ኤልሮኢ:

#ቢፈልግባትም_መልካሙ_ገበሬ

ቢፈልግባትም መልካሙ ገበሬ
አልተገኘባትም ከበለስዋ ፍሬ፤
…
ለስልሶላት ነበር ሀይማኖት መሬቱ፤
ተቀጥሮላት ነበር አጥር ስርዓቱ፤
ተነቅሎላት ነበር ድንጋይ ፈተናዋ፤
ፍሬ ግን ታጣባት በመጨረሻዋ፤
…
ፍሬ የሌለባት ቅጠል ስለሆነች፤
ተካይዋን በምግባር ስላላስደሰተች፤
መልካሙን ገበሬ ሊቆርጣት ተነሳ፤
ሌሎች እንዳይጠፉ በእርሷ የተነሳ፤
…
ለንስሐ የሚሆን እድሜ እንዲሰጣት፤
ጠባቂ መልዐኳ ተማጸነላት፤
ምክር እና ተግሳጽ ይጨመርላት፤
ታፈራ እንደሆነ ለዓመት እንያት፤
…
ልመናውን ሰምቶ ጌታውም ፈቀደ፤
ጥቂት እድሜ ሊሰጥ ሊታገስ ወደደ፤
ዳግመኛ ሲመጣ ፍሬ ካላፈራች፤
ተቆርጣ ወደ ቶን እሳት ትጣላለች፤


👇👇👇👇👇
👉 @aleroe 👈
👉 @aleroe👈
👉 @aleroe👈
👆 👆👆👆👆

ኤልሮኢ:

++ ንጉሥ በአህያ ላይ ++
(ሽራፊ ሃሳብ ከሆሳዕና ምንባብ)

"አህያ" ስምዋ ስድብ ከሆነ የቆየች እንስሳ ናት። የዚህች በዓለም ሁሉ የምትገኝ እንስሳ የሕይወት ታሪክዋ በአብዛኛው ተመሳሳይ ነው። በሚበዙት ሀገራት አህያ ከባድ ሸክም ስትሸከም ትውላለች ፣ ደክሟት ለማረፍ ብትፈልግና ሸብረክ ብትል እንኳን በዱላ የሚመታት እንጂ "እስቲ አረፍ በይ" የሚላት የለም። ጀርባዋ በሸክም ብዛት የቆሰለ ፣ እግርዋ በጭነት ብዛት የተብረከረከ ፣ ዱላ ያስመረራት ፣ ዕረፍት የናፈቃት እንስሳ ናት።
ይህችን የተዋረደች እንስሳ በኪሩቤል ላይ የሚቀመጠው ሰማያዊው ንጉሥ ክርስቶስ በትሕትናው ዙፋኑ አደረጋት። ዱላ በለመደችው ፣ ዕረፍት በናፈቃት በዚህች ምስኪን ላይ "ቀንበሬ ልዝብ ሸክሜ ቀሊል ነው" ያለው ንጉሥ ተቀመጠባት።

ኃያላን ነገሥታት ባማረ ሠረገላ ላይ ሆነው ፣ በሠራዊት ታጅበው ፣ ነጋሪት እያስመቱ ፣ መለከት እያስነፉ ፣ ሰይፍ በታጠቁ ጦረኞች እየተፎከረላቸው ወደሚገቡባት ወደ ኢየሩሳሌም ከተማ መድኃኔ ዓለም ክርስቶስ በአህያ ላይ ተጭኖ ፣ በዓሣ አጥማጆች ተከብቦ ፣ በሕፃናት ዝማሬና በዘንባባ ዝንጣፊ ታጅቦ ገባ።

ፈርተውት ሳይሆን ወደውት የሚዘምሩለት ንጉሥ ፣ ልብስ ገፍፎ የሚረግጥ ሳይሆን ልብሳቸውን አውልቀው ረግጠህ እለፍ የሚሉት ንጉሥ ፣ በቅንጦት ሠረገላ የሚሣፈር ሳይሆን "በአህያ ላይ ከተቀመጥኩ ይበቃኛል" የሚል ንጉሥ ወደ ኢየሩሳሌም ገባ።

"የጽዮን ልጅ ሆይ ደስ ይበልሽ ፣ ንጉሥሽ የዋህ ሆኖ በአህያና በውርጫይቱ ላይ ተቀምጦ ወደ አንቺ ይመጣል" የተባለላት ኢየሩሳሌም ምንኛ የታደለች ናት? "የዋህና ትሑት ንጉሥ" ያላት ሀገር ፣ ከተማይቱን እያየ የሚያለቅስላት ንጉሥ ፣ መልካምነቱን ለመሸፈን የሚፈልጉ ሰዎች ስለ እሱ አትናገሩ ቢሉ እንኳን የቢታንያ ድንጋዮች አፍ አውጥተው የሚመሰከሩለት ንጉሥ ያላት ኢየሩሳሌም ምንኛ የታደለች ናት? የታሰሩትን አስታውሶ "ያስፈልጉኛል ፣ ፈትታችሁ አምጡልኝ" የሚል ንጉሥ የነገሠባት ፣ ዘንባባ ተይዞ ስለ ሰላም የተዘመረባት ፣ "ሰላምሽ ዛሬ ነው" የተባለላት ያቺ ከተማ ምንኛ የታደለች ናት?

ወደ አህያይቱ ነገር እንመለስ ያቺን "ሸክም ያቆሰላትን ፣ ዕረፍት የናፈቃትን አህያ ክርስቶስ ፈትታችሁ አምጡልኝ ብሎ ዙፋኑ አደረጋት" የሚለው ታሪክ ለአህያ ብቻ ክብር የተሠጠበት ቀን መሆኑን የሚያሳይ ከመሰለን የዋሆች ነን። አህዮች አንብበው የማይጽናኑበት ወንጌል ላይ ይህ ክስተት የተጻፈው ለእኛ እንጂ ለምንም አይደለም።

እንደ አህያ ዕቃ ባንሸከምም ፣ ጀርባችን ባይቆስልም የልባችን ጀርባ በኃጢአት ሸክም የጎበጠ ፣ በበደል ብዛት የቆሰለብን ብዙዎች ነን። "መቼ ነው ይህንን የኃጢአት ሸክም አራግፌ ዕርፍ የምለው?" እያልን የምንሠቃይ ሞልተናል። መድኃኔ ዓለም ያኔ የላካቸውን ካህናት ዛሬም ወደ እኛ ልኮ "ፈትታችሁ አምጡልኝ" ብሎ እኛንም ቢያስፈታን ምናለ? ለነገሩ የእኛ የኃጢአት ማሠሪያ እጅግ ትብትብ ያለ ስለሆነ ካህናቱም "ከኃጢአት ማሠሪያ እግዚአብሔር ይፍታ" ሲሉ እንሰማቸዋለን።

ዲያቆን ሄኖክ ኃይሌ

@aleroe

ኤልሮኢ:
ሆሣዕና በአርያም

ሆሣዕና/2/ በአርያም ሆሣዕና
ሆሣዕና ብለን እናቅርብ ምስጋና
ሆሣዕና በሉ ሆሣዕና…

ቅድስት ሀገር ሆይ ሆሣዕና
ኢየሩሳሌም "
ምስጋናሽ ብዙ ነዉ "
በመላዉ ዓለም "

አዝ

በአህያ ላይ ሆኖ ሆሣዕና
ወደ አንቺ የገባዉ "
ኢየሱሰ ክርስቶስ "
የዓለም መድኃኒት ነው "

አዝ

ኃይልና ስልጣን ሆሣዕና
በአንድ ላይ ስላለዉ "
ጠላቶችሽ ፈሩ "
ሕዝብሽም ደስ አለዉ "

@aleroe

ኤልሮኢ:(ስነፅሁፍ)
#ሆሳዕና

አንቺ ኢየሩሳሌም ጌታ የመረጠሽ
አለምሽ ዛሬ ነው ክርስቶስ መጣልሽ
አንቺ የፂዮን ልጅ እጅግ ደስ ይበልሽ
ቅዱስ ትሁት ሆኖ ንጉስሽ መጣልሽ

ቀድሞም ነግሮሽ ነበር በትንቢታዊ ቃል
በአህያ ግልገል ላይ ተቀምጦ ይመጣል
ብሎ ዘካሪስ እንደተናገረ
በማቴወስ ወንጌል ትንቢቱን ፈፀመ
ጼጥሮስን ዮሃንስን ላከና ኢያሪኮ
በትዕዛዝ አስመጣት እሷን አስፈትቶ

ኪሩቤል ሱራፌል የሚፈሩት ጌታ
ፍቅርን ትህትና ሊያስተምረን ለኛ
ተቀምጦ መጣ በአህያ ሁርንጫ

ልብስ ሰውነትን እምደሚሸፍነው በደላችን ሸፈንክ በማለት ያለው ሰው ያነጥፍ ነበረ እንዳይቆረቁረው

ፀሀፍት ፈሪሳዊን እስኪደንቅ ድረስ
ህፃናት ዘመሩ ሆሳዕና ብለው ጌታን በማወደስ

እነዛም ፀሀፍታን በህፃናት መዝሙር እጅጉን ቀኑና በክርስቶስ ምግባር በጣም ተከፉና በቃል ከሰሷቸው ድንገት ተነሱና
ክርስቶስም አለ እኔማ እሰማለው

በመዝሙረ ዳዊት ከህፃናትና ከሚጠቡት አፍ ላይ ምስጋና ለራስህ አዘጋጅ ይል የልወይ ብሎም ጠየቃቸው?

እነዛም ፈሪሳዊ በግርምት ዝምታን ተውጠው ቀሩና ጌታም ነገራቸው ጥቅሱን አወጣና።

በንፁህ አንደበት ዘንባባውን ይዘው አመስግነውታል ሆሳዕና እያሉ ህፃናት በእልልታው

አህዛብ ሆይ ንቁ መዳን በክርስቶስ መሆኑን አትዘንጉ ተቀበሉ እውነቱን ከባርነት ውጡ!


@aleroe

ኤልሮኢ:
13/08/11

#መዝሙር_ዘሆሳዕና
" ወእንዘ ሰሙን "

#በዕለቱ_ቅዳሴ_ሰዓት_የሚነበ_መልዕክታት_ወንጌልና_ምስባክ፡፡

ዲ/ን ዕብ 9÷11- ፍ ም
ን/ዲ 1ጴጥ 4÷1-12
ን/ካ ግብ፡ሐዋ 28÷11-ፍ ም

#የዕለቱ_ምስባክ
#መዝ 8÷2
እምአፈ ደቂቅ ወሕፃናት አስተዳሎከ ስብሐተ
በእንተ ጸላኢ
ከመ ትንሥቶ ለጸላኢ ወለገፋዒ

#ትርጒም፦

ጠላትን ለማሳፈር ቂመኛንና ግፈኛንም ለማጥፋት ከህፃናትና ከሚጠቡ ልጆች አፍ ምስጋናን አዘጋጀህ::

#የዕለቱ_ወንጌል፦

ዮሐ 5÷11-31

ቅዳሴ: ዘጎርጎርዮስ

👉 @aleroe

ኤልሮኢ:

የሰሙነ ሕማማት ዕለተ ዓርብ

ዕለተ ዓርብ በቤተክርስቲያን ልዩ ቀን ነው፡፡ የማይታመመው ታሞ የዋለበት፣ የወደቁ ከተረሱበት ከትቢያ የሚያነሳ እሱ ሲወድቅ ሲነሳ የዋለበት፣ ሕመምተኞችን የሚፈውስ እሱ ሲያቃስት የዋለበት፣ ከሲኦል የዲያብሎስ ግብር ነፃ የሚያወጣ ሲገረፍ የዋለበት፣ ወልደ እግዚአብሔር ለወዳጆቹ ድኅነት በመስዋዕትነት ሙሽራ የሆነበት የደስታ ቀን፤ አሳዳጅ አሳሪያችን ዲያብሎስ ከነወጥመዱ ድል የተነሳበት ቀን ነው። ከዚህም የተነሳ በቤተክርስቲያን የተለያየ ምስጢራዊ ስያሜዎች ተሰጥቶታል፡፡

#የስቅለት_ዓርብ ይባላል
የዓለም ሁሉ መድኀኒት የሆነው ጌታችን ኢየሱስ ክርስቶስ ለአዳምና ለልጆቹ ሁሉ ቤዛ ሆኖ በመልዕልተ መስቀል ላይ ተሰቅሎ ለዓለ ድኅነት መስዋዕት ሆኖ የዋለበት ዕለት በመሆኑ የስቅለት ዓርብ ተብሏል። (ማቴ 27፡35)

#መልካሙ_ዓርብ ይባላል
ይህም የሚያስገነዝበን ከስቅለተ ክርስቶስ በፊት ማንም ሰው ሲያጠፋ በመስቀል ተሰቅሎ እንዲሞት ይደረግ ነበር፡፡ በተለይ በሮማውያንና በፈሪሳውያን ሕግ መስቀል የወንጀለኞች መቅጫ ነበረ። በዚህ ዕለት ግን ታሪክን የሚቀይር ነገርን የሚገለብጠው አምላክ የወንጀለኞች መቅጫ ምልክት የነበረውን መስቀል በደሙ ቀድሶ የምህረት ምልክት፣ የሕይወት አርአያ፣ የዲያብሎስ ድል መንሻ ፣ የቤተክርስቲያን ጌጥ፣ የገዳማት ዘውድ ስላደረገውና በዕለተ ዓርብ በሞቱ ሕይወትን ስላገኘን መልካሙ ዓርብ ተብሏል፡፡

በዚህ ዕለትም ጌታ ሁሉ ተፈጸመ ብሎ ቅድስት ነፍሱን ከቅድስት ስጋው በራሱ ፈቃድ ከለየ በኋላ አምላክነቱን ለመግለፅ ተአምራት አሳይቷል፦
1. ፀሐይ ጨልማለች
2. ጨረቃ ደም ሆናለች
3. ከዋክብት ረግፈዋል
4. የቤተ መቅደስ መጋረጃ ከላይ እስከ ታች ተቀዷል
5. ምድር ተናወጣለች (ተንቀጥቅጣለች)
6. መቃብሮች ተከፍተዋል
7. ሙታን ተነስተዋል

በዓመት አንድ ጊዜ የምናገኘው ይህ ዕለት ቀራንዮን የምናስብበት ነገረ መስቀሉን የምናስተውልበት እንጂ ስለምድራዊ ኑሮአችን ስንባክን የምንውልበትና በዋዛ ፈዛዛ ልናሳልፈው አይገባም፡፡

@aleroe

ኤልሮኢ:
https://telegra.ph/ፋሲካን-አስመልክቶ-ስለ-እርድ-ለጠየቃችሁ-ጥያቄ-የተሰጠ-ምላሻ-04-27

ኤልሮኢ:
እልል በሉ

እልል /6 አማኑኤል ተነሣልን
ደስ ይበልን ሁላችንን
የሲኦል ደጆች ተከፈቱ እልል
የሰይጣንም ሠራዊቶች አፈሩ እልል
በጨለማው ዓለም ተወጠን ሳለን
ጌታ በትንሣኤው ዛሬ አበራልን
አዝ ---
መቃብራት ሁሉ ተከፈቱ እልል
የታሠሩ ነፍሳት ከግዞት ተፈቱ እልል
መግደላዊት ማርያም ትንሣኤውን አይታ
ነገረች ለሐዋርያት በደስታ ተሞልታ
አዝ ---
ሁለቱ መላእክት ብርሃን የለበሱ እልል
ተነሥቷል አሏቸው ሴቶቹ ሲደርሱ እልል

ሐዋርያት አይተው ዜና ትንሣኤውን
አሏአቸው ለድኅነት ሰላም ለእናንተ ይሁን

@aleroe

ኤልሮኢ:
●▬▬ ሳትሰስቺ ስጪ

ማታ ለመኝታ አልጋ ላይ ሰትወጪ
ሌሊቱ እንዲሰምር ሳትሰስቺ ስጪ

ጠዋት እንደ ነጋ ሳትወርጂ ከአልጋ
ደግመሽ መስጠትሽም እንዳይዘነጋ

ሻወር ቤትም ቢሆን ኩሽና ስትገቢ
ካንጀትሽ ለግሺው ሳትንገበገቢ

ከዋልሽበት ቦታ በሰላም ስትመጪ
በርከክ በይና ጎንበስ ብለሽ ስጪ

ቀናትን ሳትመርጪ ሰኞ አርብ ሳትዪ
ሰባቱንም ቀናት ለሱ አትከልክዪ

ህይወትሽ እንዲያምር ኑሮሽ እንዲቀና
ለአምላክ ምስጋና ይገባዋልና።
ለእሷ ብቻ አይደለም ላንተም ነው በል ንቃ
@aleroe

ኤልሮኢ:

✍ …… እኛ ከየትኛው እንሆን ይሆን

አምስት ዓይነት ክርስቲያኖች

✝ አንደኛው ክርስቲያን
ዘወትር ከቤተ ክርስቲያንየማይለይ በየቀኑ እግሮቹ ወደ ቤተክርስቲያን የሚገሰግሱ ጠዋት ኪዳን ከሰዓት ቅዳሴ ማታ ሰርክ ጉባኤ የማይቀር ዘወትር የሚጸልይ የሚጾምስርዓተ ቤተ ክርስቲያንን ጠብቆ የሚኖር የሰበካ ጉባኤ አባል የሆነ ቤተ ክርስቲያንን በሚችለው የሚያገለግል ቤቱን ካህናት የባረኩትየሚቆርብ አስራቱን በኩራቱን የሚያወጣ ክርስትናን በተግባር የሚገልጠው ነው።
✝ ሁለተኛው ክርስቲያን
በሳምንት አንድ ቀን እሁድ እሁድ ብቻ ቤተ ክርስቲያን የሚሄድ
በሳምንት አንድ ቀን የሚጸልይ
ስድስት ቀን ሙሉ ቤተ ክርስቲያን ትዝ የማይለው በሳምንት አንድ ቀን የሚያስቀድስ ስድስቱን ቀን በግል ስራው የተጠመደ በሳምንት አንድ ቀን ብቻ ሂዶ እድር እቁብ አለብኝ ወንጌሉ ይጠር ትምህርቱ በዛ መርሃ ግብር ተንዛዛ ቅዳሴው ረዘመ የሚል በሳምንት አንድ ቀን መጥቶ ሥርዓቱ እስኪፈጸም መቆየት ያቃተው ከመንፈሳዊው ይልቅ ለዓለማዊ የሚያዳላው ነው።
✝ ሶስተኛው ክርስቲያን
በወር አንድ ቀን ብቻ ወራዊ በዓላትን ቆጥሮ ወደ ቤተ ክርስቲያን የሚሄደው ነው
(የመድኀኔዓም) (የማርያም) (የሚካኤል)ወዘተ
ዛሬ እኮ መድኀኔዓለም ነው ቤተ ክርስቲያን ልሂድ ብሎ ቀን ቆጥሮ የሚሄደው29 ቀን ሙሉ ቤተ ክረስቲያንን የረሳ ኪዳን አድርሶ የማያውቅ ወንጌል ቁጭ ብሎ የማይማር የማያስቀድስበወር አንድ ቀን ብቻ ቤተ ክርስቲያን ደርሶ የሚመለስ ለጸሎት ጊዜ የሌለውበቤተ ክርስቲያን አገልግሎት የማይሳተፍ የሰበካ ጉባኤ መታወቂያ የሌለው የነፍስ አባቱን ስም እንኳየማያውቅ የነፍስ አባትህ ማነው? ተብሎ ሲጠየቅ እንትና እንትና ማን ነበር ረሳሁት የሚል የነፍስ አባቱን ሲያገባ ሲወልድ ሰው ሲሞትበት ብቻ የሚፈልግ ቤቱን አስባርኮ ጸበል አስረጭቶ የማያውቅ በልምድ ብቻ የሚኖረው ነው።
✝ አራተኛው ክርስቲያን
በዓመት አንድ ቀን በንግሥ ጊዜ ቤተ ክረርስቲያን የሚሄደው ነው
ዛሬ የዓመቱ ገብርኤል ነው
ዛሬ ጥምቀት ነው ብሎ የሚሄደው
364 ቀን ከቤተ ክርስቲያን ቀርቶ በዓመት አንድ ቀን ትዝ የሚለው
የበዓል ሰው የሆነ የነፍስ አባት የሌለው የሰበካ ጉባኤ መታወቂያ የሌለው ጸሎት አድርጎ ኪዳን አድርሶ ቅዳሴ አስቀድሶ ጾም ጹሞ ንስሐ ገብቶ የማያውቅ ኳስ ሲደግፍ ፊልም ሲያይ ቻት ሲያደርግ ካራንቡላ ፑል ሲጫዎት ጊዜውን በማባክን ራሱንበዓለማዊ ነገሮች ቢዚ ያደረገ ቤተ ክርስቲያን እንሂድ ሲሉት ቢዚ ነኝ የሚልሁለት ሰዓት ሙሉ ቁጭ ብሎ ኳስ የሚደግፍ ፊልም የሚያይ ሰላሳ ደቂቃ ወንጌል መማርየሚሰለቸው ዓለም አንቃየያዘቸው በሚያልፍ ነገር የሚታለለው ከመንፈሳዊ ነገር የራቀው ነው።
✝ አምስተኛው ክርስቲያን
በሕይወቱ ቤተክርስቲያንን የማያውቃት ነውክርስትና ሲነሳ እናቱ አዝላ ካመጣችው በሇላ ደግሞ ያልመጣ ለጠናቋይለጣኦት ሲገብር የኖረ በባእድ አምልኮ ተተብትቦ ተይዞ ቆሌ ጨሌ እያለ ኑሮ ሲሞት ለመቅበር ሰዎች ክርስቲያን ነው ብለው አስከሬኑን ወደ ቤተ ክረርስቲያን ያመጡት ስሙ ብቻ ክርስቲያን የተባለ የክርስትና ስራ ሰርቶ የማያውቅ በእሱ ምክንያት ከሰበካ ጉባኤ ጋራ ጭቅጭቅ የሚያስነሳ ሰበካ ጉባኤ ስለማለውቀው ኣይቀበርም የቤተ ክርስቲያን አባል አይደለም ሲል ዘመዶቹ ጎረቤቶቹ ክርስቲያን ነው ይቀበር ብለው የሚከራከሩለት ሰውን ግራ የሚያጋባ ከንቱ የሆነ ሰው ነው ።ክርስቲያኖች ሆይ እኔና እናንተ ከየትኛው ነን ???


@aleroe

ኤልሮኢ:(መዝሙር)

ባለ ዉለታዬ ባለዉለታዬ
ከአመድ ያነሳኸኝ ከትቢያ ተጥዬ
ተመስገን ጌታዬ

በሩን ቢዘጋብኝ ስምዖን ጨክኖ
ዝቅ አድርጎ ቢያየኝ ከአይሁድጋ ሆኖ
እንድቀርብ ወደ እሱ አዘዘ ጌታዬ
እግሩን አጥበዋለሁ ወድቄ በእንባዬ

አዝ

የቀራጭ አለቃ ቢሆንም ስራዬ
እንድወርድ ከዛፉ አዘዘ ጌታዬ
ማረጌን መሸከም እስኪያቅተኝ ድረስ
ቤቴ ተባረከ በኢየሱስ ክርስቶስ

አዝ

ድንጋይ የጨበጡ ፈራጆች ከበውኝ
ነውሬን ዘርዝረው ጌታ ፊት አቆሙኝ
ፈረደችባቸው ሀጢያትም በነሱ
በሰላም ሂድ ብሎ ምርኛል ንጉሱ

አዝ

የማምነውን አምላክ አውቀዋለሁ እኔ
በሰራልኝ ስራ በእድሜ በዘመኔ
ፍቅሩን ተሸክሟል የልቤ ትከሻ
ልለየው አልችልም እስከመጨረሻ።

አዝ

የቀራጭ አለቃ ቢሆንም ስራዬ
እንድወርድ ከዛፉ አዘዘ ጌታዬ
ማረጌን መሸከም እስኪያቅተኝ ድረስ
ቤቴ ተባረከ በኢየሱስ ክርስቶስ

ባለ ዉለታዬ ባለዉለታዬ
ከአመድ ከያነሳኸኝ ከትቢያ ተጥዬ
ተመስገን ጌታዬ።

@aleroe

ኤልሮኢ:

…………✍አንድ ሰውዬ በባህር ብቻውን በመርከብ እየተጓዘ በመዕበል ተመታና መርከቡ ተሰባብራ በባህሩ ሰመጠች ሰውዬው እንደምንም እራሱን አድኖ አንድ ደሴት ላይ ያርፍና ጎጆ ነገር ሰርቶ ለቀናት ለብቻው እዛች ደሴት ላይ ይኖራል……ምግቡን ዓሳ አያጠመደ እየተመገበ ብዙ ቆየ። አንድ ቀን ዓሳ ሊያጠምድ ወደ ባህሩ እየሄደ በማሃል እዛች ባህር ላይ ጭስ ሸተተው ዞር ብሎ ሲያይ ያቺ ጎጆው እየነደደች ነው……
እየሮጠ ቢመለስም ጎጆዋን ሊያድናት አልቻለም ለካ ዓሳ ለማብሰል ያቀጣጠለው እሳት ተያይዞ ጎጆውን አንድዷታል አለቀሰ ፈጠሪውን ወቀሰ እንዴት እዚህ ባህር ላይ ብቻዬን ጥለሀኝ
ከቤተሰቦቼ ነጥለሀኝ ስታበቃ በስንት ልፋት የሰራኋትን ጎጆ ታቃጥልብኛለህ ብሎ አለቀሰ አማረረ……ከደቂቃዎች በኃላ አንድ ድምፅ ሰማ ወደ ድምፁ ፊቱን ሲያዞር አንድ ትልቅ መርከብ አየ ተደሰተ……የመርከቡ ሰዎች መጥተው ጭነው ወሰዱት ከዚያም ለመርከቡ ሰዎች ጠየቃቸው! እንዴት አገኛቹኝ እዚህ አካባቢ እዚህ ባህር ላይ ማንም አይመጣም እኮ እናንተ እንዴት አገኛቹኝ?
አላቸው……መርከበኞቹም እኛማ በዛኛው በኩል ዞረን እየሄድን ነበር ከዚህ በኩል ጭስ አየንና እዚህ ሰዉ ይኖራል ብለን መጣን አንተ አገኘን አሉት። አቤት ጌታዬ ለካ ከዚህ ከስቃዬ ልታውጣኝ ፈልገህ ነው ትንሿ ጎጆዬን ያፍርስከው ወደ ትልቁ ቤት ልትውሰደኝ ነው አለ። አንዳዴ የሆነ ነገር ስናጣና ሲበላሽብን ሰውንም ፈጣሪንም ስናማርር እንኖራለን ግን ካጣነው እና ከጎደለብን ነገር ጀርባ
ብዙ ጥሩ ነገር ልናገኝ እንደምንችል እንዘነጋለን በችግራችን ጊዜ መጠጋት ያለብንን ፈጣሪያችን እንረሳዋለን ከዚያም አልፈን የሁሉ ነገር ፈጣሪውን እንኮንነዋለን። ያጣነውን እና የሰጠን ፈጣሪ! አእምሮችን ከሚያስበው በላይ
ሊሰጥህን እንደሚችል ማመን አለብን።

〰〰〰〰〰〰〰〰〰〰〰
@aleroe

ኤልሮኢ:
https://telegra.ph/ዳግም-ትንሣኤ-ለምን-ተባለ-05-05

ኤልሮኢ:
# አይሸሸግ እውነቱ

አይሸሸግ እውነቱ ማርያም ብጸት ናት/2
ከእግዚአብሔር ያልተላከ አይችልም ሊያወድሳት (2)

ገብርኤል በከፍታ ከራማ ታላቅ ቤቱ
ገሊላ የተገኘው ወደ ማርያም እህቱ
ከእግዚአብሔር መላኩን ተረዳን በሚስጥር
ለስሟ ክብርንሰቶ ሰምተነዋል ሲየበስር

በዘካርያስ ቤት አቀረብሽ ምስጋና
የባርያውን ውርደት ተመልክቷልና
ፍጥረት ብፅይት ካለሽ ሆኖ ባንድ ቃሉ
ላንቺ ያልዘመረ እንዴት ትውልድ ይባል

ቢያከብርሽ ገብርኤል በታላቅ ትህትና
ልልናሽ በልጦበት ከርሱ ቅድስና
ከልቡ አመንጭቶ መች ሆነ ማክበሩ
እግዚአብሔር ልኮት ነው ለንቺ መዘመሩ

አንዳች አይጎልብኝ አንቺን አወድሼ
ዝማሬን ባበዛው ያለኝንጨርሼ
እንኳን ለማርያም ለአዶናይ እናት
ምስጋናን ሰቷታል ላቤጌያ ዳዊት

@aleroe

ኤልሮኢ: ( ስነ ፅሁፍ)
#ማህሌት

ፈልቀሽ የተገኘሽ ከአፈ መላእክት፣
ያሬድ የተማረሽ ከላይ ከሰማያት፣
እንከን የሌለብሽ አዲሷ ምስጋና።
ምስጢርሽ ሲገለጥ በአስደናቂ ዜማ፣
ከሰማይ መንጭተሽ በምድር ሲሰማ፣
በቃናሽ መስጠሽ ልቡናን በመክፈት፣
ማርከሽ ትወስጃለሽ ነፍስን ወደ ገነት።
የፍቅር መግለጫ የሕይወታችን አርማ፣
ጣእምሽ ልዩ ነው ሲገለጥ በዜማ።
የአድባራቱ ሁሉ ቋንቋና ድምጻቸው፣
የካህናት ቅኔ ሰምና ወርቃቸው፣
ለህዝብ ኢትዮጵያ የነፍስ ምግባቸው፣
ማኅሌት እኮነሽ ጸጋና ሃብታቸው።

____________________
@aleroe

ኤልሮኢ:

……✍አንድ ካህን ከሰው ተጣልቶ ለታሰረው የነፍስ ልጃቸው ዋስ ለመሆን ወደ ፖሊስ ጣቢያ ያመራሉ። ከበር ፈታሹ ጋቢያቸውን አስወልቆ አገላብጦ ከፈተሻቸው በዋላ ያስገባቸዋል። ጊቢ ውስጥ ከገቡ በዋላ ድንገት ዞር ዞር እያሉ ወዴት መሄድ እንዳለባቸው የሚጠቁሟቸውን ሰው ሲፈልጉ አንድ የፖሊስ አባል ፀሀይ እየሞቀ መፅሐፍ ቅዱስ ሲያነብ ያዩታል። ባዩት ነገር የተደሰቱት ቄሱም "ፈጣሪ እና መንግስት ሳይታረቁ አልቀሩም" ብለው እያሰቡ ወደ ፖሊሱ ተጠግተው ሊጠይቁት ወደዱ በዛውም ዕውቀቱንም ለመፈተሽ "ልጄ የአዳምን ልጅ አቤልን የገደለው ማን እንደሆነ ታውቃለህ?" ባሉት ጊዜ ፓሊሱ ለአፍታም ቀና ሳይል "እኔ ምን አውቃለው ሂድና ሳጅን እያሱን ጠይቅ የነፍስ ግድያ መዝገቦችን እሱ ነው የሚመለከተው" አሉ
ቄሱ ግራ ተጋብተው "ገዳዩማ ቃየል ነው" ቢሉት ከተቀመጠበት ተስፈንጥሮ ተነስቶ "ቅደም እንግዲያውስ ምስክር ትሆናለህ" ብሏቸው እርፍፍፍፍ 😂
😊😊😊😊😊😊😊😊😊😊😊
ይህን ታሪክ ያመጣሁት ወድጄ አይደለም
ሦስት ነገሮችን ታዝቤ እንጂ
👇👇👇👇👇👇👇👇👇👇
1. ብዙዎቻችን መጽሐፍ ቅዱስን ማንበብ የተራራ ያክል ይከብደናል የተለያዩ ልብወለዶችን ለማንበብ ግን የሚያህለን የለም

2. የምናነበውም ሰዎች ለይስሙላ እናንብ እንጂ ቃሉ በሕይወታችን ውስጥ አይተገበርም

3. ብዙውን ጊዜ የህግ ሰዎች ለካህናት አባቶች የሚሰጡት ቦታ የወረደ ነው (የዋልድባን መመልከት እንችላለን ) እግዚአብሔር ባከበራቸው ልክና በሃይማኖት አባትነታቸው ልናከብራቸው ይገባናል
✝ ✝ ✝ ✝ ✝ ✝ ✝ ✝

@aleroe

ኤልሮኢ:
⛰⛰⛰

እንደ ግብሬ ሳይሆን እንደ እግሬ ስጠኝ!

ተወዳጆች ሆይ አንዳንዶች ወደ ቤተ ክርስትያን ያለ ልባችን በእግራችን መመላለሳችን ወጋ እንደ ሌለው ይነግሩናል፡፡ እኛም ልባችን እየባከነ፣ሰውነታችን በኃጢአት እያደፈ ቤተ እግዚብሔር መመላለሳችን ዋጋ ቢስ ይመስለናል፡፡

ወዳጆቼ አንድ ሰው ልቡ ወደ እግዚአብሔር እንዲመለስ በመጀመርያ እግሩ ሊመላለስ ይገባል፡፡ የእግር መመላለስ ልብን በማስቀደስ እውነተኛውን መንፈሳዊ ሕይወት እንድንኖር ያደርገናል፡፡ የእግር መመላለስ ከንቱነትን የሚሰብኩ አሉ፡፡ ይህ ከእግዚአብሔር ቸርነት አንጻር ተገቢ አይደለም፡፡ እስኪ እኛ ወደ ደጁ ከነ ኃጢአታችን እንመላለስ፤እግዚአብሔር ደግሞ በሂደት በቃሉ መስታወት እራሳችንን ያሳየናል፣በወንጌሉ ብርሃን ልባችንን ያበራል፡፡

ወዳጆቼ በእግዚአብሔር ቤት ከነ ኃጢአታችን እየተመላለስን ስለ ሕይወታችን ቢያንስ እንደ ግብሬ ሳይሆን እንደ እግሬ ስጠኝ ብለን መለመን እንችላለን፡፡ ግብራችን ለልመናችን እቅፋት ቢሆንም እግራችን ግን ወደ እግዚአብሔር በመገስገሱ፣በመመላለሱ እግዚአብሔር እንደ ቸርነቱ ያደርግልናል፡፡

በነገራችን ላይ አብዛኞቻችን ከእግዚአብሔር የሚሰጠን ማናቸውም ነገሮች እንደ ሥራችን ሳይሆን እንደ ቸርነቱ ነው፡፡ በውጭ ለሰው የሚታየው ቅድስናችን፣መልካም ሥራችን ለሰው የተገለጠ ነው ግን የውስጥ ገመናችን፣ኃጢአታችን በእግዚአብሔር ቸርነት ለሰዎች የተሰወረ ነው፡፡ ስለዚህ አብዛኞቻችን እንደ ግብራችን ሳይሆን እንደ እግራችን ነው የሚሠጠን፡፡ በደላችን በሰው ፊት ተሰውሮ፣በእግዚአብሔር ፊት ተነውሮ ግን እግራችን በደጁ በመመላለሱ ነው የሚደረግልንና እየተደረገልን ያለው፡፡

እግዚአብሔርም በባሕርይው እንደ ሥራችን ሳይሆን እንደ ቸርነቱ ስንለምነው ነው የበለጠውን የሚሰጠን፡፡ ሰው በመንፈሳዊው ተጋድሎው፣በቅድስና ሥራው፣በበጎ ምግባሩ ልክ ከለመነው የትኛውም ሥራችን ከእሱ ቸርነት በላይ ስለማይሆን በግብራችን ከሚሰጠን ይልቅ በቸርነቱ የሚሰጠን ይበልጣል፡፡ ልመናችንም በግብራችን ልክ ሳይሆን በቸርነቱ ልክ ሲሆን ነው ተሰሚነት የሚኖረው፡፡

ትዝ ይላችኃል ጌታችን በምሳሌ በሚያሰተምርበት ጊዜ ሁለት ሰዎች ፈሪሳዊና ቀራጭ ወደ መቅደስ መጥተው ፈሪሳዊው እንደ ሌሎች ሰዎች ቀማኛ ዓመጸኛ አመንዝራ እንዳልሆነና በሳምንት ሁለት ጊዜ እንደሚጾም ካገኘው ሁሉ አሥራት እንደሚያወጣና የጽድቅ ሥራውን እየዘረዘረ በምስጋና ያቀርብ ነበር። በዚህም ፈሪሳዊው ፈጣሪ እንደ ግበሩ እንዲሰጠው፣ልመናውን እንዲሰማው ጸለየ፡፡ ቀራጩ ደግሞ በቅን ልቦና፣በትሁት ሰብእና ሆኖ ከርቀት ቆሞ፣ ከአንደበቱ ጸሎት ማፍለቅ ብቻ ሳይሆን ሰማይን ማየት እስኪሳቀቅ ድረስ ኃጢአቱን በማስታወስ "አምልኬ ሆይ እኔን ኃጢአተኛውን ማረኝ" በማለት ደረቱን በመድቃት ይጸልይ ነበር። ሉቃ 18÷13

ከፈሪሳዊው ይልቅ ትህትናን የተላበሰው ቀራጩ በጌታው ዘንድ ጻድቅ ሆኖ ተገኘ። ምክንያቱም ቀራጩ እንደ ግብሩ ሳይሆን እንደ እግሩ ነበር የለመነው፡፡ በኃጢአት መርከሱን ሳይሆን በእግሩ መመላለሱን ፈጣሪ እንዲቆጥርለት ለመነ፡፡ ይህንንም ጌታ እራሱ ‹‹እላችኃለሁ፣ከዚያ ይልቅ ጻድቅ ሆኖ ወደ ቤቱ ተመሰለ›› ብሎ መስክሮለታል፡፡ /ሉቃ 18÷14/

ወዳጆቼ ግብርን/ሥራችንን በልመናችን መሃል እንደ ሒሳብ እያወራረድን ከለመንን ልመናችን የፈሪሳዊው ነው። ግብሬን ሳይሆን እግሬን ቁጠርልኝ ካልን ልመናችን የቀራጬ ነውና ቸርነቱ ያደርገናል ቀና። በተለይ አሁን በያዝነው መንፈሳዊ ሕይወት እንደ ልባችን ሳይሆን እንደ እግራችን ነው እየተደረገልን ያለው፡፡ ይህ ማለት የልባችን ክፋት፣የሰውነታችን ኃጢአት ሳይሰፈር፣በእግር መመላለሳችን እየተቆጠረ፣ከቤቱ ባለመጥፋትችን እየታሰበ ነው የሚደረግልን፡፡ ስለዚህ የእግዚአብሔር የቃሉ መዶሻ፣የልባችንን ድንጋይ እስኪሰብረው በእግር መመላለሱ ዋጋ ቢስ ስለማያደርገን በእግራችንን ቢሆን መመላለሱን አንተው፡፡
እግዚአብሔር ልባችንን እስኪመልስ፣ኃጢአትን ከሰውነታችን እስኪያፈርስ፣ቢያንስ በቤቱ በእግር እንመላለስ፡፡
↔️↔️↔️↔️↔️↔️↔️↔️↔️↔️
@aleroe

ኤልሮኢ:

"ምዕመናን በቤተመቅደስ ሊኖራቸው የሚገባ ሥርዓት

፦በቤተክርስቲያን ቅፅር ግቢ ገበያ ክልክል ነው። /ማቴ 21፡12 ዮሐ 2፡13-18 ፍትሀነገስት አንቀጽ 1/

፦በቤተክርስቲያን ቅፅር ግቢ ግብዣ ማድረግ፣መብላት፣መጠጣት ክልክል ነው። /የሎዶቅያ ሲኖዶስ (ዶቅ) 44 ፍ.ነገ 1/

፦ማንኛውም መብልም ሆነ መጠጥ ከቤተ መቅደስ 40 ክንድ(20 ሜትር) መራቅ አለበት! በመቅደሱ ሕብስቱና ወይኑ ብቻ ይፈተታልና። /ፍ.ነገ 1/

፦በታቦቱ ፊት ለመስገድ ወይም ለመፀለይ ወይም ለማስቀደስ ካልሆነ በቀር ማንም ወደ ቤተመቅደስ ገብቶ እንዲቀመጥ አይፈቀድም

፦ከካህን በስተቀር(ዲያቆናት፣ካህናት፣ቀሳውስት፣ጳጳሳት..) ከምዕመናን ወገን ወደ መቅደስ(ታቦቱ ያለበት) ገብቶ ሥጋ ወደሙን ሊቀበል(ሥጋ ወደሙን የሚያቀብሉ ካህናት ራሳቸው ሁሌም ከማቀበላቸው በፊት በመቅደስ ውስጥ ይቀበላሉ) ታቦቱን ሊጠጋ አይገባም /ፍ.ነገ 1፣ ቀኖና አብሉዲስ ፣ኢያሱ 3፡4/

፦ሴቶች ወደመቅደስ (ታቦቱ ያለበት) እንዲገቡና እንዲፀልዩ አልተፈቀደም። /የሎዶቅያ ሲኖዶስ(ዶቅ) 44፣ ፍ.ነገ 1/

፦ከቤተ ክርስቲያን አንዴ ለአገልግሎት ተመርጦ የገባውንና የተቀደሰውን ንዋየ ቅድሳት እንደገና ወደውጭ አውጥቶ መጠቀም አይገባም። /ፍ.ነገ 1፣ 1ቀለሚንጦስ (ረስጣ) 28/

፦ያላመኑ፣ ያልተጠመቁ፣ ተወግዘው የተለዩ ወደ ቤተክርስቲያን እንዳይገቡ ተከልክሏል። /ፍ.ነገ 1፣ ድድስቅሊያ (ድስቅ) 12/

፦ለፀሎትና ቅዱስ ቁርባን ለመቀበል ወደ ቤተክርስቲያን በሚኬድባቸው ዕለታት፣ በጾምና በሰንበት፣ በበዓላት ወቅት ወንድና ሴት ግንኙነት ክልክል ነው። /ዘፀ 19፡15፣ 1ቆሮ 7፡5-7/ (ለባለትዳር ብቻ ነው! ያላገባማ በየትኛውም ጊዜ ከጋብቻ በፊት አይፈቀድም)

፦ነውር ያለበት ወደ ቤተክርስቲያን አይገባም። /ፍ.ነገ 13/

፦ሴት ልጅ ወር አበባዋ ሲመጣ ለ7 ቀን፣ ስትወልድ ወንድ ከወለደች እስከ 40 ቀን፣ ሴት ከወለደች እስከ 80 ቀን ወደ ቤተመቅደስ መግባት አይፈቀድም። (ዘሌ 12፡1__፣ ዘሌ 15፡19-28፣ ፍ.ነገ 6፣ ዘኒቂያ 29)

፦ወንድም ቢሆን ከአፉ ወይም ከአፍንጫው የሚወጣ ፈሳሽ ፣ነስር ሲኖርበት ወደ ቤተ መቅደስ አይገባም! ይህም ቤተመቅደሱን ስለሚያረክስ ወይም ለሌላ #ሳይሆን በቤተ መቅደስ ውስጥ የክርስቶስ ደም ብቻ መፈተት ስላለበት ነው።

፦ወንድ ልጅ ሕልመ ሌሊት ከመታው(ህልመ ዝኔት ካየ(ስጋዊ ህልም ካየ) በዕለቱ ወደ ቤተ መቅደስ አይገባም። (ዘሌ 15፡2)

፦ጠዋትና ማታ ቤተክርስቲያን ለመሳለም መትጋት ያስፈልጋል። (ምሳ 8፡34)

፦ወደ ቤተክርስቲያን ሲገባ በቅፅረ ቤተክርስቲያን በር ላይ ሲደርሱ መሳለም ይገባል (መዝ 28፡2፣ መዝ 95፡9፣ ኤር 26፡2፣ ሕዝ 46፡3)

፦ወደ ቤተክርስቲያን (ቤተመቅደስ) ሲገቡ ጫማን አውልቆ ወገብን ታጥቆ አደግድጎ መግባት ይገባል። (ዘፀ 3፡5-6 ፣ ሐዋ 7፡33፣ ኢያሱ 5፡15፣ ፍ.ነገ 12)

፦በቤተክርስቲያን ውስጥ ተስለው የሚገኙ ቅዱሳን ሥዕላትን እጅ መንሳትና መስገድ ይገባል።

፦በቤተክርስቲያን ውስጥ መሳቅ፣ ስለ ዓለማዊ ነገር መነጋገር ክልክል ነው። /ዮሐንስ አፈወርቅ 19፡32 ፤ 48፤6 አቡሊዲስ 7/

፦አጭር፣ ያደፈ፣ የሰውነት ቅርጽን የሚያሳይ ልብስ ለብሶ ወደ ቤተክርስቲያን መሔድ ፈጽሞ የተከለከለ ነው /ዘፀ 19፡10 ፣ ዮሐ.አፈ 4፡49-72/


ወስብሐት ለእግዚአብሔር!

@aleroe

ኤልሮኢ:

እንዴት ብትወደኝ ነው

እንዴት ብትወደኝ ነው የማትተወኝ (2)
ትዕግስትህን ሳስብ እጅግ ደነቀኝ(2)
እኔን ያዘልክበት ትክሻህ ሰፊ ነው
አእምሮዬም ልቤም አይችልም ሊለካው
ሞት የሚገባውን የስራዬን ብዛት
አይተህ እንዳላየ ተውከው በቸርነት(2)
ድንቅ ስጦታ ነው መልሰህ የሰጠኸኝ
ለኔ የወሰድኩት የማይገባኝ
ፍቅርህ ከሰንሰለት እጅግ ይበረታል
ዓመፀኛው ታዞ ያገለግልሀል(2)
ለበደለ በደል ላጠፋ ጥፋት
ይህን ነበር የማውቀው በዓለም ስርዓት
ያንተ ግን ይደንቃል ገዛኸኝ በምህረት
ፊቴ ትቆማለህ ሁሌ በቸርነት
ያፈቀረን አምላክ ጨክኖ ቢበድል
በፀፀት ይቀጣል በሂሊና ቁስል
ዓላማህ በኔ ላይ ፍቅር ስለሆነ
ህግህ ሊፈርድብኝ አንዴም አልጨከነ

#ሊቀ ዲያቆን ወንደሰን በቀለ

@aleroe