ودي بوصلك لو انه ربع ساعة
طالبك لو كان مافي الوصل طلبة

راضي في كل شي الا القطاعة
لا تقاطع واحدٍ قطعت قلبه .

ألف لابأس عليك من حزن الجواب
وألف لابأس عن خل تردد بالمقال

كم سألت اليل وامزون السحاب
عن وليف فاقده و لا غيره يطال

‏كل ماقالو تحبه قلت ‎غالي
و ‎الغلا ما حازه الا من محبه
.
رب حبه في ‎المعاليق وصفا لي
كل ما ابعد رده الشوق ‎لمربه

‏كانك تذكرني على البعد لحظات
فانا على كثر الوله مانسيتك

تهزني الذكرى على كل مافات
لاغبت عن عيني بقلبي لقيتك
حزني وشوقي والليالي لك اثبات
اني على درب الغلا ماجفيتك

‏يغيب حس الناس وتغيب ‎الأزوال
وتبقى الوحيد اللي على البال ‎تطري

‌‎تطري لعيني شوفته كل ما غـاب
‎واحساس قلبي يحترق بالثواني

‎الله حسيب الوقت لا فرق احباب
‎من عبرتي قامت حروفـي تعاني

‏ليت الزمن يمشي على الكيف والقاك وليت اللقاء ما ينتهي يوم اشوفك

‏بعض الغلا ينزل كما ينزل الغيم
يسقي جفاف قلوبنا عن ضماها

بعض الغلا هتان مزنٍ يجي ديم
مزنٍ يِطَوِلْ ما أنقطع رش ماها

الصدور الـعـوج ..لاتلحق وراها
مالها بالطيب منهاجٍ وجرّه

والصدور البيض خلّك في ذراها
ماتعرف الكره . ولاتعرف مضرّه

‏إصدق مع نفسك وخل البشر عنك
وخلك طبيعي ولا تغير بذاتك

ولاتستحي من شخص مايستحي منك
بعض الحيا غلطة عمر في حياتك

‏بعض الغلا ينزل كما ينزل الغيم
يسقي جفاف قلوبنا عن ضماها

بعض الغلا هتان مزنٍ يجي ديم
مزنٍ يِطَوِلْ ما أنقطع رش ماها

‏
وقـت الرخـا كـلٍ يـودّك ويـغـلـيك
ولاّ الـشدايد وضـعـها وضـع غالي

أحـدٍ تـعـرفـه بـالسـوالـف يـسليك
وأحـدٍ يـسـد ...الكـايـدات العوالي

‏شب الحطب واشعل من النار جمره
ورك الدلال اللي شذى عطرها الهيل

الليل يسمر في شـتـا الوقـت عـمـره
وحـلـو الـسـوالـف للـنشامـا تـعـاليل

‏استبحتي شاعرٍ سـاق شعره
لـ عيـونك الثنتين لبى غروره

يشمخ قصيده مابغى فيه شهره
مثل الوحش لاجاك حزّت عبوره

تدري متى يلعب بك الفين وسواس
وتحس نفسك فاهم الناس توّك
.
اليا ظلمك انسان كان اقرب الناس
وانصفك شخص تحسب انه عدوّك

‏صباح الخير ولا يا صباح عيونك
ولاّ صباح الشوق لامريت في بالي

‏يامن تميزتي في زينك وفي ذاتك
وجهك يرد الحياه وبسمتك تغري❤️

‏انا نادم على وقتن مضى ماكنت اعرفك فيه
اثر ما راح من عمري بدونك كان ما يسو

‏الجو بارد مثل حالة علاقتنا
عجزت أفهم خفوقك كيف تفكيره

ياخوفي تكون هاذي هي نهايتنا
لا حب لا شوق لا أحساس لا غيره

‏مدت لي الفرقا فناجيل ذكـراك
وشربتهــا و الدمــع ينســاب منــي
.
وادري صعب ترجع ولــو أتمنــاك
وعمــر المواصل مايجــي بـ التمني