Семейде 20-шы ғасырдың басындағы ағаштан жасалған діни сәулет ескерткіші — тарихи мешітті жөндеуге қаражат жинау жарияланды, деп хабарлайды @alashtimeskz порталы.

Бір мұнаралы ағаш мешіттің имамы Дәулет Мақажан семейліктерді тозығы жеткен, өткен ғасырдың басындағы мұсылман сәулет өнері тізіміне енген мешітті жөндеу жұмыстарына қаржы жинауға қолдау көрсетуді сұрады.

Ашық тарихи деректер бойынша мешіт 1910 жылы қалалық көпес Мұзафаровтың қаржысына тозығы жеткен ескі мешіттің орнына салынғаны белгілі. Ал мешіт басшылығының айтуынша, құжаттарға сәйкес бұл ғимарат 1842 жылы салынған екен. 1910 жылы мешіттің тек мұнарасы мен едені ғана жөндеуден өткен дейді. Жаңа мәліметтерді Астана қаласынан келген арнайы комиссия мүшелері растаған екен.

Имам мешітті жөндеу жұмыстарына қаржы жинауға қолдау көрсетуді сұрап отырып, «Сәбә» сүресінің 39-шы аятын еске салды: «Қандай қайыр-садақа берсеңдер де, пайдасы өздеріңе тиеді. Тек Алланың разылығын тілеп қана беріңдер. Өз игіліктеріңнен не жұмсасаңдар да, сендерге толық қайтарылады, ешқандай әділетсіздікке ұшырамайсыңдар».

Реквизиттер:
KASPI: +7 (747) 541-62-62
4400-4302-1766-0593
KZ98722C000027023175 — Рауза Б.

t.me/alashtimeskz

Семейде көпқабатты тұрғын үйде жолаушылар мінген лифт биіктіктен шахтаға құлап кетті, деп хабарлайды @alashtimeskz порталы.

Бүгін, 8 мамырда сағат 12:00 шамасында халық арасында «ауған» үйі атымен танымал Әуезов 3 мекенжайындағы көпқабатты тұрғын үйде жан түршігерлік оқиға болды.

Әуезов ПБ-нің кезекші пунктіне «103» диспетчерінен осы ғимараттың екінші кіре берісінде жолаушылармен бірге лифт шахтаға құлап кеткені туралы хабарлама түсті. Оқиға орнында түскен ақпаратқа сәйкес, сағат 11:40 шамасында лифтке 6 адам кірген. Алайда рұқсат етілген салмақтан асып кеткендіктен, кабельдер шыдай алмай, жүк көтергіштігі 320 келіге есептелген лифт жолаушылармен бірге оқпанға құлаған.

Әкімдік пен полиция департаменті чаттарда өлгендердің бар екені туралы тараған ақпаратты жоққа шығаруға асықты. Қазіргі уақытта зардап шеккендердің барлығы қалалық жедел жәрдем ауруханасына жеткізіліп, оларға медициналық көмек көрсетілуде.

Зардап шеккендер түрлі жарақаттар алды, оның ішінде жіліншік және тізе буындарының сынуы, сондай-ақ бел омыртқасы мен жамбас буынының жабық және ашық жарақаттары бар.

Абай облыстық полиция департаменті №306 қылмыстық баптың екінші бөлігі бойынша сотқа дейінгі тергеу басталғанын қосты.

t.me/alashtimeskz

Абай облысындағы ұлы отан соғысының ардагерлеріне 9 мамырға қарсы 2 млн. теңгеден беріледі, деп хабарлайды @alashtimeskz порталы.

9 мамыр — жеңіс күнін мерекелеуге орай азаматтардың келесі санаттарына біржолғы әлеуметтік көмек көрсетіледі:

— ҰОС ардагерлері: 5 адам — 2 млн. теңгеден

— Қоршауда қалған Ленинград тұрғындары: 1 адам — 150 000 теңге

— Екінші дүниежүзілік соғыс кезінде фашистер мен олардың одақтастары құрған концлагерьлердің, геттолардың және басқа да мәжбүрлеп ұстау орындарының бұрынғы кәмелетке толмаған тұтқындары: 3 адам — 150 000 теңгеден

— Қайтыс болған ҰОС мүгедектерінің жұбайлары немесе жәрдемақы бойынша ҰОС мүгедектеріне теңестірілген адамдар, сондай-ақ қайтыс болған соғысқа қатысушының, партизанның, астыртын жауынгердің, «Ленинградты қорғағаны үшін» медалімен немесе «Қоршауда қалған Ленинград тұрғыны» төсбелгісімен марапатталған азаматтың жұбайлары, жалпы ауру, еңбек жарақаты және басқа да себептермен (заңсыздан басқа) мүгедек деп танылған, екінші рет некеге тұрмағандар: 87 адам — 150 000 теңгеден

— Екінші дүниежүзілік соғыс жылдарында тылдағы жанқиярлық еңбегі мен мінсіз әскери қызметі үшін бұрынғы КСРО ордендерімен және медальдарымен марапатталған: 35 адам — 150 000 теңгеден

— Екінші дүниежүзілік соғыс жылдарында тылдағы жанқиярлық еңбегі және мінсіз әскери қызметі үшін 1941 жылғы 22 маусымнан 1945 жылғы 9 мамырға дейін кемінде алты ай жұмыс істеген (қызмет еткен) және бұрынғы КСРО ордендерімен және медальдарымен марапатталмаған адамдар: 2033 адам — 70 000 теңгеден алады

Әкімдіктің хабарлауынша, облыс бойынша барлығы 2164 адам біржолғы әлеуметтік көмек алады.

t.me/alashtimeskz