سيدي يا صاحب الزمان!
متى سيرتوي القلب من عذب سلسبيلك، لنودّع الدمع ويرحل ألم الغياب؟ متى ستشفى الروح من لوعة الاشتياق لكفّك الحنون التي تطيب بها النفوس؟ أبتاه يا صاحب الزمان! أما آن الأوان للقاء والارتواء؟

مولانا الجواد صلوات الله عليه يُبشر بحفيده
المهدي أرواحنا فداه 🥀

عظم الله لكم الآجر
وأحسن الله لكم العزاء

نصيحة / ٦٠

📌اقترح عليكُم الالتزام بـ :
- دُعاء العهد
- زيارة عاشوراء
- زيارة فاطمة الزهراء "؏"
- جزء مِن القرأن
- سورة المُلك
- و الاهم صلاة الليل "
- حتلو الشفع والوتر فقط "

لا تنسوا المولى صاحب الزمان بدعائكم 🌿

كُـل عامٍ والأمـة الإسلامية في كُـل بقاع الأرض بخيرٍ وسلام ٍوأمانٍ💚.
كُـل عامٍ ونحن مُسلمون موحدون تزدانُ شعائرنا دوماً بـ لا إله إلا الله ،محمد رسول الله ،علي وأولاده المعصومين حجج الله ، وسادات مشارقها ومغاربها وفي عناية آمنا الزهراء وتحت رايتها نسعد ونفرح.
الحمدُ لله حمداً كثيراً طيباً مباركاً فيـه.

نلتقيكم في صلاة العيد
مسجد الزهراء ع
الرميلة الشمالية
الساعـــ٦:٣٠ــة ص

🔻رسالة لك من صاحب الزمان :
تبقى القليل لتحضى برؤيتي فاستعد.

صاحب الزّمان أوّلًا، ثمّ كلّ أمانيكم.

نصيحة/ ٦١

قوي علاقتك بالحُسيـن " صلوات الله عليهٓ "
شگد ماتگدر ،رح يجي اليوم الي ماتلگة
غيره باقي وياك ،اسعى حتى يبقى راضي عنك
ومحتويك .

نصيحة/ ٦٢

مابقى شيء لأيام المصيبة العظمى
وما نعرف شنو الي جاي
لازم الخادم يجهز روحة لهاي السفرة
(سفرة الى الله)

لازم اكو حب واكو عطاء
بدون الحب ما توصل لثمرة العطاء لأيام المصيبة
(وهل الدين الا الحب)

كل سادتي آل محمد يوصون على المعرفة ،أهل العلم موجودين العلماء الخطباء الي يوصلون المصيبة صح والي يعرفونك بالقضية حتى لا تنحرف او حتى لا تسوي شيء ما يقبلون بي سادتي وتخرب على القضية
(منو انت، اسأل من عليك وأعرف المعنى،واليا صوب لو دورتك اتعنى ؟ الجرحك ليش ما تنشف مدامعنا )


توجه من اليوم لله سبحانه وتعالى
توجه لسادتي آل الله أطلب منهم العون والتوفيق أطلب منهم الدمعة والحزن والوعة للمصيبة أطلب منهم الغربة خلي يعيشونك شوي من غربتهم أطلب من مولاي سلطان الدموع كون ما تنشف دموعك لمصاب الي ماكو منه مصاب

(وجهة وجهي للفطر قلب الحجر،بغير الحزن ما أقتنع ،لا يدعي بطاري العشگ الما محترگ،والما فهم حزنك شرع،والما بچه وگايل أحب أكبر جذب،ما عدنا حب بلا دمع )

وكل يوم تذكر وستحضر مصيبة مولاتي الزهراء كل يوم أذكر شنو الي صار وشنو القضية اسأل وشوف دور تعب نفسك على بداية الرزايا شنو ؟

(من البداية الباب الكل الرزايا ،البچي فاطم لا نهاية ،وعدها أيتام وسبايا )

عوف الدنيا ترى وعيونك وعيون مولاي صاحب الزمان ما تفيدك أهل السياسة يلتهون بالسياسة وأهل الاقتصاد يلتهون بالاقتصاد وكل من خلي يلتهي بسوالف الدنيا ابعد نفسك عنهم،حب من صدگ ومرة وحده حاچي نفسك گول خلي اصدگ شوي خلي احب من صدگ لا تلتهي بالناس وهذا حچة وذاگ هيج گال علي وهذا يشك وهذا يسوء الظن خلي ابالك قضية وحده

(اليحب واضح طريقة ،مثل شمس الحقيقة،يبين من نحيبك لو فعلًا تحب،!وراك الدنيا خليها ، واذا اذوك أهلها ،على تربة حبيبك ،أسجد وأقترب )

قارن بين نفسك قبل وبين نفسك هسه وانت خادم وشوف هاي نتيجتها شنو وانت حاليًا خادم ،اخدم صح توصل وياخذ بيدك مولاي الصاحب

(چان اسمي قبل هذا المنو منين،، وهسه شكبره إسمي خادم حسين)

كل يوم حاسب نفسك وراجع وشوف شنو سويت وشنو الي لازم أسوي ،حتى تدخل شهر صفر بكل دموعك وبكل انكسارك حتى تعرف شلون تواسي آيات الجلالة تعرف تواسي الغريب بغربته وتطلب من مولاي السجاد ومن مولاي الباقر صلوات الله عليهم يشوفونك شوي من هذا الطريق ،ونسولف ان شاء الله بهذا الطريق قبل لا نتوكل بطريق يا حسين

(بنات الحمد والنون ،أميرات البرايا، احاطونا ينادون ،سيخرجنا سبايا ،آيات الجلالة ،عگب هاشم مطشرة،من بيت الرسالة،على الناگة صعدن تره )


وأعرف وثق انو اذا تشتغل صح يعني انت جاي تواسي مولاي صاحب الزمان الغريب جاي تبچي وياه وفكر هاي شكبرها هاا!! جاي تفكر شلون اذا طاحت دمعتك ودمعة مولاي الصاحب ؟ ثق انو كل هذا اذا صار وتعب نفسك بعد يعني انت جاي تمهد لدولة العدل جاي تواسي وجاي تنتظر حتى تصير من المنتظرين المؤدين واجباتهم اتجاه امام زمانهم
بالختام لا تنسى العهد مع مولاي صاحب الزمان عج
لا تنسى كل يوم
•زيارة عاشوراء
•دعاء العهد، والندبة
•صلاتك ؟!
•تعاملك ويه أهلك ويه ناسك وأحبابك ويه اهل منطقتك وفكر انو هم يشوفونك خادم ؟
•وفكر كل يوم علة الكون غايب والكون ظاهر ؟ عجيب ها !

ولا تگول راح أبدي
كول بديت وكول يا علي

جعلنا الله واياكم من المواسين لقلب مولانا صاحب الزمان عج

‏وَاصبِر حَتّى يَحكُمَ اللَّهُ وَهُوَ خَيرُ الحاكِمين

عزاء ليلة الثالث من محرم
حسينية موكب جروح الغائب عج

كتاب الله وعترتي آل بيتي