💡 Maraqlı Fakt: Dünyanın İlk Proqramçısı Bir Qadın Olub! 👩‍💻

Bəli, düz eşitdiniz! Kompüter elminin banilərindən biri və dünyanın ilk proqramçısı məhz bir qadın olub – Ada Lavleys!

19-cu əsrdə yaşamış ingilis riyaziyyatçısı Ada Lavleys, Çarlz Bebbicin "Analitik Mühərrik" adlı ixtirası üzərində işləyərkən, bu cihazın yalnız hesablama deyil, həm də alqoritmlər vasitəsilə idarə oluna biləcəyini ilk dəfə kəşf edən şəxs olub. Onun bu işi, proqramlaşdırmanın əsasını qoyub.

Ada Lavleysin 1843-cü ildə yazdığı qeydlər, bir kompüterin yerinə yetirə biləcəyi addımların ardıcıllığını təsvir edən ilk alqoritm hesab olunur. Bu alqoritm, Bebbicin mühərriki üçün nəzərdə tutulmuşdu və maşının müəyyən hesablamaları necə aparacağını göstərirdi.

Təəssüf ki, Ada Lavleysin dahiliyi yaşadığı dövrdə tam olaraq qiymətləndirilmədi. Lakin bu gün o, kompüter elminin təməlini qoyanlardan biri kimi xatırlanır və onun töhfələri unudulmur.

Bu maraqlı fakt sizə ilham verdi? Fikirlərinizi şərhlərdə bölüşün! 👇

Hörmətli müəllimlər!

Nəzərinizə çatdırmaq istərdik ki, yaxın zamanda keçiriləcək “Dərsə maraq oyadan yanaşmalar və təcrübələr” adlı vebinar 26 Aprel 14:00-da keçiriləcək.

Odur ki, qeydiyyadan keçməyə tələsin!

📌 Unutmayın ki, görüşdən sonra iştirak edən hər bir üzvə elektron sertifikat təqdim olunacaq.
❗️ Bunun üçün qeydiyyatdan keçmək mütləqdir.

Qeydiyyat üçün link: https://s.alg.academy/1kmkupq

Hörmətli müəllimlər!

Vebinarımıza 40 dəqiqə qaldı! Sizi “Dərsə maraq oyadan yanaşmalar və təcrübələr” mövzusunda keçiriləcək görüşdə gözləyirik.

🕗 Başlama vaxtı: 14:00
🔗 Keçid linki: https://s.algoritmika.az/bynnhp

Dərsdə maraq oyatmaq üçün praktiki yanaşmalar və faydalı təcrübələr paylaşılacaq. Sertifikat əldə etmək üçün qeydiyyat vacibdir: https://s.alg.academy/1kmkupq

Görüşdə iştirak etməyi unutmayın!

Hörmətli müəllimlər!

Vebinarımız artıq başladı! Qoşulmaq üçün link: https://s.algoritmika.az/bynnhp

Görüşdə sizi gözləyirik!

Hörmətli müəllimlər!✨

📣 “Dərsə maraq oyadan yanaşmalar və təcrübələr” vebinarının yazısını sizinlə bölüşürük.
İştirak edə bilməyənlər və ya yenidən izləmək istəyənlər üçün faydalı olacaq.

🔗 Baxmaq üçün link: https://youtu.be/uFskrKX79K8

Azərbaycanlı mütəxəssislər qlobal İT dünyasında!

Bu gün, 29 aprel saat 20:00-da Kanadada yaşayan və “Samsung Electronics” şirkətində baş proqram mühəndisi kimi çalışan Adil Əliyev ilə canlı yayımda görüşürük!

Canlı yayıma qoşulmaq üçün instagram səhifəmizi izləyin !

Gələcəyin texnologiyalarına həmyerlimizin baxışı və onun uğur hekayəsi sizi gözləyir!

Hörmətli müəllimlər!

📣 26 aprel tarixində “Dərsə maraq oyadan yanaşmalar və təcrübələr” mövzusunda keçirilmiş vebinarın sertifikatları elektron poçt ünvanlarınıza göndərilmişdir.

Diqqətinizə görə təşəkkür edirik! 👏

Honor Watch 4 qazanmaq istəyirsən?
O zaman bu fürsəti qaçırmayın!
Rəqəmsal Bacarıqlar layihəsi tiktok platforması üzərindən möhtəşəm bir GIVEAWAY keçirir!

Uduş: ⌚️ Honor Watch 4 smartsaatı!

Nə etməlisən?
1️⃣ “10 ildən sonra özünü informasiya texnologiyaları sahəsində harada görürsən?” sualına video ilə cavab ver
2️⃣ Videonu #millihakaton2025 haştaqi ilə paylaş
3️⃣ @reqemsalbacariqlar TikTok səhifəsini taq et
4️⃣ Videonu ictimai (public) paylaş

Qalib necə seçiləcək?
Ən çox baxış yığan videolar arasından təsadüfi olaraq seçiləcək!

Qaydalar:
⚠️ Saxta baxışlar aşkarlanarsa, iştirak diskvalifikasiya ediləcək
📅 Yarışma 1–31 may tarixlərində keçirilir
⏰ Son paylaşım tarixi: 31 may

Kreativ olun, videonu çəkin və bu möhtəşəm hədiyyəni qazanma şansını əldən verməyin!
Uğurlar!

Hörmətli müəllimlər !

Bu məlumatı şagirdlərinizə təqdim etməklə, onların bu fürsətdən xəbərdar olmasını təmin etməyinizi xahiş edirik.❤️

🧘‍♀️ Pomodoro Texnikası Nədir və Niyə Hər Kəs İstifadə Etməlidir?
Müəllimlik – böyük diqqət və enerji tələb edən bir peşədir. İşlərin çoxluğu, vaxtın azlığı və daim artan tələblər bəzən həddindən artıq yüklənməyə səbəb ola bilər. Bəs daha az yorulmaqla daha çox iş görməyin bir yolu varmı? Cavab: Pomodoro Texnikası!

Pomodoro Texnikası nədir? 🍅
Bu, 1980-lərin sonlarında Francesco Cirillo tərəfindən yaradılmış vaxt idarəetmə metodudur. Texnikanın əsas prinsipi işi qısa, fokuslanmış intervallara (adətən 25 dəqiqə) bölmək və hər intervaldan sonra qısa fasilələr (adətən 5 dəqiqə) verməkdir. Hər dörd "pomodoro"dan sonra isə daha uzun bir fasilə (15-30 dəqiqə) edilir. "Pomodoro" italyan dilində "pomidor" deməkdir, çünki Cirillo bu texnikanı ilk dəfə pomidor formalı mətbəx taymeri ilə istifadə edib.

Niyə müəllimlər Pomodoro Texnikasından istifadə etməlidir? 🤔
- Daha yaxşı fokuslanma: Qısa iş intervalları diqqəti toplamağı və işə daha dərindən fokuslanmağı asanlaşdırır.
- Vaxtın daha səmərəli idarə edilməsi: Vaxtı planlaşdırmağa və hər bir tapşırığa nə qədər vaxt sərf etdiyinizi görməyə kömək edir.
- Yorğunluğun azalması: Qısa fasilələr beynin dincəlməsinə və enerjinin bərpasına imkan verir, bu da uzunmüddətli yorğunluğun qarşısını alır.
- Təxirə salmanın qarşısının alınması: İşə başlamağı asanlaşdırır, çünki hər bir "pomodoro" sadəcə 25 dəqiqə davam edir.
- Motivasiyanın artması: Tamamlanan hər "pomodoro" uğur hissi yaradır və işə davam etmək üçün motivasiya verir.
- İşlərin idarə edilməsi: Müxtəlif tapşırıqlar arasında keçid etməyi və hər birinə lazımi vaxtı ayırmağı asanlaşdırır.

Pomodoro Texnikasını necə tətbiq etmək olar? ⚙️
1. Yerinə yetirmək istədiyiniz tapşırığı seçin.
2. Taymeri 25 dəqiqəyə qurun.
3. Diqqətinizi tamamilə tapşırığa yönəldin (distraksiyonlardan uzaq durun).
4. Taymer zəng çalanda 5 dəqiqə fasilə edin.
5. Hər dörd "pomodoro"dan sonra 15-30 dəqiqə uzun fasilə edin.

Pomodoro Texnikası sadə, lakin güclü bir vasitədir ki, müəllimlərin iş həyatını daha balanslı və məhsuldar etməyə kömək edə bilər. Siz də bu texnikanı sınayın və fərqi özünüz görün!

Siz vaxtınızı idarə etmək üçün hansı metodlardan istifadə edirsiniz? Təcrübələrinizi şərhlərdə bölüşün! 👇

🧠 Prokrastinasiya əslində nədir?

Prokrastinasiya — işi təxirə salmaq deyil. Bu, daxili müqavimətin əlamətidir. Biz sadəcə “tənbəllik etmirik” — əksər hallarda beynimiz bizi qorumağa çalışır.

Məsələn, əgər tapşırıq sizdə qorxu, narahatlıq və ya uğursuzluq hissi yaradırsa, beyniniz sizə başqa bir iş təklif edir: “Gəl, bu barədə sonra düşünərik…”

🤔 Prokrastinasiyanın səbəbləri:
– Tapşırığın çətin və ya bulanıq olması
– Perfeksionizm (işi ideal görmək istəyi)
– Öz gücünüzə inamsızlıq
– Emosional yorğunluq

📌 Nə etmək lazımdır?
– Tapşırığı kiçik hissələrə bölün
– Özünüzlə dialoq aparın: “Nədən qorxuram?”
– Özünüzə qarşı daha yumşaq olun — başlamaq üçün mükəmməl an yoxdur, ancaq kiçik addım atmaq mümkündür.

🧪 Mini-quiz vaxtıdır!

Bu post vebinar iştirakçıları üçün qısa yaddaş yoxlamasıdır 📚
Bir sual vasitəsilə öyrəndiklərimizi yada salmaq – təsirli bir üsuldur.

Necə cavab vermək lazımdır?
Sadəcə rəy bölməsində sizcə doğru olan variantın hərfini yaza bilərsiniz.

Sual:
Müəllim dərsə necə başlamalıdır?
A) Tapşırıqların yoxlanması ilə
B) Ev tapşırığının izahı ilə
C) Maraqlı sual və ya real həyat nümunəsi ilə
D) Qiymətləndirmə meyarlarının açıqlanması ilə

💬 Cavabınızı yazın — 1 saat sonra düzgün cavabı paylaşıacağıq!
Görək kimlərin diqqəti hələ də yüksəkdir? 😉

🧪 Mini-quiz cavabı
Paylaşdığımız sual üçün doğru cavabı açıqlayırıq!

Sual:
Müəllim dərsə necə başlamalıdır?

✅ Cavab: C) Maraqlı sual və ya real həyat nümunəsi ilə

Bu, spikerin də vurğuladığı əsas məqam idi: şagirdin diqqətini dərhal dərsə cəlb etmək üçün giriş maraqlı olmalıdır.
Belə yanaşma dərsin başlanğıcından motivasiya yaradır və öyrənməyə şərait qurur.

🎥 Əgər siz də bu və digər mövzularda danışılanları xatırlamaq və ya yenidən izləmək istəyirsinizsə — vebinarın tam video yazısı kanalımızda mövcuddur!
İzləmək üçün link: https://youtu.be/uFskrKX79K8

“Tükənmişlik sindromu” nədir və necə qarşısı alınır?

Son zamanlar tez-tez eşidirik: “Mən artıq tükənmişəm.”
Bu sadəcə yorğunluq deyil — bu, emosional və psixoloji tükənmə halıdır.

📌 Tükənmişlik sindromu nədir?
Bu, insanın uzun müddət davam edən stres, məsuliyyət və təzyiq altında özünü boş, motivasiyasız və laqeyd hiss etməsi vəziyyətidir. Xüsusilə müəllimlər, səhiyyə işçiləri və sosial sahədə çalışanlarda daha çox rast gəlinir.

Əlamətləri:
– Əvvəllər sevdiyiniz işə qarşı laqeydlik
– Daimi yorğunluq və konsentrasiya çətinliyi
– Emosional həssaslıq, əsəbilik
– Özünüzü “heç nəyə çatmırsız” kimi hiss etmək

✅ Qarşısını almaq üçün nə etmək olar?

1. Daxili siqnallara qulaq asın.
Özünüzü məcbur etməzdən əvvəl bir sual verin: “Hazırda mənə nə lazımdır?”

2. Kiçik fasilələr verin.
Həftədə bir dəfə texnologiyadan uzaq gün keçirmək və ya 15 dəqiqəlik sakitlik vaxtı — beyin üçün böyük dəstəkdir.

3. “Yox” deməyi öyrənin.
Hamıya hər zaman kömək etmək mümkün deyil. Özünüzü qorumaq üçün sərhəd çəkmək vacibdir.

4. Sizi sevindirən kiçik vərdişlər yaradın.
Səhər çayı, qısa gəzinti, meditasiya, sevdiyiniz musiqi — bu cür detallarla ruh halınızı balansda saxlamaq mümkündür.

5. Özünüzə qarşı tələbkar olmayın.
Hər iş mükəmməl olmalı deyil. Bəzən “kifayət qədər yaxşı” da kifayətdir.

Unutmayın: siz dəstək verdiyiniz qədər dəstəyə də layiqsiniz.
Əgər siz də özünüzdə bunu hiss etmisinizsə — rəy bölməsində bölüşə bilərsiniz 💬

Rutinləri necə qurmaq olar? Kiçik vərdişlərlə sabitlik yaratmaq
Bəzən elə gəlir ki, günümüz nəzarətdən çıxıb. Gecikmələr, unutduğumuz işlər, dağınıq diqqət…

Bütün bunların qarşısını almağın açarı — sabit gündəlik rutinlərdir.

🔁 Rutin nədir?
Rutin — hər gün təkrarlanan kiçik addımlardır. Onlar bədənin və beynin bir ritmə düşməsinə, qərar yorğunluğunun azalmasına və daxili sakitliyə səbəb olur.

✅ Rutin qurmağın sadə yolları:

1. Kiçikdən başlayın.
“Gündə 5 səhifə kitab oxuyacam”, “Yatmazdan əvvəl 10 dəqiqə telefonu kənara qoyacam” — bu kimi kiçik vərdişlər uzunmüddətli dəyişiklik yaradır.
2. Davamlı olun, mükəmməl yox.
Vaxtaşırı unutsanız belə, davam edin. Mükəmməl olmayan davamlılıq, qeyri-sabit idealdan daha güclüdür.
3. “Əvvəl – sonra” texnikası.
Mövcud bir vərdişə yeni vərdişi bağlayın: “Səhər çay içəndən sonra 5 dəqiqə qeyd yazacam.” Bu, beyinə siqnal verir və yeni vərdişi möhkəmləndirir.
4. Nəticəyə yox, prosesə fokuslanın.
Əsas məqsəd — özünüz üçün stabil gün formalaşdırmaqdır. Nəticələr zamanla gələcək.

Sizin gündəlikdə ən sabit vərdişiniz nədir?
Rəylərdə yazın, bir-birimizdən öyrənək 💬

🎥 Yeni rubrika: Film tövsiyəsi
Bu gündən etibarən kanalda yeni bir rubrikaya başlayırıq.
Burada redaksiyamız müəllimlər üçün maraqlı və düşündürücü filmləri paylaşacaq. Həm ilham almaq, həm də öz işimizə yeni baxış qazanmaq üçün.

Bu həftənin seçimi — “Dead Poets Society”
Film ənənəvi qaydalarla idarə olunan internat məktəbində yeni gələn ədəbiyyat müəlliminin həyatlara necə toxunduğundan bəhs edir.

O, şagirdlərini “Carpe Diem” — “Günü yaşa” fəlsəfəsi ilə azad düşünməyə və öz yollarını tapmağa təşviq edir.

🎓 Film müəllim peşəsinin cəmiyyətə təsirini, ilham gücünü və fərdi yanaşmanın nə qədər önəmli olduğunu göstərir.
Əgər siz də bəzən dərslərin ruhunu itirdiyinizi hiss edirsinizsə — bu film sizə yenidən səbəb xatırladacaq.

Siz bu filmi izləmisiniz?
Hansı hissə daha çox yadda qalıb?
Şərhlərdə yazın 💬

Hörmətli müəllimlər!

📣 Sizi “Müəllimlərdə tükənmə sindromu: Səbəblər və həll yolları” mövzusunda keçiriləcək onlayn seminara dəvət edirik.

Seminar pedaqoq-psixoloq, «Outsite» və «Edulance» layihələrinin təsisçisi Hüseyn Həsənov tərəfindən aparılacaq.

📌 Qeyd edək ki, seminarda iştirak edən bütün müəllimlərə görüşün sonunda sertifikat təqdim olunacaq.

🔗 Təlimdə iştirak üçün qeydiyyat forması yaxın günlərdə paylaşılacaq.
Seminarın tarixi barədə məlumat isə tezliklə kanalda elan olunacaq.

Sizi səbirsizliklə gözləyirik!

Hörmətli müəllimlər!

Sizi “Müəllimlərdə tükənmə sindromu: Səbəblər və həll yolları” adlı onlayn vebinara dəvət edirik!

📅 Tarix: 31 May
🕗 Saat: 13:00
🎙 Spiker: Pedaqoq-psixoloq, «Outsite» və «Edulance» layihələrinin təsisçisi Hüseyn Həsənov
🔗 Görüşə keçid etmək üçün link: https://s.alg.academy/101cvez

Təlimdə tükənmə sindromunun səbəbləri, əlamətləri və müəllimlər üçün praktik həll yolları müzakirə olunacaq.

❗️❗️❗️Sertifikat əldə etmək üçün qeydiyyatdan keçmək mütləqdir. Qeydiyyat olmadan sertifikat əldə etmək mümkün deyil.
Qeydiyyat linki: https://s.alg.academy/1gjlx2s

Hər birinizi gözləyirik! ❤️