صار محتار

يا معتدي بكره يكون انهيارك
وبالحديد بانكوي الخصم والنار

#الياس_علي_المقدشي

تشتت مجلسك واظلم نهارك
نهاية مخزيه يا قوم فجّار

قرارك ياغبي قرّح ضمارك
وتصنيفك لنا حطك على النار

#قاسم_السقاف

لزم تضرب براسك في جدارك
وتعلن بالهريمة عبر الاقمار

جنود الله باتعبر بحارك
وتتلقاء الجزاء والاخذ بالثأر

#أبوخالد_العفيف

شعبنا بعون الله غير مسارك
يامدعي دعم شرعية الفار

اذا لم توقـف وترفع حصارك
بانغلق جميع الممرات ولنهار

#الشاعر_صالح_حسين

وربي اليوم شعب المجد بارك
عطاه الصبر والحكمه وانوار

ويامريكي انا بالعن لعارك
قرارك مايقيك الشر والنار

#ابوابراهيم_الحرملي

وحيا الله من التفاعل وشارك
من ابنا اليمن واحرار الاقطار

وربي ذي نصرنا في المعارك
نصرنا اليوم نسقط كيد الاشرار

#محمد_المنصور

مع الله شعب الايمان المبارك..
كسر عدوان امريكا والاخطار.!!

فكم ياابليس باقي من ضمارك؟!!
وقد بدد عددها شعب الانصار..

#حاتم_الاسدي

الارهاب ياعـدو الله شعــارك
واحنا الموت لك غايه ومضمار

وتسمع صـرختي لاعقـر دارك
ووعد النصر للاسلام بالانصـار

#الشريف_ابوالمازن

ايا شعب اليمن زف انتصارك
رساله عاجله لا كل الاقطار

بكل اصرار قل واهتف شعارك
يموت ارهاب واشنطن والاحبار

#سيف_حسن_العامري

تعبنا ياجحا أدّب حمااارك
واحلب ناقتك في كل مضمار

وقلنا لك بلادي ليس دااارك
وفيها لن يكن لك يوم مسمار

#عبدالعزيز_الغرباني

اقل لترمب واوباما مبارك
وبيدن واليهود ابكل الاقطار

علينا العار لاندعس قرارك
لانه دفع مسبق بتردولار

#أبوالعز_المنيعي

علينا العار لا نهدم مطارك
وتعرف وايش معنا مد الاظهار

عرفنا الحق في صورة تبارك
وطعفرنا جيوش الخصم طعفار

اقوى مجاراة عن ((تطهير ماتبقى من محافظة مأرب من الاحتلال والغزو الاجنبي))
لكل شاعر بيتين فقط..

البداية للشاعر #نشوان_الغولي
Nashwan maher

سم بالرحمان يا عرش بلقيس المصان.
من نبا هدهد سليمان و العلم اليقين.

يا جبل هيلان ما عاد للخاين مكان.
في يمن الايمان و العاقبة للمتقين.

=======

بسام شانع

عانقت (رغوان) (شبرين) (وادي حلحلان)
والتحم فيها تلاقي مسار الجبهتين..

عرش مارب بان والجيش يهتف واللجان
(جنة الرضوان) والا (بلاد الجنتين)..

========

ضيف الله سلمان

ياقوى العدوان والهيمنة هذا البيان
موجز العنوان في مقتضى الست السنين؟!

ماتروه الآن قلنا لكم به من زمان
لكن الطغيان يعمي عيون المجرمين..!!

=========

الشاعر #احمد_درهم

بيننا الميدان ،والكل قد صدره ملآن
ثار للنسوان، با ندحر المستكبرين..

بلغوا بعران سلمان واخوان اردغان
بعد ذا العدوان بانفتح(أولى القبلتين)..

=========

#مهدي_احمد_مفلح

لا غزينا لانت الصخر والباطل يهان
والعداء نسفك دماها بقوة ما تلين

معنوية حيدرية وبالله الرهان
اصطفانا نقهر الكفر والمستكبرين

#محمد_أحمد_مفلح

من هدى القرآن نزداد عزم وعنفوان
والعدو خسران والله خير الناصرين

خاطف النسوان لا بد بامر الله يهان
فتح مارب حان والعاقبه للمتقين

#عاقل_بن_صبر

امتلى الميدان بالجيش وابطال اللجان
في لواء القرآن والمؤمنين الصادقين

والتلاقي حان ياحلف صهيون الجبان
ملتقى الجمعان يثبت وجود الفيلقين

#أبويوسف_القاري

من وراء خطف الثمان النساء باقي ثمان
أقبل الطوفان يجرف أخس ا منافقين

فيلق القرآن جاء ياقصيرين الزنان
قوة الإيمان بايثبتوها الصادقين

#الشاعر_حسن_السعيدي

ياقوى الشيطان حان الجلا والفتح حان
والمدد رميان ماعندها في الحرب لين

نصرنا قد بان والمعركه شاهد عيان
ويل من خان اليمن وأستباح المسلمين

#الشاعر_حمزة_المغربي

من هدى القرآن نطلق فيَ الحرب العنان
والـّذي ما بان له فجـرنـا ذاق الانيـن ..!!

يا قـوى سلمان في مطلع السبع السمـان
حلفكم يهتـان (والله خيـر النـاصرين)!!

#زيد_الخراشي

مامع إخوان الشياطين في مارب مكان
قل لسلطان العراده يغادرها بحين

عار من بعد الثمان ان قعد فيها ثمان
بايع النسوان من حلف سلمان اللعين

#عماد_العملسي

النقاء قدحان ماعاد للغازي مكان
رحبت نخلا وطلعة ميه بالمؤمنين

خاطري ولهان للجيش وافراد الجان
داعش الاخوان فارض الحضاره مفسدين

#الشاعر_أبواحمد_العسولي

في رضئ الرحمن هبت رجاجيل الطعان
للنقاء شجعان بالله ونصره واثقين

خبرو جيش المريكان والحلف الجبان
في يمن الإيمان موت الغزاه الطامعين

#سلطان_خضران

والذي لاقال للشيئ كن فالكون كان
مانخلي دم محسن سبيعيان دين

النقا له حان من قاتله والثار حان
وين بن شعلان جا خاطف النسوان وين

#فارس_المعزبي

ياجبل مران سجّــِــل من الليله ثمــان
وإحفظ العنوان والله خير الحافظين

من هدى القرآن يافخر جيشك واللجان
قالت الفرسان بُشراك بالفتح المبين

#شاعر_بيحان_ابوليث

دم سبيعيان وسجون سريه ملان
وخطفه النسوان وحصاره لحد المنين

كالحمم بركان باتبلع الحلف الجبان
بجيشنا ولجان والله والفتح المبين

#عبدالعزيز_الغرباني

يايمن ليمان امضي بقوة عنفوان
واقهر العدوان باذنابه المتحالفين

وازهم الشجعان تثأر ورى خطف الثمان
وعد ربي حان بالنصر والفتح المبين

#الشاعر_يحيى_حسن_الرازحي

ياقوى العدوان جيش اليمن هو واللجان
بايحرر كل أرضه من المستعمرين

مارضيتوا تسمعوا للنصيحة من زمان
إنكم باتهزموا ثم تولوا مدبرين

#جبريل_الرازحي

بأسنا الايمان. والحق والدين الامان
من هدى القرآن. ننهي عروش الظالمين

وقت مارب حان. بالله والجيش ولجان
بلغوا سلطان. ينقل فراشة والبنين

#ابوامير_الفهدي

ساعة الفرقان دقت وبالله الرهان
ياعظيم الشان جندك بوعدك واثقين

رجح الميزان والحق واضح للعيان
وافلس الشيطان بجحافله والفاسقين

#امين_التركي

في سبيل الله ماضين في كسب الرهان
تحت راية سبط من هاجروا في الهجرتين

دام والمهفـــــوف قد هو مرشح للجنان
نقلع السيفين ونحـــط رمز (الكلبتين)

#أبوخالد_الطويل_الجهمي

اغنموها الان عودوا لكم وجه الامان.
حسمها قد حان وعدة ويفهمها الفطين

بعتوا الاوطان وهدرتوا العرض المصان
كان يا ماكان في رحلة الست السنين

#يحيى_علي_الحضوري

قال ابومران للنصر انا ضامن ضمان
ماتبقا هان وضعه قريب بايستكين

صك فالوجدان واضح عل حلف الثمان
هم كما الجرذان والله خير الناصرين

#سفيان_محمد_الدباء

فزعة الشجعان حانت على كمن جبان
بايع النسوان نسقيه من ابو قارحين

مابقى للعذر قُـبلان من بعد الثمان
انفرو ياجيش والجان للنصر المُبين

#ابوكيان_الهبل

ياجبل هيلان شامخ على مرالزمان
بلغ العدوان منارساله كلمتين

من يريدالحل يرجع وله مناالامان
ومن يريد الموت لايوقف الا ساعتين

#أبوناجي_الشريف

بيعت النسوان عور القبل طول الزمان
من قبل لاخوان وأعوانت ابليس اللعين

ندعي الرميان وبتال زينات ال

ال
نعم الضيافة ذي بها قد نزل

كلمات شعره والقصايد نبال
دقت عروش الكفر والاحتلال

#محمد_الجبلي

سلام يابحر القوافي الجزال
ياعضم مترجم في الوطا! والجبل

همدان همدان ياهمدان شد الرحال
وجاهد الكفر وقال هيهات لاللملل

في جنة الله نورك جنب خير الرسال
سريا واامر الولايه شاهده للبطل

#عبدالحكيم_ابوهاشم

يا كاتب التاريخ سجل مقال
تعرف به العالم جميع الدول..!!

اكتب الشاعر خيار الرجال
همدان انا اشهدله مقاتل بطل..!!

جسد معاني التضحيه بالفعال
صعد الى العليا بحسب العمل..!!

قصد رضى الله يدحر الاحتلال
ونال رضوان الاله في عـجـل..!!

#أبويوسف_القاري

هذا عزيز النفس زاكي الخصال
هذا المجاهد والاصيل البطل

عشق الشهاده في دروب الكمال
شامخ ونظره عاليه مانزل

ماكان ينشر كل ليله مقال
في الفيس يخدم به تحالف هبل

ويهاجم إخوانه من أجل الريال
ويحط نفسه للأقل الأقل

#عاقل_بن_صبر

يا شاعر الميـدان قول وقتال
نلت الشهادة... غايتــڪ والأمل

يهناڪ عند الله طيب الحِلال
هذا جزاء إخلاصك وخير العمل

على دروبڪ... با نشد الرحال
ومصابنا بعدڪ عظيــــم وجلل

#سلطان_خضران

على طريق القدس شد الرحال
وودع الدنــــيا ومـــــنها رحــل

وعاش (همدان السبا )يـوم نال
عزه وفالفـــردوس الاعلــى نزل

انشــــهد ان ابيات شعــره جزال
وانشــــهد انه كـــــان شاعر بطل

#ابوساري_العيوي

الشاعر اللي في دروب النزال
ترجم معاني تشهد انه بطل

خاض المنايا بالسيوف الصقال
وبعد ماقال الزوامل فعل

يهناه موته مات موتت رجال
همدان فالجنة بروحه نزل

#قاسم_السقاف

من خلد أسمه في سجل النضال
نعجز عن انصافه بشعر الجزل

ثبت بساعات اللقاء والنزال
وقاتل اعداء الله ونكل

حتى ارتقت روحه لمولى الكمال
شهيد فالجنه مفضل

#صالح_حسين

ابكيك والا ارثيك يابن الرجال
اتناقض احساسي وكل الجمل

هوصدق والاضرب كاذب محال
او حلم عابر في المنام اكتمل

يهناك ياهمدان عذب الزلال
لك جنة الرحمن كانت امل

#نمري_عبدالله_مطر

في جنة الباري مع طه وآل
وخير من جنب الصحابه قد دخل

ويا كم قصايد قد تغنى للوصال
واليوم في جنة الباري وصل

وعن نهجهم والدرب والله محال
نرجع ولو الفين نتقطع وصل

#الشاعر_محمد_المهذري

يامدعي تهميش هذا المجال
مفتوح من دون المرض والزعل

لاتخدم العدوان والاحتلال
ادخل كما همدان قبلك دخل

اثبت وجودك في الجبل والرمال
ماهو في الفس بك هدار وجدل

#سم_العداء

بالامس يكتب في الشهاده مقال
ابياتها تنبض بعذب الجمل

من حبر شعره عمده دم سال
والختم من رمشه ودمع المقل

صدق مع المولى عظيم الجلال
اكيد مستبشر لانه وصل

#خليل_قناف_قابيل

حيا رجال الله خير الرجال
وإنعم بكمّن قرم شاجع بطل..!!

و(إبن السباء همدان)فخر النضال
الشاعر العملاق مثل الجبل..!!

جسّد شموخ الحق في كل حال
واستنطق الواقع بصدق العمل..!!

#عبدالله_العباد

همدان جسدت بالأقوال فعال
ذكرتني النمري وكمن بطل

اثبت داخل ميادين النزال
واصبحت جنب الأنبيأ والرسل

نسئل من الله مانلته ننال
ياقوم حيا علا خير العمل

#عارف_شرده

لان الشهاده هي لخير الرجال
ذي صدروا فـ الواقع اروع مثل

بصبر واستبسال وقت القتال
نال الشهادة والشرف والأجل

هو حي عندالله في خير حال
عليه سلام الله طول الأزل

#ابوعلي_البريهي

من المؤمنين الله وصفهم رجال
الصادقين العهد مثل الأول

من جاهدوا في الله نالوا المنال
لهم جوار النور وآله محل

نسئلك يا من لا ترد السؤال
تلحق بنا بعد الشهيد البطل

#ابوسياف_البيحاني

انا اشهد انه في الشجاعه مثال
وفي القوافي يضربوا به مثل

وطبق اقواله بصدق الفعال
وترجم ابياته ب خير العمل

ونال ما اتمنى شهاده ونال
رضوان ربه لا لقاه انتقل

#عبدالواسع_صايل_الغولي

ياحنتي حنه تهز الجبال...
على الفتى همدان نعم المثل...

سلام ياهمدان ما المُزن سال...
خلّدت لك تاريخ عبر الأزل...

محال نتناساك والله محال....
وانت فينا الشهم وانت البطل...

نعاهدك بالعهد ذي لايزال...
بأننا في دربكم بانظّل

ابوشرف الدين فايزالحمزي

نال الشهادة يالنعم المنال
وفي سبيل الله مجاهد رحل

همدان وماهمدان إلا مثال
للمؤمن الحق يالنعم المثل

طوبى لهمدان من خيار الرجال
من هو مع الله في سبيله وصل

#الشاعر_محمد_المهذري

يامدعي تهميش ..هذا المجال...
..مفتوح من دون المرض والزعل

لاتخدم العدوان والاحتلال
ادخل كما همدان قبلك دخل

اثبت وجودك في الجبل والرمال
ماهو في الفس بك هدار وجدل

مجاراة عن ( معرض الشهيد القائد )

البداية #ابويوسف_القاري

فتحنا معارض تشمل أنواع الأسلحة
بحكمه يمانيه دخلنا المدى البعيد

من ا رصاصة الآلي إلين المجنحه
ومن طايرة قاصف وصماد لا وعيد

صناعه محليه بأيدي مسبحه
مع السيدالقايد وراء القايد الشهيد

#عبدالواسع_صايل_الغولي

حقايق جليه مستنيره وواضحة..
تجلت على الواقع ولابه لها نديد..

صنعنا بفضل الله صواريخ كاسحة...
بقى العالَم الطاغي من أفعالها بليد...

وخلّت عبيد امريك شريدة ونازحة...
فسبحان رب الكون ذي انزل الحديد

#عاقل_بن_صبر

مع الله يا مبعوثنا مد الاجنحه
وسبح لمن سخر لنا النار والحديد

فتحنا جهنم فوق سلمان تلفحه
والاسراب فوق المملكه شبت الوقيد

تجاره عظيمه في رضى الله رابحه
مع السيد القائد ومنهاجه السديد

#الحمزة_المغربي

لـك الحمـد يا الـلـّه والملاحـم ملوّحـة
وفـي كل واقع ينبثق بأسـنـا الـشديـد!!

كرامـة ،شرف ،عزّة ،عسارة وطحطحة
أعدنـا بهـا يا شعبنـا مجدنا التــلـيـــد!!

من النصر دردحنــا المماليك دردحــة
وما يوم يمشي في اليمن غير يوم عيد

#ابوغزوان_الوحيشي

بتوفيق ربي كل ذا اللي نصلحه..
علينا السبب والله يكفل لنا المزيد..

جمعنا خليط الصنع من كل مذبحة..
ومن واقع الحاجة ومن روضة الشهيد..
 
نعشي بها سلمان والا نصبحه..
ونرعب بها امريكا ونضرب بها العبيد..

#خليل_قابيل

سرى(قاصف)العادي بقاذف ومروحة
و(صمّاد)ذاق الحلف من باسةالشديد..!!

ومن شبّ نار الحرب فـ(القدس) يلطحة
و(بدر) اليماني طار وترافقة(وعيد)..!!

حضينا بعون الله بقوة مطحطحة
وفضل الشهيد الحيّ والقائد الرشيد..!

اوبريت الزراعة #البلدة_الطيبة

كلمات الشعراء
#يحيى_قاسم_المدار
#الحمزة_المغربي
#عاقل_بن_صبر
--------
ألحان / تراث يمني

#أداء_فرقة_شباب_الصمود
----------
#تنفيذ_مؤسسة_فكرة
--------------
#إنتاج_قناة_المسيرة
"""""""

https://t.me/sharf_althefani

#أوبريت || البلدة الطيبة ||

أداء | #فرقة_شباب_الصمود
كلمات | #يحيى_قاسم_المدار
#الحمزة_المغربي | #عاقل_بن_صبر
ألحان | #تراث_يمني
#معآ_نحو_الإكتفاء_الذاتي .

T.me/alhamzaalmaghrabi

🎼 #أوبريت (( درب الوصي ))
https://youtu.be/RCtaPhw8PKU

• أداء | #فرقة_البدر_الإنشادية
• كلمات | #أحمد_الغبسي
#الحمزة_المغربي | #عاقل_بن_صبر
• ألحان | تراث يمني
#يوم_الولاية_الأغر 1443هـ

؛•••••••••••••••••••
#زوامل_أنصارالله_القناة_الرسمية
#تنفيذ_إتحاد_الشعراء_والمنشدين
🔰 https://T.me/zawamlAnsarAlllah

يا غدير الولايه رغم غدر الليالي
ما التوى كف متولي محمد وآله

يا علياه في نصرك بلوغ المعالي
رافعين اللواء ومنكسين الضلاله

يا ولياه شدينا الجعب و الأوالي
صادقين الولاء ومبلغين الرساله

نشهد انك ولي الله فوق الموالي
من تولاه ما يخشى فلول العماله

ما نبالي بمڪر الأشقياء ما نبالي
لا ويشهد علينا الله مولى الجلاله

له ثباتي ومحياتي وحالي ومالي
خالصه في سبيله واثقين بحباله

حب (طه و آله) نهجنا اول وتالي
من جهلنا على ايدينا يلاقي نكاله

ساعة الصفر دقت والمؤشر زوالي
والكيان المؤقت حان موعد زواله

#عيد_الغدير_الأغر_١٤٤٤ه‍
✍️المجاهد #عاقل_بن_صبر