‏يارب هذا أنا ماغيرتني اللّيالي وتقلبها ولا الزمان ولا جوره ولا ردى الناس وتبدّلها، أنا عبدك اللي مايعرف إلا إنه يرجوك إن مهما قسى كل شيء على قلبه يبقى حنونٍ رؤوف مسامح ولا تدُب فيه شائبة ولا القسوة

يارب والناس ماتدري بما فالصدور
‏عطني بقدرتك وجه أبيض وزدني نقى

‏" رشّي على الصدر يا بيض السحاب القنوف
مبطي و أنا ما حصل لي قطرةٍ في يدي "

‏كل هذا الغيث قطره من سحابه
‏و كل هذا الحب نبذّه من غلاي

‏من دريت إن بـ المطر دعوه مُجابه
‏و أسمك أكثر اسمٍ أذكره في دُعاي

‏بيني وبين اتصالي هالسؤال
‏ يا معنيني معاك أعنيك شي ؟

‏ما تناسيتك و قدرك لا يزال
‏له بلهفه خاطري شي وشوي

‏كل يوم اشتاق شوقً لو يقال
‏اضحكوا عذالي بشرهه عليّ

‏قصتي وياك قصه من خيال
‏حلم ماكنت ادري ان الحلم غيّ

‏كنت ما أفكر و لا احسب للوصال
‏جيت كلي لين ما ارخصت المجيّ

‏لكن الليله بعد ما الصبر طال
‏لو تبي مني مواصل جيت ليّ .

‏يا واحدً في حسبة القلب عن ألف
‏يا أغلى السراير بين نفسي وبيني

‏بحلف لو أنه ما على خافقي حلف
‏ما غيرك اللي شاور الحب فيني

‏الظاهر أنك ما أنت مقسوم لي ولف
‏عيت مقاديري تساير حنيني

‏روحي على خنجر و قلبي على شلف
‏و عقلي يحاسبني على ود عيني

‏واللي مرهّف لك شعوري وهو صلف
‏ماكانت أسباب الهوى في يديني .

روحي خجولة طبايع تكره أفاخر
‏أعيب فيها خجلها خوف من طمسي

‏لو إني أحيانًا أعشق طبعي الزاخر
‏بأشياء في هالزمن راحت مراح أمسي

‏وقور عقلي كثر ما مبسمي ساخر
‏وثرثار بالي كثر ما ينفقد همسي

‏وعيني ملاها بياض القلب ع الآخر
‏"أفرح لغيري مثل ما أفرح لنفسي"

تطير أسراب و توقع على غصن الوعود أسراب
وش اللي حبب أسراب الطيور بغصنها اليابس

طرق بيبان شعري هاجس غالي فتحت الباب
و أنا ملفا مسايير القصيد و مزبن الهاجس

- مساعد الرشيدي رحمه الله.

يا سرع الأيام .. عند الداله السالي
‏و يا بعد بكره على اللي ينتظر بكره !

رميت وجهي على كتفك شوي، و غفيت
و الغفوة اللي ثواني فوق كتفك كانت عُمر

لو إنك من أول الدنيا معي ، ما شكيت
- ما فاتنا نستحقّه بس ما الله أمر -

لو مرّ عمري معك برد و سلام اكتفيت
هذا و أنا جنبك ربيع العمر عيّا يمر ✨