2025-жылдын 28-мартында жана 29-мартында түнкүсүн Кыргызстандын аймагында туруксуз аба-ырайы сакталып турат: мезгил-мезгили менен жаан жаашы, Чүй, Талас облустарынын дыйканчылык аймактарында жана Ош, Жалал-Абад, Баткен облустарынын тоо этектериндеги райондорунда жаан карга айланышы, тоолуу райондордо кар жаашы күтүлөт. Айрым жерлерде туман түшүшү күтүлөт. Тоолуу райондордо жолдор тоңголок жана тайгак болот.  Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетиши күтүлөт.
Мындай туруксуз аба-ырайы автоунаа, энергетика жана коммуналдык кызматтардын ишин жана жайыттарда малды кармоону кыйындатат.
28-30-марттарда түнкүсүн жана эртең менен Чүй, Талас облустарынын дыйканчылык аймактарында -1…-3°ка, Ош, Жалал-Абад, Баткен облустарынын тоо этектериндеги райондорунда 0…-2°ка чейин үшүк жүрүшү күтүлөт.
Мындай үшүк жемиш бактарынын гүлдөрүнө, бүчүрлөрүнө, байлаган мөмөлөрүнө, гүлдөгөн жер жемиштерге коркунучтуу.

Социалдык тармакта аялдын кийимин кийип, боенуп алган үч эркек киши чет элдикти сабап жаткан видео тарады. Ленин РИИБи окуянын чоо-жайын айтты.
Чет элдик жарандын ур-токмокко кабылганы тууралуу маалымат милицияга 6-апрель күнү таңга маал түшкөн. Райондук бөлүмгө 23, 24, 25 жаштагы үч эркек, ошондой эле 33 жаштагы чет элдик жабырлануучу алып келинген.
Окуяга текшерүүнүн жыйынтыгы менен укуктук баа берилери кошумчаланды.

Эмделбеген бала мектепке алынбайт деген маселе ЖКда көтөрүлдү

Жогорку Кеңештин жыйынында депутат Бактыбек Чойбеков эмдөө албаган балдарды мектепке албоо боюнча Билим берүү министрлигинин сунушун сындады